亞龍咖喱

营业中

休息中

沒有嚐過此食肆，聞名不如見面啦，今天就來試試吧末夠下午一時去到，不用排隊，店內食客也不太多，店員做嘢好快手，而店鋪亦很細心，準備了一壺凍開水在枱上，怕辣的可以隨時自行加添咖哩雞配飯：咖哩上枱時，沒有濃烈咖哩香味只見碟面上蓋滿洋葱蓉，果然食落覺得咖喱味很淡，更加沒有喜愛的咖喱香料味道，只是少少辣加埋甜甜地咁，雞塊肉質不算粗嚡，亦有多件，味道就好一般，但整體上食物是不錯的。咖喱蝦配薄餅：食物碟上同樣蓋滿洋葱蓉，咖喱汁和咖喱雞的味道相同，只是配上蝦隻而已，碟內有三隻中型的蝦，蝦肉算新鮮爽口，沒有吃到科學加工的味道，實在是很不錯的了至於塊薄餅幾好食，不油膩有麵粉香懷著吃咖喱的心態前來咖喱專門店，但感覺到正如前食評者一樣：一般茶餐廳的咖喱食品，更深得我心！也許巴基斯坦的咖喱就是這樣的味道，所以試過就算。其實這兒的食物和味道是不錯的，只是香濃的咖喱味道是我個人較偏愛吧。

在台灣，我從不去巴基斯坦人開的印度料理店，因為每一道菜都使用那千篇一律的醬料基底真的沒有什麼特色。不過，朋友大力推薦佐敦的巴基斯坦風味的亞龍咖哩，因此我就去嘗試一下，說真的這家的咖哩還不錯，我點的是小辣的咖哩蝦，整體來說不算是辣，反而覺得是蕃茄與洋蔥的甜味，有點搶過咖哩香料的辣味。說實在的，亞龍咖哩不難吃，但我覺得不夠有特色，下次我可能還是會光顧，但是會是基於我正好經過那，而不是特別跑一趟去吃。不過，如果你吃膩了濃稠醬汁的咖哩，那亞龍的咖哩那較為清爽型的蔬果醬汁倒是可以去試試看。

搬了新店後第一次食,之前在舊店食過10~20次。和朋友order了咖喱牛腩+咖喱牛舌+甜油餅+鹹油餅+一碗白飯。咖喱牛腩中辣,但一點咖喱辣味+咖喱香味都無,只覺得係蕃茄洋蔥+辣椒油+牛腩,牛腩算幾林但無入味。咖喱牛舌中辣,都係無咖喱辣味+咖喱香味,但好一點牛舌入辣椒油味。甜油餅+鹹油餅我只覺得是一般味道及口感可以,又唔算好差,但好食好味又算不上。記得在舊店可免費加一次白飯,有位老伯重講明,如唔夠食可加一次, 但今次要$8一碗。總括來講:味道已經不是舊店味道了,一點咖喱味道都無,在荼餐廳食一個咖喱牛腩好過,價錢便宜過依度好多,當我同朋友講味道已經唔得的時候,坐在我隔離的一位大叔都有同感,重留下一半咖喱牛腩飯,講明不會再來,一怒而去。如果你是之前舊店常客,我想你試過後一樣不會再來,因為在荼餐廳食一個咖喱牛腩飯好過!

中午一點多去左亞龍咖喱食,好多人,不過唔洗等位,但要搭枱,坐得唔太舒服.叫左咖喱牛腩同埋咖喱雞.咖喱汁既味道好濃,不過有點油.咖喱牛腩好足料又好入味.咖喱雞得兩件.薄餅熱熱地,送咖喱汁一流!

