五要素食堂 (已結業)

出開尖沙咀，行到The ONE見有間新餐廳，既然都肚餓咁就份去醫肚試下。見到仲有個花牌係度，應該真係開咗冇耐。餐廳環境好舒服好闊落，有日系感覺，碰巧過咗lunch時間，所以冇乜人，hea下都唔錯。而家用QR code落單好common，好方便。起初諗住淨係點個牛扒丼，點知㩒㩒下見有得追加，仲有好多選擇，而且好似幾抵。最後貪心地點埋雞翼同甜品。黑毛和牛牛扒丼Menu寫呢個係人氣No.1，我又好鍾意食牛，唔駛諗梗係揀佢啦。賣相已經好吸引，份量都好多。丼送上的時候，店員會附上芝麻同七味粉，本人好鍾意芝麻，加咗之後仲香，好味。牛扒份量唔少，每件都幾厚切，好有𡁻口，個邊有燒過嘅香味，好好食。巴馬臣蒜牛油雞翼個雞翼有驚喜，超級香嘅牛油味，加埋上面嘅芝士碎，同埋有淡淡嘅蒜香味，熱辣辣食超正，鍾意牛油嘅人會好鍾意。靜岡煎茶香蕉焦糖批呢個又係有驚喜，有多重層次嘅味道。初時都擔心焦糖會好甜，但完全冇，就算咁飽都唔覺漏。餅底好脆，上面係香蕉同焦糖醬混合，好夾，造得好creamy，上面一大堆cream係好輕嗰種，好滑，好似喺日本食咁樣，唔係連鎖蛋糕店嗰啲！

今日過開嚟The One, 見到呢間新開張，加上online book位有6折，就入嚟試下，我哋兩個人叫咗和牛温泉蛋飯同蟹肉扁意粉Share, 首先個和牛好靭，咬唔開，味道係可以的！另外意粉份量太少，我哋見隔離枱叫另一種意粉份量正常，加上同menu圖上不符，於是同Waiter講，點知佢話係咁，無意思加番份量比我哋！不過味道係唔差的！但我哋唔飽！希望佢哋改善下！

同大食友人食飯，諗住喺the one搵食，見到呢間新開嘅日式西餐裝修簡約同餐牌幾特別，就入去試吓。點咗幾樣野一齊share。黑毛和牛牛扒丼 - 可自行加芝麻，會香口啲。和牛幾惹味，個飯淋咗甜醬油，好易入口。巴馬臣蒜牛油雞翼 - 和牛丼追加（+$28），好香牛油味，芝士溶於雞翼面，惹味。信洲味噌鮮菇手工意粉 -一向鍾意食手工意粉，貪佢夠煙韌。今次個醬都好夠味，帶到菇嘅鮮味。和風水牛芝士波配菠菜 - 意粉追加（+$18），原來呢隻菜係菠菜，以為係平時食開嗰啲。五芝士要素味噌麵團薄餅 - 好濃郁嘅芝士味，芝士愛好者必點。煙肉配風乾蕃茄薄餅夫 - 第一次食鹹嘅waffle，又幾好食。每一格都有芝士，口感豐富。瑞可塔芝士配大倉紅豆軟包 - 和牛丼追加（+$38），全晚最想食嘅嘢，果然冇令我失望。唔係好甜，麵包好軟熟，層次豐富。

在公司附近有空就行商場搵嘢食，今天發現這家新店，上Openrice看看未有食評但有6折優惠又幾抵，可以一試。Menu很簡潔，除了日式肉類丼飯外還有不少甜品。下單也用QR code，方便環保。雖然不用加一而且自助點菜，但服務絕對有！店員會送上濕紙巾還會斟水，而且很有禮貌。人氣招牌的黑毛和牛牛扒丼，簡直和Menu的圖片一模一樣。不嬲喜歡將好嘢留在最後才吃，先試下D沙律的火箭菜。直接吃很清新，加上酸甜的檸檬汁後又更開胃的感覺。飽滿的優質米飯沾上牛扒的醬汁和調味的紫菜，就算把配菜吃完也很美味。主角的牛扒，十分新鮮嫩滑，牛味很有類似安格斯的香味，一塊牛加一口飯，肉汁滲透飯粒就是丼飯的最標準食法。加配甜品或飲品還有特價，當然不錯過。靜岡抹茶紅豆配雪糕窩夫。很有風格的擺設。窩夫香甜煙韌，表面脆卜卜、裡面還很暖和。清新的抹茶粉沾上雪糕的紅豆味才最凸顯出抹茶紅豆的配搭。完食照。食物不俗，很新穎，環境也舒適~

