五匠六釜

营业中

休息中

今日跟家人來到Airside逛街，下午來到這間名叫五匠六釜的餐廳吃午餐！原本很想點他們的片皮鴨，但是感覺這道菜比較適合晚餐，所以我們就點了輕便一點的 🕊️家常餅這個不錯，不會太油膩 🙃 🕊️ 京燒羊肉這個有點失望，完全沒有羊肉的味道 🥲 🕊️ 糖醋里脊這個我最喜愛，因為我喜歡酸酸甜甜的 😋 另外也不會被太多麵粉包住 🕊️ 黃金南瓜 這個超好吃，完全是一口鹹蛋黃，雖然有點膩，但我就是喜歡 🤣 整體來說都好滿意，下次一定要試試他們的片皮鴨！

之前睇咗某位YouTuber介紹呢間嘅擔擔麵，抵食又大碗，跟住趁今日又喺啟德返工，所以就過嚟一試，點知咁多人排隊，然後入座點餐嘅時候，居然擔擔麵買晒，仲要其他菜式嘅麵類都冇，咁咪試吓感覺相對冇咁伏嘅欖菜肉鬆炒飯，點知原來我諗錯晒，佢竟然落三色豆去炒呢個飯，我以為自己食緊三色豆炒飯，真係違反晒商品說明條例…不過問心而言，北京填鴨性價比高，同埋個涼拌土豆絲都幾好食，麻辣海蜇就一般😂希望下次會食到擔擔麵！

每次經過AIRSIDE 6樓都見到好多人排隊，今次終於有機會試到！———————————————🌟 北京填鴨(半隻) $168成碟鴨肉上份量超多，半隻鴨都有好多肉，仲要配足20塊皮！鴨皮薄得透光，鴨肉嫩滑多汁，提供埋青瓜條同蔥，加埋少少甜醬，包住食超正！🌟 孜然大蔥羊肉 $96羊肉片切得薄身，配大量大蔥同孜然粉爆炒，香氣撲鼻！🌟 陽春麵 $32細個讀過《一碗陽春麵》嘅課文，一直好期待果種簡單溫暖嘅味道。呢碗完全冇令我失望！湯底清澈但夠鮮味，麵條爽滑，簡簡單單但好治癒～🌟 乾煸四季豆 $75四季豆炒得乾身爽脆，加入肉碎同辣椒乾煸，鹹香微辣，鑊氣十足！🌟 麻辣海蜇 $70海蜇份量多，口感爽脆。麻辣汁調得好好，辣度適中，仲帶少少醋酸味，好開胃！🌟 鴨屎香檸檬茶 $28呢杯好似係新推出既特飲，酸甜度適中，鴨屎香濃份量又超大杯，好適合解膩。

五匠六釜啟德協調道2號AIRSIDE 6樓L602號舖1. 黃金芥蘭（$88）鹹蛋黃醬好多，條條芥蘭都黐滿鹹蛋黃醬，芥蘭飛曬啲粗纖維，淨返嫩滑又爽口嘅心，呢度菜好有驚喜，非常推介！2. 京燒羊肉（$138）羊肉肥瘦適中，外皮炸到好香口，羊味唔算好騷，我唔食羊嘅都接受到。3. 秘製牛奔麵（$58）牛肉同麵嘅份量都超多，牛肉夠淋，都幾好食！晚餐每人百幾蚊，都算幾抵食！但係同隔離枱有啲近，傾計好尷尬。好在都算坐得舒服。人都幾多，放工嚟六點九到都等咗大半個鐘，提議可以先喺網上平台攞飛。

Blingbling美食推介✨📍啟德🥟五匠六釜 ✨Airside性價比高東北菜！💠💠💠💠💠💠💠💠啓德最近超級多人，連帶餐廳都排曬長龍！！星期五晚都排左一陣先有位~ 五匠六釜價錢好抵，而且選擇好多，絕對係好高性價比！💠北京填鴨（半隻）$168北京境鴨分量好多，而且配料既分量都好多！💠醉雞 $78醉雞好大件~ 花雕酒味道好濃☺️💠黃金芥蘭 $88黃金芥蘭好有鑊氣🥢芥蘭翠綠爽脆，用鹹蛋黃爆炒到金黃起沙，每條菜都掛滿鹹香蛋黃碎😋餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5

啟德東北菜館，平民價東北風味 免加一抵食之選以親民價格與大份量做賣點，主打免加一，長期門庭若市！ 孜然大蔥牛肉牛肉片嫩滑，搭配爆香孜然與爽脆大蔥，鑊氣十足，鹹香微辣，送飯一流。 醉雞雞肉浸潤酒香，酒味醇厚又唔嗆喉。 螞蟻上樹粉絲吸滿肉碎同醬汁，口感彈牙。 黃金芥蘭鹹蛋黃包裹芥蘭，炸到外脆內嫩，蛋黃香氣濃郁。 肉三鮮餃餃子飽滿，內藏鮮蝦、豬肉與韭菜，厚實有嚼勁。紅油抄手辣油香而不燥，抄手皮薄餡多，肉汁與麻辣有層次感。 脆炸鮮奶外層超級酥脆，內餡奶香濃郁，即炸熱燙香甜。 味道幾好，人均消費約$150-200，展現店家「唔賺到盡」既營商之道。