在附近返工, 同事話呢間野好出名雖然我唔食得辣, 所以都有D想試結果就同人SHARE一個小辣走油既牛腩 + 薄餅同一個鮮茄牛肉飯有得叫話多D白飯, 哈!!小辣走油既牛腩, 對於我黎講都係辣, 要加住D飯咁食D汁就更加唔洗講, 一滴都唔想撈!!><牛腩好似唔夠淋, 而且份量好似冇茄牛果個咁多最後都係食鮮茄牛果個多D, 薄餅加茄汁食, 好味!個茄汁幾特別!!我鍾意!!^^

朋友話佐敦有間好出名既咖喱店，見最近面部火山爆發情況不算太嚴重，就去試一試。去到門口就見好似孖寶兄弟咁有兩間阿/亞龍…「亞龍咖喱先係堅架，記住啦！」朋友再三提醒，心諗，朋友都算細心。入到去d位都幾窄，不過我一向重視食材多於環境。望望餐牌，見有大中小辣，正當我諗住叫個小辣試試水溫…「我會叫小辣，因為我好唔食得辣，你既話叫中辣都得啦。」朋友提議說到。於是我地就一個叫小辣既咖哩牛利，一個叫中辣既咖哩牛利。「我記得架，你好食得辣架嘛，叫中辣就岩架啦。」朋友說著，心諗，朋友果然係好細心，連我既口味都記得………咪住…我記時話過我食得辣！？正當我想舉手截單時，已經有兩個牛利飯上左檯…兩兜既內料差唔多，就咁睇都只係見到一pat洋蔥蓉係面，之但係你只需要半秒就分到邊兜係小辣邊兜係中兜…中辣個兜…好似嘔完血咁有一灘紅色既油係面…試食一啖…噢哇呀呀呀…唔係講笑，當場噴火…個種辣，係不斷咁湧上黎…不過雖然好辣，但未致於去到失去味覺既程度。呢度既咖哩同一般係茶餐廳/扒房食到既好唔同，辣得黎好香，唔會好似漿糊咁杰，睇其他食評先知原來佢既成份無椰奶，但好濃好香，堅好味，用黎撈飯一流！！((不過我d眼淚都係咁流…))

週日中午十二點左右去到，只有兩枱人，不用等位。叫咗咖喱牛肉，咖喱牛筋。好鐘意佢個汁，可能係由於用咗大量洋蒽，辣味中有一層甜味，令你覺得不太油膩 香料味也很足，真係有別於以前食過的咖喱，係一個新體驗。見呢度有人話佢D咖喱汁太「水」，不夠「傑」，可能係大家都以為咖喱就一定係馬來式果種有椰汁嘅咖喱，而冇留意其實咖喱都有好多流派。印度式，港式，日式，歐式，斯里蘭卡式等等，不同的咖喱也有不同的好味！而今次我就知道巴基斯坦式的好味之處仲有，最初睇呢度D食評話員工態度唔好，都有心理準備。誰不知落單阿姐同收錢嘅老闆娘都好好態度，有笑容！有時都會諗，人同人相處，就好似照鏡一樣，食客都要有笑容有禮貌，店員先會有笑容有禮貌。好多時食客以為俾錢就唔使客氣咁，又點可以批評食店員工呢？

今日特登行去佐敦去亞龍咖喱好彩今日係平日, 唔洗等位^^叫左個咖哩牛腩($40)+左個油餅($10)牛腩好淋D汁有小小SPICY又有好多粒粒配菜整體好正下次會試埋其他款^^

星期二晚去百老匯電影中心睇《維多利亞壹號》，入場前先去佐敦吃點東西，吳松街上有「阿龍咖哩」及「亞龍咖哩」，單看名字實在難以分辨誰是正貨，但見「阿龍」的店員使勁地在街上拉客，那邊廂 「亞龍」不用宣傳也坐了九成滿，高下立見，我當然選擇試「亞龍咖哩」。亞龍主打巴勒斯坦咖哩，配料選擇不少，單是牛肉類已分成四種，包括牛腩、牛肉、牛脷及牛根，我們要了價錢最平的咖哩牛腩 ($40)，跟白飯，另加一客油餅 ($10)。中辣程度的咖哩牛腩，咖哩汁顏色呈微紅色，當中混入了不少番茄粒及洋蔥粒，辣度足，撈飯吃的確挺開胃，連身子也自自然然滾燙起來。這裡的咖哩聞落不太香，但其味道卻能一直逗留在口腔內，不會瞬間即逝，感覺相當不錯。牛腩則不帶肥脂，肉質更炆至軟腍，水準也令人滿意。油餅物如其名，熱辣辣的吃，入口充滿油香和麥香，口感則比較軟韌，絕對是靚咖哩的最佳拍檔。埋單五十蚊，價錢合理，環境雖然有點擠迫，但衛生不差，值得再來幫襯的。順帶一提，亞龍咖哩好吃，事後我卻有點後悔，由於電影《維壹》內容瘋狂，當中不乏血腥畫面，令人聯想起那兜火紅色的咖哩，實在有點反胃，天啊！

