五輪洞

星期日夜晚青衣城全爆，得佢唔需要排隊…服務態度差、個個淨係掛住做外賣但係部機又不停響話：「已超過出餐時間、請儘快！」堂食客個個呆等，飲晒一杯啤酒都未見到碗麵。兩碗麵一個赤湯要蔥、一個白湯走蔥都可以搞錯，攞罐汽水又冇杯又冇飲管 —— 同佢講佢答：你問我咪俾你囉！吓？哦…如果想食飯千其唔好俾出面啲promo 相呃，因為便當只供外賣、不得堂食！咁不如執走晒啲檯凳淨做外賣啦，反正啲staff 都淨係掛住pack外賣，又惡又冇禮貌。一定唔會再食。…查看更多

而家香港食接麫都唔平，大多數埋單連加一都過佰蚊一個人，因為一碗接麫都HKD80-100，甚至佰幾蚊一碗都唔出奇，所以臨去亞博睇拉濶演唱會之前趕得到下午茶時段前埋單勁開心。下午茶時段套餐包一碗拉麫外，還有一個小食同一杯飲品，勁抵。平時食日本拉麫最鍾意彈牙兼爽口，五輪洞就比到呢種口感我，彈牙得又煙韌。另外食拉麫除咗麫質外，湯底都好緊要，佢有黑蒜，白豬骨，赤五輪洞(辣)，三款湯底比你揀，鍾意辣嘅我當然揀赤五輪洞，湯底辣得嚟好惹味，又唔會覺得好油，鍾意食辣嘅你不況試下。另外送嘅飲品唔係好甜，啱曬怕甜嘅人。…查看更多

青衣有乜好食，今次嚟試下拉麵，平日放工時間唔駛等位，不過拉麵選擇不多，質素一般般，不過就坐得舒服嘅。🥢五輪洞叉燒拉麵 (白) $85⭐️⭐️⭐️豚骨湯底味道都幾香濃，不過就比較油膩，叉燒好味但只得兩塊薄薄嘅肉，拉麵彈牙但質素就普普通通。🥢柚子雞湯昆布水沾麵套餐 (跟野菜薯餅+金桔檸雪碧) $108⭐️⭐️⭐️⭐️冷麵口感冰涼啱晒夏天食，高湯味道幾清新帶點鰹魚同柚子香，3款肉都好好味，一塊入口即化叉燒，中間果款帶有煙燻味，另一款有松露醬响肉上面，值得一試。 二人共消費: $212…查看更多

叉燒沾麵$98沾湯另上，拉麵同幾片好粉紅嘅叉燒同溏心蛋分開。沾湯都算幾濃，係魚介豚骨湯，口感幾幼滑。沾麵較粗口，都非常掛湯。叉燒油花分布均勻，肉質柔嫩，味道白煮，喺沾湯中浸幾下會好味啲。溏心蛋有適當流心算不錯。以偏愛重口味嘅本人黎講，湯都可以唔洗加清湯直接飲用。白五輪洞叉燒拉麵 $85叉燒拉麵湯底更加柔和一點，拉麵係幼身麵，吸附湯汁比較腍滑。…查看更多

早前真漢子同太太去青衣城嘅「五輪洞」食晚飯，當然要試佢哋嘅素食餐牌啦。佢哋呢個系列好多素友甚至 foodies 們都試咗，但似乎反應係好壞參半喎，咁我食咗又覺得點呢？🤔首先好驚喜呢個素食餐牌推出咗咁耐都仲响度，都未止，用 QR code 落單時，素食餐牌就係响第一頁 😍。一向普通餐廳嘅素食選擇都係被投閒置散嘅多，所以見到素食被放响首頁，頓時有備受尊重嘅感覺。🥰當日我哋試哂呢個餐牌上所有素食，包括：🐤 涼拌胡麻山葵素雞沙律 $38雞絲口感幾似，同芥末汁好夾，配菜嘅豆角，雲耳，同青瓜都好好味同清新。☘️🍄 素直菇天婦羅配黑松露沙律醬 $28 （醬汁含蛋）其實即係杏鮑菇，天婦羅嘅菇外面脆，入面爽口又彈牙，點返屬於自己同鄉嘅黑松露醬食，菇味就更濃郁啦。😜🥟 日式手造素餃子（粟米味 & 叻沙味）$38睇返餐牌先知有兩隻味，唔係好食得出 😅。餃子汁少辣，同埋味道太搶了，所以點少少食就好。🐽 素雞辛味蕃茄沾汁麵 + 吉列素豬扒 $88 （含蛋）叫錯咗，我本身想食非辛味版，因為我覺得蕃茄味同辣係好唔夾嘅。😂麵質幾彈牙，個汁都真係幾辣，怕辣嘅要 double check 一次先好落單。豬扒好厚身，有啲咬口，都炸得幾香脆。另外我哋點咗素食餐牌以外嘅黑松露玉子沙律 $45，食落係有啲煙燻味嘅溏心蛋。沙律有好多雜菜，賣相精緻之餘都幾好食。😊不過無可否認，植廚 Plant Sifu 嘅素肉仍有進步空間，例如素豬扒質感係有啲膠膠哋，但作為素食者，可以响日式餐廳叫到一枱都係咁食飯，都真係非常滿足同感恩㗎。☺️😇…查看更多