這家也算是商場內的人氣店！常常都大排長龍👍🏻我相信原因是因為價錢相宜食物質素不錯的原因😊還有北京菜不可不吃的片皮鴨喔😁😋吃過幾次，水準一直都保持住，唔錯！

餐廳喺 Airside 6樓，餐廳光猛闊落，平日晚市去仲要攞飛等一等，超受食客歡迎！餐廳主打大大份東北菜，仲有啲其他菜式，好似上海菜、江浙菜都有，都幾多元化～佢哋嘅招牌片皮鴨都係必試，$200唔使就有半隻，性價比超高🤩！-——————————————🦆◖北京填鴨（半隻）◗ $168半隻份量都唔細，仲跟20片摩摩皮，佢哋嘅北京填鴨外皮香，中間夾雜著嘅脂肪唔多，咬落去有少少油香又未去到油膩。放幾片鴨肉同烤鴨皮，加上蔥絲、青瓜同烤鴨醬，用摩摩皮捲埋一齊，煙煙韌韌口感超豐富！🐂◖草捆牛骨（小）◗ $128估唔到叫份細嘅已經超大份，而且切好一片片，裏面嘅肉質呈粉紅色，肉汁飽滿，就咁睇個賣相都好吸引！牛肋肉肉質軟腍，脂肪分布啱啱好，加上秘製醬汁，更加突顯牛肉香味！🐖◖秘製杭州骨◗ $88杭州骨加入咗陳醋同片糖去煮，每一嚿骨都裹住厚厚一層醬汁，酸中帶甜，超開胃，連一齊炒嘅菠蘿同洋蔥都唔放過，拎嚟送飯一流！🍜◖四川擔擔麵◗ $52一碗麵已經夠三個人分😳，麵條質地爽滑，夠曬掛汁超好食，湯底嘅麻醬同花生醬比例啱啱好，而且食到有少少麻辣嘅後勁，幾適合叫返一碗當主食share～
🌟Encore指數：9/10

呢次同朋友去到啟德airside食晚飯，行電梯上到6樓既京菜館五匠六釜，以為樓上冇乜人行上黎就大錯特錯啦啦，坐左陣，一到7點全間餐廳滿坐仲大排長龍，真係有啲估唔到，同朋友兩個食，冇諗過碟碟都咁大份，人均大概$200左右，好飽又抵食麻辣海蜇頭 ($75) 青瓜同海蜇頭都好爽口，辣到啱啱好🙌🏻大推黃金南瓜 ($82) 喺店舖嘅招牌菜，鹹蛋炸嘅黃金南瓜，外脆內軟，都好好食，不過兩個人完全食唔晒一碟南瓜，最後都要打包走😌😌北京填鴨（半隻）（$168)半隻嘅份量都好多，包咗20塊皮，但皮唔夠薄，但鴨肉唔算差，價錢優勝四川擔擔麵 ($52) 擔擔麵個湯好濃，一定要趁熱食，如果唔係涼咗會難夾 餐廳呢期仲推出咗鴨士香檸檬茶同黃金芥蘭，下次有機會要試埋佢😋😋

好喜歡來airside，包括帶小狗到來，亦會過來吃東西，想不到有這間「五匠六釜」這麼經濟實惠的餐廳，而且味道一流，值得推薦！這裏的北京填鴨只售$168，包一份摩摩皮，十分抵食！北京填鴨外皮金黃酥脆，肉質鮮嫩，味道豐富，搭配甜面醬和蔥絲置放在摩摩皮上，軟糯口感與鴨肉的酥脆形成鮮明對比，十分美味。黃金蝦是一道色香味俱全的海鮮菜品，用新鮮的大蝦，裹上香脆的咸蛋外衣炸製而成。外層金黃酥脆，蝦肉鮮嫩多汁，這道菜的色彩鮮艷，非常吸引眼球。而黃金芥蘭同樣以咸蛋包裹製作，是一道創新且美味的菜品，將傳統的芥蘭與咸蛋的風味結合，芥蘭的口感爽脆，帶有濃郁的咸香味，讓人食欲大增。甜點絕對不能錯過脆炸鮮奶！脆炸鮮奶中外層金黃酥脆，內部則是滑嫩的鮮奶餡。每一口都能感受到外脆內滑的口感，甜味適中，讓人回味無窮。五匠六釜 (九龍城)地址：九龍城啟德協調道2號AIRSIDE 6樓L602號舖

