仁愛海南美食 (已結業)

依個年代既年輕一代，大部份都係食開連鎖集團餐廳，今次來到一間小鋪，受到老闆熱心招待，與食客輕鬆閒談，感覺親切。老闆推介我同男友吃2人餐，2人餐包括：1. 海南雞飯 x 2 (+$10)2. 胡椒豬什湯 (大）3. 手拍青瓜4. 紙包飲品 x 2滿滿一桌，都只係$129, 價錢相宜。海南雞飯雞好嫩滑，飯帶椰香味，醬汁同平時食果d 海南雞飯有d 唔同， 食落應該係醋，味道清爽。胡椒豬什湯依個湯正，胡椒味恰到好處，豬什有粉腸，豬肚，豬脷。仲有d 大荳芽，增加清爽感，推介手拍青瓜忍唔住食左幾舊先影相,醬汁一流，不過略嫌青瓜不夠fresh..小店人情味濃，好人既老闆仲話湯唔夠可再添，可惜我已經飽到飲唔落依種親切感多年未見，隨著商場化，舊區重建，人情味小店應該買少見少。

雖然係依一區都算叫開左好耐，亦都好多次行過見到，但一直都冇乜點入過去試。今次就幾個人入去試下好唔好食。唔講廢話，直接落評:車仔麵: 餸料味道正常，但份量唔是好夠。小心米線唔係我地食開嘅米線，而係海南米線，質感同米粉比較似。但價格算平。海南撈米粉，ok ge，唔覺得好特別，但都幾好味。亮點: 有一種海南勁辣黃椒，真係勁辣，嗜辣嘅朋友可以過來挑戰一下。

apps話會送外賣，點知打到去話不送，要重新諗吃咩野，要知道諗吃咩都是好煩架我決定以後不去吃啦，唉。。有無搞錯，劣評，劣評，劣評，劣評重要的野是要不停重覆去提，去講的。。

一想到外出晚餐，又是大商場連鎖式食肆，我還是喜歡家庭式小店，這家更特別吃海南美食！己經專誠來過四至五次！這海南米粉帶有雪菜，花生碎，花生粒，芫莤，特別有牛肉乾和一些醬汁，充滿家庭式海南美食！

和朋友到新蒲崗找地方吃晚餐，來到這間小店吃海南美食。環境簡潔，店內設有大電視。我們點了口水雞套餐，可選擇大辣或小辣，配了一碟青瓜，可口美味；海南雞套餐，配一碟小菜，雞肉質地很豐厚和很滑，和油飯配搭，很好吃，小菜我們選擇了木耳，另加了一杯海南椰香咖啡，這餐回味無窮，有機會再來。

竟然，在新蒲崗遇上有趣海南小店，賣的我的家鄉菜。用上雞湯煮的雞汁飯，帶著淡麗雞湯味，是海南人家常的做法，雖然我不吃辣，但看到檯頭一瓶橙色海南辣椒醬，可以肯定店主是海南人，而想不到老闆娘是和我同村的鄉里，已約定再來嘗嘗她推介的胡椒豬雜湯。回到「省城」，遠看「亞坤」人龍不斷，好奇唔少人同時在吃海南雞飯，「海南雞效應」是多士持續售罄所致?

看雜誌推薦後一直想去吃,吃完大感滿足,不負所望!胡椒豬肚雞有別一般做法,雞先醃過,很入味,胡椒湯亦很出色~~Yummy海南粉同在海南島吃沒有分別,我撈了很多黃椒醬,很惹味.最愛粉中的牛肉乾,絕配!

今日同老公去左呢間鋪，地方不大，不过幾整潔。服務唔錯。叫左海南撈粉同埋海南鶏饭。海南撈粉湯汁好鮮甜，有好多料，好好食。海南鶏饭雞肉質不錯，皮夠薄，肉夠嫩。油飯不會油淋淋的，入口有一陣淡淡的雞油香味，真係超好食!!!又平又好食，讚!下次再食過！

食落個汁都幾好味, 個到既服務態度好好!值得推介

之前已經去過一次飲過佢既胡椒生棻魚肉湯..已經覺得幾好飲!今日突然心血來潮想食肉碎飯..又醒起佢有個咖哩薯仔肉碎飯..就去左食!我叫左個咖哩薯仔肉碎飯(原來跟湯同一包紙包飲品)首先佢來左個胡椒湯..對我來講,,只係湯就太辣..但係我想講一樣野,我今日食嗰陣唔小心倒潟左d湯不過佢不但冇黑面仲好就切咁問我冇冇整親..咖哩薯仔肉碎飯甜甜地,好食!!而家好少呢d真心經營既店舖,,推介!