今助烏冬御膳 (已結業)

第一次食呢間野，永遠Blacklist佢!事源前幾晚約咗一班朋友食晚飯。 拎位前明明有個侍應同我朋友話無限時，到我地隔咗幾分鐘人齊諗住入去坐，另一個侍應又話限時２個鐘，咁心諗：算啦，旺角食晚飯好多地方都有限時，我地食２個鐘，９點半都走啦~我地點完餐，４個都係叫定食，佢地可以分開哂 D天婦羅，蒸蛋，主菜咁上之餘，我地已經３個食緊十幾分鐘，但我其中一個朋友個餐遲遲未來，仲要最後無比個蒸蛋。我地入座大約一個鐘，都只係食咗半個鐘左右，仲有大半未食完，有４個侍應不停過來滋擾性咁每幾分輪住走來問：D 野食收走得未？痴線，明明仲食緊，無停過筷子，都仲要問我地仲食唔食，可以收以收得未。但我地叫佢加水，叫咗３次先過來加水。真心覺得好趕客lor！最奇怪係其他附近枱，有好多人食飽坐o係度，佢地都無走去收佢地個餐，但就係咁過黎我地枱度滋擾我地。真係唔知係咪覺得我地幾個係侯生女無男士o係隔離容易D趕走~到９點左右，其中一個侍應過黎問我地仲加唔加單。咁我地答完唔加，佢一個轉身，即刻比張單我地，要我地比錢。我地唔加單啫，唔代表要埋單，而且仲未夠鐘，洗唔洗成日想趕我地走呀？我朋友即刻同個侍應講：我地無叫過埋單wor~

此店其實上年食過一次，當時感覺普通，今天剛好經過見沒太多人等位，便再試試有沒有進步啦～店內滿座，而且座位頗迫，店員嘛....不要有太大期望.....點了以下三樣東西：三文魚魚籽魚生飯 - 不算大碗，味道普通，魚生方面正正常常，就是一碗普通魚生飯...讚岐風溫泉蛋撈烏冬配天婦羅及壽司 - 超大份，有烏冬，壽司及天婦羅，但是呢....烏冬沒什麼味，裡面配有天婦羅碎，但是淋的；壽司有五件，沒想到會有帆立貝，也試新鮮，天婦羅是吃到一半才來，是凍的及淋的......饅魚蛋卷 - 做得到一層層，但蛋卷很乾很硬.......饅魚正常總括來說，沒怎樣進步，而且全晚只見到店員互相嬉戲.....有點失望

同朋友擾攘咗好耐見到哩間餐牌同門口啲食物display好吸引就決定等半個鐘都要食。環境超級逼，同隔離檯距離我諗10cm🤔樓面得兩個，一個做埋拎位。價錢唔算平，但以出面啲display賣相嚟講180幾一個set晚餐還可以👌🏻啦。唔記得影相，但一定要寫食評，係因為真係食到咳到傻。叫咗個山海烏冬鍋天婦羅壽司御膳，實物係同display一樣，連壽司既顏色都一樣啊！件吞拿魚好似假嘢，連味道都好假，唔似係吞拿魚。件油甘魚好腥，成個口都係腥味。其餘爭鮮質素。唔明點解有天婦羅小食，要擺多條係我烏冬鍋面，浸到林曬....但小食個個額外裝所以依然係好味既。個烏冬鍋，一路食一路咳，好鹹好鹹，根本一半都食唔到。完...180係食個天婦羅既！

與友人食晚飯，見到咁多負評，以為只是被抹黑，結果完全明白點解可以咁多負評。一入去坐低，一個電左中長髮的waitress西面咁講: 繁忙時間只可以用餐兩小時。小姐，你M到唔好返工啦!食左10分鐘，諗住拎張紙巾，個西面waitress已經話問要唔要幫執走個餐，再食左10分鐘，又走來問，趕客唔駛咁明顯。我地話未食完，叫佢加水，中長電髮女第一次扮聽唔到，要再叫多次加水先黑面加水。當時只是食了半個鐘，已經第4~5次問我地，極度趕客。食物，170蚊一個SET ，味道好過一般即食烏冬少少，最奇怪係佢可以成個SET 的送都上唔齊，最尾埋單果陣，原來有個餐係漏左前菜，唉。未見過咁差! 希望呢間野早日折埋，唔好令更多人比錢受氣就好。

