但馬屋 (V City)

营业中

休息中

同小學同學聚會 大家都喺屯門長大所以就梗係要返嚟呢度懷緬下 揀咗食日式涮涮鍋 疫情關係想食打邊爐既話 梗係要揀一人一鍋夠曬安全但馬屋 觀塘都有 之前食過質素好好 非常多人排隊 如果要食建議早啲book位 入面座位幾多有啲迫刧 坐得唔太舒服 而且只有90分鐘揀咗價值309蚊一位嘅黑毛和牛及北海道豚肉套餐牛肉外貌非常紅潤 肥瘦均勻 脂肪入口即溶 肉質嫩滑一啲都唔韌 北海道豚肉係另外一個賣點 冇普通豬肉咁肥膩 而且煮熟咗仲有爽脆嘅口感 食完一啲都冇罪惡感除咗我哋可以食黑毛和牛同北海道豚肉仲可以叫低一級嘅牛肉 例如澳洲產長期穀飼牛同嚴選牛肉除此之外仲有自助地區 可以拎蔬菜同芝士丸 貢丸等等 當然仲有雪糕飲品都係任食啦

今日黎左《但馬屋》打邊爐，之前都試過晚市食，但要等個幾鐘以上... 所以擇左lunch hour黎食，仲有少人d，吾洗等位一試再試梗有佢既原因，一人一鍋吾洗爭之餘，價錢有平有貴，任君選擇，食材都好新鮮，同埋環境乾淨，仲有好多蔬菜丸飲品類自助挑選我就擇左平平地既牛肉、豚肉午市套餐 （$79加一），湯底就擇左美肌鍋同蕃茄芝士鍋。蕃茄味好重，但食吾到有芝士既味😂牛肉、豚肉都好薄，但即場切，感覺都好新鮮！至於美肌鍋味道很淡，雞肉鮮嫩，不過女士聽到都會想試。飲品方面，有好多選擇... 比較推介呢兩款韓國樂天飲品，好好飲得60分鐘，係食得比較急少少、時間多d就更good了

屯門人流極旺的火鍋店，由開業到現在都要瘋狂等位終於等到，當然要吃最貴的和牛餐叫上適合女生的美肌窩，配合油花滿滿的牛肉，一碟接一碟，肉質鮮嫩，入口即化餐廳的配菜更是多樣，少見的羽衣甘藍都讓客人任食，正😍

天氣好好去左屯門行山，行完山就落左Vcity搵食，見到呢間但馬屋超多人排隊就決定食呢間做我地嘅晚餐慰勞下自己。好彩我地到達時間都尚早所以都唔算等太耐～呢度有幾款價錢嘅放題，由$179至$349不等。今次就食好啲啲，揀左$309個任食放題，包左日本產黑毛和牛同埋北海道夢之大地豚。除左任食牛同豬之外，出面仲有多款蔬菜丸類等等更有特制飲料或罐裝飲品任君選擇。最方便就係可以一人一鍋，揀自己想要嘅湯底，有好多種湯底都好難選擇，但最後我被美肌兩個字所吸引，就揀左有豐富骨膠厚用雞湯做底嘅美肌鍋。而朋友就揀左好配牛肉、用甜豉油做底嘅甘露鍋。美肌鍋涮過嘅豚肉更帶雞湯嘅鮮味，牛肉就涮甘露鍋加添左甜豉油嘅味道更出色。相較之下豚肉厚實啲嘅口感我較為喜歡～任食時長90分鐘都好夠時間，仲可以食到晒自己想食嘅火鍋配料～食肉獸仲唔怕唔夠肉食，可以無限refill真係幾抵食同埋性價比高啊！而我最期待莫過於最後嘅甜品時間，有任食嘅Häagen-Dazs雪糕啊～有四款味道點都有一款岩你，而我就最鐘意食晒四款味，咁先滿足啊～

人生總是有些時候很想吃放題，在屯門的選擇不多，但馬屋就是其中一個，有九十分鐘的任食時間。有五款鍋底，根據肉類的品項價格會有所不同，我們點了三個鍋底作淺嘗。和牛的紋理以任食而言，質量十分的好，豚肉也很漂亮，油花分布和入口都令人滿意。任食的火鍋料也相當豐富，尤其是素菜的種類，菇、花菜等都算特別。丸類也有很多選擇，不過我們都是以食牛為己任。飲品就以罐裝為多，有汽水和果汁。最驚喜是甜品有哈根達斯的雪糕，把幾個口味都吃透的話，完全有回本的感覺。以放題而言質素優良，位置舒適而精緻，值得去過口癮。

