五十嵐日本料理 (已結業)

叫野食叫左3個字個流面先黎？個個係到扮忙！幾好食個服務態度咁差都好難旺場啦！做野又慢！咁大間流面又小人！仲玩視而不見？以後唔會再黎幫襯！出錯單又比錯野！差唔多食完先黎？are you ok？

放工好肚餓，咁岩屋企冇煮飯，唯有落街搵食啦！因為好夜先返到天水圍，得返五十嵐揀⋯⋯一去到坐低一陣就有野食了，今次叫左香煎雞扒拉麵配什錦刺身壽司，餐飲點了熱檸水～香煎雞扒拉麵：雞扒都煎得幾香口，雖然拉麵唔係好多，但好彩佢落左好多海帶，份量唔多但岩曬細食既女仔～什錦刺身壽司：可能因為拉麵比較細份，所以我加左$18去食呢款野，三文魚切得都幾厚，甜蝦壽司都不錯，唔似「百X」啲咁雪到硬曬，加洲卷⋯唔太好味⋯因為落得太多沙律醬⋯好漏$60食到咁多野，算係咁，不能要求太多  

起身系附近既五十嵐⻝左個早餐叫左2個餐 40幾蚊 早餐黎講算系貴其實豬軟骨拉麵 話就話系招牌 但系吾覺有咩特別加左七味粉先覺得有味沙嗲牛麵 呢個價錢黎講 真系有d貴而且都系好普通 不過不失下次會試埋個lunch

同事話想試呢間，行到門口已經覺得係伏，竟然用一條條白色光管做照明感覺似在廁所用餐，Fine! 我食食物唔係食裝修，但坐底後聞到枱有好大陣漂白水味，之後食物黎到後碗筷都有一陣味。叫左靖魚便當，個份量真係好大好大！不過質素連港式日本野都不如，食物只有基本食材嘅味道，用左個日本發明嘅便當盒而已。服務態度方面極差，落錯單俾錯食物，其實係小事，不過侍應就同我地坳佢無落錯，仲要講左四次。之後食緊野嘅時候，見到頭嘅前上方有杯野飲吊住，停左幾秒杯野依然係我頭嘅前上方，吾知點解佢吾放係張枱，可能條腰或隻腳有事。最後呢餐食左$44如果覺得大份等如好味 或者 食物只係帶俾我地能量，就絕對值得推介

虽然呢间五十嵐有好多差评 但系呢间系其中一间我好鈡意既餐厅我觉得佢既拉面同壽司都吾錯 但系我最鈡意既系佢既鲜茄鸡肉焗飯呢个飯好足料 又面有一大旧一大旧既番茄 洋葱 萝卜 炒蛋 同煎鸡肉系入面。最重要既系入面加左吾少芝士 令个飯更加好味可能其他人会觉得个飯太湿 但系本人对飯既湿度吾系太在意所以都系好鈡意食如果吾驚飯湿既就应该黎试下

今日約左寶貝喺呢頭傾下心事~佢提議到呢間日本店坐坐~~!入到黎客人唔算多~但每張枱都有人坐~一心諗住坐個卡位舒服下,最後都係等唔到~一坐下~就望下餐牌LA!!款式一般唔算好多~D相影得未係好吸引~寶貝點左几款心儀的壽司,我就點左D小食...壽司拼盤~中意食飯的人有福了~~壽司飯大大件睇落好抵食~好難一口一件~且醋飯冇醋味,配料部份不過不失~唔會有安哥的衝動三文魚刺身 -入口冇乜魚香味,一般超巿貨色,可一不可再蟹子沙律 - 主要係由青瓜絲同蟹柳絲撈成~蟹子少左D~而且沙律漿太多了~加埋D青瓜絲的水~感覺唔係咁好~~!炸餃子 - 餃子皮又乾又硬~感覺好似番炸好多次咁~與其話番炸不如話反灯更貼切,一D肉汁都冇..如可以真係想退左佢...V__V炸豆腐 - 應該唔會有咩要求的款式,但係上枱可以唔熱,可能放左好耐先拎出黎LA芥末相信係加水混合品貨式~入口冇左攻鼻的感覺,唔刺激之餘做唔到強化刺身鮮味的效果總括黎講..這個價錢的話,先放下自己的要求及幻想.. 可見的未來相信唔會再見,真心希望佢地他日可以有所進步 

是日大哥放假，呀媽問佢夜晚想食咩，佢話食大家樂既焗豬扒飯，所以自然夜晚就唔煮飯啦...呀哥就食大家樂，而我就食大家樂對面既五十嵐啦...今次我要左血池地獄拉麵，要轉手打烏冬，飲凍柑桔檸蜜，呢個係跟餐送唔洗加錢...湯同烏冬+餸係分開裝...蛋同青口我無食，不過隻青口都幾大隻...蟹柳係一條切開兩小半，普普通通...個4大塊肉，一開始睇以為係腩肉哈哈...點知原來係叉燒黎，甜甜地都幾好味 呢個湯真係笑左，都唔可以講話唔辣，但對於我黎講只係小辣，如果講到血池地獄就真係誇左d...可能我要求太高啦 不過呢個湯除左小小辣之外，仲幾咸 下次都係唔好貪得意試新野@@

