人生有限杯.串燒店

营业中

休息中

上網見到原來銅鑼灣永光中心開咗一間人生有限杯串燒店，之前見過佢哋好平。$10就已經有一串，$15/$20都有。我最建議係大蔥雞肉。另外$48啤酒買一送一。性價比好高。

近排見到呢間串燒店幾吸引 所以一於去試吓 唔知正唔正😚👅椒鹽燒雞尾 $20/串呢個推薦😍佢嘅雞皮燒到脆脆地 椒鹽味夠出 好食👅老油條釀墨魚滑爆芝士 $20/串呢個好得意 真係做到油炸鬼嘅感覺 再包住彈牙嘅墨魚滑😋👅紫菜鵪鶉蛋卷 $20/串鵪鶉蛋卷唔會燒到好乾 再配埋沙律醬 唔錯😎👅免治雞肉棒（配日本蛋）$28/串雞肉棒永遠都係女小編最愛😙食到啖啖肉 又有軟骨口感 又有得撈蛋汁👅鹽燒牛舌芯 $28/串牛舌厚度足夠 有彈性得嚟唔會太韌🤩👅黑糖燒芝士年糕 $28/串年糕唔會整到好粉 包住好多流心芝士 蜜糖味都幾出🤤👅咖喱牛舌菠蘿包 $58/份第一次食呢個配搭😆菠蘿包夠鬆軟 再配埋咖喱汁同牛舌 好正👅芫荽雞絲手抓餅 $58/份呢個啱晒芫荽控 超多芫荽同雞絲 調味都唔錯😌👅港式蜜糖多士夾雪糕 $48/份呢個好邪惡 佢嘅蜜糖多士烘到脆脆地 再夾住雲呢拿雪糕 好好食🤩👅韓風燒牛肋肉 $28/串總括嚟講 呢間串燒店真係唔錯 同埋幾有特色 大家要嚟呢度一試啊🥰😋 好味：8.65/10🤑 價錢：8.00/10🤗 服務：7.57/10😝 環境：7.76/10😚 衞生：7.66/10🤩 整體：8.63/10

朋友帶我去銅鑼灣新開串燒店，個名夠玩味叫人生有限杯😎估唔到最平$10串超抵食，其餘仲有$15、$20串咁🤩不過留意返$10-20串最少同一款要order兩串💫🌟老油條釀墨魚滑爆芝士炸得香脆嘅油條入面有墨魚滑同芝士，多重口感好邪惡。🌟咖哩牛舌菠蘿包估唔到呢個配搭幾惹味，甜甜嘅菠蘿包搭上咖喱牛舌幾得意，唯一係醬太多令到底嘅麵包淋咗。🌟芝士菠菜卷呢個配搭普通但好味。🌟港式燒蜜糖多士夾雪糕蜜糖多士燒到好脆口，夾上雲喱拿雪糕一凍一熱夠好食。另外我仲食咗以下串燒，整體質素都幾好。大蔥雞肉串豆皮包蒜蓉豚肉秋葵卷黑松露金菇卷鹽燒牛舌芯韓風燒牛肋肉蒜蓉粉絲蟶子鹽燒和牛牛小排山椒鰻魚汁燒白鱔手打檸檬茶桔仔薄荷鴨屎茶

銅鑼灣日系串燒店🔥環境似日式居酒屋🏮有圍爐式高臺同埋普通座位，呢度生啤買一送一🍻送串燒一流👍🏻另外仲有多款清酒、果酒、雞尾酒、無酒精飲品可點🍶🥃🍾🍹🍸🍢串燒即叫即燒，熱辣辣上臺特別好味😋價錢由$10-$48區域都有💛呢個年頭黎講性價比都算高🤑最欣賞豚肉荔枝卷，果香中和左豚肉既油膩感，食落香甜又香口，仲有日式秘製汁炸無骨雞翼🐔起曬骨而且炸到香脆可口😋🐮牛肉黎講 韓風燒牛肋肉牛味香濃，帶點咬口都幾好味👍🏻其他款既串燒好多都唔錯😌兩個人食左廿幾串先停口🤣