去親旺角開會都會黎食lunch, $1xx嘅set lunch 非常豐富呢個係我嘅favor, 沙白係新鮮貨。烏冬煲再配5件壽司🍣，承惠$110。 細胃口嘅，兩個人一份都夠食。不過我本身係大胃王，所以最愛就係佢哋夠大份。壽司飯係手握，雖然同高級壽司店有距離，但以百多元的餐廳來說，已經物超所值。

睇完戲諗食乜好，之前有個朋友推介泥雅蘭食烏冬定食，話幾好食，甘一於試下啦。。行到去門口果然有人等，不過好快已經可以入座，入面都幾大，長方形全是座位。我地2個人，安排2人枱，但真係好迫。梳化已經吾好座，凹入去，又窄，我一行入去已經撞到隔離枱食緊野既人，抱歉🙇🏻‍♀️之後揀食物，來來去去既配搭就係烏冬加壽司同天婦羅，但睇落係吸引同豐富既！我就要左呢個餐，烏冬係凍既：有點硬，但都煙勒壽司：有6件，飯一夾就散，但勝在上面既刺身都厚，吾係薄薄一片！天婦羅：係垃圾！完全吾熱，又淋，加厚粉，我問個員工係咪吾熱咖。佢答我全部都係甘！我覺得就算你炸定好多都應該係heat住，吾會係凍囉！另一個餐我地係覺得湯烏冬同用呢個熱兜放應該係熱啦。。點知都係凍既🤦🏻‍♀️可能我地吾識食，但真係有點奇怪🙁所以我地都無食哂就走啦。。因為真係座得好吾舒服，無下次😞😞

尋日去完雅蘭睇完醫生，諗住搵間舒服d既餐廳食下野坐下。去到二樓見裝修幾靚，入面員工又著曬浴袍，看似幾專業就入去試下點左一個生蠔烏冬鍋，一上菜估唔到食物咁足料，首先有5隻生蠔、一碗刺身、一碟烏冬、一碗珍珠米、打開煲蓋仲有冬菇、蔬菜👍🏻第一樣試既首先係湯底，湯面冇太多油份，入口鮮甜而不咸，濃度適中仲帶有d蔬菜味。唔似一般味精湯咁，確實有誠意。第二樣試既係刺身，本身諗住唔係壽司店，質素都唔會期望太高，只望唔好唔新鮮就ok。但估唔到刺身入口係鮮甜，確有驚喜，但生蝦略嫌唔夠魚刺身新鮮，但烏冬店刺身能有鮮甜爽口都算係咁。第三樣一定要試蠔，非常新鮮鮮甜！加入湯底會有蠔味連埋烏冬一齊浸，確實唔錯。至於烏冬同珍珠米就一般冇咩特別，略嫌珍珠米煮時水太少有d乾硬職員態度唔錯，入鋪時因爲只係6點半到，人未算多，比左張4人枱我地坐，女職員會不時留意我地杯綠茶夠唔夠水，服務態度唔錯。但值得一讚係杯綠茶唔濃唔淡，唔會因為茶濃覆蓋左味蕾感覺，亦唔會因爲太淡而飲唔到茶味但美中不足既係煲湯冇曬湯時係加水，唔係加湯，再翻煲味道已經冇第一次咁好。總體來講好滿意亦意想不到，所以專登開帳戶一讚，望店鋪水準能夠保持，會同朋友再返來

