亞金南洋茶室 (Two Harbour Square) (已結業)

在馬來西亞食過亞參叻沙一試難忘可惜香港不容易找到知道這裡有就去止下癮馬來西亞的亞參叻沙吸引之處是那個用大量沙甸魚作的湯底每一口湯都是鮮味沙甸魚肉這裡一上桌，就心知不妙😓湯是沒有魚肉的就只是在碗裡放一條半罐頭沙甸魚罷了湯沒靈魂配料亦十分之hea只有兩條蟹柳、炸魚片明明叫的是摻摻（即油麵米粉兩溝)但成碗嘢就只有油麵究竟係我對「摻摻」認知有問題定係間餐有問題呢...南洋奶茶飲唔出點「南洋」法鮮牛油咖央多士完全食唔出咖央片走大大嚿牛油就咁啪個多士都食唔出半點咖央味 唉....唔想做大嘥鬼但真係唔可以食落肚我覺得我嘥嘅唔止係啲食物亦同時嘥咗食一餐好飯嘅quota兩個字總結呢一餐失。望。

餐排上影著公雞的圖案吸引著我去這餐廳，想不到食物送到時候飲品換了普通杯子，跟店員了解公雞圖案的杯子來不及清洗，所以換了普通杯子，我們是早上十一點來吃早餐的，當時並沒有很多人，店員的服務強差人意。我點了中式早餐，皮蛋瘦肉粥配腸粉。味道說真的有點差，皮蛋瘦肉粥淡而無味，腸粉送上來的時候已凍了，都不是熱騰騰的。另一份點了蕃茹湯通粉配南洋多士，下單不久後店員通知已經沒有通粉了，只好己別的，多士夾著厚厚的牛油，不過多士好像不夠熱硬硬的。飲品點了熱檸檬水和南洋奶茶，檸檬不夠新鮮，奶茶太甜了。對食物有要求的客人可能會有點失望。

觀塘區現在開了很多不同餐廳的選擇，下午茶時段去了亞金南洋茶室，茶室是主打馬來西亞菜。餐廳環境寬敞整潔坐得很舒適，下午茶套餐的價錢很經濟實惠，落單透過手機掃二維碼既方便又快捷。招牌亞金無骨海南雞配油飯雖然是下午茶想不到份量相當大份，無骨的海南雞每一件雞肉的肉質嫩滑有油香，油飯味道香而不油膩，配上鮮味蘿蔔湯和三色醬料蘸薑葱茸、辣汁、豉油都好味。輕怡招牌叻沙叻沙湯底味道惹味濃郁帶點椰香 ，湯頭的味道留在舌頭上久久不散，配料方面也足料蝦、魚片頭、蟹棒、魷魚圈、豆卜，雞蛋。辣度可以自選，嗜辣者可加辣，增添食味。加追香茅雞翼- 香脆雞肉好滑。即磨白咖啡 （煉奶底)白咖啡味道香濃，甜味和奶味都可以自選，也不錯。星加坡摩摩喳喳意想不到這個甜品值得吃，材料豐富有香芋丸和蕃薯丸口感煙煙韌韌、紅豆入口軟腍和爽口涼粉，整體甜味適中不太甜。

餐廳位置都不難找到，遠遠都看見。餐廳內整潔光猛。登記後，探體溫，就安排我們入坐。看看餐牌後，是自己用手機透過QR code落單的，好方便又快捷。拉開櫃桶，餐具放得很整齊，感覺好乾淨，用餐時食得好放心。馬來西亞特色蝦湯麵，好多餸，蝦彈牙又甜，湯底味道較清，微辣。鮮牛油咖央多士，麵包脆脆地，鮮牛油咖央真係好好味。玻璃魷魚通菜，個醬汁好味小小辣。香茅雞翼，好香脆。檳城炒貴刁，貴刁是粗的，有啲似炒河。青瓜手撕雞，雞絲帶鹹，配青瓜爽口清甜，不錯。

