任你點車仔麵 (已結業)

今日去試食花膠車仔麵👍又真係幾好食喎😎$12花膠大件又夠淋😉堅抵食😉腩肉非常入味，好食😇即煎鮮蝦卷，正😍新鮮韮菜餃，爽😁厚砌豬頸肉，讚🤡腩汁湯底，夠濃😋平均每碗$40，確實有驚喜👍

今日好想整翻碗車仔麵吖, 經過任你點門口見咦有花膠~ 不過勁多字真係眼花頭暈 .. 入面位置幾舒服呀, 一個人可以選對牆坐, 幾個朋友就可以選小圓枱。非常欣賞點餐是用過了膠的餐牌, 只要用水筆圈餸就可以, 環保不浪費紙張 ♻️選了鮑汁炆花膠$12, 瑞士雞中翼$10和黃金魚餅$7 ! 先講湯底, 腩汁不會太鹹, 米粉亦爽口唔會過稔... 花膠真係大大塊, 雖然比唔上屋企食開的花膠但$12 來說乜膠都好都算抵吃吖! 雞翼略細隻, 炆得入味不黏骨 , 魚餅有2舊夠爽口彈牙。阿姐好有禮貌, 性比價又高, 下次會再幫櫬 💪🏻

今日叫個外買，啲份量少到不知所謂。啲韓國粉絲食2-3啖就無晒(唔係我大啖食，我諗正常人都係食3-4啖)。同埋個外賣生菜就更加不知所謂!13蚊半棵生菜都無，我數過都係得7塊葉。痴線。對上次叫埋佢個花膠，又酸又臭。唔該注意返啲食物質素!質又無，量又無。

窮遊香港-大大塊花膠車仔麵？👍🏻想睇更多好野食 記得follow ig@hkfunfoodrecord 同like我地啦.今日叫左2碗車仔面🍜沙嗲湯+河粉8花膠 12咖喱魷魚10豬軟骨12=$42同埋🍜沙嗲湯+粗麵8 花膠 12豬大腸8日式糖心蛋8=$36樽裝豆漿$7.😡花膠花膠大大塊12蚊黎講堅抵食但鮑汁 沙嗲汁 流於表面 唔入味最後花膠真係食一舊原味膠同埋呢個價錢 唔係咩靚膠都合理但‼️重點‼️花膠有唔小沙‼️仲要2碗 2塊都有勁多所以我比👎🏻負皮👎🏻.🤔咖哩魷魚咖哩汁一樣流於表面但舊魷魚成舊橙色 好似紅蘿蔔咁（🤦🏻‍♀️可以睇睇圖）魷魚都唔彈牙呢個質素🤔一般級數.👍🏻豬軟骨呢個就算比汁沉住都好入味仲要d骨係煮得夠耐 軟哂d肉都唔會因為煮得耐而硬👍🏻正評推介.👍🏻豬大腸我朋友用左一句去形容：豬大腸味夠濃！正‼️唔鐘意果隻味會好反感👍🏻正評.糖心蛋都做到流心既感覺都滑既👍🏻正評.豆漿7蚊都抵飲既.⭐️評分：味道：3/5 花膠0分 豬軟骨5分.‼️想睇更多資訊‼️ig ： hkfunfoodrecord‼️openrice/大眾點評 ： 歡歡增肥之旅.👍🏻鐘意既記住。like。同。追蹤。呀.📮仲有可以

見到網上食評家的推薦, 一直都想一試大大啖花膠!午市時間, 一個人比較容易有位置!坐低後, 店員很有禮貌地送上膠餐牌!非常肚餓的關係, 我點了:花膠瑞士汁雞翼豬腸溏心蛋薯粉配酸辣湯底賣相不錯!但竟然湯面有大量蒜蓉!!我是不吃蒜蓉的, 但又不想浪費一碗食材, 所以頂硬上...以上四種配料, 最出色竟是溏心蛋!!其次是豬腸, 淋而入味!瑞士汁雞翼可以再滑身一點...而花膠, 係大塊, 但唔岩我口味, 食落係硬身...整體非常一般...最後, 我付款時店員終於解答我蒜蓉之謎...竟然係個酸辣湯...我唔係好明白點解酸辣湯底會有蒜...btw下次再食至算...

