伯諾餐廳 (已結業)

We went there for dinner tonight, the decor is okay as it's a newly opened restaurant, but the service is relatively poor, as no friendly smiles been seen since we walked in.we ordered two sets dinner, which comes with a soup, a hot drink, a main and dessert. The soup is some tomato based soup, tasteless honestly. The main dish is quite large portioned, but the food quality is still poor, considering It's 70+ per dish, am sure they can do better than that.the dessert was shocking, I haven't seen

我去食麥記好過係呢度受氣 我同媽咪兩個一入餐廳係有好多位置俾客人座 我揀左座卡位 待應話唔俾 係4 人枱 fine 咁多卡位係空既 唔俾座 ... 咁佢安排左我地坐4 人既圓枱 有咩分別？ 之後佢地帶2 位客人搭枱 點解明明有咁多4人枱 同卡位係空既 要d 客人搭抬？ 我問待應點解 佢同我講 I don't care ! 咩態度？講真野食一般 但出黎食野 但求舒服 俾人用咁既態度語氣回覆... 我寧願食麥記

今日諗住食個靚午餐 揀了美國頂級西冷牛排配燒汁什菜 一食即刻知出事 燒汁味道似咖汁 塊頂級西冷似橡膠 好硬又難食 杯熱0水仲搞笑 用膠杯上 完全錯哂 超難食 茶餐廳水準好過哂呢間餐廳 超失望 無下次

人地話一日嚟講最重要喺早餐，我都想早餐可以食得有心思d，但係茶餐廳，冰室，快餐連鎖店例牌，沙嗲牛肉，雪菜肉絲，餐蛋，火腿/通粉，米粉，面。真係食到厭，試問點會有精神選個早餐食。但今日行過呢間伯諾餐廳有意外驚喜喎，選擇多到連我都諗左成5分鐘先決定到食咩，各式嘅配搭，花多眼亂！我傳統嘅朋友仔食左最傳統嘅雙腸雙蛋，面包加杯嘢飲，先至26蚊，以呢間餐廳嘅環境，質素嚟講，抵到雲！(荷包蛋中間仲有汁漏出嚟，正到呢！)我呢，就選左碎蛋沙津牛角包，沙律同包分開上嘅，分開食又得，夾住食都得^_^牛角包熱辣辣，外層還很鬆脆。仲貪心地加多左碗火腿通，湯底濃郁得嚟又唔係好咸，份量都多，食埋超飽。。兩個人埋單61蚊，價錢合理，又坐得舒服。順便問左待應姐姐攞左中午個menu 睇下，最低43蚊有交易，飯餐50.60蚊，下次經過再嚟試下先。

今日11:00左右去到，叫咗嗰{蕃茄炒蛋牛角包}早餐，餐飲熱奶茶。奶茶茶味香濃，如果多少少奶就perfect！但嗰餐份量太少。牛角包幾鬆軟，唔油膩，幾好； 蕃茄得一片，加少少生菜絲同埋一隻炒蛋(加少量蛋殼！)

每個月都會去炮台山搵老公食個晏, 同一條街已經有3間冰室, 今次見到伯諾開張冇耐, 就試佢啦!門口有個午餐餐牌掛咗出嚟, 有8款比你揀, 都算多。我12點半去到唔駛等, 入去坐底後, 見到仲有另一個餐牌, 有4款常餐, 我自己不嬲都好鍾意食常餐, 今次就揀咗常餐III - 蕃茄湯米粉拼北海道牛奶炒蛋+煎雞扒+豬仔包, 包一杯熱飲 ($48), 老公就揀咗是日午餐A – 加拿大西冷扒飯拼芥末黑椒汁, 包餐湯同一杯熱飲($59)。呢個就係午餐A, 我冇食到, 老公就話OK啦。而我個常餐呢, 豬仔包好脆好新鮮, 炒蛋就應該係炒定, 因為一D都唔熱, 個雞扒都好入味。至於個蕃茄湯一D都唔蕃茄, 好似平時自己喺屋企煲嗰D雜菜湯好淡, 米粉又冇味, 煮得唔夠淋…都算。我成日覺得一間冰室/茶餐廳嘅靈魂就係佢杯奶茶, 可惜佢呢杯奶茶令我好失望, 因為好大陣锈水味, 真係飲一啖就放埋一邊。$48個常餐咁嘅質數，比起鄰近冰室/茶餐廳又唔係特別平, 我真係諗唔到有咩原因令我會再嚟多一次。

假期第一天 因累積了一星期嘅倦意 一覺醒來 已經係兩點多 好肚餓呀經過見到呢間新開嘅餐廳 內裏黑黑咁 入去試下坐在各落一個卡位 打開menu 其實供應茶餐廳嘅食物下午茶餐選擇算多 我就order 咗炸雞腿配薯條加咗茶走奶茶夠熱 茶味濃唔澀 幾好飲炸肶等咗好耐 可能係即炸 等等等 終於。。。炸肶外皮夠脆 肉汁都夠 無蘇味 但可能太大隻 最入有d血水 唔夠熟至於薯條就完全唔掂 每條都油淋淋 唔脆嘅 似油浸薯條 下次可能要試下沙律

