影片
以上资料只供参考，请与餐厅确认详情
从来未写过食评，但系今日第一次为咗呢次体验去写食评，其实呀女成日去深水埗打波，所以要揾嘢食，门面好普通，一啲都唔起眼，无咩装修，不过我地都系食嘢为主唔系食装修，小食墨鱼嘴好好食，米线同汤底正常，正常嘅，但系猪软骨非常淋又入味，炸酱好出色，估唔到可以比得起葵涌米线小店，真心欣赏，如果行开深水埗，唔使一定排晒队食文记，食呢间都好有惊喜，冷气都好凉爽，坐得舒唔舒服就一般般啦，不过咁都好阔落嘅，真心推介比大家。
继续阅读
就算间野几好食我都唔会主动写食评，呢间铺可能算叫新开所以唔算太多人黎食？见拟似老板娘好辛苦甘响门口系甘叫啲人入嚟食，真心唔想佢无生意要执笠，决定写个食评推推佢老公叫金汤底 贵啲但好惹味，我叫招牌麻辣 都唔错，不过佢啲汤底唔系果啲好浓好油果种，钟意浓厚汤底既人可能会嫌佢唔够邪恶好少地方有墨鱼头 佢有 仲要系好味，熟度岩岩好，以后唔洗专登过海去荣记食猪大肠一直系我食米线都必点既 我觉得中上，老公点腩肉唔干身好入味铺头干净企理 想食云南米线可以试吓
继续阅读
第三次专登过黎食啦.好钟意佢既汤底，好鲜，真系好似佢自己所讲用左6h 去熬制既汤底. 超推荐佢既小锅米线. 小食既话，前2次系食小苏肉 ，好好味，份量又足. 今次就麻辣猪耳，都好唔错，份量都多.
继续阅读
行完深水埗商场同屋企人唔知食乜，见佢仲有空枱，所以就直接行入去。产品望上去都几丰富，因为唔知份量，所以我哋就先嗌咗一个大米线，店员姐姐好诚意咁推介我哋去试佢哋嘅米线同埋唔同嘅汤底根据姐姐嘅介绍，我哋叫咗一个云南大丰盛米线。入面嘅配料好丰富，有鱿鱼木耳芫荽腐皮鸡丝蟹柳酸菜芽菜，仲有𠮶啲唔记得详情可以睇返餐牌，唔食某啲配料嘅记住提醒姐姐帮你哋走咗佢。米线就唔算好多，但系都几好食，要提醒一下鱿鱼都属于海鲜高胆固醇嘅食物，佢哋整得唔太熟，但系都要注意份量系有惊喜嘅蒜泥白肉，蒜泥味唔算好多佢系$1薄猪肉卷上青瓜口感好新鲜，我唔系食好辣嘅人都食到。仲有食咗一个嘅鲜虾腐皮卷，佢感觉似系炸鱼蛋，即叫即整，而佢个虾滑都打到好细。
继续阅读
#深水埗#云南妈妈小弟系深水埗嘅饭店，今年已经帮衬咗好多次。喺福荣街黄金商场对面，某米线连锁舖隔离。腩肉甜甜地劲好食，大肠到好正，冬菇系干冬菇炆嘅，味道比鲜冬菇浓。今次叫中辣，大约系其他舖头嘅小辣程度。嗌咗爽米，好弹牙，但有少少硬，睇嚟正常程度应该啱啱好，唔使特登叫爽米。有几位谷友都话云南妈妈好食，但系冇乜人帮衬。我都觉得奇怪，可能系附近太多选择，新舖头少人留意。份量都几足，唔觉意食到见底，饱晒😋
继续阅读
您可能会有兴趣的...