佐手牛清湯腩 (已結業)

當清湯牛腩，取代了柱侯牛腩成為了香港粉麵界的牛腩代表，就意味着對於牛腩這主要食材的質素要求更高，畢竟湯頭也是味道較淡和自然的牛骨湯，牛腩本身的味道就會更容易表達出來，特別是異味。這家開張不久的清湯腩店，主打的都是崩沙腩，爽腩及坑腩等牛腩的特別部位，如果每一家也是這樣的話，而活牛的供應沒有特別增多的時候，會不會有炒價呢？點了坑腩配豬潤河粉，表現中規中矩，豬潤夠厚不會縮水，但內裏依然有筋，坑腩煮得剛剛好，但略嫌肉質偏瘦，反而蘿蔔的無渣以及入味，比起主角更為出色，這也挺有趣的。When clear soup beef brisket replaced chu hou-style braised brisket as Hong Kong’s noodle shop staple, it raised quality standards for the meat since the lighter bone broth accentuates its natural flavor – including any imperfections. This new specialty shop foc

中午出嚟做完嘢又未到同屋企人飲下午茶時間，但又未食早餐咁就諗住近近地食碗粉頂住檔先。喺店門面淨係得早餐同下午茶冇午餐牌價錢，但係實在太肚餓，所以就走咗入去。坐低嘅時候望望餐牌再問一問侍應，原來冇牛腸。咁就嗌咗個清湯腩雲南米線試吓。望落去啲牛腩都正正常常，咁先飲啖湯先。個湯底清到好清，連鹽都feel唔到佢有辣，清嘅程度同水相差無幾，叫咗呢個牛腩喺普通牛腩，所以冇咩特別期望純粹醫肚。個牛腩真係清湯腩好似白烚咁。如果鍾意清淡嘅人又怕食肥膩嘢，反而呢一個係好嘅選擇。跟住就試埋個蘿蔔，個蘿蔔都一樣冇味，但係最正嘅係咬落去無渣。雲南米線原來係幼身嘅，咁都好冇咁容易打爆自己滑嘟嘟都幾好食。菜譜唔建議是有啲鹹，辣椒油就正常表現另外跟碗麵。更換面有杯熱嘢飲，不過就加咗$3轉凍飲，個檸檬茶個茶底貫徹始終都係淡口。檸檬就篤到爛都唔酸，不過就有啲苦。總體嚟講如果想食得清淡啲都可以選擇吓呢一間。事次用餐事自費。

佐手牛清湯腩：真材實料，好客熱誠。第一次光顧很欣賞其秘制牛孖筋配搭鮮甜上湯蛋麵。第二次與家人同行，試埋三寶丸、鮮爽脆魚皮、貴人冰粉、鮮奶燉雪燕桃膠……抵食好味。

有時寫食評，除咗想同人分享餐廳好唔好食，亦都想作為自己一個記錄，下次再去食嘅時候參考返。細細間店舖有幾張枱，入去嘅時候主要另外幾張枱都係內地客，原本感覺有少少伏。但中年男店員，非常熱情，唔知係咪老細，主力推介佢嘅魚蛋，話係新鮮手打，不過我就對魚蛋冇興趣，睇中佢嘅薑蔥牛肉，佢都話係新鮮牛肉。早餐$38 ，加餸+$8 ，就試咗佢嘅薑蔥牛肉+牛筋湯麵，熱奶茶。共$46喜歡佢另外在𢳂一大匙羹嘅蔥，因為我自己好鍾意食薑蔥。朋友就食咗墨魚丸湯麵，熱奶茶，共$38，佢嗰碗就冇我嗰碗咁吸引，可能因為冇雙拼，而且白雪雪。墨魚丸嘅味道唔錯，我都試咗一粒。值得讚嘅係佢兩碗麵都會俾咗唔少生菜，面底都夠大碗。牛肉真係新鮮貨，唔似係用梳打粉醃嗰個種，牛筋都好食。湯底就比較清淡，但係朋友話冇咁多味精仲好，呢句我認同嘅。佢杯奶茶都唔錯。

明明想試下個牛腩，但唔小心睇多陣餐牌，就改左叫 豬雜麵做早餐難得有豬心～～～豬潤雖然薄，但每樣煮得啱啱好～～有豬心，豬潤，粉腸，豬肉 同條生菜～～個全蛋麵無乜鹼水味，所以唔算特別爽彈，但都還好嘅～

在尖沙咀上堂經過見到清湯腩，入去食個下午茶餐~牛腩河&凍檸茶，+ $6跟鹽水雞中翼(2隻). 牛腩幾腍幾香,河粉亦細滑,白蘿蔔都煮得軟硬剛好,湯底味都夠,只略嫌不夠清. 鹽水雞翼不太理想~不夠入味,而且有D雪味. 價錢屬於中上(比中環名店平,跟其他扮名店差不多). 整體都算值得點贊👍🏻. 但覺得如果份量少－點點而價錢再平D會更好. 其實高性價比: 不－定係大份夾抵食，可以係精緻好味又抵食.) 搵次會試下口爽腩及魚蛋.

