影片
纯粹想帮衬烧山，第一次买人民超市嘅产品。先讲讲腊味芋头糕($68, 900克) ，香港制造，放心食用。好多芋头粒粒，芋头入口松化，虽然腊味唔多，煎香嚟食，非常好味，配埋辣椒酱，简直是绝配，完胜美心， CP 值高。港女至爱紫薯玉露糕($58, 900克) ，紫薯本身冇乜味，加入淡淡椰子味，烟烟靭靭， 食落似椰汁年糕，都几好食，下次可能试下加蛋煎。烧山嘅年糕价钱平，食落唔差，完胜大集团，明年都会继续帮衬，话说之前网上订购，买满$500送$80许留山现金券, 真系好抵。职员特登打畀我， 提醒我现金券1月31号到期，要唔要早啲拎货先，或者加多少少钱送货到屋企，仲特登打畀我好几次提醒我， 年糕除咗好味，仲有浓浓人情味，网购咁耐，好耐未试过听到真人致电。
继续阅读