亞參雞飯 (PopCorn 1)

营业中

休息中

今日去將軍澳辦証，見有時間去行下街.見到昨曰電視廣告有播亞參海南雞飯😄😄。于是走佐去看餐牌，到門口那女職員問我幾多位.我話1位.她帶我去坐低，用QRCode落單，落佐我最鍾意嘅海南雞飯。好食.服務態度都好.見到啲員工好忙，但係我問她們拿水都好快给到我，仲提我小心熱水 。

嗌咗個牛肉飯等咗差唔多半個鐘先有，唔吹你係唔會有，肯定成張單漏咗，而且個份量好少，得嗰幾件肉，我心到諗點樣餸飯？可能想你快啲走，嗰時都夜晚9:20左右，淨係見到佢哋搏命執嘢，抹枱，準備收工。然後見到有兩個女人入嚟，然後個女侍應都幾冇禮貌，對啲客講嘢都好大聲，就咁手指指，坐嗰邊啦，勁冇禮貌。收銀嗰個男人(戴眼鏡嗰個)，張枱勁冇禮貌喺度講last order,好似趕人走咁，我去俾錢嗰時，話俾八達通，勁冇禮貌話嗰個位拍得啦，我見到佢喺度埋緊數，淨係識得顧住埋數囉

“亞參雞飯”是太興旗下的一間南洋菜餐廳，主打的招牌菜標榜「尋覓99分海南雞飯」。現有18間分店遍佈港九各區，而我今天光顧這家將軍澳店是在2021年5月進駐將軍澳POPCORN正式營業。分店裝潢令人眼前一亮，餐房與商場通道感覺上就像混為一體，是開放式設計，沒有門窗及玻璃隔擋視線，令餐房更為寬敞悠閒舒適。亞參雞飯的海南雞揉合了馬來西亞和新加坡兩地的風味，用嚴選飼養期約100日肉質嫩滑的三黃雞，以獨門秘法多次並反覆用雞骨、胡椒等熬製的濃雞湯浸煮，雞肉嫩滑，肉汁豐腴。餐廳已採用自助QR code 點餐，并全日免收加一服務費！

亞参雞飯主打海南雞，去到當然必點海南雞飯啦。 雞油飯好吃，海南雞的肉質沒有想像中的嫰滑，但是ok的。除非想食辣，不建議再點其他醬料，一來沙薑很鹹，二來雞肉本身已經很夠味。新加坡喇沙米線，材料幾足，湯頭濃郁微辣，很好喝。班蘭咖吔多士熱哄哄的上枱，食落多士香脆不會太甜，南洋咖啡對本人黎講太甜了，友人杯拉茶好飲d。鳳尾蝦春卷香口，不油但稍稍偏乾。馬拉盞通菜，本以為是用馬拉盞去炒通菜，實際是通菜旁邊放一匙馬拉盞俾人點，可能馬拉盞是一種頗鹹的醬料，所以採此做法 ，讓食客自行選擇點多少。豬手肉質不柴且皮軟，但有少許部分的毛未清得很乾淨。因為平時很喜歡食roti, 所以也點了馬拉薄餅配咖喱汁。結果超伏，餅皮又厚又韌， 等待上枱時間又長。整體來說，除了馬拉薄餅，食物水準都不錯。

無謂康城定Popcorn 都食過，不過Popcorn呢間坐得舒服啲大啲。通常都係中午或者下午茶嚟食，我會同個女一定order海南雞飯套餐，再加小食。我個女係勁鍾意呢間嘅海南雞同埋雞飯，呢個餐基本上佢可以食三分之二，仲要飲晒啲湯。😝小食一定叫咖央多士，太邪惡，食咗兩嚿之後就拎走嚿牛油😌。個炸蝦餅有啲辣，都好好食，大人食好啦。因為次次都係同個女食，其實都未有機會食佢嘅肉骨茶，不過我知道佢啲喇沙湯麵湯底都好正。

