影片
以上资料只供参考，请与餐厅确认详情
记得年几前食过铜锣湾嘅人生有限杯，食物质素都相当唔错，近排发现佢系尖沙咀开左新分店，紧系食过番寻味黎支持下啦💛新店座落系赫德道位置非常方便而且装修仲非常有格调，有open kitchen比你睇住师傅烧，真系好似去左日本咁而且价钱仲非常实惠，最平一串都系10蚊，劲抵‼️❣️五花腩 ($10)五花腩烧出嚟嘅时间岩岩好，油香味丰富而且孜然调味唔会话太重，最重点系10蚊一串，真系食多几串都唔惊😆❣️墨鱼须 ($10)墨鱼须相当弹牙而且鲜味十足，最重点系个墨鱼须配埋嘅泰式酸辣酱非常惹味相当推荐😋❣️蜜糖栗米 ($10)烧栗米一上枱已经闻到一大阵劲香既牛油味，食入口蜜糖牛油嘅调味无懈可击，栗米粒亦都非常饱满仲非常juicy ♪( ´▽｀)❣️味噌松板猪 ($15)松板猪油脂非常丰富，食落口感似猪颈肉🐖另外个味噌调味都似蜜糖酱，好味得嚟都非常邪恶😈❣️鹌鹑蛋卷 ($20)鹌鹑蛋入面有满满嘅蛋黄，外面包住一层薄薄嘅猪腩肉，如果钟意食蛋卷嘅朋友仔真系唔可以错过🤟🏻❣️芝士年糕 ($38)芝士年糕外层烧得香口得黎又非常烟韧，入面既芝士流心咸香味十足，相当唔错🥳❣️山椒鳗鱼汁白鳝 ($48)白鳝有三大旧，鳝肉鲜味十足，鳝皮亦香脆，鳗鱼汁惹味得黎唔会抢晒鳝嘅鲜味👅另外仲有山椒调味，有少少麻嘅感觉相当顶瘾，好食到我地仲encore左一串😙😙❣️盐烧牛舌心 ($28)牛舌心肉质弹牙亦保留到肉汁，牛味亦相当丰富，盐烧既调味亦无得弹‼️无谂过呢个价钱有咁嘅质素，非常推荐🫶🏻❣️椒盐鸡软骨 ($20)椒盐味相当香口，鸡肉同软骨比例都岩岩，整体感觉不过不失～❣️免治鸡肉棒 ($28)免治鸡肉棒会配埋生鸡蛋一齐上两样一齐食令到个鸡肉非常滑溜，而且仲有淡淡蛋香🍳鸡肉棒入面仲有大量软骨碎，口感丰富🤩推荐‼️❣️墨鱼滑紫菜大虾 ($68)呢个墨鱼滑紫菜大虾绝对系呢到既必食推介‼️啖啖墨鱼滑弹牙得嚟仲保留到淡淡嘅海鲜味🥹除此之外仲有个大虾，大虾虾肉都系爽口虾味相当浓厚，无谂过墨鱼滑同大虾系咁夹✨另外仲有个千岛酱调下味酸酸地非常开胃🥳❣️焦糖雪糕多士 ($48)黎人生有限杯最唔可以错过嘅就系个甜品雪糕多士🥰焦糖多士甜丝丝又非常酥脆‼️雪糕嘅冰冻口感又十分清新而且令到个多士多返一种湿润感，食完幸福感满满🥺强烈建议食完串烧之后食埋个甜品先走😈推荐指数：🌟🌟🌟🌟【𝐏𝐫𝐢𝐜𝐞: 4.8/5 𝐅𝐨𝐨𝐝: 4.2/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ
继续阅读
人生有限，最重要系及时行乐，所以同家姐去咗「人生有限杯.串烧店」细尝串烧、把酒谈天。*此餐厅收取加一服务费。有限杯之忌廉煮蚬（单点$68），表面铺有香草，蚬肉食落好新鲜，配以忌廉食用，奶味浓香。流心蛋薯仔沙律（单点$68），表面铺有青瓜、蟹籽、黑芝麻，马铃薯沙律口感绵密，配以流心蛋、美乃滋食用，蛋香味浓，食落类似碎蛋马铃薯沙律。盐烧和牛牛小排（单点$48），肉质嫩滑，食落牛味浓厚、带有黑椒味道，配以黄芥末食用，味道咸香带辣。