亞萊泰 (黃大仙中心北館) (已搬遷) 新店位置

𝒯𝒽𝒶𝒾 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒲𝑜𝓃𝑔 𝒯𝒶𝒾 𝒮𝒾𝓃🌟喇沙豬扒配墨魚丸湯河𝗧𝗵𝗮𝗶 𝗣𝗼𝗿𝗸 𝗖𝗵𝗼𝗽 𝗮𝗻𝗱 𝗖𝘂𝘁𝘁𝗲𝗿 𝗳𝗶𝘀𝗵 𝗯𝗮𝗹𝗹𝘀 𝘄𝗶𝘁𝗵 𝗻𝗼𝗼𝗱𝗹𝗲𝘀 𝗶𝗻 𝘀𝗼𝘂𝗽 ($𝟦𝟪)豬扒都幾大塊，預先醃過同埋煎過黎，所以兩面都好香。墨魚丸就有少許雪味。喇沙湯底椰香濃，食落都好惹味。但之前試過另一款清湯好似更令人回味。-🌟泰農海南雞配黃姜飯𝗛𝗮𝗶𝗻𝗮𝗻𝗲𝘀𝗲 𝗖𝗵𝗶𝗰𝗸𝗲𝗻 𝘄𝗶𝘁𝗵 𝗧𝘂𝗿𝗺𝗲𝗿𝗶𝗰 𝗥𝗶𝗰𝗲 ($𝟻𝟾)雞飯以外仲有個湯一齊上，雞件好整齊咁排係碟上😚份量都足夠。雞唔算特別滑同埋比較瘦，冇啖啖肉果種滿足感。而雞皮既油脂都比較多，所以最後冇食。黃姜飯正常水準，配埋雞一齊食就啱啱好，最後成碗清左🤣📍 亞萊泰 𝐀𝐫𝐨𝐢 𝐓𝐡𝐚𝐢黃大仙龍翔道𝟷𝟹𝟼號黃大仙中心北館𝟷樓𝙽𝟷𝟺𝟷號舖

知道今日父親節會多人出外用餐同叫外賣，所以一早在 openrice落單，之後收到亞萊泰接受訂單回覆，去到居然話唔記得左，仲要話我咁早訂😔，最後等左成半個鐘先有得拎，

未食過咁難食嘅泰國菜 如題我哋今日兩個人食 Lunch Set入座時間好快，好多人食，就諗住入去試吓，點知嚟到個賣相非常之差。我食咗冬陰功湯檬粉，個今晚煲湯睇吓酸字 好似無加到奶落去越食越酸 我本身都係一個鍾意食酸野嘅人但係都食得好辛苦🤯🤯🤯個冬陰功湯底要加$4仲有杯凍檸茶🙃我叫咗佢少甜少冰我拮完檸檬之後都好似糖水咁凍檸茶加$3餐牌上相片只屬廣告參考，並非實物全部，真係笑死人，嚟到好似食緊相送飯咁幾舊雞胸加埋幾粒鳳爪就想打發我😠真係過分 我以後唔會再嚟食！

叫咗個肉碎煎蛋飯同雞串嘢飲同雞串5分鐘上咗個飯半個鐘都無整到期間啲侍應完全無理過我無食物見佢地都忙就無追幫我落單嗰間喺我附近一直行睇到我無嘢食都完全都無幫我追最後取消張單

出糧日👏 今朝約左個同事係黃大仙中心食早餐，兜兜下見到呢間泰國菜竟然咁早開門，有泰式早餐咁特別就入去試下～我叫左個泰式香茅豬扒拼扎肉金邊粉，飲熱齋啡～同事叫左個泰式香茅雞中翼拼扎肉檬粉，飲熱奶茶～我既香茅豬扒已經切好左，唔太大塊，不過唔會太多肥膏，肉質幾嫰滑扎肉有兩舊，我食到啲黑椒味但同事話佢唔覺，湯底就係好輕微辣兼偏濃味既泰式船河湯底但金邊粉唔好食，太淋👎👎 同事既檬粉爽口彈牙好多👍佢話雞中翼正常，雖然都係香茅但雞翼似係炸出黎，可惜一黎已經浸左落個湯底搞到淋晒，如果另上會好好多～扎肉有三舊 (我估每一碗肉類既總數量一致會係五舊😅)我既齋啡正常，同事話佢既熱奶茶完全無味，茶香味都無🙈其實水準真係好普通，只係平時出去茶餐廳食早餐離不開肉丁/沙爹牛配麵同腸仔火腿煎蛋呢啲組合，呢度會特別啲，間唔中食下無咁厭都ok咁囉。。。

