仝堂茶聚

营业中

休息中

2023復活節假期第4天，到又一城睇早場，散場還未到中午12點，吃過八月花好多次，今次換換口味，到樓上仝堂茶聚。入口的左右兩邊都有座位，左邊比較open (因為不是店舖範圍，在本來的走道間隔一下，成了用餐區)，右邊的感覺比較好！沒有提前訂座，店員領我們到左邊中間的細枱，我們不想坐，準備離開去别家吃，店員才說右邊也有1張細枱，但員工在用餐，要等等。我們點了以下的：＃茶：沒有普洱茶，只有紅茶和綠茶兩種，點了紅茶，店員說是鐵觀音混合日本培茶，味道挺好的！＃豉汁蒸鳳爪：好入味！＃鮑魚燒賣：鮑魚有咬勁，好吃！燒賣則一般。＃牛油果蝦春卷：牛油果creamy，蝦肉爽脆，好吃！＃迷你排骨飯：好吃的，但起菜好慢！＃迷你鴨肝潤腸飯：油香滿滿，不錯！食物味道水準之上，但服務強差人意！兩碗飯很久都沒來，吹店員，她的回覆是：飯，冇可能即刻嚟㗎！(即刻！我點單已經40分鐘！)吃完賣單，收錢的男士sell現金券，買1000送200，可以即刻扣，但冇講清楚，現金券唔可以點乳鴿。

今日放假，於中午時分親臨到來排隊等候入座飲茶，呢度環境幾寬敞舒服，服務員的招待都不錯 ，今日用order form畫了最愛的鮮竹牛肉球，該餐廳的點心挺好吃，尤其老種馬拉糕，又香又鬆軟，酥皮叉燒包及牛肉球都香濃好味道，整體上不錯，有空再次光臨。

今天同老婆又去到又一城，佢話想食番上次間中式懷舊小菜（Tong Tong Town），服務好好超貼心野食又好味門口安排入座經理非常nice，見到老婆有身孕立即攞張椅子出黎門口俾佢坐，即使等待一會都值得今次再order好好味既BB鴿，香脆多汁，令人欲罷不能，必食，另外仲有干炒牛河，牛肉鮮嫩，味道一流！！！

對呢間餐廳極之失望！真係成肚火！本身book 咗12:00 6大2小黎呢間餐廳食野， 12點鐘準時到達，本身有個職員話安排緊入座，然後2位小朋友係店外等到不耐煩，要父母抱，結果我地係出邊等到12:41 先入到座。職員亦沒有合理解釋為何要一枱已經預先book 咗枱嘅客人等待41分鐘。如果已預約嘅客人都要等待41分鐘才可入座，一係你就取消booking 服務，全部客人都要排隊等位！幫襯呢間餐廳，記住擁有良好腳骨力！ 以後都唔會再幫襯呢間垃圾餐廳

今日同大嫂出黎九龍塘行街，接小朋友放學。谂住出街食饭，姪女見到有得意包包就話想食就決定係呢間試下。因為唔係假期，又黎得早，六點鐘左右。所以即刻可以入座，門口經理好熱情見到小朋友好有愛心，俾粒糖請姪女食。入座後侍應俾埋Hello Kitty兒童餐具🍽️真係好細心。用餐期間，姪女唔小心将餐具跌落地下，未等我出聲問侍應要多副餐具，侍應已經摞緊過黎，服務真係好好，又細心❤好有笑容。佢哋BB鴿同小豬包，姪女話好鐘意，下次仲要食。買單時，侍應向我介紹買coupon，買1000就送200，又可以即买即用。我覺得都好抵，BB鴿優惠價49蚊，所以唔可以用，可以理解，姪女又話下次仲要黎。所以就買佐1000。

今天假期前夕晚上，跟家人在又一城shopping後去到Level 1既呢間Tong Tong Town見到門口有數人輪候，心想要輪候的水準一定有番咁上下……不用3分鐘，已能安排入座，男經理仲好細心幫我地安排妥當座位（因有小朋友要照顧）及口罩袋果然最終都冇令我失望，食物味道一流，最好食😋既有燒鵝同埋蝦多士，仲有個仝堂六小福（裡面包括有6款不同款式既得意包包）服務方面簡直係值回票價，全個服務團隊都好團結，全程面帶笑容（雖然戴住口罩，但都感受到），好Nice咁服務人客當我有需要前，已為我準備好一切………😃😃最後我哋一行四人埋單合共約700，價錢合理有機會必定會再嚟以及推薦親朋戚友

餐廳推廣緊買$1,000得$1,200現金券。購買時很順利，但呢間餐廳現在只有又一城一間店，好唔方便，就快過期先焗住去用曬佢。使用過程卻不太開心，餐廳制定各種使用規則想做多D生意，分享給大家參考，理性消費。我地叫買單時，服務員告知消費$640。我地袋住$600（$200*3），念住岩好。點知，拿出現金券服務員指出某些食物不能用現金券（乳鴿），爽快比返一張$200，叫我們下次再黎，藉此鼓勵再次消費。我地既刻拒絕，話再點多D野。點左590幾，同服務員講，唔使找，卻被服務員告知，一定要超過600先可入機。焗住再叫D野。最後買單，發現外賣食物依然計左加一；全單服務費要額外比錢。再加上之前有個別食物唔可以用券，使用券時唔可以「唔使找」，真系覺得消費得唔開心。