本來去雅蘭係想食spaghetti house, 點知上到去,朋友未到,行下行下見到依間食日本烏冬,賣相好吸引又唔算貴 所以即刻改場食依間😂入到去服務都唔錯ge,坐得又幾舒服,咁啱過左lunch time, 唔多人,唔駛等位,gd👍🏻揀左個set 黎食,又烏冬又dom 飯,一睇就知好飽🤭依個凍烏冬好好味,麵質都幾彈牙,份量又足 食完烏冬都冇位食個刺身飯咁濟😂個刺身飯睇落細細,但都好飽,d 料都幾新鮮 不錯整體係值得推介的👍🏻

作為忠實烏冬迷，這間店光顧了數次，依舊保持水準Grand menu really grand ! 由於朋友話唔太肚餓，我們只叫了一個set同一個烏冬。個set 非常豐富，有大蜆豆腐鍋，蜆肉熟度適中，湯底美味，唔似有味精烏冬煙un, 有口感茶碗蒸材料十足，蛋蒸得非常滑，係滑不溜口！五件壽司也很新鮮，比元x 更勝一籌！特別以三文魚壽司最鮮味！炸大蝦和式烏冬係稻庭烏冬，冷食沒有違和感蝦大隻，粉唔厚，醬汁唔salty唔淡，恰到好處！

今日朋友突然話約食飯，我早左放工先去到旺角四圍逛逛，見有時間就走到好耐冇去過嘅雅蘭中心，見到一間要排隊嘅餐廳就走去攞飛，朋友嚟到啱啱有位，就咁偶然試咗呢間餐廳。睇menu圖片隨意就揀咗兩個定食，啲嘢食都嚟得好快，落單等左個零字就有得食，百幾蚊一個定食有牛肉烏冬、有天婦羅、有壽司，一個有冷麵、有刺身、有鰻魚飯、仲有miso 湯同日式蒸蛋，真抵食👍🏻 牛肉烏冬湯底調得好，天婦羅炸得外脆內嫩，刺身同壽司就不過不失，味道算唔錯，性價比高👍🏻👍🏻👍🏻

係呢間野新開既時候就已經留意到佢 見到佢櫥窗前既食物標本好令本身又歡喜食日本野 講左好耐要去試順道去左旺角道去試試Menu好多選擇 有刺身飯 烏冬 壽司 天婦羅 揀 眼花撩亂 諗左好耐終於揀到食家就要左個牛肉溫泉蛋烏冬 拼壽司同天婦羅🍤天婦羅🍤應該即叫即炸 所以後上 見到個烏冬就唔開胃 佢加左太多炸麵粉粒粒 成碗野都係油味 好難食 的壽司 其實仲衰過爭鮮 飯好實 上面的魚生無味的 好失望本小姐叫左個牛肉鍋烏冬 拼壽司同刺身 壽司就唔再講啦 刺身蝦個頭已經乾乾的 無光澤 食落亦都無甜蝦應有既甜味 明顯已經不太新鮮呢位烏冬 正常既 甜醬油湯底 料都算多 有一隻天婦羅🍤好味既 仲有脆度 蜆 冬菇 金菇牛肉同菜 仲有溫泉蛋 烏冬有咬口 最後上埋個天婦羅🍤天婦羅🍤算係比較可取 上台熱辣辣 有2隻蝦 冬菇 南瓜 仲2條日本椒 炸漿薄身脆口 都幾好味總結 無咩服務可言 人好多 但店員好似唔知做緊咩咁 行黎行去 座位都轉左我地2次 呢間野 真心令我失望 😞亦都唔值得再去

對於食我偏愛日本菜，寿司，刺身，串燒……簡直係大愛。一入門口見到有位著住簡單和服的姐姐，倍感親切我已經當左買自己去左日本但對於食物要求就要回到現實，我食蜆鍋加5件寿司，果件甘淺色既吞拿魚 ，見到就唔開胃 ，仲衰過爭鮮外賣部三蚊一件 我借啲意將份壽司請咗老公食，因為佢係食物焚化場冇乜要求， 但係佢都食到西口西面，跟住個蜆鍋入面D蛤冇鮮味，反而啲菜煮得夠淋又帶少少甜，吾通D蜆鮮去晒D菜度？煲入面嘅烏冬粗身彈口有咬勁，都叫有啲嘢食得落肚我老公食滑蛋豬扒，要等耐少少，食客要比D耐性，個餐跟既刺身，同我果D寿司差吾多款豬扒ok既我們用膳期間有兩台客入左來，但無人即時理佢哋，每次都要出聲叫先有人理食物已經吾係好，只可以講它比一休好少少，服務又吾係好，我無藉口比自己再來多次

