亞玉豆腐花

营业中

休息中

今天早上和夫君去吃早餐的時候，看見亞玉豆腐花有新的款式的豆花，打算晏少少去試一下。 雖然這間阿玉店和街尾的豆花店已經作戰了多時， 但是包子和夫君始終還是愛吃亞玉豆腐花多一點，因為之前在元朗已經吃過一次，性價比奇高！說回今期的新款，薏米白果豆腐花。銀杏能斂肺氣，解毒。薏米利水、祛濕及清熱。豆腐花還可以選擇黑豆或是原味的黃豆，黑豆明目、烏髮增加腸胃蠕動促進消化、防止便秘的作用。 這樣的排毒，去水功能， 很適合這個天氣食用噢！ 只售11元！兩款豆腐花我們也是選擇了黑豆做的, 豆味很香濃, 而且很滑, 黃糖、薑水以及糖漿都是因應自己喜好添加！值得讚許！ 白果跟薏米都煮得很淋, 甜昧味適中！除了豆腐花他們還有其他小吃供應,例如客家糍粑 砵仔糕及豆漿！難得來到我們也選擇了$15/3粒的客家糍粑以及無糖黃豆豆漿作稍後的下午茶和家人分享！糍粑雖然只得三粒,但份量十足 ！入面除了花生餡料還有黑芝麻, 皮薄餡靚, 外皮亦很煙韌！無糖豆漿亦是解渴以及健康之選,適合不太喜歡太甜的家人！！

呢度款式唔夠糖水舖多，不過港式傳統糖水都有，價錢親民。😋黃豆豆腐花 $8可以揀凍/熱，豆腐花豆味重，香滑。仲有糖漿、黃糖、薑汁可以任加，唔洗驚會好甜，可以自己控制甜度。紅豆/芝麻糊/花奶另加$3。😋紅豆砵仔糕 $12/5個 紅豆好多好足料，砵仔糕細細個唔洗驚食完會好飽，唔會太甜，軟熟得黎又幾有咬口。如果有買其他食品加$2可以買一個砵仔糕。😋黑豆豆腐花(凍/熱) $9😋花奶涼粉 $9😋秘製芝麻糊(凍/熱) $15😋黃豆豆漿 $10😋黑豆豆漿 $12😋客家糍粑 $6粒 $15/3粒----------🔎亞玉豆腐花🚩紅磡船澳街99號遠富樓地下B舖

今日晏晝唔算肚餓，所以就去附近食啲輕食！ 🍽呢間亞玉豆腐花聽就聽得多，食就真係第一次食！同同事2個人叫咗幾款嘢share食！😀😛呢個係白果薏米豆腐花，三者都幾配合，同埋都好足料，白果大大粒，白果同薏米都煮透晒，唔會硬到咬唔開，甜度適中！👍🏻👍🏻芝麻糊豆腐花就適合啲鐘意食清淡啲嘅朋友仔🤣順帶一提，呢到啲碗都幾厚實，雖然碗嘢好熱，但個碗完全唔辣手👍🏻👍🏻👍🏻另外呢到啲砵仔好平😨，$3一個，$12有5個！雖然咁平，但絕對冇揸流攤，夠滑夠爽，唔會太黏口，性價比好高！👍🏻😛同事買咗呢個客家糍粑，我冇食，不過聽佢講話都幾好食，係芝麻花生餡，個皮好煙韌😆

去咗紅磡食晚飯之後梗係唔少得甜品啦😂😂😂 呢頭超級多唔同嘅糖水舖，不過講到最抵食，就梗係呢間亞玉豆腐花 !!!傳統黃豆豆腐花 $8 好香黃豆味滑捋捋，加埋黃糖或者糖水， 正 !!! 我哋食飽飯純粹想過下口隱所以兩個人share咗一碗😂😂😂抵到爛!!! 仲要幾好食😋😋忍唔住買埋外賣畀屋企人😝😝(外賣碗要加一蚊)黑豆豆腐花 $9+1黑豆冇黃豆咁滑，但比黃豆有益，同樣重豆味😋芝麻糊 $15+1 芝麻糊豆比較傑身，重重芝麻味，真材實料 絕對唔係溝水!!!砵仔糕 $3 砵仔糕咬落非常煙韌，可惜今晚已經賣曬有豆嘅砵仔糕😣下次要早啲嚟買!!!客家糍粑 $6 糍粑一口咬開就係滿滿嘅花生芝麻餡料 😍😍2者嘅份量比例啱啱好，唔會畀其中一樣 嘅未蓋過另一種味👍👍咁多野夾埋埋單只係需要43蚊!!!超級抵食 😍😍😍 如果要去其他甜品店舖食一個人都唔止呢個價錢，性價比爆燈🤗🤗🤗食多幾碗都唔會傷荷包😂😂