正正子火鍋放題！😍天氣凍緊係打個靚邊爐🍲一於嘆下日本產黑毛和牛先🥩仲有高汁北海道夢之大地豚添🐷高質肉肉加Haagen dazs雪糕！正！🍦 日本產黑毛和牛+北海道夢之大地豚放題($309)嘩！黑毛和牛肥美粉嫩😍肥瘦分明。呈雪花紋理🥩 切成薄片入口即溶👏🏻油脂分布平均！Perfecto！❤️ 北海道夢之大地豚都唔輸蝕架🐽一上枱紅潤度十足！💓 最好係切成薄片💪🏻易熟而口感又唔會過於un☺️食得出係一分錢一分貨架！🈵 今次叫左美肌鍋同意式蕃茄芝士鍋🧀美肌鍋濃厚杰稠🤗夠哂骨膠原呀😂 意式蕃茄芝士鍋就足料濃味🍅肉類索哂湯底精華🤤Crossover意大利菜呀😛 最尾緊係唔少得甜品啦😍重點有任食Haagen dazs雪糕🍦仲有多種口味任君選擇🤗又有最愛的strawberry cheesecake🍓畫上完美的句號！🉐

好耐冇食過火鍋，人少少同朋友兩個人去食個一人鍋先！晚餐放題都幾抵嫁，我地今日就揀一左個第二高級嘅套餐！$309有5款任食靚肉，有和牛🐮又有北海道豚肉🐷一人一鍋最好既地方就係大家可以食唔同既湯底，我今日就揀左千夜鍋！係用鰹魚長時間烹煮而成既湯底，成個都好清甜，完全唔會蓋過肉既鮮甜😋朋友係食辣愛好者，佢就揀左個藥膳麻辣鍋，因為落左六種藥材，呢個鍋既辣係非常香，不過就相對蓋過左肉自身既味，重口味既朋友可以一試！上面果幾款肉淨係睇花紋都見到肥脂分布平均，但係出奇地，最驚艷我哋嘅就係嗰款豬肉！我哋平時都係鍾意食牛多啲，但係呢款豬肉肉味香濃，而且肉質亦比較特別，食得出係靚豬🐷除咗肉之外，出邊都有好多配料可以自助選擇！當然唔少得甜品啦！呢度就有Häagen-Dazs嘅四款唔同味雪糕啦～淨係食雪糕都抵番啦🍨本身對一人一鍋打邊爐我冇太大期望，但係食完覺得呢個質素好高，性價比唔錯，下次都會再嚟！

天氣突然驟降，最好烚下烚下，暖下身日式火鍋放題-但馬屋已經進駐city, 限時90 分鐘火鍋湯底有多款選擇，一人一鍋，可以選取合適自己湯底千夜鍋以鰹魚精華熬製出來，可以提升味道鮮味食物種類好多，一盒盒排列在雪櫃，予人整潔感覺，丸類有多款，南瓜，粟米，魚塊，賣相新鮮綠悠悠蔬菜有羽衣甘藍，冰菜，娃娃菜，十分新鮮黑毛和牛顏色鮮艷，切成薄片，中間呈現雪花，只需輕輕一灼，便可以進食，和牛入口幼嫩，唔靭北海道豚肉，呢個好有驚喜，豚肉味香濃，好吸引，肉質唔駭，完全冇燥味道冰菜入口脆爽多汁，羽衣甘藍新鮮，味道鮮甜又健康菇類同樣新鮮，牛丸彈牙雪糕有四款選擇，士多啤梨，焦糖燉蛋、比利時朱古力及雲呢拿食埋雪糕，滿足哂