餐廳走日式風格，木製嘅枱櫈好清新，食物種類都好多。試左個皇牌嘅黑毛和牛牛扒丼，和牛整得好好食，肉質鮮嫩得黎油香十足，配白飯一齊食好正，推介！加錢叫左4隻巴馬臣蒜牛油雞翼，呢個都係大推！牛油味好香濃但又唔漏，好入味！外皮夠香脆～信州味噌鮮菇手工意粉都好正！手工意粉好特別，短短一條索哂個汁，好creamy, 值得一試～呢個五芝士要素味噌麵團pizza 係人氣no.1, 餅底超薄，真係好多芝士，每塊都跟左粒水牛芝士，幾特別！和風水牛芝士配菠菜，用餐中途食一食呢個都幾fresh. 芝士好軟熟～煙肉配風乾蕃茄窩夫，個蕃茄整得好好味，酸味可以解膩，每格窩夫都填滿芝士，原來窩夫唔一定要做甜品～最後甜品試左瑞可搭芝士配大倉紅豆軟包，紅豆唔太甜，唔會搶左塊芝士嘅味，包好軟熟，成啖咬落去好滿足，讚！

之前lunch嚟食過一次，食物同服務都唔錯，今次再帶埋個朋友嚟食。閒日下晝嚟到都未係好多人。檸檬胡椒薯條配丘比醬薯條即叫即炸，新鮮熱辣就梗係好食，上面啲檸檬胡椒粉酸酸地咁幾香幾清爽，食唔停口呀信州味噌鮮菇手工意粉雖然平時唔鍾意飲味噌湯，覺得太鹹，但原來用味噌做醬煮意粉係咁正味噌汁香濃惹味，加埋啲新鮮菇菇，不過食肉獸覺得如果有埋肉就仲正喇　更加值得一讚嘅係，啲手工意粉好有蛋香，彈牙煙韌！黑毛和牛牛扒丼青森溫泉玉子講講隻溫泉蛋先，佢唔係一篤就流勁多蛋汁出嚟嗰隻，而係膏狀、軟心嘅半生熟狀態，好適合我呢啲唔鍾意食太生嘅雞蛋嘅人。黑毛和牛肉片厚薄適中，份量都幾大方，目測大約七成熟，入口多汁肉嫩，唔錯整體嚟講，Fifth Element Shokudo嘅食物都幾物超所值，CP值高，值得推介

好耐冇出尖沙咀，今日終於出城見The One新開咗呢間日式西餐廳，門面幾靚，餐牌望落都幾平，就一於試下～有得掃qr code落單，飲品menu喺曬個網度，都幾方便。黑毛和牛牛扒丼　$78本身就係被呢個80蚊有找嘅黑毛和牛丼吸引咗入嚟，都預咗咁平應該唔會特別高質、諗住過下口癮算，點知食落好有驚喜！黑毛和牛肉質柔軟幼細，牛味濃郁，夾埋啲辣椒絲同乾蒜片一齊食，好夾好好食靜岡煎茶香蕉焦糖批　$58此cake必點！食完個飯其實都好飽，但見到隔離檯食甜品好似幾正咁，又忍唔住叫咗件cake　個批一上檯，就覺得個餅底好似好厚咁，點知食落原來中間嗰層係香蕉焦糖夾心食到香蕉嘅果肉同香濃嘅焦糖醬，配合埋香滑柔軟嘅 mousse食完真係非常滿足～～同場加映：入到去發現別有洞天，原來入面仲有室外座位，環境好chill，下次要早啲嚟揀戶外位！

Openrice 見TheOne 有間新舖試業做六折就膽粗粗去試。價錢相宜，Not the Best, Not the Worse 兩人點了1x appetiser 1x pizza 1x 丼 1x 甜品都好飽靜崗雞翼是帶點甜而不辣的，注意餐牌看似得四隻但其實有八隻，做到適當入味，肉質新鮮丼有正常質素的牛肉，火箭菜，炸蒜片及溫泉蛋，店主推介擠檸檬汁在火箭菜上可作拌碟或拌入丼飯，口感怡人。但有兩片牛肉略嫌偏韌，肉汁較欠奉Pizza 走正常路線配料適當，飽肚推介甜品中規中矩，希望可以更脆整體來說價錢都十分合理抵食，值得再幫襯!服務就平平，沒有多個人手