星期六下午來到，餐廳座位比較開揚，等入去都可以見到全場環境，睇落樣樣都好似正正常常。我哋兩個人入去坐低，因為冷氣太大，所以轉左位。跟住落單，食物好物就上，快到你唔信，但係食物都係室温，特別係個唔熱嘅酸辣湯，真係好難飲，叫侍應同佢講個湯唔夠熱，佢木口木面用個湯勺搞下搞下，似乎要驗證下個湯，好似唔想處理咁。其實客人話食物有問題，你拎入厨房慢慢驗啦，喺個客面前搞，算係點！之後好快攞返出嚟，應該係用微波爐叮熱咗，其實佢嘅菜都應該係預製菜，全程微波爐出菜。佢嘅乾煸四季豆，油極多。個草紮牛骨又係室溫。個紅油抄手係實實一嚿肉咁。現場所見，部分侍應正常，部分唔想做。最反感係樓面咁開揚，你居然一路放小食入個口度，完全係目中無客。服務差，食物差。唔會再嚟。

🦆北京填鴨（半隻）估唔到可以咁平都可以食到片皮鴨😆仲要佢嘅份量都真係幾多🥵食截我同朋友都反晒肚🙂‍↔️佢嘅摩摩皮都應該有成20塊😚仲要係熱焫焫🍜四川擔擔麵呢個擔擔麵都真係幾大碗🙂‍↔️花生味好濃再加埋佢辣辣地✨食落又唔會太滯🥟京蔥羊肉餃（上湯）本身見到有好少見嘅羊肉餃🐑就諗住叫嚟試吓🙂‍↔️點知食落口嘅時候又冇中伏嘅感覺😂仲要覺得佢好出色😚羊味好濃又冇臊味個湯口都幾甜✨可以encore🍘西米椰汁流心球佢都炸得幾香口食落去都幾香椰汁味西米又幾有咬口😚佢又唔太甜，又唔係太油

假日嚟過一次~人山人海😅揀咗平日~好好多！仲可以喺openrice度book位添🎉上菜快！用餐時間雖然得90分鐘,依然可以輕輕鬆鬆咁食😋啲服務都唔錯喎🙏真金白銀自已俾錢食☺️並非打手啊🫢坦白講,並非十全十美！然而人均$200可以食到如此質素~真係可以啦👌首推瑤柱蛋白炒鱸魚~蛋白夠滑鱸魚新鮮😋😋😋再嚟必食北京填鴨~皮脆肉香有少少南方的南乳香🫢可惜麼麼皮冇熱住😋😋四川擔擔麵~記得要加底呀😅加四蚊四個人就夠食㗎啦🫢小小麻辣,厚薄剛剛好的花生味,麵質夠韌,攤咗一陣間都唔會淋bet bet😋😋😋揀咗兩個同黃瓜有關的小吃手拍黃瓜~清爽老醋海蜇頭~軟滑拼清爽~正兩種飲品$28/700ml~舒服晒最後配埋個拔絲蘋果~完美飽曬

五匠六釜」取其諧音五臟六腑。以各種菜式但求滿足我們的五臟六腑。北京填鴨（半隻）$168這道菜包含片皮鴨、餅皮、青瓜條、九黃。首先取一塊餅皮，將薄身的餅皮放在掌心，然後放入片皮鴨、青瓜條及九黃，再混入醬汁，最用將餅皮卷住餡料，每一口都充滿層次感。還可以按個人的喜好混搭。鴨兩食：茄子炒鴨架（半隻）$60鴨架也不要浪費，可以茄子炒鴨架，茄子吸收了鴨架的精華，口感柔滑又不油膩，十分美味。黃金芥蘭$88黃金芥蘭的色澤鮮艷，芥蘭爽甜嫩口，每一根芥蘭都充滿蛋黃醬，增添香氣，是一道非常邪惡又創新的菜式。砂窩雲吞雞（半隻）$158雞有半隻，雞肉嫩滑，雲吞大大粒非常足料，搭配濃郁湯底，口感極佳＇特別有家庭的溫暖。

同小朋友喺AIRSIDE玩完「冒險樂園」肚餓啊，今晚想食中菜，揀咗6樓好多選擇嘅「五匠六釜」。我哋7:30pm左右去到排隊，大約要8:15pm先入座！我哋點咗半隻北京填鴨（附摩摩皮）$168價格合理，鴨皮脆多汁肉質鮮嫩，係幾乎每枱都會點係必選嘅😋另外，點咗松鼠魚$198，價格略高，但係魚肉鮮美，炸得啱啱好口感豐富，魚皮仲有小小脆卜卜添，讚❤️。好彩有分開點餐，先食北京填鴨，再食松子魚，兩樣都新鮮熱辣，好味👍🏻要約埋屋企人可以試多啲嘢先得，已經睇定下次點咩菜式喇：避風塘大蝦、秘製杭州骨、鮮椒柴蘇田雞鍋同埋甜品拔絲蘋果⋯⋯🤭呢度嘅環境雅致簡潔，員工服務親切幾夠爽手醒目。