新派中菜餐廳餐廳以一家人同枱飲茶聚首為主，餐牌上有很多種類菜式，由點心、燒味、懷舊手工菜、香港口味菜、炒粉麵飯都齊備。龍蝦湯配脆米龍蝦上湯鮮味十足，裡面有海量的菇菌及粒粒蝦肉，炸好的脆米又蓬又松，吸收了蝦湯，口感輕脆豐富。龍井醬油雞(半隻)色澤金黃油亮，雞肉幾乎沒有肥肉，肉質緊實有彈性，有淡淡的茶香，去除了油膩感。涼拌三拼(滷牛展、海蜇、燻蹄)滷牛展:入味有嚼勁海蜇:清涼爽口燻蹄:軟糯膠質滿滿仝堂茶聚九龍塘達之路80號又一城1樓L1-33號舖

聖誕假期間特登去又一城睇聖誕樹，今日意外地唔多人食飯，想食中價菜因為聖誕假期已大出血🩸最反試呢間中菜，開頭見佢個名叫茶聚以為食點心原來晚市大部分都是小菜。點了個蝦醬生菜同BB乳鴿，但唔記得咗影相，乳鴿比想像中好食又熱辣辣，中途食到成手都係油問職員拎濕紙巾佢好細心咁幫得撕開埋包裝袋，值得一讚之後叫咗個巴馬火腿大良炒鮮奶，出面嗰啲比較甜呢個係有鹹嘅火腿配搭中和返另外在叫咗一個蟹肉伊麵，呢個就普普通通無咩驚喜總括來講起呢一個高檔場算係唔貴，茶錢每人10幾蚊，最後仲叫咗個甜品總共$500埋單

🦢天鵝荔蘇 🦢..呢一間嘅前身係SchoolFood，冇左間韓國嘢，但就多咗間食點心，今日終於正正式式試左仝堂茶聚👀 入面嘅裝橫好別緻，服務員態度好好，啲點心樣貌別緻可愛，唔似舊式嘅茶樓，相信好吸引啲年輕一代黎打卡🤣..雖然係用點心紙點野食，但選擇非常多，保留左經典點心，仲有好多創新嘅食物😍 哩個係天鵝荔蘇，表面黑炭蘇蘇有啲苦，但個味道唔錯，有少少似鹹水角嘅味道🤔..@lamlamfoodie

仝堂茶聚（九龍塘）好食度：😋 😋 😋/5性價比：😌 😌/5回頭率：🚶🏼 🚶🏼‍♂️/5 價錢：$348.7，一炒飯兩小菜一籠包加茶錢兩人做完工作到九龍塘食個晚飯，叫了一個蛋白瑤柱炒飯，放入口感覺乾乾地，明顯感受到飯粒一粒粒嘅感覺，好唔好食就睇個人口味了，女朋友是挺喜歡乾身嘅炒飯。另外叫了一籠黑金流沙包，味道尚可不會太甜，但不是那麼流沙的感覺。另外的鳳梨咕嚕肉個人是不太喜愛肉的質地，比較硬身，也不是那麼脆。最好食的是八味脆豆腐，有少少辣辣的感覺，裏面的豆腐很滑，這一道菜值得一試。用餐時間並沒有限定，餐廳侍應收碟收得很勤快🤣環境方面闊落，環境舒適的！______|||___________ 網址: https://s.openrice.com/QrbS0gCS800~udFOLAw地址: 九龍塘達之路80號又一城1樓L1-33號舖電話: 26022068

在現今香港，已經沒有遇過一間這樣好服務態度的食肆！看到大部分員工都很用心去做事服務客人。見到OpenRice 很多人comment 讚，本來一直沒有意嘗試，因為總覺得又一城飲茶唔會平及好食。但超乎想像，食物不算太貴，最緊要係服務態度非常認真及專業。見到對每枱客人有如熟客對待，這點就值得回來再試！早上的男經理（年紀大的哪一位）真的服務態度非常有質素，比任何一間高級餐廳食肆都優勝！超讚！

服務態度真的一流👍🏻 強烈建議去👍🏻食物質素都很好新式點心中菜（創新好吃）📌魷魚豬耳 很特別的一道菜 配上花椒油有花龍點晴的感覺💕📌特級黑豚叉燒超好食 軟硬適中 鬆軟彈牙📌金雞獨立 （限量供應） 皮脆肉嫩 熱辣辣上枱又是瘋狂拍照的一道菜，好吃📌定海神針（魚翅+龍蝦湯+ 銀針粉）想不到很好吃💕龍蝦湯超濃 和魚翅很搭，喜歡吃銀針粉的要衝‼️📍 仝堂茶聚 (九龍塘)九龍塘達之路80號又一城1樓L1-33號舖#感恩遇上#為食兵團#跟住jj去搵食 #香港美食

今日來到進餐，看到菜館的環境裝潢設計風格真的很有懷舊特色，想像到小時候到過廣東旅遊時參觀過類似古色古香的餐館。而食物質素方面，點了幾款懷舊小菜及甜品，我覺得裡面的師傅真自製得味道好及服務好😋，外面很少粵式餐館能吃到，價錢還划算，要好好珍惜👍。

坐咗未夠一個鐘，係咁过嚟執你枱，講緊係十几次，又係你未嗌埋單，直接攞張單過嚟催你買單，有無咁趕呀食物質素一般，脆皮叉燒酥好食，但係蘿蔔糕好難食，炸到燶晒，希望改善