今日收工夜左，唔想煮飯.觀塘附近覓食.凍凍地想飲啖肉骨茶.所以來試下亞叻沙.其實都路過幾次，今次認真試下.環境都整潔，疫情下張張台都做好曬間隔.睇menu樣樣野都覺得吸引.掙扎下，點左招牌海南雞，大滲，招牌叻沙，再來杯芒果沙冰. 大滲，熱辣辣上台.藥材味無咁突出，反而多左肉既甜味，膠質好濃，湯水起膠掛嘴.好有特色.肉都好豐富，肥豬肉滑，豬肚夠軟身，排骨唔老身.精華都係啖湯，來到一定要試.招牌海鮮叻沙賣相好吸引.啖湯好正，濃郁海鮮味好足，層次好豐富.海鮮味同椰奶味配搭得好好，麵身軟硬適中，配料魚腐 鮮蝦都係靚貨色.真心有誠意.都係要講多次，啖湯好濃郁.招牌去骨海南雞.果然對得住招牌個名.雞好滑身，雞皮好薄，我唔係幾好雞皮都食得落，皮下面有啫喱狀雞膏，香港做到咁既效果的餐廳唔多.最抵死係連雞易尖條骨都去埋.真係好有誠意.芒果冰沙.芒果味濃，仲加埋檸檬香茅落去，好清新.

原來觀塘偉業街有間食南洋美食餐廳叫亞金南洋茶室，外圍落地玻璃設計，見到入面好寬敞光鮮就入去食dinner。Order左Combo for two 2人餐，包括香茅雞翼拼豬扒、白灼時蔬、招牌叻沙及飲品2杯-凍美祿及熱檸檬薏米水。香茅雞翼外皮超香脆而入面雞肉好滑，豬扒就好有南洋特色好有香茅味。白灼時蔬係生菜好爽口，點埋特製醬油食好味。招牌叻沙最值得推介，超大碗二人份量，內有波士頓龍蝦、蟹棒、魚片頭、魷魚及豆卜，全部材料都好新鮮，隻波士頓龍蝦肉超彈牙，入面d膏又多，最重要個湯底好正宗係傳統 南洋叻沙味道，而且個麵底係油麵加米粉跟足傳統做法。另外兩杯飲品都好好味，特別係檸檬薏米水，入面有糖冬瓜幾特別又好味。 去南洋餐廳，鮮牛油咖央多士絕對不能錯過，另外叫咗南洋魚丸湯。鮮牛油咖央多士嘅多士好香脆，牛油溝埋架樣食令人回味無窮，魚丸湯入面嘅魚蛋亦都好爽滑彈牙，呢餐食到好滿足。

先唔講食物質素，佢的服務認真嫲嫲。話說我星期六5:00經過買外賣，當時堂食只是得一台，和另一個客人等外賣。唔算忙啦掛。我叫咗三個套餐，一個小食和一個甜品。等咗大約10分鐘左右，職員拿了一大袋食物出來話齊晒。好彩我即場check一check，發覺三杯飲品冇咗兩杯。告訴職員後攞返兩杯嘢飲後就走啦。返到屋企打開個小食（肉鬆奶油酥餅），發覺完全係零肉鬆。啲火即刻上晒嚟。佢哋已經唔忙碌，都仲錯漏百出，如果晏啲再多啲人買外賣一定有好多人漏食品。輪到食物：1）摩摩渣渣-味道還好-唔記得咗影相，而家諗唔起內裏有什麼材料。但總是感覺不像馬來西亞的款式2）香茅雞翼-好味3）肉鬆煉奶油酥餅-好味，不過最衰就係冇咗肉鬆4）輕怡一字骨配白飯-完全唔掂，除咗深色之外冇一樣似肉骨茶-湯的味道好似老抽，好少藥材味-（睇相）成碗只是得兩條骨5）輕易亞參喇沙-呢個可能係我自己錯，冇留意餐牌，原來內裏沙甸魚為主，本人不愛吃沙甸魚的-內裏竟然全是米線。大部份喇沙都係用油麵或米粉，如果你係跟米線，應該早和客人說明。我double check個餐牌係冇寫米線的。

