仁芝初

营业中

休息中

天氣乾燥都想食啲糖水潤吓，見好多人介紹仁芝初，今日都專登走黎幫襯。小店環境清潔舒適，而且布置咗好多全民造星海報，好適合粉絲打卡。小店甜品系每日新鮮製作，價格都好親民，系CP值好高嘅糖水鋪。法式紫米露系招牌甜品之一，賣相好靚，三層顏色分別係雞蛋布甸、紫米露、椰奶，口感層次豐富，紫米露有咬口，同滑屢屢嘅雞蛋布丁好夾。白果薏米腐竹糖水入口好滋潤，飲到薏米粒粒，富有膳食纖維，口感綿滑。芝麻糊拼綠豆沙黑芝麻味突出，拼綠豆沙解渴清熱。好適合依家天氣飲用。

今日凍凍地決定嗌返碗傳統chinese糖水透過openrice落單竟然要加兩蚊，落完單行過去三分鐘都冇已經搞掂喇一入去就拎得，佢用個碗都裝得幾好，我搭車嗰陣唔小心打橫曬成個碗都冇漏出嚟真係very amazing返到去過咗一陣先食仲係微暖我叫咗合桃露係杰身嘅係咪生磨就唔知喇食落都有合桃味嘅，微微粗粒但整體都滑唔係話好甜起碼唔會係平時嗰啲垃圾糖水舖又稀又冇合桃味有時啲糖水舖將啲芝麻糊呀合桃糊溝咗啲好似膠質咁嘅水落去變到勁稀極冇味

食完晚飯，仍想搵地方坐下，傾吓偈，就不如搵間甜品舖坐下，朋友想食中式甜品，呢間又近近地，就去試下；我地叫左熱芝麻糊，熱綠豆沙，凍既腐竹白果糖水🥚 個芝麻糊夠滑，夠香，只係「杰」小小，唔會好太甜，唔錯，另一碗腐竹糖水，啲腐竹巳煲容哂，都算夠「溶」，豆味夠香，綠豆湯正正常常，無咩驚喜，（我比較喜歡煲到無咩綠豆殻，起沙嗰隻），整體三款大家都覺得幾好。 特別叫多左個湯圓試下，原來可以分開上，呢下貼心，重要係有個糖水湯底裝住，唔會乾爭爭三粒搵個野裝就算。

作為‘’古法芝麻糊‘’，一路食一路有攪唔均勻既粒粒，同小時候超市買的即食開粉芝麻糊十分相似。價錢$30一碗，唔值。仲叫古法令人十分之失望，以為真係用古法製造，點知虛有其表。

旺角食糖水的選擇多，但要係傳統糖水又要好味的就寥寥可數… 其中仁芝初的糖水就不錯，糖水的用料十足，而且糖水款式多不勝數，看起來都超吸引的，總有一碗啱你同我食😚🎈紫薯芋茸蓮子西米露糖水可凍可熱😌 熱呼呼的西米露最誘人，飄散著紫薯芋茸的奶香氣🤤 口感濃稠，而且很滑順，又有料👍 必須要食晒成配呀！🎈古法養顏燉桃膠看見滿滿的材料，就覺得這糖水值回票價😂 糖水入口清甜，飲得出紅棗桂圓的香甜，仲有桃膠😋😋😋

味道同埋店員態度都有待改善嘅小店…夜晚經過諗住試試呢間廣受好評嘅糖水舖，點知中晒伏。叫咗兩碗熱糖水，腐竹蛋味道正常但似飲豆漿多過食糖水（比較甜而且冇乜腐竹香），但係芝麻糊同佢講嘅香滑有幾大出入，苦澀多渣得嚟係冇芝麻香，有啲失望！另外坐隔離有兩個妹妹好禮貌咁問佢哋有冇水，店主同店員有啲嘲諷咁話「我哋舖頭冇水喎」妹妹就話佢（俾糖水燙親）想要杯水，如果要收錢嘅都冇問題。店主同店員重複佢哋冇水供應，之後就兩個傾計講「咩我哋menu有寫賣水咩？糖水就有😂」「想要水去隔離便利店買囉。」唔使咁樣講嘢掛？就算係都等人哋走咗先或者細聲小小啊😯呢個價錢係旺角大把選擇，唔會再有下次

