二鍋頭 (好運中心)

营业中

休息中

呢間餐廳絕對係一個適合多人聚會嘅好地方。餐廳主打六款煲類選擇，包羅萬有，包括惹味雞煲、豬手煲、牛尾煲、烤魚、酸菜魚同埋牛雜煲，而酸菜魚及牛雜煲更係新加入餐牌嘅煲類！烤魚及雞煲更新增咗幾款不同的口味，最吸引嘅係呢度係無限任食，絕對可以滿足各種口味需求。我當晚點咗惹味雞煲同酸菜魚，兩款都令人印象深刻。惹味雞煲嘅雞肉鮮嫩入味，醬汁濃郁，而酸菜魚則係酸香開胃，裏面仲有唔少配料為整個煲增添層次感。雖然冇試其他煲，但聽到隔離枱對牛雜煲嘅讚不絕口，似乎係另一個必試之選。最特別嘅係，當你享用完煲類後，仲可以轉湯底打邊爐，配埋各式各樣嘅火鍋配料，完美延續美食旅程。整體嚟講，二鍋頭餐廳性價比高，非常適合一班朋友或者家人一齊開心聚餐！

火鍋放題三煲盛宴！雞煲×牛尾煲×黑椒豬手煲任食大滿足，但亮點絕對係三煲無限追加，食夠先開始打邊爐。我地揀左新雞煲-辣酒東風螺雞煲，醬汁濃郁惹味，雞肉嫩滑入味，再配埋極具風味嘅東風螺，簡直一流👍🏻 其實食完個雞煲已經好飽好滿足，轉打邊爐，揀左鴛鴦鍋-皮蛋芫荽+胡椒豬肚湯底，超級足料❤️首先試吓個胡椒豬肚湯，極之入味，豬肚同咸菜都好惹味👍🏻打邊爐配料都應有盡有，海鮮同肉類落單，其他丸類、蔬菜類同飲品就自助形式。食完完全係大滿足🥰

今日去咗沙田嘅二鍋頭，要咗滋味無限套餐。呢個套餐即係等於=牛雜煲烤魚雞煲火鍋放題套餐首先套餐包含以下煲類任食：雞煲-重慶麻辣雞煲-辣酒東風螺雞煲-泰式冬陰雞煲-雙乳雞煲（咸牛乳，腐乳）食完雞煲，仲可以再叫火焰牛尾煲/黑椒豬手煲/烤魚（合共6款口味）仲有新增嘅冬蔭功口味-酸菜魚-秘制牛雜煲食完煲就可以食火鍋啦（火鍋都係放題）我先叫咗雞煲，然後再叫咗免費升級鴛鴦湯底香茜皮蛋同埋清湯豆腐鍋沙田二鍋頭嘅環境好令人坐得好舒適，10分推薦大家去試，尤其是之前唔好食到咁飽，如果唔係我驚大家食唔晒。因為真係好多嘢食，而且汽水都係任飲。

先講我覺得呢間雞煲店係overrated咗，未至於差，不過不失。咗啲肉好普通，尤其雞基本上食唔出雞味，啲醬汁都唔係話特別好味，我本身唔係鍾意食重口味。另外肉嘅份量唔多，其他食材嘅選擇唔算特別多。如果考慮埋價錢，環境靚唔靚，店舖通風度，我覺得雞煲/火鍋店需要重視呢樣，呢間性價比我會畀盡畀三星半。我嗰陣同幾個朋友每人食咗三百以上，有食過好唔少嘅雞煲店，所以未必會想返嚟再食。如果講好嘅就係店員服務態度都好好，同埋算幾易搵到。

