京都薈

营业中

休息中

有小組組員知我哋兩公婆成日由美孚行上馬騮山，不時問我哋幾時帶佢去行，卒之擇咗今日兜一轉，但起步前梗喺食個飽飯啦，所以，專登約佢哋喺美孚嘅「京都薈」 飲餐茶，跟住經「饒宗頤」穿上馬騮山，再晌「九龍接收水塘」、「石梨貝水塘」打個轉返番落美孚。話就話呢間屬於街坊酒樓，亦開咗好一段時間，但喺個大堂樓底超高，就算拍滿枱，都仍然唔覺會話太逼，加上被安排咗張死角枱，更加靜侷，方便我哋傾偈。一張價目表有晒平日、星期六日假期，早市、午市、下午茶各時段嘅點心收費，一目了然。另外，茶錢收$14位，有收加一服務，計埋呢啲「立立雜雜」，其實飲茶確喺唔平，不過，大家嘆吓點心，傾吓偈，開心嘛。有咩嘢揀就唔多講，始終飲茶嚟嚟去去都喺嗰啲，貼晒啲點菜紙出嚟大家就一目了然。此外，當然例有啲套餐，以及小菜嘅選項。沙律明蝦角 $39.8老實講，個樣就包得真喺麻麻哋，摺紋唔平均，不過，餡料都算足，豬肉鬆化，蝦肉爽口，仲夾雜啲蔬菜粒，況且，炸得亦香脆可口。香脆炸春卷 $36.8呢度啲炸嘢確喺唔錯，春卷外皮炸得甘香又脆口，完全無油膩感，沾上少少喼汁，效果更好，裡面混有少少蝦肉，比起得啲淨肉嘅更爽口。香煎蘿蔔糕 $32.8老婆特別鍾

我和朋友誤入咗一間美孚酒樓，點咗脆皮飛天雞、豉汁蒸大鱔同埋豉椒炒蟶子，真係驚喜連連！一入到去，場地好大，冇咩人，得幾圍，感覺幾舒服。.首先，$10蚊一隻嘅脆皮飛天雞真係必食推介！炸得金黃脆口，肉質滑嫩，拿手套自己再剪開，食落去爆汁，好味。真係意想不到，完全冇辜負呢個價錢。.接住嚟海鮮自選組合，任選兩款$238，簡左豉汁蒸大鱔，鱔蒸得剛好，鮮味十足，豉汁添香，食落唔油膩，真係正！同炒蟶子亦都唔錯，四隻蟶子肉質鮮甜，夠大隻，蒸得剛好唔老，味道入味，每一啖都食得好開心。.呢間酒樓嘅食物份量都幾足，唔單止味道好，仲係經濟實惠，適合兩人晚飯。雖然晚上冇咩人，但環境寬敞，唔使擠迫，感覺好輕鬆。仲有，佢哋嘅服務都幾好，店員親切，令我哋更加享受呢個晚餐。整體嚟講，呢次誤入嘅經歷真係一個驚喜！食物唔重口味，亦好適合我哋呢種鍾意清淡飲食嘅人。下次一定要再帶埋朋友一齊嚟，試埋其他菜式！肯定會返嚟幫親！

大年初二拜年開年，屋企人book咗美孚京都薈，雖然一樓，但有𨋢，方便老人家👵🏻同行動不便親戚。包房，有麻雀🀄️打，$5988一圍，落$500訂，後生既打麻雀🀄️，老既就坐下傾下計派下利是🧧拜下年。7:30pm打完就叫侍應收枱開飯，本身就懶洋洋，一俾利是🧧就精神哂，仲要多咗幾個衝咗入嚟逗利是🧧同幫手搬枱。啤酒🍻轉汽水🥤，有轉盤，有個親戚入咗院坐鬆d。一開波上乳豬，size唔大，皮脆有肥膏，正👍🏻。第2味竟然係脆皮雞，本身第8味，皮脆肉滑，正👍🏻，我鐘意食雞髀🍗。之後瑤柱甫，但最皓食係豆苗，炒得皓香皓嫩。竹笙海皇翅，翅唔多，但整得皓味。花膠玉掌，花膠同掌都皓巨大，掌入味。富貴斑，上菜時已經唔係魚型，肉唔夠滑。大蝦球蚌仁，蝦🦐唔算大，蚌爽口。鹽燒六頭鮮鮑魚，香口，但唔夠腍。伊面炒得皓味，唔太濕唔太乾。糯米飯唔夠腍，唔夠臘腸。糖水係紅豆🫘沙湯丸，大滿足😌。