呢間位於銅鑼灣嘅串燒居酒屋串燒同小食抵食又超多選擇性價比好高呀👍🏻-🔸大蔥雞肉串（$10@串）雞肉嫩滑大件配搭燒香咗嘅大蔥非常惹味😋🔸鹽燒西班牙五花腩（$10@串）五花腩肥瘦相間入口充滿肉香同油脂香大推必食💯🔸味噌松阪豬（$15@串）豬肉咬落有嚼勁味道好似食緊豬肉乾會令人愈食愈停唔到口呀！🔸蜜糖燒芝士年糕（$28@串）外層微焦香脆咬落外脆內煙韌入面芝士味道香濃👍🏻🔸老油條爆芝士（$20@串）外層酒炸鬼咬落脆卜卜 入面有芝士同彈牙墨魚非常有特色😍🔸鹽燒雞中翼($20@串）燒雞翼永遠都係最邪惡👿雞翼燒得滑嫩有肉汁雞皮香脆金黃🔸泰式燒墨魚鬚（$15@串）墨魚鬚爽彈鮮甜配搭泰式酸辣汁開胃惹味！🔸鰻魚飯團($38）飯團燒過香脆可口🍙肥美嘅鰻魚汁配上香甜醬汁可口惹味最讚嘅係紫菜夠大塊新鮮香脆👍🏻🔸蒜蓉菜圃燒蠔($48@2隻）蠔肉超大粒肥美面頭加咗蒜蓉同菜圃入口多咗層蒜香鮮甜美味😋🔸豚肉秋葵卷（$20@串）薄切豚肉片包住爽口秋葵面頭加咗明太子醬入口香辣絕對唔使擔心秋葵有菜青味👍🏻🔸免治雞肉棒（$28@串）雞肉香嫩配搭香甜醬汁同日本生雞蛋🥚完美呀！🔸紫菜鵪鶉蛋卷（$20@串）一串有3粒鵪鶉蛋🤤面頭鋪滿

入到去好好有feel，日式裝潢加炭燒香味，好正。串燒$10串起，唔貴，樣樣都好味。香嫩鹽燒和牛小排、香烤肉味嘅韓風燒牛肋肉、炭燒中帶清新嘅黑松露豚肉蘆筍卷、鹽燒荔枝卷、豚肉秋葵卷、香甜惹味嘅免治雞肉棒（配日本蛋）係今晚冠軍。食食下口喝搵杯野飲，都唔貴，好似百香果檸檬茶、茘枝檸檬梳打，呢啲特飲級大杯好飲都只係$28。望望其他串燒選擇一d都唔普通：雞腳筋、鹽燒芥蘭頭、超香甜蜜糖燒菠蘿等等，都係少見嘅調味或食物。小食當中，食左蒜蓉菜圃燒廣島蠔最抵食，$48/2，大隻厚肉。而招牌嘅流心蛋薯仔沙律，可算是食過最好味，蛋甜味薯仔味好出。我諗鍾意食手抓餅都一定會鍾意呢間餐廳嘅出品，即整酥皮香蔥味濃。

最近登龍街開咗間新店，主打多款特色串燒，當中加入唔少港式Fusion料理，而且最平$10就有交易！店內座位唔多，晚上到訪一定要預先留位，用餐時間兩小時，食物即叫即燒，份量適中，適合約朋友仔上嚟吹水啤一啤🍻肉類款色眾多，大蔥雞肉大塊啖啖肉、雞中翼燒至外脆內嫩、松阪豬同五花腩肉油脂感滿滿，肉味突出，令人一試難忘、雞腳筋比較少見，帶咬口，灑滿調味粉十分惹味，值得一試。仲有燒翠玉瓜、蒜蓉菜脯燒茄子同蜜糖燒菠蘿，食返啲菜降低油膩感。另外私心推介豚肉卷，鹹香口味，裡面包住唔同餡料，有車厘茄、荔枝、麻薯、鵪鶉蛋、黑松露金菇等，可以按個人喜好選擇，車厘茄同荔枝咬落爆汁且十分開胃、麻薯QQ哋、鵪鶉蛋蛋味出、金菇帶絲絲口感，性價比高。小食有老油條釀墨魚滑爆芝士，四小粒，炸至外脆，淡淡芝士香氣，點埋蜜糖好好食。主食方面大大力推介咖喱牛舌菠蘿包，外皮超脆超甜，牛舌厚切但入口即化，配埋煎蛋真係不得之了。香蔥手抓餅都唔錯，四大片，熱辣辣，外層夠薄，香蔥又香又鹹，食埋就啱啱好夠飽。

