亞玉豆腐花

营业中

休息中

黑豆花.又來食亞玉豆花了 今次走到荃灣分店☺️ 之前幾次都是點了普通豆花 今次試黑豆花😌 同樣都是順滑手有豆香 凍冰冰很消暑😍 而且好抵食 只是$5(熱)/$6(凍)碗 每次到元朗/荃灣都一定會食！不過自己喜歡普通豆花多點 豆味再濃點😋

 平時食開佢地豆腐花，夠滑，大碗，又有得自己加薑汁，勁like~尋日試埋佢地糯米糍，勁足料！啲花生餡多到爆出黎好好食！！ 其實以前係元朗已經有食過, 荃灣店一樣保持水準, good! 

第一次食黑豆豆花，原來係甘既味架！本身唔甜，同黃豆分別好大，一食就食得出。豆味非常足，豆花質地又實又滑，五蚊一碗，非常抵另外，食左個砵仔糕，$3/1，$10/5係好平，不過味道就淡啲，無乜糖味，紅豆都好硬，口痕食下就好~

想吃阿玉豆腐花好耐，今晚吃完飯後便走過來吃甜品。來到的時候已經有十多個人在我前面排隊，但是差不多十分鐘就排到我。我點了一個普通豆腐花和一個芝麻糊豆腐花。點了豆腐花後，可以根據自己的喜好來加薑汁、糖水或黃糖。豆腐花滑不溜手，雖然少了一點豆香，但是仍然很好味，很滑。芝麻糊豆腐花不太甜，最適合現代人不愛甜，健康的口味。

來到荃灣必食的$5亞玉豆腐花，總見長長人龍。這店的豆花，一吃很有荳腐香，而且很滑溜，店員遞過來是仍很熱辣，吃下去令人感覺好像食布甸一樣的感覺，滑到直達喉嚨。而且價錢實惠，有多款選擇，加入大量黃糖令整個味道昇華不少。另也有糖漿選擇，適隨尊便。

初嘗荃灣的豆腐花小時候吃豆腐花最緊要凍，長大了吃豆腐花最緊要落黃糖，人再大了才懂得吃豆花的豆味。拿，以上只代表個人口味… 未見其鋪先見其隊，看來大家都十分喜歡這間鋪頭的豆花，一邊排隊一邊看有什麼吃，本想吃一碗黃豆， 一碗黑豆，可惜黑豆已售罄，只好吃原味，奉勸想試黑豆的食家要盡早幫襯。原味豆花不過5元，女朋友則選了芝麻糊豆腐花。 好吃的豆花不外乎要香、滑先試一口原汁原味，不加任何配料的豆花，吃豆有豆味，每一口都有黃豆香味於口中回盪。滑溜的豆花自動從口中滑入喉嚨，能吸引到大量食客果然名不虛傳。順便嘗了女朋友的芝麻糊，濃郁黑芝麻味蓋過了豆香…都說了吃豆腐花要吃豆味。好甜的女士們可以加上黃糖，增加豆花的口感和甜度。總括而言，此豆花確為平，香，滑，正…希望有緣再來嘗試此鋪的黑豆花。

荃灣一向好多好野食，平有平食，貴有貴食，今次食豆腐花～～五蚊一碗暖笠笠、熱辣辣豆腐花😱😱😱好扺丫！都幾多人食，持續都有唔少人幫襯👍🏻如果冬天凍冰冰食返碗一定超正！豆腐花豆味唔重，但真係好滑，黃糖、糖水可以仼加唔嬲，好爽😂😂

響等緊串燒既時候四圍行, 見呢間豆腐花好多人排隊, 而且見5蚊碗, 好抵WO, 又排埋一份.一路排一路睇, 其實都有其他野食既, 不過主要D人都係食豆腐花, 所以亞姐都好似倒模式咁"不"豆腐花, 唔洗2分鐘已經到我.呢度有堂食或外賣, 我就外賣返屋企慢慢嘆, 外賣碗係矮身, 不過收5蚊算係咁啦.一入口, 豆腐花好滑, 滑入喉嚨, 一D都無鞋既感覺, 好香, 糖水唔算太甜. 我鍾意食黃糖, 略嫌比得較少, 下次叫佢比多D.