用app拎定飛，去到好快有位。我地揀左90分鐘任食嚴選牛肉放題套餐，每位$139加一。藥膳麻辣鍋&千夜鍋但馬屋係一人一鍋，可以揀自己鐘意既湯底。藥膳麻辣鍋望落有好多藥材，湯底越食越辣，食到後尾都唔需要點豉油都好夠辣。千夜鍋望落似清湯，食落有d魚湯味，唔錯。嚴選牛肉&丹麥皇冠豚肉隨湯底送上2碟牛，1碟豚肉。 牛肉切得好薄，淥一淥就好快熟，口感唔錯，不過略嫌無乜牛味("友人"表示同樣都係最平個款，牛一個款比較有牛味)。豚肉就普通。火鍋醬料基本辣椒、炸蒜、生蒜、蔥、芫茜都有。火鍋配料望落好多選擇，丸類有墨魚丸、牛丸、貢丸、魚蛋、芝士腸，無蟹籽丸、芝士丸。我覺得貢丸、魚蛋、牛丸最好食，"友人"就鐘意墨魚丸同魚蛋。菜幾新鮮。其他配料芝士腸、金菇、羅白、粟米、南瓜、芋絲、松草花、海鮮菇、豆皮結、黃金蛋餃、豆腐、公仔麵同烏冬正常質素。最後2個人食左5碟牛同2碟豚肉。甜品雪糕係Haagen Dazs，當日有比利時朱古力、士多啤梨、焦糖布丁麻糬同焦糖脆餅。朱古力味照舊好食，士多啤梨唔錯，另外2款麻麻。飲品以罐裝飲品為主，另有自酙飲品：美肌排毒水、酸梅湯同雪梨茶，不過無試。侍應keep住refill火鍋配

今日約咗friend去佢屋企housewarming本身諗住食其他嘢 但佢話佢樓下有一間成日都排長龍嘅和牛打邊爐 叫我試下佢好早就book咗位 佢話如果唔兩個星期之前book根本食唔到😂一係就要等walk in睇返食評個個都要一個鐘先有得食 ...💟一人一煲嘅形式佢有五個湯底 我揀咗麻辣湯底真心好刺激 自問我都幾食得辣但係去到後期真係頂唔順😂叫佢幫我加咗啲蕃茄湯 變咗酸辣 即時舒服曬朋友叫咗蕃茄湯佢個蕃茄湯非常好味 完全唔似溝咗茄膏個湯底全部都係茄蓉茄碎 又甜又香蕃茄味值得一讚係佢加湯係加返你要嗰隻味唔會到清水畀你 下次來會試下另外三個湯底特別係美顏湯！💟我哋揀咗 黑豚肉 黑毛和牛套餐$309唔係出面呃你嗰啲得頭一碟係和牛之後係肥牛呢度真係碟碟都係和牛同埋黑毛豬豚肉🐷睇圖就知牛肉極靚 掉入個煲度好快就熟 勁香油脂味入口即溶 性價比高！豚肉略嫌肥咗啲 不過放完去個爐度煮就完全唔覺啲肉好彈牙 唔會有豬肉嘅騷味🤪老實講食落同和牛差唔多味 抵讚！💟好多丸類 蔬菜 菇類 粉麵都有幾種選擇蔬菜全部都洗得好乾淨又新鮮佢留咗兩個大凍櫃放配菜任你揀比起其他相類似嘅邊爐店有誠意好多💟飲品方面除咗有成個雪櫃

服務員超窩心有禮貌好溫暖， 我的多件衫也不停遞濕紙巾給我緊急解困，感到非常溫暖同埋窩心貼心，叫咗一個藥膳火鍋🍲但估唔到係辣嘅， 我諗住唔啦唔辣，另外點辣椒🌶️變咗局住要食辣，立美冚住咗啲牛肉味，牛肉味冇咗但入口即溶，豬肉好正好好味

但馬屋 (屯門)假日這家但馬屋都大排長龍，原因係放題除了任食主食肉類外，還有疏菜及Haagen Dazs 雪糕任食。但馬屋提供日式火鍋放題，形式同牛涮鍋相同。湯底，有5款選擇 - 鰹魚清湯，甜醬油（Sukiyaki ），藥膳麻辣鍋，膠原蛋白鍋，蕃茄濃湯鍋。這次點鰹魚清湯同最貴嘅黑毛和牛，魚精華煮成日式清湯，味道鮮美肌鍋含骨膠原，湯底很不錯鮮味而家肉質淋身，和牛當然較美味但個人認為豬也是很不錯的。肉未到就去自助醬料bar、配菜小食區、飲品櫃攞齊所有“裝備”準備。配菜區有雞件，牛肉粒，粉麵烏冬，各式丸類，菇菌類，蔬菜，樣樣蔬菜都幾新鮮 黑毛和牛，薄薄一片，油脂分佈平均，賣相唔錯，食落牛味香濃，幼嫰多汁，配上柚子醬油，味道更鮮食埋Häagen-Dazs™ 雪糕，呢餐十分滿足服務方面，店員勤快醒目唔會漏單，食完就收碟，枱面永遠乾淨企理！