今日紅日 ，度度滿座，無位，去左幾間都無位已經行到好攰，見呢間無咩人，是但去呢間。入到去入啲有位又唔比坐，熱到出哂汗，又話開大返個冷氣，完全唔太覺。落地玻璃曬到一個點。咁岩下午茶時間，叫左招牌喇沙。食物等左15分鐘左右，茶記式經營算耐。由於下午茶，份量係輕盈份量$45，凍飲加$3，但係真係非常之少。米線一個女仔食都覺得唔夠。 食物亦都非常之難食，喇沙無蝦鮮味，味道較淡唔突出（T字頭連鎖店都好食過佢10倍）最正係魚角竟然切成一半，勁薄，真係好慳皮。料仲有半隻蛋，一隻蝦及4舊豆卜。食完因為覺得太難食，要影返張相寫返個評語。一字骨肉骨茶，味道普通，唔算太難食，但啖。骨都算夠林。飲品叫咗凍咖啡，白咖啡味淡，不過不失。熱南洋奶茶反而都OK，但係茶味唔夠。總括嚟講餐廳食物質素低，唔會再回頭。

難得限聚令仲可以兩個人食飯伴娘又話帶我食好嘢，因為佢有一百蚊優惠券😝佢話附近有間星加坡餐廳本身諗住每人揀一樣share，點知我見到肉骨茶又想試喇沙又想試伴娘就話聽哂我話，因為佢話每次嚟都係食海南雞飯，今日試一試新野同埋佢未食過喇沙嘅，所以兩樣嘢對佢來講都係新嘗試😆不過佢就極力推介咖央多士我哋嗌左呢兩個餐之後再另外嗌多個咖央多唔係講笑咖央多真係好好食雖然感覺好肥另外個喇沙都非常唔錯，湯底濃郁不過就怕佢太辣所以叫左少少辣，但係好似一啲辣都冇😆雖然椰汁味都唔係太濃，不過都晤錯，伴娘第一次食佢話有啲鹹香味😋我哋加咗豬扒，豬扒幾好味惹味啲肉又唔鞋反而個肉骨茶就普普通通，我嫌佢唔夠藥材味😅不過個油炸鬼外脆內軟好正下次伴娘話推介我食海南雞飯😏

今日相約了在觀塘工作的朋友食晏，試下佢介紹依間馬拉嘢🤗。餐廳環境好好，店員安排我地坐近𥦬邊位置，夠哂光猛，另外座位都好闊落，坐得好舒服🤓😚。我地叫左2個主餐食。輕怡招牌叻沙首先飲下個叻沙，滿滿的椰香味，同埋帶少少辣，非常開胃😙。面身亦相當爽滑彈😄牙。配合新鮮的食材如鮮蝦，魷魚圈，蟹柳，豆卜，每種食材都同叻沙湯好夾，食完都好滿足🤤。輕怡檳城炒貴刁份量都算大碟👍，炒貴刁味道亦不錯，炒得好香口唔會一舊舊咁，亦唔會太油利，入面有鮮蝦，魷魚圈。仲有少少豬肉鬆，口感都不錯😉。飲品方面，要左凍檸茶同凍檸薏米水。凍檸薏米水又幾好飲啊，飲完覺得都幾消滯😉。總結覺得食物味道都可以，最主要環境舒服，與友人可以開懷傾計🥰🥰。

六點後冇堂食，母親大人突然想食椰漿飯，就揀咗呢間餐廳，由於得兩個人，就叫一個煎雞椰漿飯加個馬拉盞通菜。因為收工個人攰攰哋，叫食物叫到亂七八糟，幸好個收銀小姐好有禮貌，真係麻煩死人😅最後諗緊要唔要南洋奶茶之際，有位黑衫應該係經理嘅女士提醒我外賣有88折，既然係咁，要多杯南洋奶茶啦！外賣搞掂仲有位男侍應生好有禮貌拎嚟俾我，服務態度真係值得一讚！講返食物，家人比較要求高，不過盛讚雞扒煎得好入味之餘唔會過熟，小弟就唔識喇，放得入口就 ok，個椰漿飯好有椰汁味，奇怪又唔係濕淋淋咁款，唔怪之得家人咁想食啦！下次一定要再食！

