影片
一行七人同朋友做生日，早两日打电话预定左5个𩠌。葱油鸡，大大只，有鸡味，皮好滑，夹d葱一齐食，口感好丰富。瑶柱扒豆苗，豆苗嫩口冇渣，略嫌瑶柱比较少。芝士海虾伊面底，芝士味不浓但汁太多，有点糊口，食到有1只虾系霉嘅。西兰花龙趸球，份量大，龙趸球炒得有获气又弹牙，好味。蒸头腩，好香蒜味，蒸得啱啱好，中意食鱼头/腩嘅，一定食到不能停。送左碟西瓜，埋单 $1200。自携旦糕及红/白酒，也没有附加费，赞。但食完回家好口渴。
继续阅读
一围十四个人。订左A餐。汤真系好足料，每人都至少食左一旧花胶，当然唔系靓花胶，系好爽𠮶种，不过味精都好劲仲好咸，其实我净系饮到味精味。上汤大花竹伊面底。又系好咸好重味精。虾都算大但系梅梅地。竹笼蟹盖糯米饭，好多蟹羔呀！不过好似蒸过龙干真真，糯米饭好多，好咸。玉环瑶柱甫，几好，比较清淡的𩠌。京葱鲜鲍鱼角，鲍鱼仔好细粒好cute，卖相好似欠左几滴老抽但食落几好味。蟹粉扒菜苗，朋友们觉得好腥。我冇夹到好多蟹粉我觉得ok。清蒸龙趸斑 。好食。正，滑！海皇脆米炒饭 有虾粒 菜粒 蛋 同 饭焦，每一啖又入到好脆，觉得脆米比例应该少d ，朋友们话食到个口好攰。野生菇炆米，超级超级多油，菇睇落有走油，味道系ok 嘅，不过劲多老抽同油喺碟底。原来寿包都可以咁难食。皮好厚好硬。馅极少。重点：依度d 阿姐态度劲差。因为有人唔食得海鲜叫个咸蛋蒸肉饼。叫佢个肉饼可以即刻上，唔使等个餐食完先上，佢一副串样话落左单就蒸架啦㖞。等左足足一粒钟。叫佢追下，佢态度劲衰问都唔问就话蒸紧。结果来左咸鱼蒸肉饼。我要咸蛋呀亚姐！！！位位$242，份量大，海鲜全餐，但系多油多盐多味精再加侍应态度差的晚餐，我唔会再去啰。
继续阅读
如果唔系公司同事带我去嘅话，我可能一直都唔知原来依到有野食，入到去好简单好旧式嘅布置，仲有几间麻雀房，每次都听到有人打紧牌😂可以同老细落order要几人份量嘅，老细就会自己帮你拣𩠌，当然你亦可以自己拣，好推荐食泰式墨鱼饼，配上酸甜酱真系正到不得了，个样好似普通虾饼咁，佢会有例汤比你，有时系栗米海皇羹，完全无味精，系到食好似食紧住家饭咁
继续阅读
By the time I step into the restaurant, I was shock by the over-crowded environment, how can a restaurant place their tables that tight? Everytime the waiter/waitress want to walk through to those little majong rooms, customers had to move close to the table. Imagine how annoying it is.The food taste bad, well, at least it is fully cooked. I don't mind if they didn't overcharge the meal, but the point is the price is not worthy.And for sure, no service you can expect since they didn't have 10% service charge, I guess they already over charged the dishes, therefore, there are no service charge at all. That was a bad experience, I will not go back again.
继续阅读
又一「闲人」同事离公司而去，最后晚餐，有人提议选址PCCW。真是不说不知，原来这里是有餐厅的，也是多得杂志，也多得少年食神Michael，才多了人认识，传媒效应当真不能小觑。是晚我地一早订左位，其实，订不订位不是重点，因为根本只得小猫三四只，但可以看得出都是熟客。订位不是重点，订菜才是重点，老火汤、海鲜等，不订基本上不要期望会有，始终这里人流不多，海鲜卖不去会损失惨重，所以如果要吃，就最好先做一做功课了。粟米海皇羮几乎是所以中餐厅既指定菜式，尚算足料，一窝勉强可够十人分，粟米唔多渣，无味精，反面黎谂即系清淡了点。豉椒炒圣子配煎米粉底，圣子足料有良心，好多地方喜欢将壳铺底再上面放圣子，好多时都谂，既然圣子已起壳，做乜仲要铺番系个底度？睇起上黎多就代表唔呃秤？好似炒蚬咁未离唔好讲，已经分开左既仲放番个壳真系令我有如八丈金刚。讲番味道，蚬炒得欠了点火喉，还好味道唔差，配菜既青椒同米粉永远受欢迎，吸晒ｄ味更加系令人有清碟既冲动。椒盐鲜鱿也是指定动作，爆香左既蒜头才是精髓，有的地方永远少了最重要的「椒盐」，还好这里没有忘记。竹笼糯米蟹必需预订，蟹羔多得不得了，喜吃蟹盖之徒想必开心。不过可惜期望过高，本以为糯米尽吸蟹汁会很鲜，但原来和普通糯米饭分别不大，而且更系冻得快，结成一旧更不好吃，要毕要食请快。酱烧骨选料肥瘦均衡，中间一层肥肉可用爽口来形容，就是要这些骨才好吃，调味也算恰到好处，不过始终黐骨。没叫虾饼，倒叫了泰式炸墨鱼饼，会叫这味绝对是神来之笔，当然也因为店员推介。泰式与否只是酱汁分别，墨鱼饼足料，手打起来也很弹牙，炸皮不油很香口，样样也好，但就是墨鱼味不足，看来是用料问题，这一味只能说是合格。沙拉芥末虾是这里另一招牌菜，先不讲味道，这碟来到真的吓一跳，虾细只唔在讲，整碟更是细得可怜，我宁可你收贵ｄ但足料ｄ。味道是不错，沙律同芥末两者份量适中，吃下去谁都不会抢去谁的风头，算是勉强保得住招牌吧。唔知点解，呢度好钟意卖海参，墙上餐牌有大量写住，海参鹅掌也是店员推介。个人印象海参鹅掌还是煲上比较好吃，但这里是碟上。因为鹅掌不是卤水煮大，因为我对鹅掌兴趣不大，所以没意见；以价钱黎计海参算很多，是唯一一碟我觉得是抵食的。招牌葱油香妃鸡如要称为招牌还早了点，虽然那个汁很不错，但鸡肉不嫩，鸡味不重，空有一身好武功，但没好兵器也是无用武之地的。还是能吃到豆苗的季节，这一碟蒜蓉炒豆苗可能是我今年最后一次吃豆苗了。整体来说味道不是差，但未如杂志所讲如此出色，尤以材料未能追上师傅技巧，如果你同我讲系因为少年食神和杂志做访问先买靓料黎整，那我就无话可说了。店子只收现金，各位记紧请带备足够现金。又一位投缘的同事离公司而去，到底会是今年最后，还是陆续有来呢？祝御用闲人，前程似锦。
继续阅读