影片
呢间 @yummy_cart_noodles系我既车仔面饭堂🥴佢既十全十美二人车仔面餐系卖飞佛❣️除左湾仔仲有其他分店～但新出既鸡煲就只系得任点美食呢间有！仲有一人鸡煲 真系毒L既福音🥺⚠️鸡煲一至五2:30后先有下午茶食个鸡煲Chill到晕🤪星期六就全日供应！星期日off架唔好白撞咗～不过有真空鸡煲可以买番归食添🤩Btw想讲好似包场咁🥴闲日好静慢慢同fd煲住食😂———————————————————————💛麻辣鸡煲(二人份) $157😋：8.5/10净系二人份边炉就$99加$58就可以变麻辣鸡煲～大食既话每人$128仲可以任食鸡🐣鸡件都好多旧下又入起！有起马十几旧仲好嫩滑～而且个酱汁都几够浓～唔够辣同员工讲都好愿意帮我地加辣🥺🙏🏻鸡煲餐仲可以叫6个𩠌食完打边炉！唔够都可以再加 每样𩠌+$9另外亦都包左一碟时菜～生菜都几生鲜🤟🏻入晒味好正而𩠌就拣左以下：1️⃣手打墨鱼饼👍🏻呢个真系超正既招牌～大大块而且好弹牙又浓墨鱼味2️⃣蛋白鱼腐👍🏻呢个我都好推荐～大旧而且好索味😽3️⃣蜜味肠👍🏻即系台湾肠～呢个唔多车仔面铺有得拣！4️⃣蟹棒👍🏻系高级蟹棒唔系cheap蟹柳😼5️⃣芝士波波肠👉🏻呢个系童年回忆😂6️⃣鲜虾卷👉🏻呢个就相对上冇咁浓7️⃣牛丸(额外加𩠌+$9)👉🏻系冇咁滑既牛丸🤔重牛味但唔算juicy而饮品包热饮 冻饮都只系+$2叫左冻柠茶少甜少冰～茶底唔错而且系真点少甜！———————————————————————🍲🍜🍲🍜🍲任点美食 💸：人均～$80（鸡煲）📍：湾仔皇后大道东94号地下🔗其他分店：任你点车仔面(同一集团)👉🏻深水埗福华街147号地下👉🏻九龙城衙前围道7号地舖👉🏻湾仔骆克道139号地舖✨免收加一
继续阅读
平时过湾仔食饭，经常都经过呢间任点车仔面店，但系从来都冇入去试过。直到今日，有个同事去食完大力推介呢间车仔面，所以中午就去咗买个外卖试吓。听朋友讲，呢度啲花胶大大块超抵食，所以我就拣咗花胶、猪软骨同埋鱼腐，面既种类拣左粗面。买单都只系用咗$47。我叫完无奈，佢就整好左比我，真系好快手。拎到返公司一打开，见到大半碗都系𩠌嚟，我急不及待开始食。啲猪软骨好淋，好好味。花胶佢比左几大块我，花胶同鱼腐亦超级入味。食完真系饱到要行下商场先消化到，性价比超高既一间铺👍🏻
继续阅读
今次介绍呢间位于湾仔既车仔面店💛，前年年尾开张后帮衬过几次觉得唔错，可惜位置介乎湾仔同金钟之间就唔太就脚👣早排某日想去星街食pizza🍕，可惜lunch hour等位要半个钟，附近几间食店亦人头涌涌，突然醒起都好耐无帮衬过呢间车仔面店就拿拿临转场🏃🏻♀️.呢间车仔面店既面𩠌有成43款咁多，鲍汁炆花胶同手打墨鱼饼呢两款就最受欢迎，45蚊一碗3𩠌面又食到呢类比较少有既面𩠌，个人认为价钱都几合理既🤔如果有同事/朋友一齐而大家又无乜特别要求既可以考虑拣佢地既十全十美二人餐，10款指定面𩠌+两碗面底都只系108蚊，面𩠌系双人份量非常够食，平均每人都系54蚊绝对比单点两碗3𩠌面抵食👍🏻.除左地舖之外呢度仲有楼上雅座，系门口收银处落单俾完钱之后店员就会安排座位💁🏻♂️🪑值得一提既系呢间车仔面店同骆克道既「任你点车仔面」隶属于同一个集团💛，大家唔洗担心会帮衬错🤣******************************✨ 十全十美二人餐🍲 ($108)二人餐既10款面𩠌有花胶、猪软骨、溏心蛋、墨鱼饼、鱼肉春卷、鱼腐、猪大肠、蜜味肠、蟹棒同红葱餐肉炆花胶都几大块下，每人食到三至四块份量唔少；花胶炆得够腍食落滑捋捋，不过鲍汁味就唔太食得出🤨之前几次帮衬都有点猪软骨🐷，个人觉得佢都几入味下，今次再食就觉得炆得唔够腍，软骨位咬落偏硬，好似食紧蒸排骨咁🤦🏻♀️溏心蛋🥚腌制既味道适中，蛋白酱油味唔会过咸而蛋黄带甜，溏心效果不错👍🏻个人最钟意既系呢度既墨鱼饼🦑，弹牙得黎又有墨鱼既鲜味，够晒真材实料😋 