順路經過青衣城，試吓位置闊落，沾麵味道不錯，湯非常熱，麵是凍的，食起嚟啱啱好，比較有咬口，不繼有侍應加水非常好朋友食拉麵都覺得ok不過餃子味道普通用qr code下單，上菜速度快速…查看更多

🍜拉麵 💮小店 🚹1-4人——————🐻🐻‍❄️喺青衣城行街，見到呢間日本餐廳就入去試吓，竟然有得叫酥皮pizza⁉️🦑豆腐皮烏賊餅$78新鮮炸起熱辣辣嘅…腐皮卷🤣外面酥脆，入面有啲軟骨…箍牙🐻‍❄️就覺得有啲難咬🤣🍕野鴨薄餅💯$78好特別喺日本菜🇯🇵(?)餐廳見到鴨肉 & pizza🤣忍唔住叫嚟試吓🤣份量比較細份，經典蕃茄醬🥫配勁多芝士🧀，用鴨肉食落比較香，🐻覺得最正係個酥皮pizza底食落係酥脆👍🏽😆之前食過其他餐廳，個酥皮底會俾其他食材嘅水份整冧咗🍜牛肝菌雞白湯沾汁麵$98有嫩滑雞肉同筍做配料，麵質掛湯，湯底「傑」度適中，味道係雞湯加咗牛肝菌味，不過牛肝菌嘅味就唔太啱🐻‍❄️嘅口味🥚溏心蛋$13做到流心、有調過味👌🏽🥟五輪洞餃子$48新鮮煎起，正常菜肉餃子🥟見有評語話餐廳💁‍♂️服務💁🏽‍♀️麻麻，其實🐻‍❄️覺得純粹服務員因為太忙、一樣接一樣專心做緊，顯得快手快腳但唔記得俾笑容，睇大家接唔接受到呢種服務啦～結論：水準正常👌🏽大部分食物都係新鮮整好、熱辣辣送上嚟，行街或者住附近都值得嚟試個酥皮pizza🍕～…查看更多

距離食呢間拉面已經5個月當日食既時候 我個心就係一定要俾幫呢間野寫個食評 而今日我都心血來潮返黎寫翻咩原因一定要返黎寫呢？主要係味道唔好食令我好深刻咁記住當日叫左個軟殼蟹拉面食落就覺得中伏字面睇落幾正 但食落兩樣野又唔係咁搭一乾一濕 脆既軟殼蟹浸落湯又變又濕又淋 湯上面既配菜、味道都格格不入仲有隻蟹有腥味啊 只能說好怪 好怪⋯咁另外叫左另一碗豬骨湯拉面都叫正常拉面黎既建議大家黎到就叫返普通拉面好啦 唔好咁冒險試呢款「軟殼蟹拉麵」啦多謝大家既細閱…查看更多

做完運動比賽 cheat day想食啲碳水食啲肉唔知點解成間鋪無客無單廚房就係專心煮一個麵都可以咁出事啲麵無咬勁啲湯除左少少一般肉湯肉味咩味都唔特出拉麵店 麵普通 無麥味 無口感 無咬勁 有鹼味鷄肉普通煮熟左 無肉味 無蛋白質甜味 無調味味湯頭極其量落左肉煮過有煮過既味成間店staff勁得閒 無心煮好碗麵碗麵bear minimum 無雲吞味 無水餃味 無牛味肉 似拉麵風格先勉強話你係拉麵店咁大間鋪 咁大間廚房 咁好空間 咁少客 點解啲員工可以咁得閒 咁無野做可以咁求其煮到咁bear minimum 除左一碗麵食得飽肚既功能 其他既野咩都無 （咁我做咩唔食杯麵/出前一丁/老茶沙嗲牛麵？)到底係食物太差 無客定無客所以食物就會差飲食難做 但唔代表我想你執我想你進步但唔知你執左先定進步先我唔識理解…查看更多

