亞洲中西美食店 (已結業)

週六早上需在西環辦點事，事前隨意在亞洲中西美食店享用早點。相比一般茶餐廳，亞洲中西美食店的裝潢比較陳舊。初入店內，更隱若有一點怪怪的氣味。 一分錢一分貨，這兒的早餐也比較便宜，普遍二十餘元已有交易。 這份經典早餐 A，火腿通粉及牛油多士皆無乜特別。炒蛋比預期滑溜，外加的薯餅亦見香脆。 熱奶茶茶奶比例平均，滑感有進步空間。

喺呢區住得耐都會知，西環其實真係好多特色小店，一個轉角，一個後巷位，又或係一啲無裝修，不顯眼嘅餐廳，佢地嘅食物真係會有一種令人WOW一聲嘅魔力! 今日難得下午off，就去咗呢間超麻甩茶記食個下午茶，天，畀我發現到佢地有個植其邪惡嘅椒鹽魷魚鬚加半份西多，好少見到有椒鹽魷魚鬚嘅下午茶組合呀!!!! 椒鹽魷魚控就即刻叫咗嚟食啦梗係! 主角終於上場!!望一望，椒鹽魷魚鬚份量唔算少，仲要係熱辣辣即炸，烤粉唔多，魷魚炸得好酥香，再配埋半份西多，邪惡度達200 分但好味層度有300!YEAHH 重點佢只係$21!!!! 街坊推薦! 但環境呢..well,就真係唔太pleasant了~因為好多睇報紙嘅伯伯啦，放飯嘅地盤哥哥啦仲有好豪放不羈嘅侍應哥哥咁~ 

歷史悠久的一間家庭式茶記，由之前$12 一份三明治早餐連飲品開始食，但因為西環樓價太貴，所以搬遷了，幾年後回來再食，服務，衞生，食物質素。。。。。全部下跌，唯一上升只有價錢，我都明白租金，人工，食材都加，但食物質素都應該keep住掛，有天我食個先牛肉米連奄列，牛肉定牛肉碎都有點難分，實在不太清楚有幾「塊」，湯底。。。清。。水一樣，奄列油多，牛油方飽有點硬，凍奶茶，茶淡唔夠甜只有奶味，唯一可取，夠凍，因為成杯冰，西環越來越多食店，呢間可以放棄了。

亞洲中西美食，經典港式茶餐廳格局，供應菜式貼滿玻璃，價格實惠。雖然已是1:30,但客人不多，仍有空檯可選。到這類茶餐廳，當然必選炒粉/麵/飯，因為定必夠鑊氣！本想吃乾炒牛河，但見到黑椒牛柳意粉，又突然想吃。午餐時段送湯及飲品，例湯有木耳、肥膏和肉浮面，味道清甜，唔太覺味精味，不錯，凍檸茶就正常。主菜到了，入口濃濃黑椒香及辛辣，意粉乾身，略嫌味道不夠（鹹味不足），牛肉則普通貨式，筋位未除，有幾舊難咬，最後幾口食到黑椒汁，味道不錯。以$43 來說，算係咁，如果對比旁邊間港式日本餐廳.....

每次想食tea都會想黎呢間~~~呢間街坊店價錢中等，但份量及質素是ok的~~~尋日食左黑椒豬排包~~~包有熱狗果d咁長，而豬排的長度跟包一樣~~~每啖有包及肉，十分滿足~~~肉唔係全瘦的，有d肥~食落唔會乾~ 奶茶飲過幾次，質素麻麻地，覺得d茶放得太耐~

是日又掛住這裡的咸魚雞粒炒飯，再來點了一碟咸魚雞粒炒飯，是次都是配一杯熱咖啡。這次的咸魚雞粒炒飯，咸魚少得近乎絕跡靠鹽巴調味，雞粒變了雞球一樣，厚切上陣，炒飯保持水準炒得夠乾身，咖啡唔澀。