午飯食咖哩, 首選亞龍咖哩想要牛舌, 冇, 牛根又冇只有同男友 share 咖哩牛腩及魷魚D咖哩好香, 有好多洋蔥及蒜頭, 唔會太辣牛腩一般, 而魷魚好嫩滑, 一D都唔硬只有下次再食牛舌牛根如食客想要多D飯, 侍應會為其添加

我叫的是跟飯, 唔算好辣, 其實對咖喱了解不多, 一直以為所有咖喱都會加椰汁, 但這間不是這種做法牛腩真的很淋, 比起我在一些廣東/潮州式麵檔食到還要淋只要用义輕輕一撥, 已經散開, 內裏的肉是剛熟的紅色, 時間掌握得很好飯的份量是足夠, 但如果叫主食可以加少少錢有杯飲品會更好; 但可能對咖喱而言, 一杯凍水是絕配

之前已經知道龍咖哩鬧雙胞, 今日終於有時間同朋友去食了我地當然只選擇亞龍正店啦~~!! 隔離間冒牌貨拎人地個名誤導人, 唔要得! 搬左既新鋪擺設同以前都沒咩分別係光猛左, 同埋牆上介紹咖哩既字重新post 得靚d! 野食既質量同以前一樣咁勁!! 中辣咖哩蝦~爽ar!!! 我次次去都食佢, 貪蝦夠大隻夠鮮甜~我朋友就揀小辣羊腩我未食過咁炆到咁軟熟既羊腩架!!!!!唯一美中不足呢,係d 水唔夠凍~令到我唔太食得辣既朋友辛苦左d

之前看過很多食家堆介亞龍, 又話有真有假... 一直都好想嚟朝拜佢馳名嘅咖哩, 今日終於有幸啦...! 參觀完附近的blt, 行過兩條馬路就到, 並不難找. 店內都頗多客人, 坐得逼硤, 幸好還有位. 看了一會menu, 最終選了咖哩牛腩配烤餅. 侍應很快便送上, 一碗像深紅色湯的咖哩, 內裏滿是什菜蓉, 香辣得嚟又夠味, 牛腩亦都好腍, 絕對係水準之作! Roti 烤餅只得兩塊, 未免有點唔夠候, 餅身帶點硬, 個人比較喜款吃 Naan 或 油酥餅那種. 下次再來應該跟飯吃好d!

今日(10-3-2010 Wed)陪男友工作,唔覺唔覺都3點幾,男友肚餓話要係飯,佢話有少少感冒,要食辣o野,去亞龍啦.好啊,我o地o黎到真正o既亞龍咖哩,佢叫$45.00o既小辣咖哩牛筋飯同$40.00o既蕃茄牛肉飯.好快,咖哩牛筋41兩碟白飯到o黎,我o地食喇,我接受到小辣,牛筋好腍,佢o地咖哩依然係有好多洋蔥煮,男友話食到少少甜味,應該係有加蘋果煮.而蕃茄牛肉呢,牛肉同樣係腍,茄汁甜甜地,ok.兩個餸都同樣好熱,我o地可以送晒一碟飯.其他:一路食,老闆就一路同兩個外賣客人解釋隔離o個間混水摸魚o既阿龍咖哩點樣開業.而我男友亦曾經食過,佢話o個間真係差啲.不過佢咁樣被迫遷,又可從另一角度睇,因為舊舖始終都係舊,o衣o家新舖光猛舒適啲咪重好.

之前係公司(砲台山)附近食過另外個間，覺得唔錯，想約朋友試下佐敦分店。係openrice搵地址先知原來有雙胞胎... 知道黎間係original，咁更係食呢間喇! 唉... 點知... d牛腩好韌，咖哩無咖哩味，得辣油味... 唉唉唉... 食返翻版好過.....