五輪洞

星期日夜晚青衣城全爆，得佢唔需要排队…服务态度差、个个净系挂住做外卖但系部机又不停响话：「已超过出餐时间、请尽快！」堂食客个个呆等，饮晒一杯啤酒都未见到碗面。两碗面一个赤汤要葱、一个白汤走葱都可以搞错，攞罐汽水又冇杯又冇饮管 —— 同佢讲佢答：你问我咪俾你啰！吓？哦…如果想食饭千其唔好俾出面啲promo 相呃，因为便当只供外卖、不得堂食！咁不如执走晒啲台凳净做外卖啦，反正啲staff 都净系挂住pack外卖，又恶又冇礼貌。一定唔会再食。…查看更多

而家香港食接面都唔平，大多数埋单连加一都过佰蚊一个人，因为一碗接面都HKD80-100，甚至佰几蚊一碗都唔出奇，所以临去亚博睇拉濶演唱会之前赶得到下午茶时段前埋单劲开心。下午茶时段套餐包一碗拉面外，还有一个小食同一杯饮品，劲抵。平时食日本拉面最钟意弹牙兼爽口，五轮洞就比到呢种口感我，弹牙得又烟韧。另外食拉面除咗面质外，汤底都好紧要，佢有黑蒜，白猪骨，赤五轮洞(辣)，三款汤底比你拣，钟意辣嘅我当然拣赤五轮洞，汤底辣得嚟好惹味，又唔会觉得好油，钟意食辣嘅你不况试下。另外送嘅饮品唔系好甜，啱晒怕甜嘅人。…查看更多

青衣有乜好食，今次嚟试下拉面，平日放工时间唔驶等位，不过拉面选择不多，质素一般般，不过就坐得舒服嘅。🥢五轮洞叉烧拉面 (白) $85⭐️⭐️⭐️豚骨汤底味道都几香浓，不过就比较油腻，叉烧好味但只得两块薄薄嘅肉，拉面弹牙但质素就普普通通。🥢柚子鸡汤昆布水沾面套餐 (跟野菜薯饼+金桔柠雪碧) $108⭐️⭐️⭐️⭐️冷面口感冰凉啱晒夏天食，高汤味道几清新带点鲣鱼同柚子香，3款肉都好好味，一块入口即化叉烧，中间果款带有烟熏味，另一款有松露酱响肉上面，值得一试。 二人共消费: $212…查看更多

叉烧沾面$98沾汤另上，拉面同几片好粉红嘅叉烧同溏心蛋分开。沾汤都算几浓，系鱼介豚骨汤，口感几幼滑。沾面较粗口，都非常挂汤。叉烧油花分布均匀，肉质柔嫩，味道白煮，喺沾汤中浸几下会好味啲。溏心蛋有适当流心算不错。以偏爱重口味嘅本人黎讲，汤都可以唔洗加清汤直接饮用。白五轮洞叉烧拉面 $85叉烧拉面汤底更加柔和一点，拉面系幼身面，吸附汤汁比较腍滑。…查看更多

早前真汉子同太太去青衣城嘅「五轮洞」食晚饭，当然要试佢哋嘅素食餐牌啦。佢哋呢个系列好多素友甚至 foodies 们都试咗，但似乎反应系好坏参半㖞，咁我食咗又觉得点呢？🤔首先好惊喜呢个素食餐牌推出咗咁耐都仲响度，都未止，用 QR code 落单时，素食餐牌就系响第一页 😍。一向普通餐厅嘅素食选择都系被投闲置散嘅多，所以见到素食被放响首页，顿时有备受尊重嘅感觉。🥰当日我哋试哂呢个餐牌上所有素食，包括：🐤 凉拌胡麻山葵素鸡沙律 $38鸡丝口感几似，同芥末汁好夹，配菜嘅豆角，云耳，同青瓜都好好味同清新。☘️🍄 素直菇天妇罗配黑松露沙律酱 $28 （酱汁含蛋）其实即系杏鲍菇，天妇罗嘅菇外面脆，入面爽口又弹牙，点返属于自己同乡嘅黑松露酱食，菇味就更浓郁啦。😜🥟 日式手造素饺子（粟米味 & 叻沙味）$38睇返餐牌先知有两只味，唔系好食得出 😅。饺子汁少辣，同埋味道太抢了，所以点少少食就好。🐽 素鸡辛味蕃茄沾汁面 + 吉列素猪扒 $88 （含蛋）叫错咗，我本身想食非辛味版，因为我觉得蕃茄味同辣系好唔夹嘅。😂面质几弹牙，个汁都真系几辣，怕辣嘅要 double check 一次先好落单。猪扒好厚身，有啲咬口，都炸得几香脆。另外我哋点咗素食餐牌以外嘅黑松露玉子沙律 $45，食落系有啲烟熏味嘅溏心蛋。沙律有好多杂菜，卖相精致之余都几好食。😊不过无可否认，植厨 Plant Sifu 嘅素肉仍有进步空间，例如素猪扒质感系有啲胶胶哋，但作为素食者，可以响日式餐厅叫到一枱都系咁食饭，都真系非常满足同感恩㗎。☺️😇…查看更多