𝔾𝕣𝕒𝕓 𝕒 𝕔𝕦𝕡 𝕒𝕟𝕕 𝕤𝕠𝕞𝕖 𝕤𝕜𝕖𝕨𝕖𝕣𝕤 𝕒𝕤 𝕚𝕗 𝕪𝕠𝕦 𝕘𝕠𝕥 𝕥𝕚𝕞𝕖🙂‍↔️串燒 juicy 又唔會好肥膩好漏既感覺，靠少少調味粉已經好夠味🍢。牛舌芯同牛肋肉肉質好好🐮，茄子稍為乾身，菠蘿夠甜可以大件少少🤣。🍆蒜蓉菜圃燒茄子 | $38🍍蜜糖燒菠蘿 | $10 each👅鹽燒牛舌芯 | $28🐂韓風燒牛肋肉 | $28🐔燒鮮雞腎 | $20 each聽過一個說法，如果一間串燒店/居酒屋🏮既雞肉棒係自家製又出色的話，呢間餐廳值得去🐒。免治雞肉棒醬汁正，拌埋軟骨有咬口，點個日本蛋🥚不得了。🐣免治雞肉棒配日本蛋 | $28 each荔枝豚肉卷就吸引，荔枝既甜減低整體邪惡感😈；雞肉串都係乾左少少🍖；泰式燒墨魚鬚有驚喜，墨魚彈牙，配🇹🇭醬汁香香辣辣好惹味。🐥大蔥雞肉串 | $10 each🐽鹽燒荔枝豚肉卷 | $15 each🦑泰式燒墨魚鬚 | $15 each🥒翠玉瓜 | $10 each海鮮係另一個 highlight🌟，燒白鱔香口又Q彈，必點～燒廣島蠔同蟶子都幾鮮味🪝，加埋蒜蓉醬汁幾突出👻，好想 encore✴️。🐠山椒鰻魚汁燒白鱔 | $48🦪蒜蓉菜圃燒廣島蠔 | $

比呢間餐廳個名吸引咗去🤣叫「人生有限杯」～佢哋呡串燒款式種類都幾多而且價錢都唔貴～最平$10就叫到！不過就要叫兩串起～但暫時榮升到食過最高質嘅串燒店！咖喱牛舌菠蘿包菠蘿包酥皮好香脆～加埋流心蛋黃同埋咖喱牛舌咸咸甜甜再加唔同口感食落都幾特別！蜜糖燒芝士年糕估唔到加咗蜜糖燒好食咁多！必食！無骨雞翼雞翼炸得好香脆，食落啖啖肉！大蔥雞肉呢串$10真係超抵食！雞肉燒得好Juicy，加埋大蔥好清爽！明太子忌廉烏冬忌廉烏冬好彈牙，加埋蛋黃同明太子鹹鹹香香好creamy，但冇想睇中咁濃味～人生有限杯.串燒店 (銅鑼灣)📍銅鑼灣登龍街28號永光中心15樓