今日同大嫂同埋2個豆丁落街食野，本身想食大家樂，點知好爆好多人，所以就食五十嵐...五十嵐一向俾我既印象都唔錯，點知今日真係中伏 平時黎都唔會叫壽司，除左同小朋友黎食，點知今日大嫂都想食壽司，就叫左好多...我自已就要左2客三文魚壽司，因為本身食開三文魚刺身都覺得幾好... 黎到睇個樣都幾好，一夾起見到舊三文魚幾厚已經好興奮，因為好小可食壽司會切到咁厚俾你，但係一食落口已經覺得中伏，三文魚無問題，問題在於舊飯，完全唔知食緊咩，勁黏，唔講以為食緊醋味既漿糊筆 但係大嫂話佢食既火灸三文魚壽司無問題，不過佢一試個三文魚壽司都即刻變左臉 ...食完真係會諗，做得日本料理，點解連舊最基本既壽司飯都整得唔好 雞扒手打烏冬($36+$6):由於今次要同小朋友share，所以無叫辣，個雞扒ok，不過食得出好重豉油味...手打烏冬仍然好好，夠煙靭 炸雞($18):絕對抵食，雖然有d好大舊有d好細舊，而且食落有小小粉地，不過都算係熱辣辣同脆 花枝丸($18):平時食開大大粒既，黎到呢道得細細粒，不過熱辣辣整起，而且細細粒易入口，都唔錯 雖然今次對壽司好失望，不過對其他都好滿意，所以都係俾笑

真係唔係誇張！五十嵐真係難食到不得了！蟹籽青瓜沙拉，劣質蟹柳，硬硬的，青瓜少得可憐，其實大部份是生菜！重來無見過用生菜代替青瓜！日式牛肉飯，飯多肉少！相裏可清楚看到少少的肉在飯上。又無汁！真的求其到爆！唔記得係叫做乜野卷，只是知道飯超多！上面的辣蟹籽唔辣，中間的三文魚又係好少！炸軟殻蟹超油！又無切去蟹鰓，超級過分！嬲爆！有無搞錯，豈有此理，劣劣的一餐！

今日大嫂放假，天氣凍大家都訓到2點幾，起身就同埋男朋友3個人去食下午茶 大嫂話凍所以想食d熱野，就選左食呢間，我就為食刺身而點頭同意 雖然唔算好多人，不過都要同人搭抬坐張大抬...三文魚刺身:原本一客6件就$48，後來個呀姐提醒我地1個下午茶餐就可以加$21跟3件三文魚刺身...咁樣跟就會平d 刺身味道正常，厚度適中，夾埋蘿蔔絲食，正 我叫左炸雞拉麵，轉烏冬+$6，再加辣+$2(要左大辣)，凍檸茶+$2...炸雞烏冬:炸雞約有4舊，不過一咬落去竟然係凍既，不過味道幾好，烏冬夠煙韌唔錯，不過湯底好咸...大嫂叫左和風牛肉拉麵，轉烏冬+$6，熱咖啡，同埋叫左火炙三文魚腩壽司...和風牛肉烏冬:烏冬夠煙韌，但大嫂就覺得牛肉同湯底好咸火炙三文魚腩壽司:大嫂話好味，入口即溶  男朋友叫左咖哩吉列豬扒飯，熱華田+$2，同黃金魷魚壽司...咖哩吉列豬扒飯:男朋友覺得普通味道，可以接受黃金魷魚壽司:男朋友話幾好，有咬口小插曲:大家都食完坐左係道傾計既時候，有位好有禮貌既呀姐俾張紙叫我地幫佢填份意見書...之後男朋友拎左黎填，填完叫人收返，跟住男朋友同我講話見到個經理叫個呀姐掉左張紙 既然都

是晚同二嫂同埋佢兩個女出街食飯，我提議去近近地既五十嵐日本料理！去到雖然見到店內好滿座，但仍然唔洗等位！三文魚刺身:厚度適中，而且加埋原本以為只係配菜既蘿白絲一齊食，感覺唔錯，好味另外兩款刺身唔係我叫既，我無食，因為除左三文魚刺身之外其他刺身我都唔會食~不過二嫂話唔錯！吉列豬扒口感唔錯，豬扒唔會太硬，但係太過油，一夾起成隻碟都係油...湯底雖然好淡，但係清清地都唔錯，烏冬好煙韌，好有咬口，唔錯

是次消費為公司到會。食物水準一般，價錢算便，但服務差劣回去後沙律已經傾斜一邊，滿蓋都是，面目全非，4磅三文魚刺身和其它食物也是傾斜一邊，頓時興致全消。所謂經理（男）完全冇料，女服務員囂張跋扈，真是上下齊心啊！

三文魚刺身: 有5大片, 我不知道價錢, 所以不知道算不算抵吃, 挺鮮味的, ok甜蝦刺身: 好似有5-6隻, 鮮甜!!壽司類: 紫菜不脆, 「林林」的, 黏牙, 不行! 小柱壽司ok, 蔥tuna sushi就無咩味, 其他不過不失

三文魚無三文魚味串燒雞, 雪得太耐過期發臭地獄湯面只係味精湯底加味精粉係面...仲要唔辣 為何叫做"地獄湯面"餐具 你會搵到上一手用完後既痕跡最過份係...叫左杯熱奶茶..飲到底就發現檸檬核, 諗起都想嘔因為係上一手用完個杯, 完全無洗過, 就沖野比你飲...過份衛生情況好惡劣

弓 住在天水圍北，四周是領匯商場，選擇不多，所以又回到五十嵐。 話說上一次晚餐，同樣在這間五十嵐，叫了一個飯及兩串燒雞翼，那兩串雞翼簡直是惡夢，乾而且帶有臘鴨的質感。如果要我形容，是串燒雞翼版的臘鴨，感覺是從微波爐叮出來，難吃到極點。 今次轉叫了最安全的豬軟骨拉麵，整體不過不失。不過有趣的是他們沒有午餐一項，早餐至12：00，下午茶由12：00-6：30（公眾假期）1：30-6：30（平日），找不到午餐。