呢個係我第二次食既放題，我中意係沙田食，因為得沙田店獨有2小時任食雞煲🍲酸菜魚，羊腩煲，食完仲可以任打邊爐，只要叫套餐仲要係無限量任食雞煲，酸菜魚，羊腩煲，牛尾煲同豬手煲，成間鋪頭坐滿曬人，好多人都讚口不絕。裝修比較簡約，上菜又勁快，d菜式都係一如既往既好食。羊腩煲仲吾係度度都有，呢度仲要見好多人都叫左，又甘多客人，一定係沙田區性價比最高既放題餐廳👍🏻🌟雞煲一送到黎就可以聞到好香既雞煲味，炒到熱辣辣🌶️d雞肉係勁嫩口，香辣香辣，好惹味，一啖落去係勁juicy🌟火鍋放題我地揀左鴛鴦鍋，一個係冬陰功湯底，一個係豆腐湯底🍲冬陰功味超重，酸酸辣辣，好似食緊泰式邊爐甘🌟海鮮我叫左海蝦🦐沙白，小墨魚🐙水魷魚，脆皖魚等，呢度既海鮮好新鮮，食落去係好鮮甜好彈牙🌟牛板腱每一塊都好大塊，雪花紋理分佈均勻🥩食落去係好有嚼勁，一啖落去成個口都係牛肉既香味🌟丸類種類好多，有花枝丸，八爪魚牛筋丸貢丸等，打得邊爐就一定試曬所有既丸🌟蔬菜有娃娃菜，通菜，白菜仔，油麥菜等🌟配菜炸芋頭，豆卜，蓮藕，淮山，土豆片都係·打邊爐必食既野，鎖曬d湯汁真係好惹味🌟主食有出前一丁同王子麵🌟雪糕呢度既雪糕大部分都係香港本地品牌🍧都有好多

今日路經沙田搵野食，原來沙田都有間二鍋頭！以為二鍋頭主要食火鍋，原來而家下晝有點心供應，仲有埋燉湯添呀！佢地個燉湯套餐好抵食，$68就已經有一個燉湯、一個點心、一碟油菜仲有炒飯！燉湯我地揀左個螺頭燉竹絲雞湯，真係超足料，可以話係足料靚湯，大大塊螺片，性價比好高！個炒飯都好大碟，係海鮮炒飯黎！有魚片、帆立貝、魷魚等等，絕對夠飽！至於點心全部都係即叫即蒸、我哋叫咗蝦餃、燒賣、牛肉、鮮竹卷、流沙包等等，整體都唔錯！

今日嚟咗沙田行街，見到二鍋頭開咗新分店，咁啱又想食雞煲打邊爐見到佢個套餐無限量任食羊腩煲，酸菜魚，再加雞煲，牛尾煲，豬手煲任食，同埋打邊爐😍佢係可以食完雞煲再食酸菜魚再食羊腩煲，你想食晒五個都仲得😝我哋就叫咗個雞煲，覺得好惹味好好食，又encore多咗個雞煲，嗌完之後就會有個專人幫我哋整，焗雞煲啲肉好嫩滑，我哋嗌咗小辣啱啱好，佢仲飲品雪糕任飲任食我哋食完雞煲之後再打邊爐，我哋揀咗個豬骨湯底，嗌咗啲牛肉、花甲、豬肚、魚皮餃等等，佢仲有個自助拎菜嘅地方，有啲丸同埋菜類，佢個豬骨湯底都好出色，花甲牛肉嗰啲都好新鮮我仲食咗兩杯雪糕，雪糕都一啲都唔Hea，仲有榴槤雪條食，平時覺得沙田冇咩選擇，依家覺得沙田區性價比最高嘅羊腩鍋、雞煲火鍋放題🤤

今日放假，約咗個friend去沙田行街食嘢，我哋大家都想放假，食得豐富啲，所以決定去咗二鍋頭食放題，而家沙田分店獨有推出2小時羊腩煲酸菜魚雞煲火鍋放題套餐，無限量任食羊腩煲，酸菜魚，再加雞煲，牛尾煲，豬手煲任食，同埋打邊爐，呢個組合真係好誇張！性價比高！我哋揀咗第一煲火焰牛尾，上枱好有氣勢啊！之後再食咗豬手煲，黑椒味好香濃啊！再嚟食咗酸菜魚，好好味呀！鴛鴦湯底，我哋就揀咗麻辣鴨血、芫荽皮蛋湯底～配料仲有超過100款揀添，今日勁豐富好飽啊！

召集鐘意打邊爐既朋友仔! 人氣火鍋放題「二鍋頭」沙田分店獨有推出2小時羊腩煲、酸菜魚、雞煲火鍋放題套餐，套餐可以無限量任食羊腩煲，酸菜魚，連雞煲、牛尾煲、豬手煲都係任食，食完仲可以打邊爐，性價比好高，套餐分為三個價錢，肉類質素同選擇各有不同煲類特別推介秘製火焰牛尾煲，上菜時店員會幫加入酒精點火，打卡一流，之後炒一炒就可以食牛尾慢煮肉質軟嫩，加上花椒、洋蔥炒埋一齊微辣惹味 另一方面雞煲都好好食，雞件份量多，肉質嫩滑多汁，自己幾鐘意佢地個醬汁好滋味  食完煲類就可以叫店員換打邊爐湯底，火鍋湯底多達10款選擇，今次揀左泰皇冬陰功鍋，酸酸辣辣好開胃火鍋配料方面凍櫃有多款丸類及蔬菜，牛、海鮮果啲就掃QR Code落單，牛肉推介安格斯封門柳同手切金錢展，牛味濃郁，厚薄剛好! 配料海鮮水準都唔錯，有花枝片，白膳片，蝦，花甲等，自己最愛蝦，爽口彈牙大滿足 另外仲有飲品雪糕任飲任食，汽水、茶都有多款選擇，食埋杯雪糕為整餐劃上完美句號