2019年2月22日星期五啱啱同老婆係附近食完晚餐，距離睇戲還有時間仲諗住喺附近食返個糖水。食飽飽先去睇戲。去到戲院附近老婆比一間糖水舖嘅砵仔糕吸引左餐牌嘅選擇就唔算多，全部寫晒喺門面。價錢就平到你唔信。老婆最鍾意嘅食嘅砵仔糕只係$3 一件毛豆佢揀咗嘅冇豆砵仔糕，佢話冇豆嘅好食啲。我自己就鍾意食啲有豆嘅，質感正啲同埋香啲跟住我哋仲每人叫咗一個豆腐花，豆腐花好滑。我就叫咗一碗凍嘅老婆都食咗碗熱嘅隨後仲叫咗一支黑豆豆漿外賣，可以揀有糖或者無糖。正！咁曬我唔鍾意食太甜嘅嘢

初四今日要返工，大家有無初四咁嘅樣返工😂小妹今日只係好專心咁同各位老闆開年。逗了很多利是呢🐽今日可以早放工回家，為今年開個靚頭😙心情好，為家人也加點甜。放工順道買了亞玉的招牌豆腐花，芝麻糊和砵仔糕回家。砵仔糕$12有5個，都有手掌✋🏻咁大呢。重點係超多豆而且椰汁🥥味好足。自己把豆腐花芝麻糊mix埋，兩溝✌🏻 姐姐加的黃糖剛好，又加了點薑汁，飲完皮膚都靚點頭髮都立即變黑，祝大家青春常駐💁🏻‍♀️

荃灣路德圍的豆腐花大戰掀起熱潮，兩間店舖門外都總是排著長長的人龍。來到紅磡區的亞玉豆腐花，氣勢絕不比荃灣的差。門外有數張堂食的椅子，總是坐著不同年齡的食客，無論是單人行，又或者三數位朋友，每人都手執一碗豆腐花。買外賣回家享用的人也很多，客如輪轉，住在附近的我們，亦是常客之一。除了一般的黃豆豆腐花，小店也有很多款式，可以外加上紅豆沙、芝麻糊、涼粉，亦有黑豆豆腐花，什至新推出的腐竹薏米豆腐花。一家四口，各自點了一款。撒上黃糖，甜甜的，豆味依然香濃。除了豆腐花和豆漿等豆製品外，還有其他小食如砵仔糕、糯米糍等，價錢也很便宜。

星期日去黃埔行街街，行下行下天氣涼涼地老婆話想食豆腐花，而我自己都想食下少少野，於是我地就去亞玉豆腐花醫一醫個肚先雖然店仔細細同埋冇位座，要企喺度食或外賣，但眼見到有唔少人企喺度食，咁先有風味 😅😅，我地叫左兩個豆腐花同要整個淨砵仔糕我食凍嘅黃豆豆腐花，滑滑的豆腐，加埋少少糖水我覺得好味道，當然可以再加黃糖會仲好味，不過我自己唔想食太甜，所以我冇加到老婆就叫左熱嘅黑豆豆腐花，為食嘅我當然要試試😁😁，試左後比黃豆更滑，而且熱食一定好過凍食，攪到我想唔食自己碗凍嘅，不過唔可以浪費食物，下次再食就留意食番熱嘅最後再食埋個砵仔糕，兩個字，好味，細細件唔怕食太多，而且咬落去好軟，唔會好甜，👍🏻本來仲想試其他，但始終唔可以當正餐，於是買幾件砵仔糕返屋企做夜晚甜品

前排荃灣區嘅豆腐戰爭得好激烈，作為九龍人我就冇特登去排隊湊熱鬧啦，反而就去咗紅磡嘅分店天氣越來越凍，所以我就無企喺街度食，揀咗外賣返屋企，順便買埋比屋企人，同屋企人分享黑豆豆腐花平時黃豆豆腐花好常見，所以就揀咗特別啲嘅黑豆豆腐花，食落豆味唔係特別濃郁，但好彩都算幾滑身，豆腐花淡淡地，加埋黃糖同糖水食就啱啱好啦客家糍粑等緊店員不豆腐花外賣嘅同時，我就被放喺隔離嘅客家糍粑吸引左，決定買買返屋企試吓$15.3粒，唔好見佢細細粒，但原來咬開幾足料幾多餡下，有芝麻粒，砂糖，花生粒同花生碎，夾雜着大大粒嘅花生粒，識落己有咬口，而且唔會太甜，都算幾皮薄餡靚，反而呢個比豆腐花更有驚喜！小店仲有砵仔糕，芝麻糊，豆漿，咋喳等等雖然冇荃灣分店咁平，但係價格都好親密好貼地！