喺附近食完嘢 行咗陣想食碗糖水就上openrice睇下有咩選擇見到呢間評價唔錯 就嚟試下～嗰陣大概十點 都幾full下得返2枱可以坐舖頭仲貼滿唔少香港歌手同YouTuber嘅poster鼓勵大家支持香港創作人👍👍👍（仲有post陳蕾 加分😝）一向都鍾意食傳統糖水多啲見呢度主sell傳統糖水多又見到佢寫住鎮店招牌🌟！就叫咗生磨合桃露加芝麻湯丸試下我fd就叫咗芒果西米露🥭合桃露好大碗😱味道香濃又夠滑 口感細膩試過出面有啲整得唔好嘅會有酸味又唔夠細滑😖或者慳成本嘅 就會整到好稀但呢度真係整得好好食！不過粒芝麻湯丸就爭少少稍嫌個皮太厚 皮>餡但味道都OK偷食咗兩啖我fd嘅芒果西米露😛同樣同足料 芒果又大大粒本來以為而家唔係當造時候芒果會帶酸 點知又冇甜得嚟有芒果味好味又價錢又非常合理絕對會再Encore🥰！

唔知點解，秋冬天係要食啲中式傳統糖水暖吓個胃先安樂😆早排同朋友向旺角食完晚飯，途經遇見呢間《仁芝初》，見佢Menu好靚好吸引，所以一於試吓佢。佢哋有每人最低消費要求（$30位），我哋一人叫咗一款糖水，佢哋嘅生磨芝麻糊，食落真係好香又滑，杏仁露嘅杏味好強，兩個加埋一齊好好味🤤另外麥米粥都好足了，整體來講佢啲糖水唔會太甜，好啱我哋口味，正。❤︎︎生磨香濃芝麻糊＋生磨滋潤杏仁露 $32❤︎︎生磨香濃合桃露＋生磨香濃杏仁露 $32❤︎︎花生糯米麥米粥+蓮子陳皮紅豆沙 $30＋加芝麻湯丸（三粒）$10大大大力推👍🏾推介指數：9.5/10

突然有心想食麥米粥，上網search左一陣就發現旺角通菜街呢間糖水舖有賣，就拉埋b🐷去食啦，去到門口見到都排緊隊，係門口自己寫低幾多位之後等嗌名就入得，入到去見到用曬小薯茄既poster同裝飾，唔知係咪忠粉 😂😂？麥米粥煲得棉密而有咬口感，味道帶點麥米香。紅豆沙溝荔芋紫米露，單溝同雙溝都係$30，一定叫雙溝😂，甜而不漏。坐位比較迫，但要放袋都會比個籃你放🫶

《旺角中式糖水小店》食完飯後 George為咗滿足第二個胃😙加上想食中式湯水還擇咗 仁芝初叫左 最多人介紹既 法式紫米露 $40有三層 椰奶 紫米露 法式燉蛋香滑燉蛋 配埋紫米露 椰奶 幾特別✨紫米露足料 比較糊 可以一匙匙三樣撈埋一齊食👍🏻甜到適中啱啱好 楊枝甘露 $42同樣 甜到適中 唔會稀 足料👍🏻芒果 碌柚味濃 好好食😋 仁芝初 (旺角)旺角通菜街2Q-2Z號鴻輝大廈地下6號舖#旺角美食 #tg31eat旺角 '''''#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #手機食先 #相機食先 #湯水 #仁芝初 #旺角糖水 #sweetsoup #mangosago #楊枝甘露 #法式西米燉蛋

係旺角食完飯最岩就係食返碗湯水🌙 呢間小店位置唔大但係中式湯水既選擇都好多🏮 甜度適中比起一般港式糖水鋪質素更高❤️ 而且價錢合理CP值好高😊 特別可以試下主打既合桃露 味道同口感都唔錯🤎⭐️ 合桃露拼芝麻糊 ☯️個人最鍾意既中式糖水之一😋 合桃露口感好幼滑而且不失果仁香🥜 配上芝麻就比較香濃🖤 唔會過甜食到香濃既味道⭐️ 冰花燉蛋 🍳同樣滑得黎帶滿滿蛋香🥚 口感唔會過硬火候控制得好好🔥⭐️ 桑寄生蓮子蛋茶 🍵淡淡的藥材味整體感覺好滋補🌿甜度適中好暖胃😊

