亞玉豆腐花

营业中

休息中

唔係好肚餓，諗住是但食啲嘢就算。呢個時候見到亞玉豆腐花。識食梗係食原味。點知阿姐問我食唔食黑豆味。咦？！ 我未食過喎，都係多一蚊，於是就食黑豆豆腐花。唔無黑色喎 😂😂😂 一樣咁白咁滑。加左好多薑汁同一匙半黃糖。其實可以任加，唔夠就加～ 食落發現原來黑豆豆腐花嘅豆味更濃 😋 熱辣辣，喺毛毛雨之下添左幾分暖～而旁邊有砵仔糕同糯米糍～砵仔糕好多紅豆，望落好似好好食，於是買咗兩個。😋煙煙韌韌甜甜地問阿姐糯米糍咩餡，佢話全部都一樣😂 拎返公司pantry慢慢嚼，咬開先知係炒芝麻花生 🥜😂😂 仲以為係紅豆餡.. 哈哈～

小編自認是個豆腐花Holic，不時都會豆腐花癮發作。這次與朋友在紅磡用膳後，見好多人企喺度食緊，就去食番碗過下癮。——————————🔹芝麻糊 $15這裏的芝麻糊很香，一攪就見到整得好稠，食落果然很滑很濃郁，真材實料！唔會話好甜，啱啱好👍🏼朋友表示紅磡這間阿玉豆腐花比荃灣更好味，芝麻味更濃😍🔸黃豆豆腐花 $8豆腐花配黃糖就最正宗，朋友話加少少冰糖更好食～整體真係好滑，好香黃豆味～但再熱啲就更加好食👍🏼

食完飯飽飽點都要買返配糖水滋潤下嘅！呢間由元朗食到黎紅磡，價錢合理！仲信心保証！「亞玉豆腐花」新登場～薏米白果豆腐花（11$）薏米清清地唔會蓋過豆腐花嘅豆香，白果一粒粒好有咬口，去清熱感覺好健康必叫～芝麻糊豆腐花 （11$）芝麻糊10分有10分香滑，好重芝麻香，質感適中唔會太稀！配合埋豆香真係絕配，建議熱食，更加滑口砵仔糕（5個 12$）好多豆啊\(≧▽≦)/ 鋪滿哂成個砵仔糕好治癒啊淡淡嘅黃豆香 配埋紅豆 清清地真係大人細佬都啱食客家糍粑（3粒 15$）平均就5$大大粒 絕對真材寶料糯米煙煙韌韌，配埋熱豆腐花，中式甜品萬歲款式唔多，不過勝在可以左配右配豆腐花金獎唔係浪得虛名

平到笑傳統小食湯水@亞玉豆腐花(紅磡) 地址： 紅磡船澳街99號遠富樓地下B舖 曾經因爲鬥平賣豆花而上新聞，其實豆花外，仲有中式糖水糯米滋等，全都十元8塊有得食，行過見到好多街坊企係度食糖水，胃品胃出動醫下肚先大大粒皮薄多餡架糯米滋呀$6，食完一粒己經好飽，芝麻花生餡又唔會太甜。仲有由細細個己鐘意架仔糕，紅糖架甜加上大量紅豆，咬到紅豆口感特別好，$3個好抵食仲有豆花糖水，十元8塊有交易。涼粉黑芝麻糊等，好多人買走食，而姐姐們手腳熟練。下次一定要再encore

亞玉，我好鬼中意哩個名啫！叫咗紅白同黑白，凍嘅！之後亞玉馬上表明豆腐花唔夠凍，問介唔介意？我再問紅豆同芝麻夠唔夠凍，亞玉話夠，咁 okay 啦！係到食唔該！唔夠凍都單聲，欣賞哩種服務態度！而事實紅豆同芝麻亦夠凍，亞玉無呃我.豆腐花配上芝麻，口感極幼滑.再望真D，除咗紅糖同糖水之外，原來將薑汁獨立分開一支，需知道好多人唔中意薑味，亞玉真細心.

