享樂烘焙

营业中

休息中

相信香港嘅麵包愛好者一定聽過《享樂烘焙 LY Bakery》呢間港式麵包店。由創立至今六年內，憑招牌bagel以及其他手工烘焙品吸引唔少人光顧，現時喺全港更有四間分店。佢哋嘅宗旨係絕無麵包改良劑，用全天然牛油，唔會用植物，人造牛油或豬油。聽聞《享樂烘焙》呢個名係源自於兩位創辦人都好熱愛烘焙，希望食佢地麵包嘅人都可以共同享受烘焙帶來嘅快樂。~🤩芋泥大福酥菠蘿 (HKD 22)首先，講下個脆皮啦。呢個脆皮介乎係日式蜜瓜包同港式菠蘿包之間，酥鬆但帶啲硬度，不過完全唔𠝹口。即使唔係新鮮出爐，其實都仲係好脆嘅。面包體唔係普通嘅面團，而係帶有層次感嘅丹麥酥面包。同一般面團相比，佢更加有牛油香味，口感更加豐富。芋泥部分俾得好慷慨，整個面包都係滿滿嘅芋泥餡。芋泥餡唔算太滑，食落有啲小小粒粒嘅口感。至於麻糬，都好足料，口感都好煙靭。即使放涼咗，都冇變硬嘅問題，仲保持住啲拉絲效果，真係好抵讚。總括嚟講，脆皮同面包體質感我覺得冇得彈。雖然麻糬已經冇甜味，但脆皮已經有砂糖係上面，而芋泥餡又有一定甜度。所以，調味我覺得稍稍有啲甜。不過，呢個價錢食到咁多工序又咁足料嘅面包，真係抵食又好食啊！🍞～💵價錢合理🍞麵包控

平時好鍾意食scone有次聽到朋友話享樂烘焙嘅scone同bagel都好食試過唔同口味嘅bagel就算放到第二日食都仲係煙韌👍🏻個人最鍾意藍莓yogurt口味-不過最鍾意都係佢嘅scone伯爵茶，朱古力，抹茶，蜜糖提子乾全部都試過🤣每款都好香牛油味而且入面鬆軟得黎唔乾！夠濕潤而且甜度啱啱好🥹唔同口味有唔同價錢買兩件仲可以平d！ $28@2比起其他港島烘焙店平好多而且都算大個每次想食scone經過都必買😙

✨紫薯南瓜包（$16）見到好足料 就想買黎試下💜🧡食食下先發現原來呢個麵包嘅組合就係：南瓜蓉、半舊紫薯、麵包，南瓜蓉甜甜地，好容易入口🎃～反最Surprise嘅係佢係連皮紫薯就咁放喺麵包裡面，本來以為係紫薯蓉添🙈🍠而麵包嘅比例比例相對少～所以整體來說 食落好似好健康咁🤣🤣

成日系社交平台都洗板式見到foodie 出post 大曬享樂烘焙的麵包今日好難得經過九龍灣享樂烘焙，買咗個朱古力合桃鬆餅第二朝早做早餐因為擺過夜，所以第二朝都用咗焗爐嚟散熱一下，試左幾次發現6分鐘未到最好朱古力核桃scone $16朱古力嘅味道非常之濃郁，用焗爐翻熱6分鐘180度暖暖地最好食中間有啲朱古力粒翻熱咗之後會溶溶地，夾埋好多嘅合桃碎，味道幾好食見到有好多唔同味道嘅冬甩賣，$36兩個都幾抵食，下次會試埋冬甩

我諗享樂嘅包bagel大家一啲都唔陌生我日日早餐都係食佢 有時食吓明太子法國包明太子醬好好味，明太子味又勁香又唔會好鹹我返到公司再用微波爐叮2分鐘嘩超級好食咁有時就會食吓bagel我自己就鍾意食芋頭味，煙煙韌韌佢啲bagel好軟熟個餡都算多麻糬都好好味，但係我自己就試過綠茶我就覺得啲茶味唔係特別香，所以我都係鍾意食污泥味又唔會太甜我每日經過都好開心，每日都會喺度諗食咩包，所以我好鍾意食佢哋啲早餐我聽日返工經過有嘢諗吓食咩？好啦。

