亞洲美食城 (已結業)

好幾年喺九龍灣返工，，都有食開佢，佢啲嘢好夠鑊氣，尤其下午茶，佢個乾炒三絲意，好似落咗鴉片咁，會食上癮，逢禮拜四，佢仲有特餐去叫，但近來成日打唔通個電話，好驚佢執咗。

亞洲附近返工，朝朝食早餐！價錢公道，我多數係度食早餐！牛奶麥皮加火腿奄列，熱飲，都係$27蚊算唔錯啦！牛奶麥皮，健康之選，味道帶甜！糊狀形式，味道唔錯！飲品唔加糖，就剛剛好！否則成份早餐會可能太甜了！火腿奄列，蛋煎起後還有蛋汁的！非常美味！但不是次次能食到，要睇果日邊個煮，又要睇煮個個當天手神！不過，食十次都有6-7次中的！哈哈⋯⋯我比較喜歡張奄列放上去方包度一齊食，好似食三文治咁！原因係奄列帶了點咸味，淨食有點咸！但連方包一起食，味道就剛剛好！美味非常！

今日嚟到九龍灣宏泰道做嘢，食晏時間就走咗入去呢間位於永發工業大廈地下嘅《亞洲美食城》食飯。叫咗一個芙蓉蛋飯配凍咖啡，盛惠$40。芙蓉蛋煎得嫩滑得嚟帶少少脆邊，蛋味夠香，加上入面有爽口嘅蝦肉、叉燒、芽菜、洋蔥及香口嘅香蔥，食起上嚟又嫩又爽，味道同口感都豐富，真係幾好食。凍咖啡，濃度適中，亦唔會太甜，正常水準，都飲得過。總括嚟講，呢餐錢唔貴，芙蓉蛋同咖啡嘅味道都唔錯，而且上菜速度都幾快，都係一個唔錯嘅選擇。