第一次黎呢間京都薈食大閘蟹放題，真的驚喜！大閘蟹應該有3-3.5兩，公同乸都十分多膏，實在太邪惡！入座時侍應已提醒蒸蟹需時20分鐘，第一轉10隻算快到，第二轉就要催一催，呢個餐包鮑魚鵝掌，仲可以任食蛇羹、糯米飯、片皮鴨…味道不錯👍🏻其實2小時任食真係唔太夠，食到人地關門都唔趕我地走，仲話要幫我地影相，真係唔好意思😅環境闊落，酒樓整潔程度尚算ok, 侍應服務好好👍🏻👍🏻👍🏻因為好，下次食晚飯都會是選擇之一😁😁

之前返工做野時經過美孚見到佢出面video wall 有＄10蚊一隻雞好吸引，所以決定同屋企人齊去試下。我地一行5人去到大約6點半，當日係星期六，但人都好少，我地左一個套餐有元貝同燒腩仔，個燒腩仔皮好脆但元貝好細，但味道不錯。講番隻10蚊燒雞，真心正，唔係hea，堅好食。我仲叫埋特價蠔同埋個燉湯都好食，我媽媽話個湯係真材實料。而其他食物都好食又大碟。佢仲有任食大閘蟹，但要＄4XX我覺得有D貴，但當晚我都有叫左兩隻大閘蟹食都係＄98係抵食嘅，質素都好。

這裡似機場。。一味舉手。。很耐先會有服務員服務你。套餐。。蟹要45分鐘才上蟹。不太新鮮及6隻中有二隻死了，片皮甲，肉不新鮮。。生菜包又話師放假未能供應，所謂任飲。。都未見到邊到有得提供 ，總之不會再來啦

之前嘅朋友介紹同一個集團嘅大埔分店，不過大埔我就相對不方便，於是來了這家同樣做大閘蟹任食兩小時的京都薈。🦀大閘蟹不算大隻，八成都OK，有兩成略帶苦味。🦆片皮鴨質素唔錯，特別欣賞皮薄。不過有趣的是兩樣是分開上的，所以可能要等一等🤣🫕燉湯好好飲，我飲了兩碗，夠晒熱。🐍蛇羹我冇食，不過朋友話好像沒太多蛇肉/蛇味。🍚臘味糯米飯也是可以任叫任食，我們吃了一碗覺得好吃，可惜再叫已經沒有了。另外每人亦可以有一份鮑魚鴨掌，不錯。汽水糕點也是任叫任食的，我們吃了薑汁糕和紅棗糕，薑汁糕都好薑下👍🏻，紅棗糕食一般般，但唔甜算唔錯。特別要讚吓佢個薑茶，熱辣辣，好好飲。👍🏻👍🏻👍🏻+1+茶芥後，每人$565。留意除大閘蟹外，其他東西都限量供應，上一次朋友試過沒有片皮鴨，今次我們吃的時候一些糕點也售罄。所以想食可能盡早叫，或早點開餐。酒樓位置方便，不過枱與枱之間好長空間少一些。