嗰晚對車仔麵嘅渴求好大 一叫就叫晒想食嘅餸 冇諗過食唔食得晒🌚其實我係衝著佢地勁平又勁大塊嘅花膠而黎 睇網上面太吸引喇會唔會太抵🤩-✏️牛肚/蘿蔔/溏心蛋/鮑汁花膠/配米粉($45)我叫左牛肚/蘿蔔/溏心蛋/鮑汁花膠 麵底揀左米粉🤤一上枱 份量勁大!!!見到都覺得會食得好滿足🤩牛肚好入味而且好淋😚蘿蔔好甜又索汁唔洗講㗎喇😆溏心蛋係有驚喜!!!真係做到人地日本拉麵店嗰啲咁🤩比起好多香港嘅拉麵店嘅仲要好🤩而主角花膠真係大塊到不得之了🤣呢個價真係抵到阿媽都唔認得😂其實味道都算係okay geh 不過唔算係好淋 食落有啲啲啲啲膠味🤣但以呢個價黎講已經贏晒冇得輸😌-✏️咖喱魷魚/牛柏葉/鮑汁花膠/菜心/手打墨魚餅/配粗麵($51)另外朋友叫左咖喱魷魚/牛柏葉/鮑汁花膠/菜心/手打墨魚餅/配粗麵🤔🤔咖哩魷魚都幾入味 而且好彈牙😌牛柏葉食落好爽口😌佢仲好推介手打墨魚餅 話好好食😛我冇試到 不過都係店舖推介之一 鍾意食墨魚餅要試下😛另外由於我哋兩個都好想食豬軟骨🐷但係再叫埋落餸到就真係太多😂所以就索性叫一個豬軟骨小食😆-✏️豬軟骨($30)呢個係超級推介大家食!!!因為$30但係份量超級大🤩豬軟骨嘅肉質炆到

上網見到介紹呢間車仔麵既花膠扒，墨魚餅，好似好正。今日去開深水埗，專程搵黎試下。墨魚餅，魷魚，酸齋粗麵真係第一次見酸齋係酸汁另上，而唔係煮落個麵根度，無煮入味既麵根，味道可想而知，而另上既酸汁亦有少少嗱喉，唔掂。墨魚餅彈牙，但味道唔太新鮮，10幾蚊貨仔，可以接受。而魷魚無咩味。花膠，糖心蛋，豬軟骨河粉。花膠真心大件，但未太入味，有少少腥。豬軟骨都有唔太入味既情況，河粉似貴刁質感，個人唔係好中意。反而最好食係隻糖心蛋，估你唔到。上網介紹既野，真係要試下先知道真偽。但其實間野又幾多人去食，唔通我叫錯餸出事，定唔係我杯茶。

有一晚同朋友去深水埗食飯，係決定食咩既時候我就提議不如食文記車仔麵啦，因為都好似好耐無食過車仔麵，行到文記既門口見到好長既人龍，朋友就話不如食另一間 因為大家都行到好攰啦 唔太想排隊，於是就去左任你點車仔麵。.之前一直都未試過既，膽粗粗就入左去啦 任你點算係新式既車仔麵舖頭，枱頭會有一張張過左膠既meun 俾你去用marker筆圈要食既配料。.我首先就揀左粗麵作為麵底，之後就揀左鮑汁花膠，豬皮，牛腩同韮菜餃。配料食得出係花左好多心機既，非常之入味 牛腩非常之唸。

之前睇Magazine 介紹花膠車仔麵，堅持唔落味精，一直想試佢嘅鮑汁炆花膠，今日終於一嚐滋味名不虛傳，真係要讚一個！$12食大過手掌嘅花膠，價錢簡直實惠兼親民佢哋手打墨魚餅，又香又彈牙，亦係值得推薦！ 反而秘製豬頸肉有d太腍，口感一般，非一般食開嘅豬頸肉蘿蔔OK夠甜！ 酸齋如果分開上，就唔會被湯浸到腍晒，咁會再好味d，配上甜醬，味道還不錯！湯底選了麻辣湯中辣，味道香口食完麻辣後都唔會太口喝，相信冇落味精是真的

去開深水埗買嘢，順便嚟試下呢間聞名已久的車仔麵店。一入到去，啲哥哥姐姐 殷勤招呼 ，即時比餐牌我點餸， 佢哋好環保，用筆圈係過左膠嘅餐單上面，可以重用。點了花膠，炸魚皮，炸蝦條，溏心蛋油麵， 酸辣湯底不消十分鐘， 麵送來了。炸魚皮很貼心地另上， 相當香脆一大片花膠，炆得剛好，差不多佔了全個碗面， 以12蚊一件來說，真的可以為皮嗎？蝦條很蝦，溏心蛋很溏心。湯底微微酸辣，非常惹味。總括來說.......就是大滿足。埋單46個大洋，價錢合理。

