影片
营业时间
今日营业
10:30 - 21:30
星期一至日
10:30 - 21:30
以上资料只供参考，请与餐厅确认详情
影片
相片
麻辣小锅米线 猪颈肉
+340
+48
食家推介
朋友之前已经讲过呢间米线好好食今日终于黎到一试讲真价钱真系唔算抵48蚊只包一个𩠌加多一个𩠌都要$10我觉得个酸麻金汤真系好特别好好味酸酸麻麻好醒胃猪颈肉都OK但未讲到劲好食墨鱼咀就麻麻地
继续阅读
朋友话呢一间系屯门嘅名物，但系我唔系住喺大西北，所以完全冇听过😂但系前排同朋友去行山，然后佢话好想食呢一间，所以就嚟咗食晚餐~依家香港好少餐厅要排队啦，但系呢一间竟然都几多人下！等咗差唔多15分钟因为我哋两个人，变咗坐喺卡位对面有两个陌生人，不过用块板挡住嘅，都OK我哋谂咗好耐食咩好，因为净系知猪颈肉好出名，其他好似样样都出出地名咁😂最后我叫咗酸麻金汤嘅中辣，朋友叫咗酸辣汤嘅小辣先讲汤底，我哋两个都觉得酸麻金汤好食！但系食开谭仔嘅我，我觉得我下次可以食大辣😆😆配料我哋叫咗猪颈肉，墨鱼咀，猪大肠同埋螺旋藻～墨鱼都几弹牙！螺旋藻就我觉得正常发挥～猪大肠，如果再肥啲就再好啲！但系冇谂过原来猪颈肉真系好好食！佢烧得啱啱好，仲要原来份量都几多～本身谂住加啲小食，但系望咗好耐个餐牌发觉小食同拣嘅配菜其实一模一样应该只系份量唔同，所以就冇叫到～
继续阅读
试试屯门名物云川米线 成日听到人讲呢间 钟意食小锅米线嘅我 吸引左去试试 简单记录一下.今次叫咗⭐️酸辣金汤$48 单𩠌 小辣汤底酸味麻香味适中 都几开胃😍最钟意系佢哋猪颈肉 腌得好入味 甜甜地👍🏻猪颈肉 肉质爽弹 比汤浸住都超惹味👍🏻最重要系份量几多🤣但可能切太幼 食极都有.再加左一个⭐️香茅猪扒$10系原块猪扒剪开 有4旧 唔算厚 但都算大块👌🏻肉质就一般啦 🤔都系雪藏货色但车仔面 小窝米线店黎讲 都唔错.整体呢间汤底唔错 份量仲要多过谭仔好多明白点解区内人咁钟意食呢间有机会再试埋其他汤底 鱼汤都吸引😍.#hkfunfoodrecord穷游香港#hkfunfoodrecord_屯门.#云川米线红薯粉 #云川 (贝尔特酒店) (屯门)地址：屯门震寰路6号贝尔特酒店地下2D号舖..#hkfoodie #foodiehk #hkfoodblogger #hkblogger #hkfoodies #hongkongfood #食评 #元朗美食 #元朗必食 #屯门美食 #屯门必食 #天水围美食 #天水围必食 #大西北美食 #屯门 #元朗 #天水围 #米线 #米线关注组
继续阅读
香港米线大致分两派，就系谭仔三哥同小锅米线派，我绝对系拣后者。呢间试过食酸辣、麻辣、金汤酸辣，最钟意都系佢嘅酸辣中辣，嗌定杯咸柠七过下口呢度最出名应该系佢个猪颈肉香烤切条上，又香口又爽。猪腩片都好好食，叫做「片」因为一大条冇剪开，腌得入味，辣辣地，我觉得系香港最好食嘅米线猪腩肉！加埋唐生菜同多葱，同汤底拌匀食，佢个汤味道浓香厚身，连埋少少酸菜肉碎食好好食。之后有次试下佢个腐竹，谂住都系最多一开几切几块，点知！系腐竹丝，劲细心！唔会有未煮开嘅部份，全部一梳梳咁夹入口，均匀沾上汤底好够味上面系小辣，下面系中辣，中辣相对多辣油～
继续阅读
去屯门唔少得云川米线．红薯粉，呢间餐厅真系屯门一带嘅必试之选。每次经过都忍唔住要入去，因为呢度嘅米线真系好正。今次我叫咗酸辣汤米线，小辣嘅程度刚刚好，对于唔太能够食辣嘅人嚟讲绝对系一个好选择。酸味几突出，食完之后酸辣味道喺口腔度回味唔散，但又唔会太过火，完全唔会令你觉得口干，真系好满意。呢个酸辣汤底浓郁得嚟又唔会过份沉重，饮完都唔会觉得负担。配料方面，小窝已经包咗芽菜、韭菜、酸菜同埋辣肉碎，够晒丰富。今次特别试咗几款𩠌，当中包括必试嘅猪颈肉同埋香茅猪扒。猪颈肉系我每次嚟云川都唔会错过嘅，$10一份，但呢次嘅表现稍为失色，可能系因为猪颈肉比较多筋，冇咁油香，亦唔够焦脆，切得比较幼，口感上有少少差，冇之前咁出色。虽然咁讲，但猪颈肉系佢哋嘅招牌𩠌，仍然系我会再试嘅选择，希望下次可以好似以往咁香脆。至于香茅猪扒，呢个都系$10一份，肉质偏瘦，但唔会柴，仲有阵松软嘅感觉。香茅嘅味道浸得非常入味，每一啖都食到阵阵嘅香茅味，仲可以同时感受到猪肉嘅香气，呢个𩠌嘅份量都几多，大大块咁上枱，食完真系好满足。朋友叫咗萝白，呢份萝白真系令人惊喜，份量大，入口嘅清甜感十足，真系好似系浸过糖水咁甜。最欣赏嘅系佢食落去唔会有咩渣，淋身又爽口，绝对系一个值得推介嘅选择。总结嚟讲，云川米线．红薯粉真系屯门一带嘅好选择，无论系汤底定配料都令你食得满足，尤其系佢哋嘅酸辣汤真系令人难忘，啱哂钟意浓味嘅朋友。如果你钟意酸辣嘅米线，一定要试下呢间。
继续阅读