27/9/2023 4:00pm這次是我第一次寫食評，因為這間食肆員工實在令人太憤怒！其實之前堂食過兩次，食物正常，普通牛腩雲吞麵，因為在公司樓下，就腳求其食！今日下午4:00pm,再次幫襯，場內不是很多客～今次見到有自助落單程式，員工姐姐話自己落單！OK~無問題！但我在自助落單程式搵唔到雙拼，叫員工姐姐幫我落，竟然拒絕我，她說沒有人手，自己落～最後睇左5分鐘，仍然睇唔到，再次問，是否不能幫我落訂，員工姐姐再次答我無人得閒落！真係谷鬼氣，唔L食！！

九成牛筋都鹹到痴線…. 唔想浪費照食，但真係食唔落。好誇張的鹹…..湯底甜，但有啲甜過頭有啲奇怪唔自然。🫠🫠🫠🫠🫠魚麵好食，口感似手打魚蛋（要加$12）😋😋😋鍾意碗麵有幾舊蘿蔔同唔少生菜！店員服務都好好！😊😊😊🤎崩沙腩正常，但要$88就真係差了少少…整體黎講除了主角牛筋實在太差，其他都ok! 但個牛筋實在太離譜了……..所以真係要給個負評…..🥴🥴🥴🥴🥴🥴🥴😖😖

【油尖旺區】【佐手牛清湯腩】尖東餐廳林立，出名競爭大，疫情過後金馬倫道開咗呢間食牛腩粉麵嘅餐廳，我做得 1am紅館 系列，當然唔會錯過佢。入到去發現佢都幾走內地風格，而且係用 QR Code 落單，對某啲顧客嚟講係方便咗，例如我呢啲沉默寡言嘅。叫咗個 $88 嘅「雙拼粉麵套餐」嚟食，要半肥嘅清湯崩沙腩再加 $10 配埋潮汕鮮牛肉丸跟手轆魚麵，我覺得冇想像中咁好食，價錢上都真係尖東價。另外用 $12 叫咗碟「爽脆涼拌鮮魚皮」食，食落正正常常咁囉，唔算好特別。飲咗杯要加 $8 嘅「蜂蜜紅棗生薑蘇打」，呢個味嘅汽水又幾特別，感覺有啲「長者特飲」feel。另外再叫咗 $38 嘅五粒「炸魚蛋」，加埋就 $168 埋單，少貴。食第二次因為佢係 1am紅館，要同需要嘅朋友好好交代。叫 $50 嘅「粉麵套餐」只係要咗走地三黃雞呢個餸，配伊麵，加 $8 飲「柑桔話梅冰茶」，咁嘅組合都麻麻哋。叫咗 $12 三隻嘅「鹽水雞中翼」同 $25 嘅「貴人冰粉」，呢餐夾埋就 $103，又唔算好貴，不過味道上就真係唔突出。。。（地址：尖沙咀金馬倫道34-36A號福僑大廈地下D號舖）#1amfoodie #foodie

尖沙咀的左手牛是一家以牛肉為主打的餐廳，其中最出名的菜式是他們的牛坑腩。這道菜以精選的牛肉坑腩為主料，配以特製的醬汁和香蔥，散發出誘人的香氣，讓人垂涎欲滴。在品嚐之前，服務員還會為客人現場燒烤，讓食物更加美味可口。除了牛坑腩，左手牛還有其他多種牛肉菜式供應，例如牛肉撈麵、牛肉湯、牛肉炒飯等等，口感豐富多樣。此外，他們的餐點份量十足，適合與家人或朋友分享。除了美食，左手牛的環境和服務也值得一提。餐廳的裝潢簡潔現代，氣氛舒適寫意，讓人感覺宜人寫意。服務員態度友善親切，耐心解答客人的問題，讓人感到賓至如歸。總體而言，左手牛是一家值得一試的餐廳。他們的牛坑腩和其他牛肉菜式都非常美味，而且份量十足，環境舒適，服務優質，是一個享受美食和愉快用餐體驗的好地方。

炎炎夏日在尖沙咀行街，突然被一陣香味吸引住，發現呢間佐手牛清湯腩，立即入去試下先。叫左個牛三寶米線加墨丸，配熱咖啡。賣相滿分，十分足料，牛腩淋身透嫩，充滿油脂，搭配的牛肚爽口彈牙，而且個湯頭濃郁清甜好好味，去食時一定要飲下個湯底，唔係味精野。另外，呢間餐廳竟然係澳門蓮花即磨咖啡，估唔到又香又滑。