是日突然想吃咸魚雞粒炒飯，遂到來點了這個咸魚雞粒炒飯餐跟配一杯熱咖啡和一碗是日例湯，等不用十分鐘熱哄哄的咸魚雞粒炒飯已端在檯上，咸魚量唔多但勝在咸味夠而香，雞粒份量多，炒飯夠乾身，好吃。

是日拜完年，去了這間亞洲中西美食打算食個下午茶餐，望完一輪餐牌最吸引我的，始終都是炸雞脾，於是點了這個炸雞脾多士配熱咖啡，這個餐等了7分鐘左右炸雞脾上場，炸雞脾剛炸好仲燙口唯炸得太耐雞肉有點老。

是日午餐到來位於西環北街的茶餐廳，點了一個鮮牛肉米粉配Q版奄列，牛油三文治，熱咖啡。咖啡，Q版奄列牛油三文治不用兩分鐘已經可以上檯，奄列實在看不見有個Q何言？牛油三文治所在凍得可憐，鮮牛米雖然加了雜菜粒但仍淡而無味。

是日過數碼港睇戲前到來亞洲中西美食吃早餐，早餐包括一份煎雙蛋，炸魚柳，牛油麵包配咖啡。我最欣賞是他們的炸魚柳雖知道出面依家的茶餐廳，甚至大x活，大x樂餐牌展示的與實際的不符而且魚柳都是青魚柳炸成，沒有味道且炸的麵糠佔魚柳七成比例，但這個魚柳是炸粉只佔三成，魚柳份量算大味道亦不錯。

9月15日, 日本既旅行終於都完了, 返到黎香港我地都好想食番d香港野. 黎咗呢間耐唔耐都會食既亞洲~::: 星洲炒米 + 熱檸茶 ::: $29啱啱炒起, 好夠鑊氣熱辣辣. 配料都係常見既火腿, 蝦仁, 叉燒咁… 略嫌叉燒太少. 份量1個人剛剛好. 另外亦讚下碟炒米唔係太多油, 幾乾身~ 可能好耐冇食, 食晒成碟都好似唔係好夠~ 熱檸茶都係好耐冇飲, 好好飲~::: 沙爹牛肉炒河 + 凍奶茶 ::: $29 + $2沙爹醬好似獻汁咁, 唔夠沙爹味又略嫌太膠狀. 牛肉大塊嫩口但係衰在無乜沙爹味. 其他配料仲有大大件洋蔥青椒之類. 不過河粉感覺冇乜點炒過, 有d一舊舊, 料同醬汁都係求其淋上面~ 實在不能叫好食~ 只係ok. 凍奶茶表現中上啦~環境就有d逼, 枱同枱之間位唔多~ 好既就係佢地電視有陣時會播演唱會dvd咁, 唔錯唔錯~ 總括呢到既碟頭飯水準普通, 不過特餐常餐幾好食幾抵~

我住左係北街幾乎十年, 其中兩年幾搬走左, 但一有時間都返嚟呢度食野. 每個weekend都去食架....佢啲早餐好抵食, 廿蚊就有交易, 大份,飽肚,仲幾好味添! 佢地仲係用" 出前一丁" 麵, 不需要另加錢架.....好食好多. 所以好抵食.午餐都好好食同抵食....選擇都多, 合化算.不過, 佢地唔做晚餐.之前網友介紹的豬排包都仲係有著一樣水準. 大家記住試下喇!我舊年都試過係呢到安排到會(分別去左兩次船河),一樣咁掂. 我班朋友話, 啲沙律同燒牛肉最勁好味...大大盤,包得好隱陣. 我更係絶對認同啦. 後來, 朋友仲介紹朋友添. 口碑都係一樣咁好.

佢d豬扒包同沙爹面幾好食架朝早一個早餐20蚊唔駛食到好飽正！(不過好多人食煙)

d 奶茶勁飲,苦過dd

我在堅尼地城上班，亞洲可謂我部門上下廿多人的飯堂，首推咖哩飯！