二寶

营业中

休息中

不知道平時如果大家要外出吃早餐會選擇哪種形式的店呢？連鎖式快餐店滿街也是，隨時都能找到一間。有時難得有街坊小店在附近，不如選擇這種的小店或許會有意外驚喜。二寶潮食的堂食位置不算很多，所以很開心這天能吃到。早餐供應會是由早上5:00 - 12:30，時間都算幾長。即點即整的早餐，上餐速度並不算太慢。我點的是 A. 晨早麵餐 (HKD 41) 包一杯熱飲。選了熱奶茶，這間的奶茶茶味都幾濃，但不會太澀。選了鮮牛肉再加煎炒蛋 + 素鮑魚片。說是煎炒蛋，其實是奄列吧？因為素鮑魚片都夾在蛋內。鮮牛肉通粉 - 這裡的湯底說是沒有加味精。我這碗會稍為清淡點，吃開重口味的我會建議選沙嗲牛肉。通粉份量都不算少亦夠彈牙，鮮牛肉也不會韌。

今日晨早第一次到二寶茶餐廳；見到簡單的街坊裝橫都沒有什麼期望；但竟然喜出望外！早餐都是典型港式早餐；食物質素尚可！食物選材也不是cheap貨！叫了個蟹柳；都不是cheap cheap 的😄但貼身的夥計和老闆娘每一個小小的動作都令人客十分窩心！見我們二人手拿着背包；都會主動比多兩張櫈你擺放！ 放低食物時也會主動遞上辣醬😬；見你差不多吃完又會主動遞上紙巾和牙籤！這一切窩心的舉動；高級餐廳也未必能做到！值得嘉許；一定唔會再嚟光顧😃！

嗱嗱嗱，真係唔係講笑，首先佢係細鋪偷雞隔離鋪頭未開門擔枱又擔櫈開擺位做生意的，好意外佢竟然會留意到你有沒有背包手袋等，又再搬多幾張櫈比你放行李（係走10咪路）！！！好快就有你所叫的早餐送到，當你享受緊早餐時，佢又走多躺埋嚟，牙簽筒，紙巾筒又放低（老實講哩啲通常要叫先做至比），享受完早餐後又嚟收走餐具，一份早餐就咁樣走咗起碼4轉（應該可以參加奧運）……講到食，用料唔係行貨，味道很好呀冇吹水架（老實講自己未食之前諗得好衰架，又再一次以鋪取質🤣）。

首先講服務 老闆娘的服務態度好好 好有人情味食物味道 老闆煮野好好食 每日有不同中式餐 冇味精 好正 仲有老火湯 另外小食都好好食 仲有即整緊漢堡 啲野食好新鮮 啲咖啡同茶日日新月鮮即拉即磨 好飲 價錢都好抵食