享樂烘焙

营业中

休息中

明太子麻糬燒食過享樂麵包好多次，但今次黎到荃灣分店，就試下新野，第一次食明太子麻糬燒麵包🥖🥖明太子中間有一粒大麻糬，明太子醬十分香濃，麻糬做到小小拉絲效果，都幾好食。🥰🥰享樂有好多唔同麵包可以選擇，下次再試下其他麵包先😤😤

享樂烘焙麵包真係幾乎從來唔會中伏🤤,除咗佢人氣超高嘅bagel 系列,其實佢有好多麵包都好好食🤤今次荃灣新店開張,當然要試吓佢新出嘅小山園抹茶麻薯牛角!🌸小山園抹茶麻薯牛角 $26用咗小山園抹茶🍵做成嘅抹茶cream塞滿牛角包裡面🤤,係相當有驚喜😳,好濃郁茶味而且抹茶微苦味突出,係我食過差唔多最濃嘅抹茶牛角😍,裡面仲有海量麻薯,面頭嘅抹茶脆脆雖然令成個牛角更美觀,但因為甜度相對頗高,我比較唔鍾意🌸明太子牛角 $22享樂烘焙明太子系列嘅包我都好鍾意,呢個明太子牛角一樣係好鹹香惹味,不過鹹味就有少少over左﹍﹍﹍﹍﹍﹍﹍﹍﹍﹍﹍﹍📍享樂烘焙荃灣街市街152號坤成樓地下6號舖

2-8-2023 (Wed)自己放假,晏晝又要去買嘢,買完就走嚟買麵包,因為可能有啲撻要盡快拎返屋企食或雪住,由於係平日晏晝,所以終於冇乜人喇,我一路睇,一路聽到收銀各俾錢嘅客人推介啱啱出爐嘅德式布丁撻,咁我夾咗兩個包,就衝去夾先,但收銀阻止,話佢哋夾.咁我唯有唔夾住,繼續睇有咩包啱先.夾完去收銀喥,就叫佢俾兩個各$20.00嘅德式布丁撻,$32.00嘅芒果吉士塔同$36.00嘅開心果紅桑子撻,我本身就要咗各$20.00嘅咖哩煙燻牛肉酥,日式明太子牛角酥同$12.00三個嘅迷你牛角酥,總共啱啱好$160.00.德式布丁撻用待別製造嘅膠盒裝住,返到屋企,佢仍然好熱,嗅到好香蛋味,我先趁熱食呢個,拎嘅時候有啲難度,要好小心,否則好易整爛,其實建議佢哋改良個膠盒.上下嘅高度係撻嘅一半,咁合埋又保護到佢,拎出嚟時又容易.個布丁餡好滑,味道又唔會太甜,撻皮脆,唔錯.味道:5分之後我食我嘅日式明太子牛角酥,拎出嚟睇,咦?!原來面上舖咗一張牛油紙,以保護面上嘅明太子.由於我驚太飽,所以決定食半個,我切開時,外層好脆,但中間比較難切.食落明太子微辣同微鹹,亦食到佢嘅鮮味,幾惹味;牛角酥有啲煙韌;牛油味

享樂啲包不嬲高質，竟然比我一次過買到冰心包同麻糬牛角酥🥰 ▫️開心果吉士酥皮冰心開頭以為雪咗會唔脆，點知酥皮個仲係一樣咁脆咁鬆化咁好食! 酥皮牛油香好濃，入口一啲都唔油膩，面頭搽咗一層薄薄的焦糖，食落有陣焦香~開心果漿一搣就流岀泥, 入口好香滑, 開心果味濃郁又唔會太甜. 底層仲有一大片薄薄嘅拉絲麻糬, 口感軟糯，令個包食落口感更有層次同變化❣️開心果控一定要試下喱款夏天限定! 🤩 ▫️小山園抹茶麻糬牛角牛角包好酥脆，名副其實嘅外脆內軟~面頭仲有厚厚一層抹茶奶酥同杏仁脆片，食落充滿抹茶同奶香，甘甘甜甜得泥又唔會過於苦澀。牛角包中間嘅小山圓抹茶醬濃郁，再夾住成條拉絲麻糬，口感好豐富❣️🥰

