影片
以上资料只供参考，请与餐厅确认详情
中午叫咗个set lunch「嫩鸡煨面」加「小笼包」等咗15-20分钟小笼包里面啲猪肉全部鲜红色，未熟！如果无留意就咁吞落肚，分分钟肠胃炎入厂！另外个嫩鸡煨面鸡肉柴，个汤底仲要送赠多只bb小强🪳令人难以忽视，想扮睇唔到都唔得。成个lunch基本上系唔食得，要掉落垃圾桶。可想而知，佢个厨房有几污糟。打电话反映比店员知，佢仲话补比我，个汤有小强，再补都系会有小强，不敢恭维，免费请我食都唔会再要，便宜莫贪。无下次！唔会再帮衬。
继续阅读
同老公、阿仔放工一齐喺北角，喺横街见到呢间小店，原来北角有间川湘菜小店，湖南大厨主理，虽然甚少食湖南菜，所以单点几样野试下，见到餐牌都有川菜同上海嘢食，一于炒返几个小菜试下。呢间餐厅设计特别，店舖外装配幻景般既灯饰，优雅装修，湖南传统同现代风格结合得好有创意，座位舒适。一去到餐厅店员都好友善，感觉他们是家庭式生意，很热闹，店舖设有梳化，大细枱都有，可以容纳很多人，适合一家大细或喜欢辣的朋友来食，如果唔食得辣可以小辣或走辣。 伟爵爷招牌炒饭$98一递上枱已经见到碟炒饭炒得好靓，粒粒分明唔油腻，用料有虾仁、带子粒，鱿鱼，口感非常丰富，而且份量劲多，饭食落有口感又够味，酱汁不会好咸，味道刚好，而且非常香，果然是招牌炒饭！上海粗炒套餐$68又系好食，有猪腩片、虾、鱿鱼须、小元贝等等。个炒面口感烟韧，椰菜炒至软身，猪肉丝软腍，同埋个汁酱都调得好食，整体香味俱全，食左好多碗，好饱。上海小笼包$35虽然吃晚餐，但都可以叫点心，我们选了小笼包，即叫即蒸热辣辣，里面的肉馅还是很juicy的，真系皮薄馅靓，一咬即爆汁，肉味浓郁，不过肉质比较瘦。另外套餐有一个主菜外，还有前菜、蔬菜、饮品。前菜系青瓜，蔬菜系生菜。
继续阅读
嗯，今日就嚟咗呢间食湘菜嘅餐厅会讲嘢㗎！试咗佢哋个招牌牙签牛肉，啲牛肉章到入云，咬落去又嫩又juicy，孜然味又够哂kick！干锅花菜捧场无得输，抢味够晒爽口，微辣凉快令人停唔到口！跟住又嚟个铁板鱿鱼须，铁板上嘅鱿鱼须系真正鲜香，口感弾牙超过瘾！而家浏阳蒸钵仔饭，喺屋企附近呢啲简单嘅食物都要整到有啲水准，佢哋啲饭真系香到出奇，食落有层次，值得一赞！总之啦，呢间餐厅真系有料到爆炸，湘菜粤菜通通有得斗，我边食边叹为观止。下次仲想带埋其他友人嚟试试，有啲小菜坐低倾偈食，正！👌🍚🌶️
继续阅读
北角有间川湘菜小店，可以满足想食辣同唔辣嘅朋友👍🏼 价钱相宜又大份 性价比高🙌🏼 同朋友晚饭食都赞! 三鲜汤年糕 $78: 有虾 火腿 年糕 鸡肉 蔬菜 冬菇等，汤底清 饮完好暖身😝五香牛𦟌担担面 $50: 担担面有好足料 有大量肉碎，好香花生味!! 五香牛𦟌够嫩👍🏼京式小笼包 $35: 皮薄一咬即爆汁😋 肉味浓郁 不过肉质比较瘦~香煎锅贴 $38: 底煎得够脆 呈金黄色😍 依款肉够多汁质素不错!!豉椒鲜鱿须 $98: 炒得好香口，仲有菜椒豉汁等大少少辣味鱿鱼须够坚韧爽蛋红焖牛腩煲 $108: 牛腩嫩滑牛味重 有好多洋葱 爆香好正😁
继续阅读
系附近油街实现睇完展览，直行一阵就到呢间私房菜。好少食湖南菜，所以主要点叫左啲湘菜试下。见到餐牌都有川菜同上海嘢食。Rarely have Hunan cuisine so we came here for a midweek dinner after visiting the exhibitions at Oil Street, just a few minutes walk straight and you’ll see the place around the crossing. 店员老板都友善，不过当晚有旅行团包场有啲嘈，不过老板都好快手特登拆开细枱执俾我地坐，欣赏。同埋电视位都睇得清楚够大，星期三赛马可以慢慢睇。乌苏啤好似系新疆岀名嘅，前排成日见到卖广告，今日终于试到！淡丽嘅口味，易入口，清清地，唔会苦，配浓味食物好夹。Here’s to the famous Wusu beer! Light and refreshing, paired very well with the heavy and spicy dishes. 农家一碗香：系炒蛋为主+肉+菜！经典湘菜。非常好食！本身钟意食蛋，加埋花椒，辣油，猪腩片，青红辣椒仔，香菜，炒埋一碟，好惹味。“A bowl of incense” is egg stir fried with pork bellies and assorted chillies and veggies, very appetising. 牙签牛肉，重口味之选，系好浓嘅孜然粉同椒盐味，牛肉腌得好入味，细细块串系牙签上面炸干，送啤酒岩晒。同行食唔停口，估计佢应该几钟意呢味。Cumin beef on skewers: heavy taste and deep fried. A good snack to go with your booze. 荞麦窝窝头：好食呀呢个！系个特色蒸馒头，凹左嘅，放啲炒肉碎榨菜粒入去一齐食。唔辣嘅，几正。Steamed Hunan buns with minced pork and pickles. This one is not spicy and very tasty. The buns are made of buckwheat, soft yet chewy, and are shaped like a little bowl to carry the minced pork. 招牌炒面：又系好食！仲要有猪腩片同好多海鲜，有虾，鱿鱼须，小元贝等等。个炒面质地几好，同埋个汁酱都调得好食。食左好多碗，好饱。Signature stir fried noodles with pork belly and assorted seafood. Very fulfilling and yummy: found a lot of shrimps, squid tentacles and mini scallops. 梳化仲要钻石，几靓。有收茶位，系壸热嘅苦荞茶，好正宗！
继续阅读