沙田好運中心二鍋頭火鍋店推出2小時放題套餐，滋寶羊腩煲、酸菜魚，加上二鍋頭三寶惹味雞煲、黑椒豬手煲、火焰牛尾煲，加免費鴛鴦湯底，［A餐］過百款火鍋配料及飲品啤酒汽水全部任飲任食。羊腩煲，的確係必然之選，羊腩平時散叫一煲都幾百蚊，任食真係正，羊腩醬汁香濃炆得入味，配料都好豐富，竹筍馬蹄好爽口。黑椒牛尾煲，店員即席加進玫瑰露酒點火，充滿酒香嘅黑椒牛尾有彈性肉質夠腍多汁。惹味雞煲，店員好細心詢問辣度，食唔食芫茜，要唔要雞腳，好快雞煲送上炒兩炒食得，辣度適中雞肉嫩滑好惹味。火鍋鴛鴦湯底選擇滑湯豆腐及越式香濃牛肉鍋，一濃一淡，牛肉鍋加入香料及牛肉的確好香濃，火鍋配料牛肉有牛板腱及滑牛，牛味都幾好，脂肪比例少肉質軟嫩，另有海蝦、墨魚仔、帆立貝、墨魚滑、水魷魚、牛百頁、雲吞水餃任點，加自助區多種蔬菜，台灣丸類，啤酒汽水任取任食。兩小時放題食到超多種類食物的確好滿足，我認為這是沙田區羊腩火鍋放題性價比最高火鍋店。

講開雞煲，我通常都會食二鍋頭。二鍋頭有幾間分店，今日我嚟到沙田店食晚飯。真係食咗極尚鮮味套餐，可以喺兩小時內任食雞煲、牛尾煲、豬手煲、羊腩煲、酸菜魚同火鍋，還是二百幾蚊就有交易，非常抵食！我認為佢係沙田區內性價比最高嘅羊腩煲火鍋放題，好啱一大批朋友過嚟！餐廳自助bar有多款火鍋配料可以選擇，又有飲品同甜品任食，選擇豐富。雞煲雞煲好惹味，會一直熱住。雞煲醬料好濃味，見到有花椒、芫荽、辣椒，食落麻麻地，好過癮。雞件好多，每舊都好多肉，雞肉嫩滑。另外，仲配有鳳爪。鳳爪吸滿曬雞煲醬，好好味。羊腩煲羊腩煲都係任食，天氣凍左，食佢就啱曬～ 羊腩大大件，皮上嘅毛都清理得好乾淨。皮身好爽口彈牙，羊肉好入味，好淋。餐廳仲會提供腐乳醬，食落更美味。煲中嘅枝竹好好味，好大條，吸收曬濃濃嘅湯底味。火鍋火鍋湯麵，都有多種湯底可以選擇。今次又我揀咗沙嗲湯，食到有淡淡嘅蝦味，用料十足。牛板腱牛板腱新鮮，食落肉感重，牛肉味濃，質感軟滑。豬頸肉豬頸肉爽口彈牙，較肥美。海蝦海蝦鮮甜彈牙，有得任食好抵！蜆蜆一樣好新鮮，而且洗得好乾淨，完全冇沙～生菜自助bar有好多新鮮蔬菜可以攞，生菜綠油油，好傷心，食落脆卜卜。甜品甜品方面