放工後回到商場俾呢間泰國餐廳既餐牌吸引住，本身係想食外賣！因為外賣有d食品低至6折！不過另一半話想坐下餐廳涼冷氣，於是就堂食了！入座時間8點半都唔洗等就有位了，一坐低就叫左春日優惠精選既泰式鮮青檸蒸明爐烏頭原價$178，星期一至五優惠價$88，星期六日/公眾假期$98！當我準備點另一道菜既時候，魚已經熱辣辣送上了！魚既肉感與汁的配搭很好，唯一不足是魚的鱗片未去得徹底！另外點了泰式鮮蝦金邊粉$88，味道正常，而且份量還可！而特野係買一送一大多都係$30，我地揀左椰汁冰同柚子梳打！完全涼在心呀！住呢頭既街坊絕對可以黎呢到飯聚呀，價錢都尚算合理呀！

來得黃大仙就梗係入廟拜神啦，陪媽媽去買相之後就搵番間餐廳坐低食個晏晝，時間尚早行完全場覺得你間泰國嘢好似不錯，就坐低試吓啦。本身鍾意湯麵嘅我就梗係叫返個泰式湯麵，今次叫咗香茅豬扒墨魚丸金邊粉，本身幻想中嘅香茅豬扒應該係分開上，點知嚟到原來係一碗咁深色嘅湯底，睇落好似好濃味咁，食落都OK嘅，墨魚丸想讚一下，因為真係好友口感，好彈牙而且食到墨魚丸嘅香味，同譚仔嗰隻唔同😂，依個豬扒，我覺得可以好少少，因為有少少乾身，呢個就差啲，始終佢都係主角。而服務態度都OK嘅所以都值得一試

經過黃大仙，龍翔中心入面的阿萊泰，見佢有個自選相拼飯好似幾抵咁，就入去叫左個海南雞，同埋咖喱炆牛腩，再叫多杯椰汁紅豆冰。一上餐既時候，有點意想不到，個海南雞賣相，有啲岩慚，咖喱牛腩外觀正常，而且每個碗都係細細份咁。一開始就試下個咖喱牛腩，原來距離辣係有一段長距離，只鹹不辣，薯仔唔入味，失望，但細細碗入面都算有幾多粒。薑黃飯，又係鹹到無朋友，而且食唔出泰式香料的味道，想像一下，咖喱牛腩送這個薑黃飯究竟有多鹽份。確實需要改善！第二就係試下個海南雞，做得唔錯，真係好食，雞肉肉質夠嫩滑，骨肉均勻，香味又夠。椰汁紅豆冰名付其實的椰汁紅豆冰，係太多花巧，就這個簡單，紅豆係無浸糖水的，這點令人欣賞。

今日去開黃大仙果頭，由於我同朋友都唔太熟黃大仙果邊，所以決定揀最愛嘅泰國野食😝店鋪出面有部機拎飛，我地見有好多食客拎左飛之後等左好耐都冇職員叫，但店舖入面仲有d 吉枱，之後再問佢地，佢地先叫d 客人入去🥲對員工服務有d 失望我地total 叫左3份lunch，價錢分別都係5x左右泰式雞肉炒金邊粉味道係唔錯同埋好夠熱，可惜醬料比較多，上到枱果陣d 金邊粉好似黐埋曬一堆咁，要d 時間整番散雞肉串菠蘿炒飯我個人覺得佢用日式雞肉串同菠蘿炒飯唔係好岩，不過炒飯係唔錯，值得一試馬沙文咖喱豬扒飯呢個最好食好，豬扒好鬆軟又唔油，咖喱味好濃，配埋白飯一流最後三個餐都包野飲，我地加左4蚊叫左龍眼水同平時果啲差唔多，冇咩特別，不過lunch 嚟講都算抵食