是日午餐見到附近新開左新餐廳，就去試一試！店入面裝修幾靚，位置都好多。我同朋友一樣叫左常餐，見menu寫嘅常餐非常吸引，有好少見嘅蒜蓉牛油雞翼我地可能期望太大.... 米粉好似未熟咁，有陣怪味。羅宋湯底好淡，有啲失望。 以為3.6牛乳炒蛋一定會好滑，點知感覺只係普通炒蛋，好失望啊。最期待嘅蒜蓉牛油雞翼...個雞翼都唔重蒜味又無咩牛油味...普通雞翼囉就係...最正常係杯朱古力，唔太濃唔太淡。下次唔會再食常餐，試下其他午餐會唔會比較好啦

新茶餐廳開張... 一定要去試下...下午茶選擇多...小食, 焗飯... 咩都有...我就點左隻炸脾食吓...炸脾外皮炸得夠脆... 雞肉炸得唔韌...雞脾應該係有醃過既... 就算怕肥唔食塊皮都係唔會無味...陪伴在側既沙律一啲都唔欺場... 壞舊復古風... 見到其他食客點既嘢食都好似好吸引咁要搵時間下次再黎試下其他菜式先...

這家店子於正式開幕前已經引起不少途人注意, 首先其宣傳字眼標榜來自「強勁飲食集團」(名字), 然後突然試業了數天, 突然又「內部裝修」(不知是否跟這裡偏向負面的幾個食評有關), 關門了幾個星期, 近日又突然重新開業, 令人費解。首先被其偏向中高檔路線的裝潢吸引到, 面積頗大, 是門面看來的雙倍, 設有大量卡位, 環境十分舒適。看得出其室內設計是花過心思的, 置身這個格局品嚐茶餐廳價格的食品, 已經是一個甚佳的增值位。白咖喱香茅豬扒飯 ($62) 是這裡的主打食物之一, 令人即時想起某大連鎖品牌, 亦很自然地跟那家出品作個比較。這裡的白咖喱屬於微辣, 適合淺嚐的朋友, 椰香十足, 個人而言較為喜歡這裡的出品; 香茅豬扒則是完勝, 是真．香茅味, 比起坊間大量食店只有微微甚至沒有香茅味的版本優勝得多, 其他調味也剛好, 如果肉質能夠再鬆化一些會更完美。焗豬扒飯 ($58 連餐湯和飲品) 賣相已經令人食指大動, 味道亦跟賣相成正比, 不會犯上味道過濃的通病。這裡的「檸茶」是個驚喜, 味道濃厚, 同時擁有獨特的茶香, 份量亦比一般的大, 令人喝得盡興。不設加一服務費, 性價比進一步提升。

午餐由$50-$60但是超大份，所以是超抵食，而且他們有餐湯丶主菜仲要有埋餐飲都只是五十多元。每日十二點多要排隊等位，因為實在太多人食啦！而且他們的食物亦都唔錯又唔收加一啊！

星期六同屋企人試呢間新餐廳, 我叫咗個"香濃沙爹雞扖拉麵"連熱檸水餐, 當個拉麵嚟到時, 食的時候發現個麵同埋雞扖都完全無味更加無沙爹味, 我咪問個侍應A, 我叫"香濃沙爹雞扖拉麵" 點解會完全無沙爹味, 係唔係廚房唔記得落沙爹醬? 侍應A話叫我問老細, 老細係收銀度, 我話咁叫佢過嚟問下, 佢指住話佢係嗰度, 我話係唔係要我走去揾佢? 佢先幫我叫點知個老細話叫廚房下次改良下, 完全無幫我換餐所以我無再食, 跟進侍應B又走嚟問我叫咗咩, 我話"香濃沙爹雞扖拉麵",  侍應B話問下廚房補回沙爹醬俾我, 最後侍應C走嚟同我講, 話廚房無沙爹醬, 我話如果你餐廳無沙爹醬, 應該落單時通知客人, 個餐寫明"香濃沙爹"又提供唔到, 都唔應該就咁提供俾客人食, 最後佢幫我取消個餐, 但收錢時計返我熱檸水原價$17

今日第二次黎到呢間試業中既餐廳，因本人好鍾意食西式早餐，就揀左佢個重量級西式早餐，分別有麥皮，同以下既野食，包一杯野飲。個裝修係呢個價錢黎講算幾好，坐得唔會太迫，但可能太大啦，想叫侍應時叫左幾分鐘都未有人見到我。而且落單時因為我鍾意食熟D既蛋，就由佢本來既炒滑蛋想叫炒熟蛋，但個後生既女侍應一句"得"埋黎話：呢個炒滑蛋黎架喎。差唔多次次係其他茶記都可以改做炒熟蛋，希望可以唔好咁死板啦。之後個野食黎就係咁樣： 好明顯睇到個多士烘得太燶，同埋入面既牛油得一細塊。加上當時檯上面無刀要問侍應拎但叫左好耐先有人見到我。炒滑蛋正常，唔會特別滑或者香。個雞排就麻麻，厚得黎d 肉都幾鞋。而且個麥皮係我就快食哂成碟野都未到，要分別向兩個侍應催左先黎。小插曲：食緊既時候隔離搭檯個女人叫左杯即磨咖啡，但佢杯野一黎到佢就睇得出唔係即磨。佢同個侍應講個侍應話呢度無即磨咖啡，個女人就話無就應該一早講，然後轉左做奶茶。其實我明白試業一定未係咁上手，但希望快d train up下D侍應同埋提升番D食物質素啦。