正在減肥的我，對於自己出外吃飯真的要陪感上心。如果與友相聚又想吃得開懷，真的莫過於吃火鍋吧！今日又走到大西北地區，火鍋的確無論365日都是人頭人湧，特別一人一鍋更可以獨個兒享受。位於屯門市中心的V City 已經有不同的食肆進駐，特別日式的店鋪一定大受歡迎。與好友選擇「但馬屋」全因有大家最愛的哈根大師雪糕任食，不過正值減肥的我只能夠淺嘗吧！日式放題大多以90分鐘任食為主，此店有澳洲穀飼牛、黑毛和牛、北海道的豚肉等等，價錢由 $199-$309不等，多款蔬菜、丸類、菇類等任你選擇。同場加映仲有到日本必食的壽喜燒，加上嫩滑蛋漿，簡直相當滋味。湯底方面有五款的選擇有由淡至濃味，千夜鍋、甘露鍋、藥膳麻辣鍋、美肌鍋、意式蕃茄芝士鍋，前者最適合我全因由鰹魚製成相比下較清淡吧。另外飲品的種類也相當多，有美肌排毒水、酸梅湯、雜果賓治、各式汽水及茶飲等。任食和牛一個價錢，和牛薄切得紋理分明，牛肉味道突出而且提鮮；另有豚肉較為肥美帶點煙韌口感。不得不提，場內有羽衣甘籃、西洋菜、實屬少見之物。旁邊更有不同醬料任意添加，不需要附加醬料費用。最後又點少得哈根大師雪糕出現，估不到會有限量的藍苺味道相當出色，並在蕉

屯門終於有但馬屋！！！！好感動！作為屯門牛，一直知道坊間好common 既高質邊爐係要出城先食到，所以一知v city 有但馬屋，已經計劃要食！點解我咁鍾意但馬屋😂因為佢有好多湯底選擇配菜新鮮又多花款，好似有少見既羽衣甘藍，冰菜，芋絲，豆腐結，鱈魚柳等等d 牛質素好高（我地今次食日本黑毛和牛）北海道夢之大地豚打破你對打邊爐d 豬既印象，值得不停encore:好多調味醬我今次食甜c 油，食牛好夾，冰菜都幾好最後，仲有hagandaaz 任食！真係好抵食好高質！記得提早拎飛，屯門牛都好開心，好多人排隊

完咗一個星期忙碌嘅工作，就約咗我嘅同事一齊嚟到v city呢度打邊爐今晚我哋就揀咗每人$309既黑毛和牛同北海道豚肉既放題套餐，正呀呢度嘅邊爐係一人一鍋嘅形式，大家都可以揀自己鍾意嘅湯底，我同同事就分別揀咗美肌同埋意式番茄芝士～上咗湯底冇幾耐，今晚嘅主角就出場啦和牛嘅肉質比起平日次級嘅牛肉更加細嫩，雖然未至於油香滿溢，但以呢個價錢而且有得任食黎講，確實相當唔錯！而北海道嘅豚肉片亦好有肉香，肥瘦啱啱好～值得一讚嘅係呢度嘅肉無論追加幾多碟，每碟既質素都一樣高！除咗肉之外，當然都要食下其他菜啦～呢度嘅菜同埋火鍋配料選擇都算豐富，而且店員refill嘅速度都幾快，全晚都無見到有配料冇哂而又冇人refill嘅情況出現同埋不時都有店員留意食客嘅湯底有無煲乾水，有既話會主動加湯，服務相當細心！今晚嘅另一大主角就係Haagen Dazs 嘅雪糕任食有四款口味揀成晚食咗三杯啊我至愛都係士多啤梨～整體來講環境同埋服務都比預期好，食物水準就同價錢相符，鍾意食日式火鍋放題嘅話都不妨考慮呢一間～