蒜蓉烧蚝2只（单点$48），表面铺有辣椒丝、蒜蓉、香葱，广岛蚝肉质饱满，味道鲜甜。蒜蓉菜脯烧元贝2只（单点$48），表面铺有粉丝、菜脯碎、蒜蓉、香葱，元贝食落有鲜味，略嫌元贝肉质比较瘦削。盐烧鸡中翼（两串$48），鸡皮口感薄脆，鸡肉食落好Juicy，配以柠檬汁食用，味道清爽。盐烧鸡腿肉（两串$48），鸡皮食落带有焦香味道，鸡肉肉质厚身，食落啖啖肉。菻蓉菜脯烧茄子（单点$38），表面铺有菜脯、辣椒、蒜蓉、香葱，茄子食落好入味，味道香辣。味噌松板猪（两串$30），肉质弹牙，略嫌味噌味道欠奉，配以辣椒粉美乃滋食用，味道更佳。紫苏鹿儿岛鸡颈肉（单点$28），肉质爽口，配以紫苏叶食用，食落好香口。豚肉牛油果卷（单点$28），表面铺满紫菜，豚肉肉质肥瘦适中，配以牛油味食用，味道清新。免治鸡肉棒配日本蛋（单点$28），鸡肉棒内有鸡软骨，口感爽脆，略嫌免治鸡肉肉质比较松散，配以月见沾酱食用，味道咸甜。香烧翠玉瓜（两串$20），表面铺满孜然粉，食落好惹味。港式蜜糖多土夹雪糕（单点$48），蜜糖多士口感酥脆，味道香甜，配以呍呢嗱雪糕食用，冰火交融，呍呢嗱雪糕口感幼滑，带有呍呢嗱籽。手打柠檬茶（单点$28），茶味浓香，味道酸甜。青柠梳打（单点$28），味道酸溜。
继续阅读
环境质素仲唔错！啤酒买一送一🍻收工过嚟真系啱晒！串烧有$10区$15区$20区😍超抵食💖盐烧西班牙五花腩先$10！烧到啱啱好！外皮焦香，油脂劲香，一点不腻，性价比100分🤣可以系咁encore🤤$15区有豚肉荔枝卷、豚肉秋葵卷、豆皮包蒜蓉！豚肉秋葵卷肉入面包住秋葵，好清爽😍 豚肉荔枝卷，荔枝清甜混著肉香，一口下去超惊喜💖豆皮包蒜蓉满满嘅蒜香钻进豆泡里，配酒超搭😁$20区嘅盐烧鸡腿肉超级Juicy🤤！大大旧劲厚肉🤭盐烧猪肋肉$28 烧得外脆内juicy😋芝士菠菜卷$28，芝士融在菠菜里，奶香味混著菜香，好特别😆蒜蓉烧茄子$38我觉得烧得好好，难得系唔会好油！茄子烤得软乎乎，吸满蒜香，超级正😍蒜蓉广岛蚝$48两只，蚝肉肥嫩，蒜蓉提味好惹味🤤山椒鳗鱼汁烧白鳝$48串其实都几抵，好厚肉，烧到皮够脆，肉质弹牙，够新鲜👍🏻酱汁越食越香🤤最后鸡油炒豆苗$58，清爽解腻💖～呢间串烧店值得encore 😋
继续阅读
嘢食味道其实几好，但又冇其他comment讲到CP值咁高🥲不过最大问题主要都系环境麻麻哋⋯⋯坐低已经觉得成个环境好迫，啲枱好痴立立，然后食食吓冷气机滴水滴正喺食物侧边，店员都好好有即刻帮我哋调去吧枱。不过吧枱好大油烟，差唔多食到最后仲见到有曱甴喺木质嘅墙边爬，最后食晒都即刻走😖
继续阅读
重点*上嘢食速度正常味道正常份量偏细环境正常服务无特别可一不用再一入去见到张menu就觉得好似烧烤堂自然令我有对比。首先佢$10-$20嘅串烧最少叫两串，而有啲只系想试吓味道如何，但要叫两串就却步。串烧平均都系细份，$28串牛舌细细旧有3旧，叫做有旧大少少。烧鳝都系有3旧仔，有啲细份。$10$15串嘅都味道正常 偏细份乌冬茄子正常发挥，最好每人一个乌冬打个底。我两个人食 好彩女朋友食两啖话饱。埋单400几 我食咗7成嘢食 大嘅4成饱两个男人嚟食预最少食一千蚊有更好嘅选择
继续阅读