一向好鍾意享樂嘅包，自從荃灣開咗分店，就更加方便買到🙆🏻‍♀️▪️開心果吉士酥皮冰心🍞特製酥皮就算雪咗，仍然好脆，帶牛油香，而面頭淋咗焦糖醬同開心果碎。開心果吉士呈流心狀態，好香滑，而且開心果味幾出，又唔會好甜。底部仲有一層大福皮，口感軟糬，不過偏薄，存在感較低。另外，呢款係夏天限定，而且每日淨係出爐一次，要把握時間買啦！▪️小山園抹茶麻糬牛角🥐牛角包酥脆，面頭嘅抹茶奶酥充滿抹茶甘香，加上杏仁片作點綴。入面嘅抹茶吉士好濃郁，中間再夾住成條麻糬，好Q彈，仲可以拉絲享樂烘焙📍荃灣街市街152號坤成樓地下6號舖📍新蒲崗大有街3號萬迪廣埸地下E號舖📍九龍灣常悅道21號The Eastmark地下3號舖📍元朗元龍街9號形點 I L1樓1097號舖

［享樂烘焙］每年夏天都會推出冰心包，而今年的口味是：開心果吉士酥皮冰心！酥脆的酥皮包裹著香濃而微甜的開心果吉士忌廉，就算直接從雪櫃拿出來享用，外層仍能保持香脆的口感👍🏻底層夾雜著煙韌的大福，脆與韌，加上冰凍的開心果忌廉，不同口感的美味享受😋果然是店方的重點出品！同場加映開心果系列及抹茶麻糬小吐司，款款都好味好食😋享樂踏入開業5周年，更選址荃灣開設第四間分店，希望店方繼續保持水準及初心，烘焙出更多健康美味的麵包！- 開心果吉士酥皮冰心 $24- 開心果乳酪布里歐 $24- 開心果麻糬Bagel $20- 抹茶麻糬吐司 $28

8-7-2023(Sat)傍晚,同老公入住酒店後,我返一返屋企整啲嘢先,咁順道喺呢喥買幾個包做翌日嘅lunch.嚟到時都幾多人揀𡁵麵包,我就要咗:1-2. 原價$18.00一個嘅蜜瓜包,特價$32.00兩個,要咗摩卡流心同抹茶我先食摩卡流心,掰開睇,見到有黃色嘅流心餡,食落,外脆,食到甘甘地嘅咖啡味,混和面上嘅糖霜食,中和晒唔會太甜,整體唔錯嘅,不過嗰pat流心餡味道就有啲怪.味道:4分而抹茶味呢?呢個味道對版,抹茶味甘唔太甜,不過覺得冇卡流心蜜瓜包咁驚喜.味道:4分3. $16.00嘅奇亞籽洋蔥貝果到10-7-2023 (Mon)晚,我至同老公食完晚飯食,可能放咗兩晚,開始出油,而佢淡淡嘅洋蔥味恰到好處,微鹹,好味.味道:5分上次食評係2023年6月30日刊登嘅呢篇: https://www.openrice.com/zh/hongkong/review/%E7%AC%AC3700%E7%AF%87%E9%A3%9F%E8%A9%95-yeah-welcome-to-tsuen-wan-e4875291抵食係2.8 分

之前成日都係IG見到依間麵包舖的麵包，款款都好吸引我，但可惜分店都離我很遠，所以今次他開新分店在荃灣，我即刻就去買嚟試吓🤩🤩一入到去已經超級多人，不過都好有秩序咁；而且麵包的款式多到令人覺得花多眼亂，而且每一款都超級吸引湯種台灣大甲芋泥貝果 $18 推薦指數🗯️：🌟🌟🌟🌟就係隔咗半日先食都依然好鬆軟，而且芋頭味超級濃，中間還會食到芋泥，超級滿足麻糬波波 $12/3粒 推薦指數🗯️：🌟🌟🌟有三種味道，個人覺得朱古力味最好食；質感和其他麻糬波波差不多，不過不失手撕牛奶吐司 $30 推薦指數🗯️：🌟🌟原本對這個很有期待，但食完覺得有點失望🫣食落奶味或牛油味都不濃，質感和平時食的方包差不多，而且價錢上有點少貴

自從知道出咗抹茶牛角就好想買，幸好晚上七點來仲有分店位於大窩口跟荃灣中間，平日晚上都好多人嚟幫襯裡頭有著大幅手繪的麵包牆𓂅 小山圓抹茶麻糬牛角 ( ᴴᴷᴰ 26)🥐在牛角包中間擠入小山圓抹茶醬加上麻糬再以抹茶醬跟杏仁片鋪面牛角包切開可見條理分明嘅蜂巢紋，吃下外酥脆內軟，並帶陣陣牛油香氣抹茶醬味道濃郁得嚟帶陣陣奶香，吃下不會太苦、不會太甜重點是有巨巨麻糬，不用翻熱也十分Q彈不黏牙整個吃下去真的十分十分滿足✨

