伊甸綠洲 (已易手)

今天在觀塘區完成工作後想尋找美食，於是google了一下附近餐廳，找著找著便來了伊甸綠洲。這是一間健康餐廳，服務很好！小妹是素食者，廚師樂意特製素食餐。感激至極！常餐除了提供飯湯沙律前菜，還奉上茶及糖水。飽滿的一餐！…查看更多

真心覺得一試難忘！薯餅不會過冧，好有口感！同埋D菠菜好新鮮，唔會有「澀澀地」的感覺，兩樣野夾埋一齊真係有意外的驚喜！唔好睇得三舊，食哂應該會有飽肚的感覺，因為好足料！私心推薦！！…查看更多

之前一直知道有呢間餐廳，一直好想試但冇機會去。今日食完午餐覺得唔夠飽，見又順路就上去試下啦! 我叫左有機餃子伴麵線。伴麵個汁食落好fresh，有少少似細個食個啲冷麵個蒜蓉汁。餃子食得出係自家製無味精，皮薄餡多，有紅蘿蔔絲、黑木耳、雞肉... 應該仲有其他，不過我認唔出。跟餐會送有機茶或者黑豆漿，我揀左黑豆漿。好濃黑豆味，真係新鮮製造，唔係即沖豆漿。係我飲過最濃豆味既豆漿。 不過如果暖返少少會更好。餐廳環境好舒服，夠空曠同闊絡，覺得好適合一班朋友上去食野傾下計chill下 …查看更多

因為工作關係，認識了這間餐廳，一入到去感覺好舒服，員工也很親切！我和同事共點了三個餐，我自己是食蒜香牛肉螺絲粉，配沙律！先講份量，因為是健康餐，所以係食完吾會飽，而味道我覺得幾好！好香好好食，賣相都好好！我同事食的雞粥，真的太淡，有待改善！而另一個餐我都試過味，係茄子雞肉飯，味道正常！…查看更多

有機紅菜頭三文魚粒真係好好食♥️♥️♥️♥️！ 份量充足！沙律亦好fresh😆😆 好鍾意宜到的環境和服務態度👍🏻👍🏻👍🏻👍🏻👍🏻👍🏻👍🏻 super ABC汁和芝麻糊同出邊好唔同 係幾特別 值得一試！有機彼得包有時係牛肉/雞肉 即做即整 熱辣辣好開胃 好開心係到食野可以擺脫味精！係觀塘大約$65食到高質的有機食物真心好抵！🥰🥰🥰🥰🥰🥰🥰🥰🥰🥰🥰🥰🥰🥰🥰🥰…查看更多

呢間餐廳原來只係開左幾個月，有一次在街接到佢的傳單，望落好健康咁，價錢又OKAY! 一於來試試先! 當日同一架LIFT 上六樓的差唔多全部人都出晒 LIFT 來光顧，心入面還愁無位。不過原來我諗多左一出LIFT 就有一位職員在門口招待，指示餐廳的方向。沿住走廊直行到底就會見到呢間餐廳了。入到去，原來地方都幾大，分左兩個SECTION 咁，一邊有live聽，另一邊就有live聽。我同朋友一起坐左在有得聽歌的那一邊，當日有位伯伯拎住結他自彈自唱，好可愛。雖然唔係特別動聽到要拍爛手掌，但都帶來一點娛樂，聖詩的旋律亦賞心悅耳。另外眼見職員都有去唔同枱傾下計，感覺都NICE。呢間舖頭的賣點係健康，佢個麵包真係要試試!  佢標榜自己只用優質材料:  有機高、中、低筋麵粉  有機全麥麵粉  有機原蔗糖  有機椰子油  喜瑪拉雅山岩鹽  有機乾果、果仁咁有要求已經值得俾5星了Love vege 的 我Order 了一份有機沙律餐配有機麵包。出面D沙律有時只得沙律醬味。呢度的材料好健康: 蘋果、紅腰豆、鷹嘴豆、青瓜、紅椒等。可以食到食材的原味。配埋個油醋汁，在炎炎夏日真係令人get fresh! 60 蚊食到有機的野真係一D都唔貴，同埋絕對唔細份，性價比高。消費滿100 蚊還可以填表做埋會員，下次光顧再有DISCOUNT。另外朋友點了個芝麻糊，佢話好好味，下次我都要試下先。(後話: 走的時候職員話餐廳想服侍話觀塘區的人，絕非賺錢，佢地希望呢區的打工仔可以多個選擇，以及有機會去認識神的愛。以我所見，職員無硬SELL。覺得餐廳概念好好。大家可以去試試呀 )…查看更多

喺牛頭角頭搵間靜靜地嘅餐廳食lunch都唔係易事！一係就係工廠區啲食堂（勁多人勁嘈）一係就係賣貴價嘅商務午餐（要價百零200蚊個lunch，真心食唔起）難得搵到一間靜靜地，好坐，傾到計食物質素又唔錯嘅地方真心幾驚喜因為第一次黎，員工好有心地將所有選擇介紹一遍，但不斷強調所有食材都係有機之外，無乜其他解釋，老實講，都真係幾煩，尤其是lunch 時間超級有限😩最後叫左個牛肉彼得包，$50連任Refill 有機茶個包出奇地好食！！！軟熟得黎有彈性，仲好香麥味完全唔係啲空氣面包嘅質感環境闊落，光猛好坐價錢亦唔算好貴應該會keep 住再黎😋👍…查看更多