羊腩煲❤酸菜魚❤雞煲❤牛尾煲❤打邊爐❤真係任叫任食，沙田區性價比最高既羊腩煲❤酸菜魚❤雞煲❤牛尾煲❤打邊爐❤ 餐廳!! 如果你中意羊腩煲❤酸菜魚❤雞煲❤牛尾煲❤打邊爐❤，呢間你絕對要黎~ (重要既事情講3次)因為得2個人，真係食唔多，我地先叫左轉 酸菜魚❤! 勁 好 味! 重要佢地可以叫小辣走油❤，如果中意健康飲食既你，叫呢個一定岩哂，湯底清香微辣小酸❤，魚片滑嫩鮮甜❤，仲有小量配菜❤，我地之後再n ncall多次~ 大愛!再黎麻辣雞煲❤，咸香味濃，雞件啖啖肉，雞件數量都係按人數俾。同埋店員都會問你要唔要埋雞腳同芫茜，同枱食到lam lam脷。最後我地叫左個皮蛋芫茜❤+胡椒豬肚雞❤湯打邊爐!! 佢地個自助區有多款蔬菜同丸類自己夾~ 當中有7款丸係黎自台灣，同出面食開既特別好多，當中最深刻既有皮蛋紅薑貢丸❤奶油南瓜包❤北海章魚丸❤ 同 墨汁花枝丸❤!!另外，仲有海蝦❤ 蜆❤ 墨魚仔❤多款海鮮食材!! 同埋，佢地既蘿蔔❤ 係一百分地好味~清甜零渣，記得一開始就放落個煲，煮到最後先食，個蘿蔔真係入哂味!!!自助區仲有勁多飲品同幾款雪糕，絕對大滿足~

睇完馬田條片介紹幸運中心二煱頭，尊登坐車去試吓。17/2 1630去到發現裡面冇人，有個牌稍後片刻。但見到貼住營業時間係1200-2300，冇講有落埸時間，等咗一陣見到有個男人入去，於是問佢？佢話而家休息，再問佢開幾點，佢先話五點，最搞笑門口貼張海報寫1830前離座每位減三十😓等到五點個男人行出嚟開門反轉個稍後片刻牌，見到我哋企咗門口等，冇叫我哋入去(冇用招呼兩個字因為見佢全程黑面都知冇招呼），於是自己再㩒度自動門入去，入到去佢都係乜都唔講指住一張枱，呢刻真係忍唔住，即刻掉頭走！點解俾錢食嘢都要受呢種對待，如果唔係馬田介紹真心想試，一早走咗🤬唔係要甚麽服務，但最基本嘅對人禮貌都冇，可能佢原本係一個廚神，唔理你㕑工有幾出色，都唔應該咁對客，又或者喺廚房唔好出嚟。

網上book咗位，提早5分鐘到，又話冇位要我哋等25分鐘，等完20分鐘之後，再問幾時入到座，又要我哋等多25分鐘，我真係🤬🤬又話想做我哋生意，又要人死等等，食唔起嘅話，一早嚟就話唔好意思做唔到我哋生意，冇浪費人哋寶貴時間 。感覺上就係你間餐廳完全冇安排，為咗做生意乜嘢條件排頭都可以開到，但係開太大自己承受唔到 。總之得返呢間餐廳營業，我都唔會去食，因為成套都係Hea，食嘢開心唔係受氣 。唔知佢會唔會進步。

沙田120分鐘無限量任飲任食羊腩煲、雞煲、牛尾煲、豬手煲、酸菜魚，再加打邊爐🍲超級瘋狂成人$278/288 🪄二鍋頭惹味雞煲🪄香濃黑椒豬手煲🪄秘製火焰牛尾煲🪄滋補羊腩煲🪄酸菜魚煲真係多都唔識揀，今次同朋友主力食三個😎😎⭐️滋補羊腩煲入秋冬羊腩煲最滋補，平時餐廳食一個羊腩煲都唔平食兩鍋都已經翻本🤣羊肉煮得非常嫩滑，重點一定要加腐乳醬超好吃，搭配冬菇、腐竹，口感更加豐富⭐️秘製火焰牛尾煲火焰牛尾煲真係有火焰視覺效果🤣牛尾經過慢煮肉質軟嫩，食落帶啲微辣好惹味⭐️酸菜魚煲食落啖啖肉，幾乎沒有細骨，魚肉質地鮮嫩，呢個價錢嚟講真係冇得挑剔每一種火鍋都有獨特的風味特色，火鍋、飲品、配菜、雪糕，無限量供應，一個價錢多個味覺體驗，仲有本地品牌雪糕雪條任食，絕對能吃到飽，性價比很高體驗🚩二鍋頭（好運中心）地址：沙田橫壆街1-15號好運中心3樓3109及3110號舖#addifoodie #addifoodie沙田#沙田 #shatin #沙田美食 #hkfood #hkfoodie #foodiehk #hkig#hkg #foodie #香港餐廳推介 ＃香港餐廳 #foodstagram #香港美食#吃貨 #