蜜瓜抹茶包鯡表好吸引，其實似菠蘿包加d痕，上面糖過甜，我食了3/4都掉了，內部是綠茶，蜜瓜味淡過綠茶，唔太推薦過甜的包。呢個大甲芋芋泥包好食，甜度正常，芋泥滿滿，價錢極合理親民，有咬口，大力推薦！😚

#荃灣#享樂烘焙#面包Morning 🌟經過見到新開面包店排左人龍師奶既好奇心驅使我又跟住人龍排下 想知呢間烘焙係咪好好食 所以竟然買包都多人到要排隊🤣入面既款式果然眼前一亮就差在未有coffee同tea否則都有做cafe既潛質🤭有唔同bagel 選擇 仲有抹茶味🍵又有伯爵紅茶麻糬bagel #面包控 請注意‼️🫵但今次比其他包吸引左1️⃣明太子包 $12😍平時好少可會喺其他麵包舖見到有呢一個選擇 而且食開左後發現明太子包入邊仲有明太子餡料 好驚喜😋物超所值2️⃣蕃薯🍠包我特登用屋企嘅蒸焗爐翻熱番薯軟熟煙靭 麵包表面頭灑咗啲粉 有啲似食髒髒包嘅feel 視覺上有烘焙炭燒嘅感覺3️⃣日本宇治抹茶蜜瓜包用完蒸焗爐翻烘熱後菠蘿包包皮超脆 入邊有啲蓮蓉質感嘅抹茶餡料Yumyum 😋#面包#抹茶#烘焙#早餐#茶點#明太子#日式#享樂#instadaily#instafood#breakfast #foodporn#foodphotography #hkig#hkfood#foodie

難得用心美味烘焙飽點，食完感覺到滿足，還會再諗下次要再試那款。感覺到認真，用料誠意。最簡單的蒜蓉包亦美味，食後感覺比從前乜勝客最好的蒜蓉包更好，多款麻薯包煙韌可口。暫時食過多款都不失望，超期待繼續發掘更多美味烘焙飽點。

10-6-2023 (Sat)晏晝同老公,亞姨經過呢喥,見到佢終於開張,於是入去睇吓有咩嘢麵包賣,佢有牛角包,多種味道嘅法包,貝果,吐司,曲奇同麻糬,重有喺café食到嘅撻,好吸引,但由於我哋要去南豐紗廠嘅Matcha食晏,所以唔買住,到傍晚我哋至行返嚟買,終於好特別嘅撻已經賣晒,我哋就只買$18.00嘅湯種台灣大甲芋泥貝果同$12.00三個嘅麻糬,分別係紫菜芝士,朱古力同芝麻?嗰晚我同亞姨食三個嘅麻糬.亞姨一人食晒芝麻味嗰個.佢話好香.朱古力味呢,見到佢嘅朱古力都有好多,唔太甜,口感煙韌.味道:4分紫菜芝士就紫菜味好出,都幾新奇嘅口味.味道:4分至於湯種台灣大甲芋泥貝果,係老公翌日朝去教會前嘅早餐.嗰朝佢一食,大讚好味,但口感就只有韌,因為我哋擺咗一晚,所以唔算係間嘢嘅過失.

本身話5月開的， 6月頭再經過， 看到「 享樂烘焙」終於開了，當然要一嘗其最出色的bagel。 湯種特濃抹茶麻糬貝果$20糖不甩貝果$24糖不甩貝果的麵包本體是加了芝麻， 所以是黑色的， 雖然芝士味不太出， 但吃到她的存在，所謂的糖甩， 其實是在bagel 中間加入花生醬和麻糬， 店家聲稱用了台灣的幼滑花生醬， 口感有點黐口， 沒有花生果粒， 但花生味濃郁，而且不會太甜， 再加上麻糬加持， 口感十分豐富。至於湯種特濃抹茶麻糬貝果， 它中間則包裹住抺茶醬， 抺茶味濃， 不會太甜。它也有麻糬， 因為與bagel 有所對比， 所以吃到是偏淋帶少許煙韌， 不太甜。2 個貝果的包當然出色， 有韌性， 有彈性， 不會乾， 略為加熱， 口感更佳。抹茶拿鐵麻糬吐司$28店家麻糬給予一點也不吝嗇， 麻糬偏淋帶少許煙韌， 能拉絲， 因為麵包軟熟，  所以麻糬的存在感比bagel 那個高。吃得出抺茶味，甜味主要由面的甜皮帶出，  不會太甜。但簡介中所提的豆蓉則不太吃到。明太子麻糬燒$16麻糬煙韌， 明太子略有火炙， 鹹香。仲有荃灣限定布甸布丁達$10焦香蛋面滑溜的布甸內餡不太甜， 有蛋味牛油皮鬆化，不油膩，