Sem尾吊頸都要抖下氣，呢日行去紅磡，諗住食啲下午茶，唔想食煎炸野，決定食吓豆腐花。之前已經嚟食過，好鍾意黑豆豆腐花，個人覺得味道比黃豆豆腐花更香濃，特別加咗$3要紅豆，紅豆粒粒都好飽滿，而且味道唔太甜，同豆腐花好夾💕另外再買多一碗黑芝麻糊，一舀起就知係真材實料，好杰身，食得出冇溝好多水，黑芝麻味非常濃郁，而且夠香滑👍🏽👍🏽買下午茶當然要預埋屋企人，特別買咗一盒客家糍粑，$5/個，買大盒嘅話就一盒八個。唔好睇佢細細粒，原來個糯米皮做得好薄好軟熟，裏面全部都係黑芝麻花生砂糖餡料，餡料打磨得好幼細，芝麻炒得好香口，非常有驚喜，比起其他甜品店嘅糯米糍或擂沙丸子做得更好，下次會再幫襯🤤💕

路經見到人好多，排晒隊咁，而突然諗起最近新聞話有豆花減價大戰，咁係咪好好食架呢？ 咁我就食下先～ 😂😂😂十零蚊原味豆花一大碗，白雪雪，震騰騰，滑嘟嘟😍 枱面仲有黃糖、糖漿、薑汁可以隨便任加 🤤🤤🤤😋咁我梗係唔會執輸啦～ 加好多黃糖同薑汁😆😋 哈哈哈。 豆花熱辣辣，企街食時有涼風陣陣，幾過癮。豆花真係好嫩滑，滑過滑雪 🏂 所以唔洗十分鐘，已經旋風式滑晒落我個肚度，滿足 🤗食完放底隻匙同碗就走人，方便 👍🏻

行經這條街，見這小店被三三兩兩的人群圍繞，立刻被吸引了過去！原來是傳說中來自元朗的豆腐花！雖然我從沒有吃過XD, 但見人流那麼多，味道一定不差！薏米白果豆腐花（熱）$11食豆腐花我一直都比較喜歡熱食。個人覺得熱豆腐花的質地更柔軟滑溜，豆味更明顯。尤其是冬天吃地豆腐花，暖粒粒又甜思思，很滿足！名店果然是名店，試第一口便已經讓人感嘆！超級滑溜又有濃濃豆味！薏米白果都已經煮軟，配上豆腐花，一次過嚐到兩種口感！甜度又剛剛好。重要的是薏米是美顏恩物，美味又健康，價錢又便宜，超級滿足的！黃豆豆腐花（熱）$8朋友選了原味豆腐花。朋友說原味更能體會到它的豆花濃郁，配上紅糖，簡單美味。客家糍粑 $15/3粒難得來到，見到有其他小食，便也買一點來淺嚐！身為客家的後裔，但我竟然從未些過這款小食！？跟糯米糍差不多，軟糯的外皮包著有黑芝麻、花生粒和粗砂糖的內餡！皮薄餡靚，外皮煙韌內餡香口，值得一試。砵仔糕 $3/個，$12/5個我們怕太飽，所以只買了一個來試試。細細個，兩三口便吃完了。紅豆挺多的，甜甜的，但不會太甜，糕底煙韌，味道還不錯。

呢間係荃灣都有分店，冇記錯好似荃灣平啲但水準一樣。豆腐花和芝麻糊都是新鮮製造，有凍有熱，有時熱氣買過嚟食當清下熱氣。令一樣必食的是砵仔糕，有豆和無豆都一樣好食。

身為大埔人, 亞婆豆腐花就真係出哂名, 所以而家食豆腐花都只會食O個間.呢日同另一半食完飯之後, 又口痕想食下野, 經過呢間亞玉豆腐花, 近期FB同電視都有講過下呢間,原來黃埔呢頭都有, 所以都想試一試!~ 埋到去, 選擇都幾多, 鍾意點配搭都得, 價錢都算大眾化!所以另一半就話送"花"俾我喇鋪頭細細間, 買完就企係側邊食.黃豆豆腐花熱辣辣～仲可以暖埋對手!食落好滑, 好少係岀面食到D咁滑既豆腐花! 仲有好濃郁既豆味~加埋薑汁, 喉嚨即刻暖返哂添!紅豆豆腐花紅豆份量好多, 望落仲以為係渣咋~D紅豆夠淋, 但都有D咬口.有紅豆既加持, 真係唔駛落糖都得!除左豆腐花, 仲有賣其他糖水、茶粿, 好多樣化!下次黎可以試埋其他

雖然冇位坐但成日都好多人排隊👯‍♂️。今晚早放工，決定慶祝一下，買2碗返去孝敬爸爸👨媽媽👩🏼。買了一碗豆腐花，一碗芝麻糊，5分鐘速遞返屋企，仲熱的呢🤗豆腐花好滑，姐姐放的黃糖剛好，不太甜。秋天食豆腐花好滋補呢🥰另外芝麻糊應該係即磨的，仲有粒粒芝麻，好香濃。雖然媽媽試過自己住家造，但好費時～所以得閒都係要孝敬媽媽。媽媽話食完頭髮可以立刻變黑添🤣下次試埋糯米滋同砵仔糕先😋 同埋其實立食的碗好靚的呢🤗