影片
港铁佐敦站 D 出口, 步行约6分钟
继续阅读
开饭介绍
位于尖沙咀的日本餐厅，选择多样，食材新鲜，餐厅破格地将寿司及Pizza融合，口味创新，如牛油果Pizza等。
继续阅读
营业时间
星期一至六
12:00 - 15:30
18:00 - 22:00
星期日
12:30 - 15:30
18:00 - 22:00
公众假期
12:00 - 15:30
18:00 - 22:00
公众假期前夕
12:00 - 15:30
18:00 - 22:00
以上资料只供参考，请与餐厅确认详情
食家推介
夜校课程嚟到尾声，约同学仔食晚饭先返学，呢间book mark咗未试过又近学校，所以撩埋同学仔去试餐厅晚市开18:00，我哋去到仲未开喺门外坐咗一阵间，店员开门问我哋几位就带我哋入座，我哋坐咗最埋𠮶张四人枱，餐厅地方唔太大，我哋入座不久好似已经满座。我哋叫咗两个定食特式酱豚肉乌冬同学仔呢个餐都好吸引，有乌冬、炸虾卷、三片刺身、鸡翼同中华沙律唐扬龙冷乌冬个餐嚟到我呆咗，咁多嘢边食得哂呀我已经叫同学仔帮手食啲炸鱿鱼须，最后我真系食唔哂🤦🏻♀️，好彩我带午饭返工食，有个洗干净嘅玻璃饭盒，将炸虾卷、鸡翼同小小炸鱿鱼须带走，唔好浪费食物同厨师嘅心机真系好好味同抵食，推荐💪🏼💪🏼
继续阅读
大热天时暑气腾腾🌞完全冇胃口食热汤面决定咗去呢间食寿司卷物～经openrice 订座有85折优惠✨舖头细细座位唔多 座位之间都有啲迫不过咁啱𠮶阵冇乜人职员都安排咗我哋2个去四人座位需然得2个人但系好多嘢都想食因为个餐牌上面嘅相片全部都好吸引😂最后叫左：🦀炸软壳蟹～ 份量唔错 有5-6件炸粉有厚度但都可以接受👍🏻🍘蜘蛛$88 （右，馅炸软壳蟹）🍘午夜牛郎$88 （最上，馅牛油果三文鱼）🍘黑龙卷$98 （中间，面鳗鱼牛油果🥑）🍣吞拿鱼卷🍣海胆寿司🍣鳗鱼寿司寿司方面系合格既～海胆鲜甜无怪味吞拿鱼卷入面既鱼肉都几大粒👍🏻但黎呢度既重点梗系各式卷物啦！🍘蜘蛛⭐️⭐️⭐️呢款款物相对大件 唔可以一啖食晒炸软壳蟹可能都放左一段时间所以系唔脆，咬落去无左同寿司饭既反差口感🍘午夜牛郎⭐️⭐️⭐️⭐️三款卷物呢款系最有惊喜！呢个系炸寿司～ 细细粒可以成旧入口外皮既寿司饭炸到脆脆地加埋暖暖地软绵绵既三文鱼同cream cheese我同老公都觉得好好食😋🍘黑龙卷为左鳗鱼同牛油果呢两样我最钟意既材料而点😂但唔知系咪午夜牛郎太惊喜食呢个果阵就无咁大满足感～但系都好食既同埋得两条友食左咁多饭 开始麻木🤣下次都系同多啲人食share会开心啲又可以试多几样最后埋单$470 但有85折🥳会再来的～
继续阅读