啱啱開嗰陣已經幫襯,一開始個飯份量就好正常，近排啲外賣越嚟越少，而家少咗咁多，豬手都懶得切，如果老闆見到，問吓啲廚師，究竟啲食物去咗邊？堂食就比足份量，外賣就咁樣。係咪冇人出聲？就當冇事？如果外賣係咁多，係咪應該減價？啲態度已經好差，所以咪唯有轉外賣，坐低食話走冰，個侍應竟然可以同你講冇得走冰，如果嗰啲機械人可以代替侍應，咁要啲侍應做乜？如果老闆有機會見到，希望留意樓面侍應態度同廚房廚師減料，無論坐低食定係拎走，都惡劣

今天午餐吹南洋風！首先講一下靈魂所在：咖喱汁，香辣濃郁，口味偏辣一點兒，很濃重的南亞香料和椰漿味，口感不會太清或太稠，恰到好處，非常下飯。而牛腩入味，肉質也不乾柴，總結味道是很不錯的。

亞參雞飯味道評分:☄️(highest_surprise)/☀️/🌤(pass)/⛅️/💨(lowest)🌤亞參去骨海南雞飯 $90 (+$25轉雞脾)個人認為食海南雞一定要貨金食雞脾，但要加$25好貴🥲🥲仲要今次雞皮&雞肉比例係5:5，好多雞皮🙃個雞都幾令我失望，因為雞本身冇乜味，要配搭醬料先有翻味💩但不得不說，個油飯超濃味&雞湯都好好飲😍☀️柑桔特飲 (海南雞飯+$10)係鹹柑桔，仲要係偏鹹果隻🙈我自己接受到~☄️梛香咖央南洋包 $25好邪惡，但好好味！咖央醬搭配一磚好滑既牛油🤤我好中意！☄️香烤豬肉串 $33外脆內鬆軟，令人一啖接一啖😍❤️‍🔥❤️‍🔥❤️‍🔥既然你睇到尼度，不妨比個like & comment & follow @gulugirl102 ~話比我知你有睇，比啲動力我丫❤️‍🔥最後既最後，口味尼家野因人而異啦~

第二次食呢間連鎖餐廳第一次食晚飯；的確評價唔高今次食下午茶；純粹係popcorn黎講真係因為佢夠平，所以可以比多次機會下午茶有六款可以選擇我揀左雞湯河味道不過不失雖然佢唔可以稱得上好好食但$38連熱飲 以性價比黎講我會比五粒星不過佢既拉茶真係太甜喇！我要額外多加半杯水先可以叫飲得落肚同埋佢奶味完全蓋過佢既拉茶令到成個餐扣返一粒星星

路過，食個午飯，$71一碗雞絲扎肉湯河，上枱已經很失望，數得出的雞絲與扎肉，河粉也不多（可能知我胃口不佳），味道一般，本沒期望但仍很失望，這個價錢這樣的份量看得出這店家很沒誠意，忍不住要來寫寫!

依間嘢開嘢好耐 行過路過就未試過心血來潮之下 帶埋家中長者一齊去試下見到Menu 有海南雞飯 又有喇沙於是我叫咗個海雞飯 長者想試喇沙 佢知道喇沙係辣嘅店內只係提供QR Code落單 過程中喇沙係無得揀辣度 問店員佢話得一個辣度 唔會好辣落單之後 雞飯約10分鐘後上菜 而個喇沙起碼等咗20分鐘以上先有得食長者等到好肚餓 一食落口已有辣到嗆喉原來碗喇沙嘅辣度並唔係店員所講嘅唔係好辣 我試咗啖 已經接近譚仔嘅小辣 辣油成呎厚同店員反映返碗嘢太過辣 長者食唔到 可唔可以換第樣食物點知店員就話無得換架啦 你食唔到比個盒你拎走一啲禮貌都無 將個責任完卸係食客度我就真係比佢吹漲 結果無食過碗嘢就埋單走1.幾個問題無解決過 仲Hea顧客2.店員聲稱辣度唔係好辣 但實際嚟到辣到嗆喉3.想換第樣食物 又唔比 又無比解決辦法 4.咁既然唔比人揀辣度 你覺得全世界嘅人都食得好辣？總之唔建議再幫襯依間垃圾