今日行經旺角剛好午飯時間頭痕緊食咩好,行咗一陣去到雅蘭見好耐無去過就入咗去搵吓有咩食。都有好幾種餐廳揀,最後揀咗匿間日本野。入到去人唔多,一半客都未有,當時已經一點,仲諗住午飯時間會難搵位,可能旺角真係有太多野食掛,定匿間野麻麻呢?因為都係第一次食。睇下餐牌有咩食,有烏冬,有飯,有鍋,如果一個唔夠食仲可以揀定食有壽司跟。最終揀咗個牛肉海鮮鍋同滑蛋豬扒飯。個牛肉海鮮鍋相靚過實物用料都算ok,有蝦,帶子,金菇,冬菇,牛肉仲有菜,烏冬好粗身,同平時食既有少少分別。滑蛋豬扒定食有驚喜,滑蛋好滑好好味,豬扒一d都唔乾身,定食跟湯,刺身,蒸蛋。個蒸蛋都好好味,好夠料,有冬菇,雞肉同蝦。不過一題服務就可以再好d,落單時我巳經指比服務員睇要邊個餐,佢又反問返我咩號碼,仲叫我睇清楚係匿個號碼先好,唔好落錯單。如果佢好聲氣d我都當佢提我,但佢又唔係喎。咁佢又唔自己睇咩號碼,我咪話咗食咩囉。之後聽到佢同隔離嗰檯落單佢都係無咩禮貌,問人"要咩呀"。唉,其實可以好聲氣d囉。

當天約了人交收東西，順路找朋友吃東西，左揀右揀下，揀番呢間cp值比較高既烏冬店。每次入親去都要左諗右諗，對於選擇困難症既我黎講太高難度了。今次我揀佐麵豉蜆肉烏冬配三文魚+三文魚子飯，朋友選了雞肉烏冬配雜錦飯。我地既套餐都有一碗茶碗蒸....說真的，我超愛吃茶碗蒸了，這間做的不差丫。價錢每人200元，其實還有一些便宜的，但我們又想吃烏冬又想選擇性吃魚生，就選了這兩個。總結：我都幫襯了不少次數了，當然是好吃的對我黎講。這間是walk in的，平日不想等位最好7點前。

話說我上次經過旺角雅蘭中心，已經好想試呢間餐廳，不過因為要排隊，而同層嘅另外一間餐廳唔使排，所以我就去咗另外一間。今次係因為早咗放工，所以一去到呢間餐廳門口，見到無人排隊就即刻決定食呢間 -「今助烏冬御膳」由於新年流流，食得太多又肥膩又甜又唔健康嘅食物，所以食下日本野，至少唔會太油膩😅自我感覺良好！睇完Menu，好多野都想試，尤其係烏冬，所以就點咗🥢熱烏冬點咗一個雞湯鍋嘅烏冬 🤩 配吞拿魚蓉飯熱嘅原來係配粗而方條型嘅烏冬，吸晒啲湯嘅味道，但仍然可以保持彈牙嘅口感。正👍🏽🥢冷烏冬點左一個素烏冬配三文魚帶子飯素烏冬意思係好似冷烏冬然後點豉油汁（佢有啲柚子絲、薑絲、蔥）柚子味配上豉油汁，味道好特別。兩個餐都有配蒸蛋，好滑同埋好鮮味♥️食物環境方面，好乾淨企理👌🏽服務方面，可能晚飯時間有啲忙碌，所以就算想時應加茶，都需要等大約5分鐘。