今和 地方细细, 但都布置得干净整齐充满心思, 有日本居酒屋风味 🍶Menu 上有各式各样特别嘅创意卷物, 每款菜式卖相精致, 好有特色, 好吸引🥰今次嗌左两款卷物金龙卷🍤 (𝐆𝐨𝐥𝐝𝐞𝐧 𝐃𝐫𝐚𝐠𝐨𝐧 𝐑𝐨𝐥𝐥) ($92): 4.2/5系用咗炸虾、芝士🧀同三文鱼卷成嘅新鲜炸起嘅炸虾同埋芝士一齐食好夹 𝐣𝐞𝐧𝐠加埋卷物上面铺上嘅一片片新鲜三文鱼, 千岛酱同烧汁, 令味道更加升华🤤更丰富十分推介钟意食炸物同三文鱼嘅人💞🍣烟花 🎆(𝐟𝐢𝐫𝐞𝐰𝐨𝐫𝐤𝐬) ($98): 3.9/5系用辣味三文鱼、辣味吞拿鱼, 同脆片卷成嘅味道唔算好辣, 反而三文鱼同吞拿鱼味道比较重, 每件卷物上面都铺上脆片嚟增加口感😆寿司饭味道口感都唔错, 而且三文鱼同吞拿鱼都俾得好足料, 唔错另外嗌咗软壳蟹沙律 🥗($89): 3.8/5估唔到沙律都几丰富几抵食, 配芝麻酱入面有一啲脆片、大量海苔沙律、牛油果片🥑、蟹籽、生菜、羽衣甘蓝🥬⋯⋯同一只新鲜炸起嘅软壳蟹🦀软壳蟹好香口, 好脆, 唔会觉得太油腻🤤🤤一定会再encore嘅日式小店🥰🥰Yumyum📍 今和寿司(尖沙咀)🐰: 4.3/5
继续阅读
因为朋友指明要食日本菜，就揾左附近呢间日式餐厅，间餐厅细细间，座位就迫左啲。入到去个店员好忙咁，又做紧外卖单，都唔太得闲理我地！间餐厅午市都有定食套餐最低价由45蚊起，都抵食，我就拣左个杂锦刺身丼$72+$4 纸包250ml饮品有啲货不对版，明明餐牌上系有两片玉子，但无左刺身又薄小食：炸软壳蟹 $70岩岩炸出黎，都脆，几好食油甘鱼鲛定食 $138鱼鲛都唔错，但刺身薄同埋刺身有鱼骨啰最嬲系明明订枱食饭，入去时同佢讲订左枱，个待应忙又无乜点理我地，安排个座位又大风又冻吹住，食完都快快要走，最后竟然仲要系OpenRice 呢度显示我缺席啰，最衰就忘记影今日张收据
继续阅读
特色精致，以食卷物为主嘅小店。卖相好吸引，有d配搭食落几特别！相朴力士$92杂锦刺身，芝士，蟹柳嘅卷物。刺身上有辣汁调味，配搭卷物里面嘅软身芝士，入口软滑。可能会觉得加咗芝士，食落会好饱腻，但微微嘅辣汁发挥作用，中和番下芝士，食落唔会好腻！配搭得几好！👍🏻黑龙卷$95芝士，炸蟹柳，鳗鱼，牛油果嘅卷物。有别于其他卷物加上脆片为寿司增加口感，呢个黑龙卷特别在于卷物里面嘅炸蟹柳，令寿司食落又有软又松脆，口感丰富～牛油果三文鱼卷$55中规中矩，同朋友称为omega 之选😆剑鱼腩寿司$44厚薄适中，鱼腩位置突显鱼肉甘香👍🏻帆立贝寿司$47帆立贝size 并唔系好大，但肉厚，正！炸虾天妇罗$74热辣辣，即叫即炸！炸虾大大只，天妇罗炸浆酥脆又唔油腻😋炒野菜$68谂住食d菜，但估唔到普通嘅炒野菜都有惊喜！椰菜丝，冬菇丝，红萝卜丝，洋葱丝，青椒丝，金菇丝，分量都几多！但重点系炒得好惹味，有洋葱嘅甜，又有金菇爽脆感👍🏻总括🔹人均消费大概$250，平时成日食手额寿司，如果想有新尝试，呢间都不失为一个几好嘅选择！有好多唔同款式配搭嘅卷物。不过要注意⚠️小店经营，地方比较狭窄同有限时用餐～
继续阅读