銅鑼灣永光大廈超多日韓料理選擇，最近經常見到呢間店舖，主推平價日式串燒，最平$10就可以食到，食到捧住個肚走，人均都唔使$300，性價比超高！係木系居酒屋嘅裝修🏮，夠晒有feel好啱同朋友嚟吹水，因為太抵食，每晚餐廳都爆棚，一定要book定位先‼️-——————————————佢嘅$10-$20款式都幾多下，而且仲要大大串，超有誠意！除咗日式串燒之外，仲有啲新派自家創料理，好似墨魚滑油條、咖喱牛舌菠蘿包，創新又好食！基本上每一款都冇伏✨，個人大推佢嘅🐓雞腳筋、免治雞肉棒、🐂韓式牛肋肉、封門牛肉、鰻魚飯團🍙、蜜糖芝士年糕！雞腳筋比較少見，鹽燒食落鹹香，口感爽脆；牛肋肉搽上醬汁燒，炭香十足；封門牛肉比較少見，肉味濃郁偏瘦，出奇地好食！鰻魚飯團放咗大大嚿鰻魚喺上面，魚皮又厚又爽，微焦脆嘅醬香飯團一齊食，口感好豐富！下面有啲價錢可以參考返😆～$10-$20嘅款式質素一啲都唔馬虎，試咗👇🏻🤎大蔥雞肉串 $10🤍惹味雞腳筋 $10🤎鹽燒芥蘭頭 $10🤍豆皮包蒜蓉 $15🤎老油條釀墨魚滑爆芝士 $20另外仲叫咗其他：🤍免治雞肉棒(配日本蛋) $28🤎鹽燒手切封門牛肉 $28🤍韓風燒牛肋肉 $28🤎蜜糖

👻萬聖節去咁老蘭附近嘅一間串燒店，都幾啱飲完嘢食/ 食完去飲嘢，甚至去串燒+飲嘢，都好chill👻直入主題，分享吓幾款精選：港式蜜糖燒菠蘿去咗皮燒，好方便食，仲要爆多汁🤩黑松露豚肉露荀卷露荀細條、唔會老，爽口清新🙂‍↕️港式蜜糖牛油粟米好香、好juicy！😌豚肉荔枝卷荔枝爆汁超甜，好鮮膩🫢鹽燒雞中翼外皮脆，內里驚喜哋多汁🤔鹽燒牛舌芯雖然薄切，但都仲係爽口🫠山椒鰻魚汁燒白鱔山椒粉太出色，有種清新香辣後勁，白鱔有泥味😎Sapporo生啤 - 買一送一勁抵🍻菠蘿可爾必思 - 用咗新鮮菠蘿🍍🤫仲食左：鹽燒西班牙五花腩大葱難肉燒鮮雞腎紫蘇鹿兒島雞頸肉鰻魚飯團照燒酥脆雞皮豚肉紫魅蝦大葱難肉

見唔太肚餓，諗住少少地食下串燒，點知都幾好味，樣樣都想食，食唔錯又encore，最後都食到好飽🤣 所有食物都好新鮮熱辣，唔係燒好擺係度你要先拎比你，夠溫度既野真係好食好多！星期日晚上7點先即興訂位8點，好彩都訂到。去到都全店full，所以我諗都係訂位穩陣啲。Sapporo買一送一，但見附近都少人叫。油炸鬼蝦膠芝士(類似咁既東西)炸串黎既應該，都係新鮮炸起，好脆，可以試下！牛舌比較落同細，但係芯黎既，好食，但調味有啲飄忽，叫咗兩轉，第二次嗰啲太鹹。蜜糖芝士年糕燒蠔呢個大推！$48兩隻，都唔細咖仲好飽滿，食落燒得啱啱好十分juicy，係新鮮蠔既感覺！調味少少辣好惹味。蟶子呢個就燒得熟左啲，粉絲都好少，仲要燒到乾咗，得兩三條乾粉仲黐住咗個殼食唔到。同埋嗰條味太鹹，落得太多菜譜定係唔知咩醬。鹽燒雞翼得啲皮有味，又燒得幾脆，都ok，但無皮個啖就無味。免治雞肉串豚肉卷秋葵個人認為幾好食，不過豚肉薄咗啲！另外叫咗豚肉卷荔枝，不過唔記得咗影，都係幾好味。大蔥雞肉卷啲雞都係表面啲醬有味，肉中間冇乜味。明太子忌廉撈烏冬冇明太子味，得忌廉味，忌廉好杰好heavy，一食就好濟，唔夠飽想快啲食飽先好叫。