—餐廳喺附近派宣傳單張 見幾健康 價錢又合理 於是上咗去食環境寬敞 好似係教友祈禱嘅地方有機香辣牛肉彼得包($50) 配有機茶滿滿嘅材料塞滿個包 雖然食得有d狼狽 但好滿足蔬菜爽脆 牛肉幾軟腍同埋食到某d位真係辣調味啱啱好 麵包都好鬆軟 略嫌溫度係微暖而已店員?!好友善同熱心 介紹餐牌同問我哋食物覺得如何仲話夾單夠$100可以申請做會員————————————————伊甸綠洲 Eden Food Oasis觀塘鴻圖道22號俊匯中心6樓…查看更多

第一次寫食評，本人腸胃唔好所以注重健康飲食，一直想搵有全有機食材既餐廳，終於搵到喇一入到去有好舒服既感覺，店員好有禮貌向我地介紹有咩食:)我同朋友share，點左一個叫有機香辣雞柳彼得包$48，可以走辣，個包皮薄涵靚，好多料，除左雞柳，仲有洋蔥蘿蔔絲，好香好夠味另一個係有機三色藜麥沙律跟有機芝士薯蓉$58，哇大大個，食完好夠飽仲有就係有機三文魚紅菜頭意粉$64，紅色既意粉好新奇，有蒜香同少少紅菜頭味，又係好好食跟餐有埋有機餐茶，轉Super ABC 有機果汁特飲或芝麻糊都係+$18（店員話芝麻糊係自己磨，好滑)另外既餐有粥，糙米飯同埋其他意粉一個全有機健康套餐最平只係$48, 最貴都轉埋特飲唔過$100, 仲要好好味，有質素，環境舒服唔會趕人走，係HK暫時搵唔到第二間，好開心搵到佢…查看更多

諗唔到食乜，行過見到有人派單張咁就去試下，上到去感覺好好，地方大又企理，員工會問有無黎過呀，無就會教你點餐，不過當日有個客人同朋友傾偈時夾雜粗口影響咗少少感覺（當然唔關餐廳事喇），出餐算快，不過份量真係少咗啲，食完仲可以行下佢地自己鋪内百零呎既迷你市場，我會再去食…查看更多

價錢真係好扺，重要是有機、健康。地方乾淨企理，又寬敞闊落,坐得好舒服, 員工服務一流,夠親切又有禮貌,笑容滿面,定期又有live band, 最啱我哋呢班打工仔鬆一鬆。食物真係好好味, 又乾淨, 沙律好味道，自家醬汁絕配。自家有機麵包好鬆軟。有機三文魚炒飯夠香口，份量夠成年男性享用。極力推介彼得包～包鬆軟，內有沙律菜和肉加自制醬汁，正，無得輸。有機茶唔錯。ABC菓汁飲過很不期然愛上了。食完整個人精神曬,返工都冇咁攰。…查看更多

太好味啦！以$40-50左右食到有機餐，份量夠，又好味，太抵，又有自家農場。加錢要ABC汁，太值！水果汁在街上大部份都不是有機水果，以這價飲到實在超值。無論食物還是飲品，都係fresh的感覺。…查看更多

呢間餐廳並非在大街大巷，而是在商廈裡。他們標榜有機健康餐，仲犀利到有自家的農地種植有機菜。餐廳環境算是闊落，唔會坐到迫迫夾，仲有live band演出。今日有五個餐，我們share試咗四款。至平一款嘅係有機雞柳包配沙律，送有機茶。睇落會以為唔夠飽，但食落都好實在，夠晒飽。以觀塘區來說，加上是有機食材，真係抵食。餐廳仲有自家製有機麵包，十幾蚊一個，唔算貴。職員仲話佢哋自己有個石磨，即磨麵粉可以保留最多營養，呢份對食材的執著，真的值得一讚。…查看更多

前幾日我們一行三人去食lunch，見到有間新開話有機飲食的新店，諗著去試吓，初時都怕中伏，又食唔飽，但見新店就即管一試啦我叫咗個牛肉飯（$58），一來到勁香，啲牛肉又足夠及新鮮，由於勁肚餓，食咗兩啖先就記得要影相。朋友叫咗個有機三文魚炒飯，竟然唔駛（$58），炒飯炒得夠乾身，又食到啲薑粒的香味。最後一位朋友食個牛肉彼得包（$45），佢仲怕只係食個包唔飽，點知份量真係十足！嘩～大滿足的一餐！跟餐仲有一杯有機茶，仲唔駛加一，讚另外一讚的係，當日上到去，見到和一般的食店不同，服務員有笑容、態度良好，任坐幾耐都唔催我哋走，又好有心機地解釋有機飲食的好處。看來真係有下次～…查看更多

每一個餐都以健康食材製作，味道比普遍餐廳食物清淡一點，但能食出食物原鮮味。推介畢特包，南瓜雞柳飯，沙律和紅色蔬果汁。有特色。價錢相宜。健康食物難找。女士們，記得叫少飯。…查看更多