今日已經係第二次幫襯任你點。印象記得呢間野應該都開咗大約一年，新開張嘅時候完全冇諗過入去幫襯，因為係門口見到個餐牌已經覺得好暈。但有一日好想食糖心蛋就俾次機會佢左入去。店內所有員工都好有禮貌，要讚👍🏼今次係第二次幫襯，湯底個腩汁辣辣地，由於小妹唔辣得，但又覺得好野味，所以一路食一路飲水。今日嗌咗花膠，女士至愛，當然唔係上盛花膠啦，食咗乜膠其實我都唔知😝 總之係好味。豬頸肉用咗滷水去腌，好入味，好大嚿，絕對唔係薄切，豬紅亦都有好多粒。呢一間車仔麵比起鄰近嗰一間排晒長龍嘅，我覺得絕對值得幫襯！一個女仔嗌三送係會抱住個肚走。

今天晚上忽然很想出街食，想吃一些簡單的東西，友人提意去位於深水埗的＂仼你點＂車仔麵。其實一聽這個地方不太想去，因為沒有什麼可以逛，不過今晚以食飯為主，就試試吧。地方不太難找，很快便到，最幸福的是不用排隊！因為近幾年，香港什麼地方也排隊，很可怕！好了，回正題，嗯，一入店就聽到很多八九十後的歌曲，四周牆上更有很多人留下一些畫作，有些畫得不錯，坐位有死角位及一伙兒的，好像自修室。由於時間尚早，人流不太多，與友人很快坐下來點餐，拿到餐牌時，眼睛已經被花膠及菠蘿包吸引住了，聽說這是店的招牌，當然不容錯過，於是點了一個花膠牛腩烏冬，及一個碎蛋菠蘿包。不久，店員把食物送上，嘩，花膠真的很大塊，而且是厚的，牛腩份量也很多又夠入味，烏冬也夠彈牙，正呀真係！重點係菠蘿包，因為太心急想食麵，個包已經不是熱的，不過咬落去依然又脆又香，不得了，今晚真的很滿足，I will be back !

新嘗試車仔麵地方舒服ok 唔會好似有啲咁逼逼澀澀， 坐低見到個餐牌心念點解唔係用紙圈嘅？ 原來係用咗張過咗膠嘅餐牌用水筆圈真係鄉下仔， 點咗三餸一麵 油面用靚油麵食落去唔會粉痴牙爽口 牛丸正常貨 咖哩魷魚好入味唔係一般街邊嗰啲噈咁樣灼熟畀你食 係日曬咖哩味 估唔到個韭菜餃咁好味 喺湯面都冇散開 咬落又冇散開個涵又唔會死實實正， 好過排隊食乜記車仔麵又貴又難食都唔知點解啲人咁鍾意排隊去等。 另外佢有個花膠好平好抵食不過我個人唔係咁鍾意食冇點到。

又係新假期呀，唔係佢，都唔知呢間車仔麵咁好食！我已經N年冇食過車仔麵。屋企樓下開嘅車仔麵越來越多，但又唔係人人講到好食到飛天咁，又要排條大長龍，依家天氣又咁熱，係咪真係咁值得去排咁耐呢。入正題。呢間車仔麵原來都開左好耐，我依家先知。咁啱過左食飯時間，入到去唔係好多客。姐姐好友善，服務好好呀！姐姐話因為環保嘅關係，用黑色粗水筆喺上面畫想食乜，呢個真係好貼心，好少餐廳會諗到環保，好過不停浪費紙張。叫左3樣送，我都係第一次食車仔麵要40蚊🤣呢舊花膠，半個碗咁大塊，好煙韌，好味。薯仔粉都好好食。因為唔食得辣，我揀左清湯，但一啲都唔清，湯偏鹹，呢個要減一減分。呢隻流心蛋一流呀～另外手打墨魚餅要讚下！好彈呀好爽！12蚊兩舊，我接受到。食完一碗我飽，堅係好味好食！呢間真係冇介紹錯！福榮街嗰間車仔麵有競爭對手喇！

今天路過深水埗，剛好中午時間要搵嘢食，就入咗呢間鋪頭，一入到去就已經有人好親切咁同你打招呼，同比咗兩份過膠menu俾我哋，感覺非常不錯😍。因為第一次食初初諗咗一陣先知點落單，因為枱上有筆冇紙，原來支筆係直接畫落去個Menu度，用完可以抹番重用，好環保喎👍🏻跟著我地點左兩碗車仔麵，老公份人比較腌尖，叫左豬軟骨覺得份量不夠便向店員查詢，店員二話不説也不解釋便叫廚房加量補回，態度一流😊豬軟骨同埋牛腩好林好入味，當然入嚟就要試吓個花膠食落都吾錯，湯底都好好味！下次黎深水埗都會再試。PS 走嘅時候，店員仲有因為剛才份量少的問題同我地再講唔好意思多謝拜拜，服務滿分💯