*:.｡. .｡.:*仁芝初-旺角*:.｡. .｡.:* ✨原個雪梨🍐燉貝（熱）✨大大個原個雪梨🍐😋雪梨入晒味 ，川貝味濃 又唔會太甜，最適合秋冬天食✨夠薑蕃薯糖水（熱）✨看似細細碗但好多蕃薯🍠😌😌非常足料湯水底仲落足薑汁去煲，落到喉嚨feels到好辣😂好耐未食過一個咁高質嘅蕃薯🍠糖水✨冰花燉蛋（熱）✨彈彈下嘅冰花燉蛋🥚蛋味濃，Kik先生仲話好有家的感覺🤣🤣不過環境真係好逼，背貼背坐😅

✨高質糖水小店推介✨話說果日去旺角食完晚飯外賣左幾碗糖水番屋企嘆😌每款都係即日新鮮製作 高質得黎性價比仲好高😍⭕️ 芋茸蓮子西米露 ($30)依款甜品幾新鮮 坊間比較少見西米露質地較為杰身 滿滿芋茸味🩷蓮子份量尚算多 有助增加口感overall唔算太甜 西米露都幾綿 不錯👍🏻⭕️ 木瓜燉雪耳 ($32)最滋潤之選🥰木瓜數量非常多 有約5-6舊而且夠甜同淋身雪耳都幾爽 有啲咬口糖水底仲好清甜💕 係入秋甜品首選😎⭕️ 蛋白杏仁露 ($38)平日自己最鐘意食依款甜品❤️見到依度有當然即刻落order啦⋯⋯杏仁露底好厚身 杰度夠食得出係真材實料👍🏻 重點蛋白份量都好足 啖啖都食到大大舊蛋白🥚真係好滿足😌係so far食過最足料最好味嘅一間😋必有下次💘

上堂之前唔知食咩好😂就去左食碗糖水醫下肚仔😂😂「仁芝初」有多款傳統糖水選擇😋，等我食番碗楊枝甘露先~ 糖水好足料，表面有紅柚子果肉作點綴，糖水裏有大大粒芒果肉，啖啖肉的💕而且芒果都是甜的🫶🏻整碗糖水真材實料，唔會係稀溜溜嘅感覺💕🫶🏻

成日都聽到食甜品就有另外一個胃，的確係㗎，🤣每一餐完咗之後梗係要食個糖水甜品嚟滿足一下忙碌嘅一日啦。😎喺旺角少不免一大班人一齊食完大餐，然之後就周圍去搵甜品舖，人潮湧湧嘅女人街，正好滿足到。😚有一間仁芝初，長期都咁多人，除咗傳統嘅甜品之外，一啲特色嘅甜品亦都萬勿錯過，等我推介幾款以供選擇😉 法式紫米露— 🍮喺呢一度最馳名嘅甜品莫過於呢款，分咗三層嘅結構，每一層都用了十足，一層就係椰奶用嚟點綴法式燉蛋同埋紫米露嘅香滑，🍮法式燉蛋都係靈魂所在，非常香滑，而且蛋香十足， 純天然無添加，🍮呢個紫米露亦都夠足料， 勺嘅每一啖都紫米滿滿，甜到都適中啱啱好，真材實料價錢亦都偏向親民價，每日新鮮製造😛紫薯芋蓉蓮子西米露— 🥣我哋都成日接觸到芋蓉西米露，但係呢一款亦都係招牌作， 🥣整體顏色偏紫，新增埋紫薯嘅材料，令到整體更加濃郁，每一啖都可以清晰，🥣見到紫薯蓉同埋芋蓉仲有一粒粒晶瑩剔透嘅西米，$33 咁多款材料都一次食到， 就嚟踏入秋季嘅時候整返一碗暖暖糖水嘅亦都滋潤吓🥣白果腐竹薏米拼花生糯米麥米粥— 🥜心大心細嘅話呢一度亦都有提供雙拼嘅選擇，而且淨係收最高個價錢，🥜自己就鍾意白果腐竹薏米嘅清新，但又想