同朋友係荃灣食完晚飯係附近見到好多人排隊食呢間豆腐花，我地口痕又八掛咁去試下，點知見到.......五蚊，夫復何求？ 重點係好食！企係度用堂食碗食豆腐花，別有一番風味 有糖水，黃糖，可以就住個人喜好咁添。不過我食凍花，傻豬左落左黃糖，溶唔到，應該落糖水！熱花五蚊，凍花六蚊，仲有黑白花，太抵食，下次要再戰！極速食完將碗放係筒裡回收，感覺好懷舊聽講元朗總店反而無甘多人排隊，點解呢？

今天又做乖乖女，專登駕車來荃興徑，排隊買番碗人龍豆花回家給J媽媽當宵夜。荃興徑已成了荃灣街坊的食街，晚上人龍處處，氣氛非常熱鬧。這間 "亞玉豆腐花" 於元朗起家，來到荃灣人氣不減。你看這哥仔以一打十的姿態應付人流不斷的人龍，厲害！人龍長到轉彎，PJ 與 "小松松" 排了足足10分鐘才可付錢，貪吃的 "小松松" 最近跟 PJ 一樣胖了很多，越抱越墜手....本想外賣回家吃，但這懷舊碗實在太可愛了，於是便決定企係街度食，真有風味。這碗豆腐花只售$5元，平到嚇親我，加了少許由店家提供的黃糖及糖漿調味，可以吃了！豆腐花都算大碗，清甜香滑，豆味不算濃，這碗豆腐花明顯同 "小松松" 一樣，走白滑路線。食客都站在街上用這懷舊碗吃着豆腐花，吃罷便有秩序地將碗放回回收桶，時間彷彿倒流至花樣年華時代。J媽媽的外賣 "芝麻糊豆腐花" 也十分抵食，大大碗只需$8元，外賣加$1元，外出起碼貴2倍！給J媽媽吃之前，我偷吃了一啖，芝麻糊味濃，帶有濃濃的芝麻香，甜度偏輕，稀稠適中，與嫩滑的豆腐花一併吃，無論是味道或質感都醇厚美味。是晚的最大驚喜反而是這支凍豆漿，大大支只需$7元，又是超平宜的。豆漿的豆味超濃，濃到好似

之前試過黃豆豆腐花，今次要試試黑豆豆腐花。豆腐花依舊非常軟滑，顏色呈灰色，不是黑色的，豆味更香濃。一碗豆腐花的份量很多，吃完會有飽肚的感覺。天氣冷，奉著一碗豆腐花站著吃，很溫暖，很滿足。

天寒地凍搵啲暖粒粒嘅嘢食真係好重要，而咁岩見到間賣熱豆腐花，暖胃之餘仲可以潤一潤。 熱豆腐花：豆腐花拎上手暖粒粒，而且豆腐花應該係新鮮制，因為遠距離亦感覺到濃濃黃豆香味，感覺熱嘅豆腐花會更香更入味，而食落去有果然不出所料嘅可口，豆腐花好滑溜，加埋少少糖水可以豐富佢個層次，而豆腐花份量又岩岩好，食完呢個豆腐花令到成個人都暖哂。

平時都係食豆腐花，又滑又香豆味，今次買盒糯米池試下。$12/3個，唔算大個。皮好薄，煙un軟熟。入面包住好多餡，一不小心就跌到一枱都係！餡料係花生碎，黑芝麻碎，砂糖，椰絲，炒至乾身香口。食落去好香花生同黑芝麻既味，亦唔會太甜~其中一個放係室溫第二日先食，外皮依然煙un軟糯

位於荃灣海霸街一帶，一直有荃灣糖水街這個美譽。林羅滿目的糖水店，一些傳統和非傳統的都有。當中傳統的豆腐花店都有不只一間，今天就選擇了一間較多人的。 元朗亞玉豆腐花，在元朗開鋪多年，近年在荃灣開了分店。豆類的製品選擇不算太多，最平常而又最受觀迎的，絕對是黃豆豆腐花，而價錢每碗只是$5。 店鋪沒有坐位，客人自己為豆腐花加糖水及黃糖，然後便拿著碗子站著店鋪外吃。碗子有點重，但豆腐花很快便可吃完，問題不算很大。 除了糖水及黃糖，還有薑汁可以調味，並且沒有限制添加份量，份量因各人喜好，自由配搭。 豆腐花，非常軟滑，豆味香濃，像吃著熱的雪糕一樣。而且份量多，吃完會有飽肚的感覺。豆腐花有熱或凍兩個選擇，熱的感覺會滑一點。另外，如果不想在店外站著吃，可以選擇外賣。當然即場吃，會更新鮮，更熱，口感更佳。

店名：亞玉豆腐花地址：荃灣荃興徑6號昌泰大廈地下5B舖好味指數：7／10價錢：$7黃豆豆腐花（熱）我喜歡這間是因為有薑汁，荳花吃上來不夠熱，我喜歡吃上來燙口的感覺。之前來吃這個都感覺很好的，今次不知為何覺得不夠滑，整體都一般般。