週末來了觀塘海濱長廊散散步呼吸一下清新的空氣，下午行到有點肚餓，便來到了附近的亞金南洋茶室吃個下午茶。室內光猛四正，座位闊落有空間，有足夠的社交距離。鹹檸特飲在外面行到有點口乾，點食物同時亦點了一杯鹹檸特飲，這杯跟出面坊間一般做法不同，坊間餐廳通常是半個鹹檸放在杯內，這杯卻可以看到是將鹹檸攪碎而製成，濃度高好幾倍。招牌亞金無骨海南雞配油飯我最愛吃海南雞飯，因為不用吐骨之餘，雞肉亦非常嫩滑卻沒半點雪藏味。雖然是下午茶，但雞肉和油飯的份量也是很足夠，附上三色醬料及清甜蘿蔔湯更令整碟飯生色不少。一字骨肉骨茶米粉這裡的肉骨茶是偏向馬來西亞式的，藥膳味較濃厚，肉骨炆得軟稔，肉汁令湯底味道很濃郁。南洋魚丸湯套餐+$15還可以吃到這碗魚丸湯，白魚蛋魚味鮮甜，爽滑彈牙，配合清湯一流。鮮牛油咖央多士這份多士真的很邪惡，氣味芳香吸引，牛油很濃厚，咖央味亦足夠。南洋奶茶（煉奶底）造法跟香港茶餐廳的茶走很相似，也是用煉奶用取代淡奶，令質感更厚實，茶香奶滑。

悠閒的周日，和先生到觀塘一帶閒逛。途經亞金南洋茶室，被其裝修和食物吸引，於是入內用膳。落單很方便，掃描QR code，在手機上即可完成整個點餐程序。蕃茄牛肉玉子米線，米線軟滑有咬口彈牙，牛肉夠大片，蕃茄數量十足，湯底帶有蕃茄酸香，令人更加開胃。福建炒麵麵底非常可口，海鮮配菜十足，並有五花肉片，配合魚蛋、蝦、芽菜，口感一流，個人而言非常喜歡的口味。玻璃魷魚通菜，通菜被少許醬油浸泡，魷魚本身已經很脆口，配合辣醬會更加惹味。蝦餅本身已炸得很香脆可口，加上質地非常彈牙，很值得一試。黑白配就是涼粉加豆腐花的組合，在其上加上少許紅豆，份外甜美。即磨白咖啡，配以練奶，香甜而且感覺非常香濃，有回甘香氣。

香港真係一個美食天堂，雖然呢一年冇得去旅行，但我哋可以食盡東南亞。而且仲煮得好出色，好有當地嘅味道。公司附近新開咗呢間亞金南洋茶室，主打星馬泰小菜。想知一間餐廳好唔好食，一定要先食海南雞飯😋🐔招牌亞金無骨海南雞飯加左$10轉雞脾，雞件肉質鮮嫩幼滑，啖啖肉無脂肪，全部都食得。最重要係三個醬，食出三種唔同嘅味道。配埋油飯，滋味滿分。🍜亞金招牌喇沙滲滲喇沙湯底顏色鮮艷，有蝦、蟹棒、魚片頭、魷魚圈、豆腐五個配菜，賣相十分吸睛。滲滲以油面及米粉配搭，每一啖都食到喇沙湯底。叫咗小辣，但完全覺得唔辣，所以食得辣嘅可以再叫辣啲。🥬玻璃魷魚通菜：以秘製醬汁炒通菜，好夠鑊氣。🦐炸蝦餅：新鮮脆炸，啖啖蝦肉，表面略油。

觀塘中午食 Lunch 必定多人、今次試吓呢間過左十二點半就排長龍嘅餐廳！⬇️佢嘅午餐大約六十幾蚊包嘢飲都 acceptable。其實想食好多野、最後揀咗無骨海南雞配喇沙滲滲！用 QR code 落單可以揀大中小辣，可以揀米線或者米粉混油麵。⬇️南洋熱奶茶上先、係失望既。仲淡過平時茶餐廳，我以為佢用煉奶沖但完全唔甜仲要自己落糖！⬇️之後海南雞喇沙上啦！海南雞無骨幾滑、有齊晒三種醬幾好食。碗喇沙湯有幾舊豆腐卜熱辣辣幾好味，小辣完全唔辣湯易入口、不過下次可能揀招牌喇沙睇吓有乜嘢分別。⬇️埋單唔使加一盛惠$69、如果唔係杯奶茶一般就非常完美。食晏如果十二點到就唔使等位，半個鐘頭之後已經變咗長龍店。