🎬朋友有免費戲飛🎟️約我放工去尖沙咀睇戲🍿️睇戲之前我哋梗係要食返個快飯先啦🥢平時路過都見呢間餐廳🍴我哋二話不說就揀呢間開餐嚕🥳❤️裝修唔錯✅可以枱之間空間十足✅上菜又快💯店員服務態度非常之🈶️禮貌又快手👍🐂清湯崩沙腩 $120🌈 崩沙腩比一般牛腩更加軟嫰👍牛味重好重添🥳呢間切🉐️一口size✅ 夾埋下面嘅蘿蔔一齊食就更加入味喇🥳🐓走地三黃雞半隻 $88🌈食入口嘅走地三黃雞好🈶️咬口💯而且雞味濃👍每件鷄都特別嫩滑💯正呀餵🥳🍜上湯手轆魚麵$38 🌈呢度嘅魚麵係用魚做㗎❤而魚麵就好粗身添😋所以佢嘅口感係好、好、好彈牙架💯我都好鍾意呀🥳🥟鮮蝦雲吞 $38🌈人手包嘅雲吞🥟口感特別結實✅而且佢哋呢個鮮蝦雲吞裏便仲包住隻超級爽又大隻嘅蝦添🦐好味👍🥦本地生菜🥬菜心 $18/碟🌈新鮮本地蔬菜果然係好爽脆💯以我哋平時出街食開油菜🥬呢度嘅油菜每一碟都算係好大碟✅所以係咪好抵食👍🐠香炸魚皮 $18🌈魚皮外表又超新鮮✅食入口仲勁脆口添🔥必食🥳🥳🥤蜂蜜檸檬柚子梳打 $34☕️葡萄柚綠茶 $24

尖沙咀最近新開咗間粉麵店主打牛腩，更每日採用新鮮騸牯牛而肥妹亦是牛魔王當然要拉埋朋友仔黎食店內環境乾淨企理，燈光光猛設計簡約；座位都多平日夜晚八點多去食，見到仲有不少食客✾ 佐手牛三寶米線 $87賣相誘人，牛腩、牛肚同牛筋鋪在米線上牛腩軟腍入味，唔乾又唔會痴牙牛肚爽彈有嚼勁，索曬湯汁牛筋Q彈Q彈帶少少黏口感而米線係雲南直送，比平時食開較幼身口感爽滑柔軟，推薦大家試試🙌🏻✾ 清湯崩沙腩 $120兩層筋膜同脂肪上下包住牛腩肉質鮮嫩；筋膜位爽彈有咬口入口牛味濃厚帶點油脂香而底層鮮甜蘿蔔更吸曬湯底同牛精華✾ 鮮蝦雲吞 $38雲吞正常大小，皮薄滑溜內餡蝦肉彈牙，肉汁豐富✾ 手拍青瓜（跟餐）$12青瓜爽脆新鮮，酸辣開胃✾ 柑桔話梅冰茶（跟餐）$8原粒話梅，入口酸酸地解膩解渴✾ 蜂蜜柚子梳打（跟餐）$8酸甜清爽帶淡淡柚子清香

清湯崩沙腩河粉第一次食崩沙腩，依個部位肥瘦相間，肉質鮮嫩多汁，而且牛味比較重。河粉係幼身果種，好滑！湯頭鮮甜好喝！除左崩沙腩，還有牛爽腩，牛坑腩可以試試！走地黃雞飯套餐走地黃雞厚厚的肉，肉質嫩滑帶有咸香味，配上紫菜湯，唔錯！佐手牛三寶(牛筋/牛肚/牛腩)份量好多，最愛牛筋大大塊而且口感好Q彈，牛肚同牛腩都好入味！脆爽涼伴鮮魚皮鮮魚皮唔係度度都有，依一間手腩店居然有大家一定要試一試！鮮魚皮同炸魚皮係兩種好唔同嘅做法，鮮魚皮口感爽爽脆脆的，配上青瓜和薑絲，感覺好清爽。炸墨魚丸外皮炸到金黃穌脆，裏面好Q彈有墨魚嘅鮮味！油菜油菜份量好多，選了菜心加上壕油好味。

尖沙咀美食雲集，今日想食清湯腩，行金馬倫道就發現到呢間餐廳新開業，環境乾淨企理🤩🌟清湯崩沙腩 $88選用騙牯牛製成，崩沙腩口感鮮嫩多汁，薄膜爽口不會硬，是最好味的部位☺️湯底不會太咸，還有大量蘿蔔，清甜好味🤤加$10雙併牛丸，是潮汕最出名的牛丸，真材實料，味道超濃🌟佐手牛三寶 $85牛三寶有牛筋、牛肚和牛腩，牛筋軟中帶彈，保留些許咬勁，但咬起來不費勁😝牛肚口感緊實，香脆又有嚼勁，仲吸晒湯汁🤤，牛腩半肥瘦，牛味香濃😝🌟涼拌雲耳/油菜 $12套餐可以以優惠價加配幾款小食，例如油菜、涼拌雲耳。🌟炸魚蛋 38好耐無食過炸魚蛋，煙韌彈牙嘅口感真係好好食☺️🌟鮮蝦雲吞 $38份量多又大粒，好抵食，仲配生菜🥬