This is the 3rd time I’ve been to this place and the past 2 times, I asked for a mochi, but they said they were sold out of individual mochis... instead, they had boxes of mochis that can only be sold as a set. Kind of frustrated and annoyed that they can’t take them out and sell it. I don’t get why do they have to box so many of them in sets of 3 beforehand. Anyways, third time’s the charm and this time, even though they were “sold out” of individual mochis, they said “alright, we’ll open up a

在土瓜灣吃飯後又是甜品時候！ 家人特別鐘情於一間《亞玉豆腐花》！ 數數手指，其實已有數間分了！ 地點位於紅磡船澳街附近。 價錢很親民 — 由HKD 8 - HKD 15 有交易 ！ 這個時節仍這麼優惠價錢仍屹立，實在難得。暫時只提供外賣～黃豆豆腐花 HKD 8 / 碗 凍/熱同價，要降降溫買了凍豆花～ 一如以住，香滑又有豆味，人情味濃厚～ 花奶涼粉 HKD 9 / 碗另一最佳拍擋！ 一棵棵同樣大小的涼粉切成細細粒，方便食用。 爽爽的又不會太甜砵仔糕 每個HKD 3 (5個 HKD 12）很久未吃了！ 好有回憶～ 煙煙韌韌小許甜度！紅豆很多足以覆蓋整個表面而且咬下去棯棯的～ 職員很好人好nice ~ 是一家必食飯後甜品！

很多人說女人有兩個胃，食飽晚餐後，還有另一個胃裝甜品，我覺得男人其實是一樣的。晚餐需然食到很飽，路經紅磡的「亞玉豆腐花」，老公竟話想吃碗豆腐花。熱的豆腐花又滑又香， 紅豆沙煮到起沙，混合一起吃是絕配。$8+$3芝麻糊也是又滑又香，我略嫌偏甜，當然，甜度是因人而異的。$15糯米糍的皮薄且煙韌，黑芝麻和花生餡比例恰當，甜度也適中。$15有3粒，抵吃。「亞玉豆腐花」果然是真材實料，怪不得開到有咁多分店啦！

唔知大家仲記唔記得荃灣嘅豆腐花鋪大戰亞玉就係其中一個參賽者公司有冇專登去排個一兩蚊一碗嘅豆腐花因為我覺得$6-7一碗豆腐花真係唔過分 如果覺得嗰個食物係值嗰個價錢 何必山長水遠去貪果幾蚊呢今日同三個朋友一齊去咗紅磡食飯回想起以前住宿舍嘅日子 成日夜晚11點身痕就會落街買碗豆腐花食 所以今日專登過嚟回味一下芝麻糊真係好「潔」身 好濃味 比得上平時坐低糖水舖食嘅20幾蚊一碗食完飯即刻去食一碗真係會飽到想嘔建議大家食太飽都係豆腐花加3蚊芝麻糊算數以前冇食過黑豆豆腐花本身好天真咁以為係黑色 點知原來都係白色嘅 食落好似比黃豆硬身 但唔係食開唔係專家真係分唔出係黃豆定黑豆 當然係好食嘅再嚟就係花奶涼粉專登要求左要雙倍花奶姐姐都好好咁配合兩份比平時喺街食嘅淡色 反而會比平時食開嘅冇咁膠 以佢嘅兩份不嬲都係朋友嘅至愛最後最後最後一定一定一定要推介俾大家芝麻粟米糯米糍其實佢唔係叫糯米糍但係我唔記得咗個名係咩佢真係果皮超薄 內涵超多 我哋食完一盒忍唔住買第二盒 入面嘅料炒得好鬆化10幾蚊三粒真係抵到爛平時夜晚10點鐘已經會有少少人聚集即食睇到都呼籲大家盡量減少外賣 🥡 喺度即場食埋更加滋味環保啲呀嘛

紅磡人一定知土地廟附近有兩間豆腐花舖但我次次都係嚟亞玉😝除咗因為抵食仲有佢真係真材實料！嗌咗個芝麻糊同豆腐花芝麻糊真係好濃！絕無欺場！食完成個人暖笠笠！好大碗😂😂😂朋友嗌咗凍豆花姐姐超nice 係咁同我地傾計「糖水好呀，凍豆花有啲糖水好食，黃糖都好呀，脆脆地又有咬口！」😂😂😂仲食個砵仔糕同客家糍粑佢個紅豆砵仔糕真係好軟糯😚😚之前買過比日本朋友食佢地都好鍾意身為客家人嘅我唔識整客家糍粑 不過好識食🤭因爲哩個真係勁足料！姐姐話佢包慣咗多料所以粒粒都係咁多料架😂😂😂有個人客一口次買咗廿幾粒😯😯姐姐話再多啲都無 包唔切因為包糯米糍好花時間心機佩服！因為真係好好食😁