公司附近好食嘅麵包舖麵無乜之前一直都會買開佢嘅包食之好似原味bagel 我鍾意佢有咬口 (⁎⁍̴̛ᴗ⁍̴̛⁎)同埋唔會太甜/咸 明太子法包都鍾意食 但我覺得太咸唔會成日食⋯ **註：口味真係好個人！但今日無啦啦走去買芝麻麵包一返到公司我真係呆左⋯啲芝麻甩哂⋯睇見到唔想食 我又唔可以當甜餐包食因為個味又唔同⋯ 緊有人會覺得佢主打唔係依啲 你中伏你問題 但老實講 其他出品都正常 但基本做唔到有點那過 但或者可能係我黑仔掛⋯

好喜歡「享樂烘焙」可惜香港區搵唔到佢，毎次也是專誠去拜訪，先行一圈看看有什麼心水……其實我乜都都想買😍抹茶流心撻拎返屋企途中也必須小心處理，咁奈何山長水遠回到家，也令撻皮有小許變形。中火翻焗5 分鐘，香噴噴，牛油撻皮，抹茶蛋漿味道濃郁，口感如蒸蛋般超滑，最緊要蛋漿內還有流心抹茶醬和紅豆粒，完美演繹，抹茶控表示超滿意！鷄肉腸仔包只售$8 但份量細，大概三、四啖就冇。鷄肉腸卜卜脆，翻焗過後令麪包變得乾身左，但內裡仍保留軟淋質感，合格。綠茶鹽水包翻焗5 分鐘，皮夠硬淨，有咬口； 鹽味突出，但不over, 抹茶味甘香，有驚喜 👍🏻

朋友知我鍾意伯爵茶產品，為我送上「享樂烘焙」的伯爵茶司康及朱古力伯爵茶撻，非常有心🥰-伯爵茶司康 $16/個，$28/2個司康夠大個而賣相得體於電飯煲加熱後享用司康外脆內綿夠濕潤，啖啖伯爵茶芳香而甜度不高，不俗！推介指數：8/10-朱古力伯爵茶撻 $24同樣於電飯煲加熱後享用撻皮輕脆帶淡淡可可香，內餡像布丁般的細滑軟綿，感覺滑捋捋；挑剔位為伯爵茶香未算突出驚喜位為底部有朱古力流心，熱焫焫食非常滿足，而且甜度剛好，不錯！推介指數：7.5/10

琴日去九龍灣做野Lunch唔想同人迫去左享樂烘焙 買個飽返office食買左個湯種伯爵茶麻糬貝果自己再買個明太子法包比大小姐晚餐配龍蝦湯琴晚的氣炸烘返熱 配湯無得輸外脆內軟 明太子又夠香濃 堅得👍🏻買個黑糖麻吉燒比阿妹聽日做早餐 不過唔記得咗影相我無食 所以唔知味道如何排隊比錢見個個都買檸檬吉士冬甩梗係跟啦 果然無錯 個冬甩鬆軟唔油上面一層薄薄砂糖 配搭入面酸爽微甜軟滑嘅吉士醬好後悔點解買我一個咁少🥹下次要試埋朱古力味先到4點左右 有啲餓拎個伯爵茶麻糬貝果出黎食 少少煙靱嘅貝果 入面有伯爵茶香雖然放左兩三個鐘 入面仲係甜甜軟軟嘅麻糬 唔錯👍🏻 下次試多兩種口味呀

每次經過都俾佢氣味，行過舖頭已經好香，最鍾意就係佢嘅bagel，煙靭，滿滿牛奶香嘅味道。麵粉方面佢哋好似係用日本的，唔知而家有冇變到。見到佢而家新出左一隻千層撕開麵包，真係好想試吓