行完山落腳點在調景嶺，諗住搵間好少少餐廳食晏，誰知道選擇少，連保安姐姐建議我們去下一個站將軍澳比較多選擇。終於到了將軍澳，由於今日係公眾假期，人流比較多，見邊間快有位就去邊間，再不揀擇。見枱枱都點海南雞飯，無理由我唔點啫。賣相ok。海南雞黃金色澤，皮薄，脂肪不多。雞肉有少少嚡口，不夠滑溜。雞油飯好味，不油膩，有油香，軟熟。冬瓜湯都好飲。解暑。套餐包飲品，點哇咗南洋咖啡，色澤好深，有點焦糖味道，味道過甜，不是我杯茶。

公眾假期，食個晏都鬼咁多人四處都排隊，見佢條人龍唔係太長， 又未食過所以試下， 十分鐘左右後有位入座， 坐低叫咗肉骨茶、 海南雞飯、咖哩雞撈麵再加個咖央多士同雞翼尖。 我飲緊杯凍拉茶， 上網睇下呢間嘢啲食評，先發現好似好伏三粒星都冇， 心諗都係試咗先算， 反正啲人都係話佢服務差，冇話啲嘢食渣， 點知試完啲嘢食都係麻麻地，又唔係話難食都入唔到口嘅，不過真係嘥咗自己啲quota同金錢， 未食過肉骨茶只係得胡椒味， 試咗我女嗰碟海南雞飯， 雞肉真係鞋嘅重冇乜雞味， 咖哩雞撈麵啲咖哩ok，但啲雞同海南雞啲雞一樣死法， 反而最好食係嗰個戒央多士…… 如果有選擇嘅話，應該唔會喺呢度食， 至於服務又冇啲人講到咁差，不過我發現有個四眼哥仔，其實佢都好忙咁樣不停抹檯執檯，但係我見啲客問佢嘢，佢就好似唔識溝通咁， 人哋聽到個心裏面會唔舒服， 樓面都要識得分工合作，呢間嘢管理同食物上唔改善， 捱唔得耐。

間中光顧這間分店，食物和飲品味道不錯，這個讚是給水吧與廚房裡的廚師，並不是給侍應的。我之所以這樣說，是因為某位侍應的服務態度十分惡劣，其他侍應都比他好很多，起碼不會一口氣大聲罵人。（他是所有侍應中態度最差的，男性。想知道是哪位就去將軍澳這間分店光顧吧，九龍灣德福廣場分店的服務態度都比這裡好十倍）。經歷一：有次我吃的那段時間看見沒什麼人堂食，打算進入裡面坐卡位。不過有位侍應對我說「你一個人不要坐卡位」。我沒有與他爭吵，只是感到奇怪，心想：外面又沒有人排隊等位坐，加上之前我都是一個人坐過卡位，並沒有人不讓我坐。為何這次會不比坐呢？經歷二：雖然這件事是其他食客與侍應之間的問題，但我看見後才知道原來侍應都有很大責任。某次我在繁忙事段吃飯，看見某位食客舉手示意並說「唔該」叫侍應過來，某名態度差的侍應剛好手頭上有很多工作要做。於是大聲對食客說「你看不到我有工作做嗎？你讓我做完手頭上的工作好嗎！」那位食客沒有回答他，但我看見食客的神情變得不滿。我明白侍應繁忙事段有很多東西要做，手忙腳亂（畢竟你只是為了打工）。但你身為一名侍應，態度那麼差，以後誰敢來你這間店鋪光顧？你不但影響食客對你們的期望，還影響到

臨睇戲前同老公去附近食個快飯，難得老公有心水話食亞參，唔使我諗就緊係好啦我點左個咖喱雞撈面，一嚟到就有好濃香嘅咖喱味，見到好似好多雞咁🤤咖喱質感厚身，唔係港式咖哩，好好味不得不讚個薯仔，好入味又淋，唔係淨係得薯仔味，忍唔住食晒不過雞就有點可惜，鞋口，應該全部比左背我，每一舊都係鞋，唯一嘅雞翼都唔滑比起上一次食海南雞同豬手真係差好遠😟不過店員係友善嘅，咁都食得舒服 🤤味道🤤： 3/5🏝️環境🏝️：4/5💵抵食💵：3.5 /5💁🏼服務💁🏼‍♀️：4/5