今日一家大細去黃埔行街，經過亞玉豆腐花店見好多人企喺度食緊，媽媽見到話想食芝麻糊，於是大家都揀咗自己心頭好嚟食，包括芝麻糊（＄15）、黑豆豆腐花 （＄9）、砵仔糕（＄3）、客家糍粑（＄15）同埋黃豆豆漿（＄10）。芝麻糊黏稠幼滑，仲有好香既芝麻味，媽媽食完後表示滿意~既然店名叫豆腐花，我就叫咗黑豆豆腐花，可以因應自己口味加薑水同黃糖。雖未至於滑到一食落口就流入喉嚨，但有好香既豆味，感覺真材實料。至於砵仔糕，佢d紅豆好多好多呀！！仲粒粒軟綿綿，抵食又好食！客家糍粑既餡料係黑芝麻同花生，粒粒都好多餡，而外皮煙韌有嚼勁~臨走前買咗支低糖熱豆漿，佢同豆腐花一樣，好香豆味，而且好滑又唔會太甜👍

行經亞玉被新推出既薏米白果豆腐花吸引左，最近天氣濕重，一路聽過薏米健脾去濕，去水腫！岩哂，又可配豆花一齊，聽到都正👏🏻👏🏻👏🏻目測個薏米白果量都好多、而且好杰！足料！食落清甜，同豆花好夾，幾好食，而且量都不少，唔洗再加糖，食完個人好舒服，一點也不滯！可encore!!之後見店員即包緊客家糯米糍（單價$6），好吸引！因為平時都係pack 好哂賣！好少見係即包，好吸引！買左個試下！圓碌碌，好重手，睇得出個皮好薄！嘩，果然一咬爆餡，餡內的花生🥜好搶味，炒香過，超香口，食落索索聲，雖有糖粒，但不過甜👏🏻👏🏻👏🏻好正！呢個現包好好食！皮又岩岩好，唔智太厚🥰🥰🥰

亞玉呢個名相信大家都唔陌生，但除左豆腐花之外，其實佢仲有糯米池，砵仔糕同豆漿！大大碗豆腐花只係$8，黃糖薑水都係自己加，成日行過呢條街都會見到好多人企係到拎住個碗食緊豆腐花！另外佢有賣糯米池，入面啲花生同芝麻多到係咁跌出嚟，皮薄餡靚；砵仔糕都係可以自己揀，有多豆，普通豆，冇豆，任君選擇！但我最愛都係豆漿呀，呢到既豆漿飲得出唔係用水開粉個隻，而係真係用豆慢慢煮出嚟，好香豆味，好滑口，大大枝都只係$10，推薦！

亞玉豆腐花係紅磡都開左一段時間，一直都未試過，行過突然好想食豆腐花，就買左d外賣返去我叫左最普通既黃豆豆腐花，有凍同熱揀，咁岩今日落大雨、天氣涼涼地，我就揀左熱既豆腐花想暖下身,呀姐都會問你要唔要糖水黃糖，我由細到大食豆腐花都一定要落黃糖，我覺得黃糖都夠所以冇加糖水豆腐花經過十幾分鐘既路程之後都仲係暖，豆腐花非常滑嫩，入口即花，唔會覺得好鞋好渣，我最鐘意就係黃糖溶左又未溶哂，所以會食到黃糖粒，好似食糖咁，好開心我亦都買左盒糯米糍返去，我覺得糯米糍做得好出色，皮薄但又夠軟，咬落去有黏度同煙up,呢個皮係我食過既糯米糍入面可以話最好食，佢入面d餡都唔少，可以話爆多添！食落有花生芝麻椰絲，非常香口最後仲放左個砵仔糕，勁多紅豆，好足料，砵仔糕比較黏身同軟身，食落唔會乾爭爭，讚！

呢間豆腐花開左都幾耐，經常見都好多人食，今晚同個frd係紅磡食完晚飯，想食d平平地嘅甜品，就簡左食豆腐花。我地覺得就咁豆腐花加黃糖有D普通，同埋個時落緊雨又幾凍，所以唔想食凍野，我地就叫左碗熱嘅芝麻糊豆腐花。豆腐花同芝麻糊都幾暖，豆腐花入口好軟滑，而且唔會一舀就散曬，不過我就略嫌個芝麻糊味有少少淡。我地另外仲叫左個客家糍粑試下真係皮薄餡靚，個餡有花生、芝麻同糖，每種都磨得好細粒，而且咬落好香脆，好好食！