呢間都幫襯咗好多次，平時多數去元朗嗰間。元朗嗰間水準正常，對得住個名聲。唔知點解九龍灣依家可以難食到咁….之前都有幫襯過，係差過其他分店，但都未至於難食。喺元朗買過好好食，今次經過九龍灣，忍唔住再買，點知十級中伏。食到一半都忍唔住掉咗，好難得麵包可以難食至此。個包好硬，好似唔知擺咗幾多日咁，乾到呢…..伯爵茶味很假而且不均，都唔知點啃得落？明明人哋係流心軟包嚟㗎嘛，究竟點可以做到咁硬？How can you do it?冇心做就唔好浪費啲食物啦

相信大家都聽過享樂烘焙或者已經食過,不過我都照介紹吓先啦😆我自己已經幫襯過好多次,次次一買都買幾百蚊🤭主要都係幫襯九龍灣嗰間,所以麵包都係以呢間作評價🙈《明太子法國 $22》明太子法包好多明太子醬,明太子味好香,又唔會太鹹,法包係外脆內軟,有驚喜👍🏻《特濃抹茶焦糖三角 $18》表面有少少糖霜,甜甜地,抹茶味幾香,但食落係麵包質地,感覺普通啲,較為厚實🫢《小山園抹茶麻糬牛角包 $26》抹茶麻糬牛角包好酥脆,麻糬好軟糯,抹茶醬都好濃郁,推薦👍🏻《菠蘿肉鬆 $14》肉鬆包味道係唔錯,但呢款比較普通冇咩特別🫢《肉桂焦糖脆脆酥 $16》肉桂味幾香,糖霜唔會太甜,配咖啡一流☕️《德式/抹茶/伯爵茶流心朱古力布丁撻 $20/24/24》原味幾有蛋香味,幾多餡,撻皮幾薄,又唔會好漏,食多個都仲得😂抹茶係流心架,伯爵茶朱古力都係,好邪惡,推薦!!《開心果吉士酥皮冰心 $32》開心果控必試!!好香開心果味,表層酥脆,呢個入面麻糬相對硬少少,可能因為雪過,但都唔係好硬個種,都軟熟既,買完記得即日食🙈《日本焙茶麻糬貝果/湯種野生藍莓乳酪貝果/ 湯種手工芋泥貝果 $18》《湯種特濃抹茶麻糬貝果/湯種紫菜肉鬆手工貝

🔖紫薯Bagel 煙煙韌韌嘅Bagel好愛！麵包真係搓得好好！而且紫薯味超香超重！🔖朱古力鬆餅外脆內軟嘅鬆餅真係好難得～～ 朱古力鬆餅仲有好多朱古力粒 好濃朱古力味😍🔖新鮮出爐葡撻有點失望了 可能已經凍左 個撻皮已經唔係算好脆 個蛋味亦唔太出

🧑‍🍳享樂烘焙的小山園抹茶麻薯牛角包（售價$26）享樂烘焙這款小山園抹茶麻薯牛角包,外觀色淡飽滿有型,一口咬下清脆酥脆的外皮與內裡creaminess十足的餡料令人驚艷!💯使用麻薯和小山園抹茶茶餡入口綿密Q彈,散發著淡淡香甜。🤤 雖為$26的定價,一開始會覺得少貴但分量充足兼餡料做工細緻,跟其他同價級別糕點比起並無虛此。😊外型的設計感也比較獨特。🎨烘焙的程度到位,搭配綠茶的清新口感也更顯享受。🍵總結來說,享樂烘焙用心製作出這款經典口味的牛角包。🤝👍相信這款抹茶麻薯牛角包定能成為你下次下午茶的首選。☕️

終於有機會去九龍灣終於有機會買佢哋每年夏天都出嘅冰包可以買 享樂烘焙 嘅開心果吉士酥皮冰心包（本人很喜歡吃酥皮、同時亦喜歡吃開心果產品，所以一直都想試，但作為港島區居民就比較懶惰，好難先會去到九龍嗰邊幫襯）上面酥皮脆的底部麵包feel 一搣開d開心果醬湧出來食落香甜吾膩又唔係死甜不過就唔係好食得到有mochi Anyway, 2023 的冰包 ，好吃（可惜，2023 冰包已於21/10 唔再出售。唯有期待下一年佢哋冰包）