影片
系openrice见到e间舖比个名同埋楼上果位食评吸引左.....A Story of Milktea~1坐底..眼望望 台细细 周围都系DVD 仲写住可以借! 个老板应该都好中意睇戏仲要支持买正版!好有心思既装修! 坐落好有FEEL~又得意 又干净!坐左阵 点完野....D野食都黎得几慢下! 因厨房疑似得1个人! 睇到连叫外卖果位都要系门口等好耐!1黎饮佢杯奶茶 果然系又滑又香又够热 2啖饮哂再黎炒蛋 厚多士! 炒蛋真系超滑! 厚多士又够厚不过个乌冬........用金X忌廉汤 真系有D麻麻...个乌冬又有D硬我老公叫左个咸牛肉咩咩流心蛋包..加个蕃茄肥牛乌冬..(名字我忘记了)正! 个包 热辣辣上 入面仲要系太阳蛋...不过要小心流蛋汁 爆到成身都系 包又脆个乌冬.....特餐个乌冬同E个蕃茄肥牛乌冬唔同T_T 特餐个乌冬应该系街市$3-4/包 E个蕃茄肥牛D乌冬好明显系另一款 软身D 易入口D 不过汤底仍然系金X牌罐头汤........心想1个餐$36蚊 仲想点...佢已经成功左大半...系2个乌冬都麻麻 仍需努力!
继续阅读
认识我的人都知我一生被咖啡因所困，日日倚赖咖啡、茶、可乐维生，然而「需要」得来却又有点执著，唔好饮宁愿乜都唔饮。 有日一条友到元朗行行街市、影影相，行到朗屏站附近，竟然发现一间小店，叫做「人情味」，英文名叫「a story of milktea」！我当堂吓左一跳！然后得啖笑！ok，你店仔细细够胆话自己系奶茶的故事，咁咪等我试试真章啰！小店真系小，6张枱10零个位，一个水吧一个楼面，that's all。坐低先知原来舖头9月中先新开业。望望餐牌，选择唔多，有个叫「人情味特餐」$36，见隔离枱的妇女们都系食呢样，一于试试。 人情味特餐$36忌廉汤火腿乌冬鲜奶炒蛋配午餐肉牛油厚多士香滑奶茶先来试试奶茶。茶色几靓，同埋好够热，连只杯都辣手！唔怕冷气吹冻杯奶茶。细心！ 试一啖，茶味好～～浓！红茶同花奶的比例啱啱好，有花奶的滑、红茶的香，一啖在口中慢慢散发出来！ 哗！！真系呢... 我好想用杯奶茶来「朗」口，直情系唔舍得一啖咁快饮晒佢！跟住来忌廉汤火腿乌冬。又系热辣辣的，诚意可加。不过佢地用胶碗盛载，店方话因为舖头细，冇位洗碗㖞～ 但都特登拣d热汤专用的胶碗来用。我个人认为冇问题吖～ 最紧要d野好食啫。 食物来之前（及）到隔杂枱食呢个餐的妇女，食完乌冬之后个碗空空如也，心想唔系挂连汤都饮埋？但当碗乌冬真正来到我面前的时候，哗又系好香，饮一口忌廉汤，喂饮得出系好足料既金宝忌廉汤㖞！同自己喺屋企开罐头汤一样浓！ 仲有个乌冬，面身吸收左浓浓的忌廉汤味，面质又弹牙，转个头我就「suet suet suet」晒d面。喂真系好味㖞，唔系好够喉添，啖汤都唔好side... 哦！唔怪得人人个碗都连汤都冇得剩啦！ 食完乌冬已饱左6成，这时候个餐的其他野食刚到。略觉慢左少少，但一路睇住水吧师傅将每个餐即叫即整，一整好就上桌，热辣辣，等一阵都抵。哗真系「厚多士」呀！！ 哗咩事呀份多士？！乜真系咁厚多士呀？！？！ $36个餐使唔使咁抵食？ 另外餐牌写到明系鲜奶炒蛋，水吧又放左几廿盒北海道牛奶... 喂你唔系用北海道牛奶来炒蛋下哗？ 癫架！炒蛋够热又够滑，仲好乱 - 只有大火落镬快炒兜乱先有咁既效果，入口又香仲真系有d奶味添，攞晒分啦！ 餐肉亦煎得够香口。 结果呢，我系食唔晒份厚多士既，唯有外卖拎走再算。 打包时我冇谂过一阵系咪真系会食，结果我直到夜晚返左屋企都冇食到份多士，但当下就系唔舍得浪费眼前食物同饮品既一点一滴，因为真系食得出好味，同埋食得出有heart。 或者呢种就系人情味既味道？！ 一定会再来。或者可能每个weekend都来 XD
继续阅读