雲川 米線．紅薯粉

营业中

休息中

碗未放穩就見到豬頸肉堆到像小山，厚切塊狀油光閃閃，夾起時仲滴緊肉汁，肉眼可見的「肉比米多」！​送入口第一下就被沙爹香衝擊 —— 醃得夠透，微微辣勁勾出肉香，咬落脆嫩多汁，完全唔會乾柴。拌勻後每條米線都掛住濃稠醬汁，米線勁有嚼勁，「索索聲」食得好過癮！​唯一弊處是太遠了

雲字頭實在太多，呢間成日都有人問係 雲川燒 定 雲川 ?應該以前叫雲川燒，依家少左個燒字就叫雲川，所以其實都係同一間黎。雲川通常嗌餐，米線有一個餸連一杯野飲。最出名係豬頸肉米線，豬頸肉之前係好多條，依家開始數量少左，同埋補差價補多左。我個人會食麻辣，佢既辣度唔算辣，中辣都普通野。而湯底就時濃時淡，好睇廚師手勢。另外亦有魚湯湯底揀，亦有銀針粉，係米線舖黎講係少見。雲川係近年屯門名物，因為佢由屯門起家，不斷開分店，依家開到去元朗天水圍。但依然集中係大西北，希望可以繼續擴張，唔洗要入大西北食。但最緊要保持到以前既水準。