可惜今次食到既墨鱼饼油炸味偏重，比较令人失望😕鱼肉春卷🐟入口同样有好大阵油炸味，鱼肉味唔太食得到，同埋未知当日食到既系咪炸得太耐，口感过于扎实唔够弹牙😣鱼腐🐟味道偏咸，质感就偏腍，食落有种烂烂地既口感😐猪大肠🐷炆得够腍，味道浓郁，最重要既系入面清洗得够干净同无臭味🙈蜜味肠食落好有蜜糖🍯既甜味，口感似台湾香肠但略嫌无乜肉香，个人比较喜欢后者🙈蟹棒🦀就系急冻食品无咩特别红葱餐肉并无煎过，肉质偏松散，午餐肉既香气亦欠奉🙈 不过个人就几钟意中间肉丝既口感，同埋唔会偏咸，如果稍为煎香就更加好啦🤔-🥢 蕃茄汤米线🍜汤底有咖喱汁/沙嗲汁/番茄汤/瑞士汁/腩汁/麻辣/泡椒辣/云南酸辣（需加6蚊），另外仲可以拣小/中/大辣呢度蕃茄汤底虽然并非由鲜蕃茄🍅煮成，之前食几次都觉得正正常常，而今次呢碗面拎到埋黎时见到厨房只系好hea咁将焗猪扒饭既蕃茄酱加落清汤底就出餐，客人要自行将汤汁搅匀，同埋搅匀之后个汤底其实好淡，无乜蕃茄味😥 至于米线就煮得太耐，口感偏腍无乜口感😓-🥢 腩汁粗面🍜腩汁既味道就无乜问题，如果浓味多少少🤏🏻就更加好🤔 粗面唔算好有嚼劲，整体叫做不过不失👌🏻******************************👧🏻人均消费：$54😋味道指数：3/5💰抵食指数：3.5/5🪑环境指数：3/5💁🏻♀️服务指数：3/5👍🏻再访指数：3.5/5-📍任点美食地址：湾仔皇后大道东94号地下⏰营业时间：07:00–20:00 (Mon–Sat)；🅞🅕🅕 (Sun)
继续阅读
💛任点美食·呢间同任你点车仔面系同一个集团架 不过呢度坐得就迫少少 而且佢唔系逐个逐个送嗌 系直接一个价钱任你嗌3个送😈·三送车仔面$45佢个花胶真系超大块 今次我地呢块无上次咁厚身 但系佢摊开系大过个碗超夸张 而且佢系炆到淋晒 感觉好胶质😎之后手打墨鱼饼都仲系咁出色 超级弹牙 完全唔会粉🦑炆花菇同瑞士鸡中翼都劲入味 尤其系估唔到个花菇摆落番茄汤浸到少少个甜味咁正🤤咖哩鱿鱼都好够味 不过就比较碎 食落无咁爽 个猪软骨都唔错既 不过就有D比较un 唔系旧旧都炆到淋晒😂😂但系整体都超级出色 佢D面都系索晒汤 超正😋·📍湾仔皇后大道东94号地下
继续阅读
湾仔真系黄店车仔面福地🎗之前介绍完『车面馆』就心思思想再食车仔面 但已经结业咗🥺 今次就试下湾仔新开嘅『任点美食』(原来系『任你点车仔面』嘅姐妹店 好耐之前食过一次 性价比超高👍🏻) 有名你叫 任点美食 真系乜𩠌都有 总共有42款俾你慢慢拣 有选择困难症嘅🦄最后决定点净四𩠌 试多款🥰【鲍汁炆花胶 糖心蛋 手打墨鱼饼 鲜虾卷】💰$48~ 鲍汁炆花胶 ~上一次食任你点已经俾佢嘅大花胶吓亲🤪 今次又大块咗 食极都仲有 好似唔洗钱咁🤯 鲍汁炆花胶整得好软身入味但唔会一pat䊢咁 几有咬口🤤 ~ 日式糖心蛋 ~ 呢个超惊喜💥 见好多review都话系必食就试下啦😛 完全冇谂过车仔面都可以做到日式拉面店𠮶种溏心蛋🤩 真系糖心蛋 好重酱油味 蛋黄入口即溶好甜 好好味👅 ~ 手打墨鱼饼 ~ 超级厚结实得黎好弹牙 食落啖啖墨鱼肉 好似食紧墨鱼扒咁🦑 面头炸得好香口😍 但完全冇油腻嘅感觉👍🏻~ 鲜虾卷 ~ 同样真材实料 炸得香口不油腻 弹牙 鲜虾味浓🦐 ~ 蕃茄汤 ~ 小店主打零味精自家制车仔面 见到张poster咁hard sell就试试蕃茄麻辣汤底🥫可以饮完一啖原味 先落自家麻辣酱🌶 虽然唔系我饮过最浓嘅蕃茄汤 但佢真系用蕃茄去煲 食到粒粒茄蓉🍅 酸酸甜甜好开胃 加埋麻辣就有另一番风味💃🏻 最后成碗清晒见碗底😋🦄满足指数: ❤️🧡💛💚💙💜💖#OhMyFoodBae_wanchai#OhMyFoodBae_车仔面#OhMyFoodBae_yellow#OhMyFoodBae_OMGhohoMEI📍任点美食 湾仔皇后大道东94号地下
继续阅读