事原訂了7/7 12位19:30，未夠19:00 就打電話催促我快啲到，咁我10分鐘內到，見到都冇人等位。跟住啲朋友1930到，六人套餐當然要加其他餸，結果冬瓜盅、燒鵝全部都冇賣晒。到20:30想叫炒麵飯，又話俾我聽只係得瑤柱蛋白炒飯，其他沽清。只係20:30 乜都無！ 點做生意？ 唔怪得香港人全部上晒大陸消費。真係無言！味道一般酒樓，不過不失。

呢度嘅晚市套餐全部都好經濟實惠。我同屋企人嚟試咗幾次佢嘅海鮮晚餐都係好平。雖然價錢平，但係佢嘅海鮮都唔失禮，我哋次次食蒸魚都係幾滿意另外上次叫咗啲龍蝦伊麵。龍蝦係新鮮，亦都見到佢哋嘅魚缸好多鮮龍蝦，唔怕食到死貨。我哋屋企有幾個生日會同埋百日宴都係呢一間酒樓度搞，佢哋間房，間得幾好。絕對教私人空間，同埋所有套餐嘅價錢都相對比其他酒樓平價，但係佢嘅食物質素依然好。屋企嘅老人家好鍾意落嚟食飯。 平日中午飲茶嘅話呢度質素都唔差，而且唔係好使等位。呢度嘅燒賣好大粒同埋好彈牙唔會有好多肥豬肉喺入邊。另外幾鍾意呢度嘅燒味飯，次次飲茶我哋都係會叫嘅。燒味都幾脆皮同埋調味做得好好。

話說經過美孚肚餓，諗住搵間茶樓試吓啦，好耐冇飲茶！見到OpenRice食評幾好，一上到去好快就有位，因為兩個人。叫咗幾樣點心，第一樣係奶黃流心包，雞扎等等。。。個包一食，係熱辣辣嘅，係流心，但係可以用難食嚟形容！！！！！！！！！生存喺世上咁多年未見過奶黃係咁嘅色，黃透明色似柚子味喎！跟住見到啲所謂嘅蛋黃粒粒，一試入口。嘩！完全唔係蛋黃味，之餘嗰個”柚子醬”完全冇奶黃味，剩係得個甜，係好鬼甜。。其他點心都唔使再講咁多，價錢一啲都唔平，質素簡直大跌眼鏡。相我剩係得奶皇包，第一樣相嘅點心咁嘅樣，跟住其他點心都冇乜心情食，雞扎兩件 兩件個餡都唔一樣。。。

今晚跟幾位老友鬼鬼聚舊，總算揾到間有料又靚仔嘅食肆。一入到去，嘩，一頓晚飯喺度食真係賞心悅目！餐單揀選多達星辰，但最後決定撈埋幾個招牌頂薦。第一道來個海鮮孖寶，誰不愛嘅龍蝦伊麵？！熱辣辣送上，龍蝦仲要新鮮得滋滋作響，肉鮮味美，伊麵吸滿咗上湯，滿口生津，咸香得嚟唔做作🦞。豉汁蒸白鱔另一番風味，鱔魚順滑無比，豉汁嘅微帶甜意更係提味神來之筆！京都小炒皇都正到飛起，蝦仔鮮甜，韭菜香辣，炸准山彈牙嘅香酥，每啖都係幸福嘅滋味🍤🌶。食過無數次中菜，真系頭一遭感受到咁深嘅"鑊氣"與層次感。更加唔可以唔提提茶，溫潤嘅膻味真係令人會心一笑，啱啱好係暖烘烘嘅夜晚補充返身子💆‍♂️。這家餐館嘅大廚肯定知道點樣滿足食客嘅味蕾同心靈。食物係好味的，坐落都舒適，同老友傾計最啱！上完呢餐，真系大滿足，下次一定仲要黎！