昨天青衣返工🚶🏻‍♀️‍➡️🚶🏻‍♀️‍➡️🚶🏻‍♀️‍➡️，放工唔知食乜好？咁啱經過見到有我最鍾意嘅雞白湯底拉麵。咁就入去試吓。點咗一碗牛肝菌雞白湯拉麵，炸池魚同蘋果汁作為我嘅晚餐。炸池魚😋😋😋味道剛好，不會太油。其實應該要啤酒🍺🍺🍺係最匹配😂😂😂。牛肝菌雞白湯拉麵，湯頭好飲，清甜而不有油膩，拉麵硬度適中，滑嫩雞肉，煮得剛剛好。座位環境舒適，不會太逼夾，下次過嚟再試其他人氣拉麵。👍🏻👍🏻👍🏻…查看更多

後悔無睇食評就幫襯，非常 萬分同意認同其他網友評論：此店全無服務可言，服務生態度差差差，但竟收加一服務費，難以想像如此食肆可以在貴租金嘅青衣城生存，只能講祝佢好運食物質素方面，温泉蛋牛肉飯，下午茶時間連加一收$70，質素跟其他快餐店無兩樣，性價比超級低🤮🤮🤮🤮🤮唯一可取地方係無咩人幫襯，環境舒適，但無咩人幫襯，服務生都可以無服務，實屬難得。此店屬麵屋武藏集團，但管理如此差勁，管理層有否正視待客之道…查看更多

去之前已經睇過下食評，大部份都係話服務態度差，本住試下心態今晚就試一試，結果真係令人大開眼界，首先因為有老人家，拎住拐杖行得比較慢，行到佢嘅出菜門口阻一阻住個長髮馬尾4眼女侍應，雖然佢有避開，但都俾佢睥一睥，隔住副眼鏡都睇到佢團火，跟住我地坐好晒，問另一個女侍應唔該佢俾杯熱水，佢答等陣，不過佢當時係向其他冇人嘅方向講，我唔知佢係咪見到啲我地見唔到嘅嘢啦，所以杯熱水佢係拎咗去我地隔離張枱，雖然俾呢2位女侍應影響當初入黎嘅興奮心情，但都希望食物令我地改觀，可惜，食物質素真係一般，試過一次就算…查看更多

行過見到有新出既 浪人蟹湯拉麵，本身係浪人fan既我忍吾住入去打卡食返碗浪人拉麵先!😍😍⭐️特製浪人蟹湯拉麵 set叫左個浪人蟹湯拉麵set, 配蟹子沙律同特飲，浪人蟹湯拉麵個湯好濃，真係好香蟹味好想飲多幾啖，碗麵有一大隻軟殼蟹，熱辣辣剛剛炸好，隻蟹都幾大隻，幾好食😋👍⭐️叉燒飯同餐牌張相一樣好多塊肉! 中間有隻日本流心蛋，撈埋d飯一齊食充滿蛋香⭐️五輪洞餃子餃子好普通，上枱時吾夠熱，只係暖暖地，無咩特別😅…查看更多

好入唔返青衣，是但搵間餐廳食，就食呢間，其實帶位呀，加水果d女同事都冇問題，係有一位負責出餐既男同事好有問題，佢上小食果下啪一餐放係枱跟住走左，我仲以為我做左d咩得罪佢，之後再上拉麵次次都啪一聲放低，唔會問碗麵係邊位碗麵係咩黎，佢重力放低一堆食物後就走左，我有留意佢對其他客都係一樣態度，keep住聽到啪啪啪，佢放親咩上枱都好大力，真係激死人，食物就非常一般，就算半價我都一定唔會再黎…查看更多

以前食過已經知依間冇服務，今次企係門口等安排入座，入面得一位女待應，但好似當我透明。等左陣我決定行入去同佢講”兩位”，勁黑面咁叫我企門口等。。。你係要我等都應該先打聲招呼，比個眼神手勢，一直扮睇唔到無視，我點知你咩意思，當時三分二座位都係空，我黎食飯定受氣？真係唔怪之得星期日晚市得佢哋咁清閑咁多位，果然有原因。以上內容只針對3月10號，晚上19:00當值個位女待應…查看更多