今日去咗「人生有限杯」，真係唔踩雷！串燒質素高，$10起真係超值！💥燒牛舌口感彈牙，豚肉荔枝卷香味特別，完全唔膩！其他串燒如大蔥雞肉串，同豬肋肉，牛肋肉都好味，忌廉蜆肉熟度掌握得Perfect！👌啤酒買一送一，平到喊！配上串燒簡直無得輸！😱小吃方面，手撕雞手抓餅同咖哩牛舌菠蘿包唔可以錯過！手撕雞手抓餅外皮香脆，芫荽多到驚喜，牛舌菠蘿包層次豐富，牛舌入味又淋，層次豐富超正！🤤蜜糖雪糕多士都好好味啊約朋友食飯或自己享受，絕對值得！

今次來訪依間位於銅鑼灣嘅串燒店😚 一入到去就俾大大幅公雞圖震憾咗🤣 裡面採用木系設計，感覺與日式居酒屋類近，都幾有feel❤️ 首先㨂咗幾款推薦必食嘅串燒小食😍 咖喱牛舌菠蘿包大大個份量十足👍 包包經烘熱食落焦香脆口🤗 甜甜地嘅包包配搭辣香惹味嘅咖喱牛舌，食落滋味獨特令人難忘🤭 日式秘製汁炸拆骨雞翼一樣咁正🤩 大大舊炸雞咬落酥脆香口🥰 內裡雞肉軟嫩鮮美，夾著香噴噴嘅大蔥粒，感覺不會太油太膩👍 韓風燒牛肋肉有驚喜😆 本身驚佢辣好難handle🙈 點知食落唔辣之餘，仲完美還原韓式濃香醬料滋味😙 值得試下🙌  港式燒蜜糖多士夾雪糕一樣正😙 多士烘得薄脆鬆化😉 食落香甜惹味😙 熱烘烘嘅多士與冰涼嘅雪糕，形成冰火交融嘅獨特滋味😚 滋味極佳✅ 另外再㨂咗多款抵食又高質嘅串燒、小食同埋飲品😎 全部大件夾抵食😋 超級滿足🌟 

人生有限星期一緊係要啤啤佢，依間居酒屋竟然啤酒買一送一，非常抵飲，仲有熱辣辣既串燒，不得不同大家推介。星期一仲要都幾多人下香燒翠玉瓜香燒翠玉瓜，呢個價錢真係好抵食。翠玉瓜燒得啱啱好，保持住脆口嘅口感，加上燒烤嘅香味，食落去清新又唔會太重口味，係炎熱天氣下嘅好選擇。泰式燒墨魚鬚泰式燒墨魚鬚帶有濃郁嘅香茅同香料味，嗰種微辣刺激味蕾，令人成餐都覺得好開胃。墨魚鬚彈牙爽口，$15一串，性價比都幾高。鹽燒雞中翼鹽燒雞中翼簡單但美味，皮脆肉嫩，鹽香滲入雞肉入面，食落去好滿足。呢個價錢唔算貴，適合同朋友一齊分享。忌廉煮蜆有限杯之忌廉煮蜆呢道菜，忌廉濃郁但唔會過膩，蜆肉鮮甜，湯底仲可以用嚟點麵包，非常滿意。明太子忌廉烏冬明太子忌廉烏冬，忌廉醬濃郁，明太子提供咗獨特嘅海洋風味，烏冬滑溜彈牙，呢個價錢絕對值回票價。脆卜卜花椒五花腩肉脆卜卜花椒五花腩脆卜卜花椒五花腩肉帶有微辣，花椒嘅麻香同五花腩嘅油香完美結合，令人回味無窮。呢道菜個口感真係幾特別，係愛辣人士嘅心水之選。免治雞肉棒配日本蛋免治雞肉棒配日本蛋，雞肉香嫩，配埋滑溜嘅蛋黃，簡直係絕配。呢個價位幾合理，食完之後令人滿足。蒜蓉欖角燒蟶子蒜蓉欖角燒蟶子，