嚟到呢間海鮮食堂，真係回味無窮啊！🐟🍤🦀 落盤嘅椒鹽鮮魷，先係外脆內軟，味道又正，個椒鹽香味令人一啖接一啖。蒜蓉粉絲蒸聖子真係勁，聖子耐咸耐蒸，啖啖肉食落真係爽口得滯！粉絲吸晒海鮮同蒜香，一啖落肚，真係感覺好正！唔止咁，仲有個冷盤係蟹肉拌豆腐，呢個菜品夠晒清新，冰涼豆腐上鋪滿惹味嘅蟹肉，食落去充滿咗海洋嘅鮮味，同埋豆腐嘅柔滑，兩者搭配得真係一絕。食物份量足，正宗嘅好味，唔洗飛去外國，喺香港都食到咁實在嘅美食。而且環境又寬敞怡人，大堂明亮，唔使夾縫中吃飯，下次再約埋班Friend過嚟，一齊享受呢啲美味佳餚！💯真係一試難忘，肯定會返嚟光顧！

以往這店經常做晚市推廣，大約 $69就有一條清蒸沙巴龍躉，性價比高，加上其他小菜味道也不錯，所以常來。後來蒸魚推廣取消了，其他小菜的價格也不斷上漲，就一段時間沒有到來。這晚看到又再推出蒸魚推廣， $68一條，不過蒸的不是沙巴龍躉，而是富貴班。不知什麼是富貴班，想着一試無妨，就入內就座。點了：清蒸富貴班：魚尚算大條，但問題是肉質軟趴趴的，魚味也不突出，更奇怪的是這晚的蒸魚豉油味道淡得幾乎沒有鹹味，後來請侍應給我一碟普通豉油，把兩者混合，才吃出一點味道來。咖喱牛腩煲：這牛腩煲的醬汁味道不錯，問題是$138的一個牛腩煲，牛腩細細碎碎的，而且少得可憐，煲內主打的是薯仔和洋蔥，似乎我們點的是咖喱薯仔洋蔥煲。蛇羹：這蛇羹稀稀的，不夠稠，裏面的食材也不多，不太覺得自己吃到蛇肉，味道也不突出。沒到來一段時間，看來食物質素和性價比也不比以往。

無限追加蛇羹，片皮鴨，養生湯，大閘蟹等…今次同班FD黎到美孚呢到試試佢🐍蛇羹都幾多料，加埋d卜卜脆😋唔可以同蛇舖比較，但都還可以🦆片皮鴨佢塊皮都幾脆口第一轉師父切到肉多過皮，第二三轉就正常返🍲養生湯，雞燉湯好足料好好飲🦀重頭戲大閘蟹，呢到嘅大閘蟹細細隻，大概三兩左右，要食多幾隻先夠皮🤣睇佢細細隻打開都幾多膏😋糯米飯正常冇特別仲有任食中式糕點，有桂花糕、紅棗糕、紅豆糕同薑汁千層糕每人再送蠔皇鮑魚伴鵝掌一客

一朝早就同屋企人去咗飲茶，美孚飲茶就梗係揀京都薈啦，睇餐牌就知呢間性價比高，所以點解一定要嚟呢度飲茶，薑汁千層糕，一上枱已經飄來薑汁嘅香味，口感彈牙，可以食到千層，一片片帶有薑嘅香味，又不會過甜，蟹籽燒賣皇，好大粒好多蝦，啖啖肉，上面嘅蟹籽脆卜卜，口感豐富，而且無乜肥膏，但仍可保持滑溜的口感，水晶蝦餃皇，蝦餃都唔輸蝕，同樣好大粒，又夠飽滿，個蝦餃皮夠薄，晶瑩剔透，裏面嘅蝦都好彈牙，個人認為必食，百花釀魚肚，蝦膠好大塊，好足料，打到起哂膠，好彈牙，下面塊魚肚亦都吸收哂啲鮮味，勁入味，正，香滑芝麻卷，賣相好吸引，一上枱已經飄來芝麻香味，口感軟糯彈牙，飲茶甜點首選，總結：呢間酒樓嘅座位都寬敞舒適，餐枱和餐具都乾淨衛生，侍應招呼服務亦算勤快，下次美孚飲茶都一定揀番呢間啦。