開返晚市堂食既第一餐 黎到都等左一陣先入得 入到去好耐冇感受到呢種熱鬧睇睇餐牌 嘢食同正常泰國餐廳嗰啲差唔多 見到啲圖片樣樣都想嗌黎食咁👇🏼蒜蓉雞翼 蒜蓉味唔算重不過就 新鮮即炸 食嗰陣小心辣親嘴真係要👇🏼冬陰功魚片湯 超級惹味 啲湯都俾我哋飲晒 不過魚片就唔係話好多 👇🏼炒蜆 啲蜆好大隻 但係蜆肉就冇乜味 要真係浸下啲汁先有味 👇🏼菠蘿炒飯 除咗菠蘿之外其他配菜都好足料 菠蘿再多啲就好啦👇🏼有幾款嘢飲做緊買一送一 呢次叫咗紅豆冰同珍多冰 唔算話特別好飲 有待改善埋單3xx 價錢都幾吸引 又食到咁多嘢 不過質素就唔好期望好高 嚟呢度平平哋解下泰國菜嘅引係幾好嘅選擇

年初四早餐，換一肚氣。在黃大仙店，座在門口望到角落，睇住隔幾張枱落完單，揮手叫阿姐落單，阿姐望住但掂行掂過，等佢番嚟，又係望住但行過唔理，去左斜對面執枱，拎個餐牌拍牆，都係當無到，三過客人而不落單是何事？唔通沒利是派，阿姐唔落單？雖然新年要番工當然不爽，但作為客人，一個人食早餐，三四十蚊份重要封利是？你地好食啲？唔覺囉！自覺不能助張此歪風，此地不留人，自有留人處。商場大把餐廳，間間差唔多，做乜要幫襯黑面姐姐？

剛好來到黃大仙，順便在商場找一間不錯的餐廳醫肚！最後找了位於黃大仙商場的泰國菜，此餐廳空間感很闊，也坐的很舒服😁叫了兩個午市套餐，分別是「海南雞拼無骨豬手湯河粉」、以及「自選雙拼飯—海南雞、馬沙文牛腩」。😋「海南雞拼無骨豬手湯河粉」午餐來說是很足料，海南雞很新鮮，豬手亦很軟腍，配上脆脆的炸豬皮，很香脆可口。湯底很濃郁，但有點藥材味，並非我杯茶。😅「自選雙拼飯—海南雞、馬沙文牛腩」有兩餸、有飯、有湯、有醬，很足料。海南雞很嫩滑，而牛腩也很入味，有中上質素。🤩總括而言，坐得舒適，味道不錯，性價比很高。

泰式鮮青檸蒸明爐盲鰽，好足料，盲鰽肉質肥美，味道鮮甜，湯汁味道酸香，充滿香料味道。炭燒原隻魷魚伴泰式辣汁，魷魚肉質厚嫩、彈牙，食落好新鮮，經炭燒後帶有焦香味道，配以泰式辣汁食用，味道更佳。泰式鮮蝦金邊粉，鮮蝦口感彈牙，味道鮮甜，金邊粉口感乾爽，味道酸甜，配料有雞蛋、銀芽、辣椒碎、香蔥、豆腐乾，配以青檸汁食用，味道正宗。泰式無骨鳯爪，鳯爪食落啖啖肉，口感爽脆，好入味，味道酸辣，食落好惹味。黃薑飯，乾濕適中，口感煙韌。椰汁珍多冰，珍多口感爽滑，帶有斑蘭味道，飲落好清爽。奇亞籽椰汁涼粉冰，涼粉口感滑溜，奇亞籽食落有咬口，椰汁味道香甜。

疫情外出用膳，店員好細心提供熱水好似茶樓咁比你清洗餐具。 店內寬敞，仲有間細房。 如果無左限制令，聚會一流。 服務員態度主動有禮貌 不時會主動加水。值得推薦既菜式係海中寶軍艦。 好好味既泰式咖哩，足料既海鮮加埋長長既法飽。 一流美食，如果唔想浪費左啲咖哩汁，可以叫埋薄餅食。 總括價錢合理，食物質素高。 平價既泰國美食。 讚👍🏻

🥘🇹🇭 馬沙文咖喱豬扒飯醬汁味道夠濃、豬扒炸粉唔會多左、份量都足夠男仔食凍檸茶加左$3 茶色夠深夠濃打工仔放飯時快食選擇之一～ 價錢都算可接受呀，餐牌仲有很多選擇，下次會再同同事食過～