二世祖

营业中

休息中

呢間人氣café終於有機會試到, 仲要唔洗等位太驚喜。室內空間感大, 台與台之間有足夠空間, 所以坐得好舒服👍🏼明太子櫻花蝦配青瓜絲扁意粉 $138明太子醬汁味濃郁, 意粉軟硬度剛好🍝亦食到淡淡既櫻花蝦味。而青瓜絲清新既味道中和左意粉既膩感🥒原隻軟殼蟹龍蝦汁蟹肉海鮮意大利飯 $139原隻軟殼蟹放係飯上非常吸晴🦀亦炸得香脆而唔乾。意大利飯吸滿龍蝦汁既精華味道, 既鮮味又濃稠🦞侍應在落單時有問意大利飯想要咩口感, 呢點好細心🫶🏻自家制芥末洋蔥醬炸雞窩夫 $148炸雞窩夫擺盤好精緻🧇將太陽蛋放係炸雞窩夫上🍳再灑上花生碎同玫瑰花碎🌹鹹甜組合幾特別, 炸雞外脆內嫩, 而窩夫外脆內軟, 一同食口感都幾夾。特濃宇治抺茶白朱古力奶 $48用樽仔裝起飲品再配個杯仔自己倒出黎飲🍵打卡呃like一流。味道亦好香濃順滑。用上日本宇治抹茶粉同明治4.3鮮奶製作🥛甜味剛好茶味亦好突出。二世祖特濃朱古力 $48 同樣用樽仔裝起, 朱古力濃度高🍫未入口已經聞到朱古力味。入口質地香滑, 濃濃朱古力味。

終於去了這間藏在「必吃清單」一段時間的人氣Cafe，位於大角嘴的網上好評不絕，試過之後終於明白真係明白食物質素係幾高，裝修方面打卡able 就係must ，主打充滿玩味的裝修，好肯定店主落足心機，難怪開業一段日子仍然人氣火爆，有小遺憾係如果店內繁忙時段就唔可以坐太耐，如果外面冇人排隊就可以坐耐啲，但係味道好好，最好訂座附上單據自家製芥末洋蔥醬炸雞窩夫$14店內人氣名物～無諗過炸雞同窩夫原來可以咁夾！仲有隻太陽蛋，香脆的窩夫上面有兩大塊炸雞，夠哂熱入口勁Juicy, 窩夫外脆內軟，蘸上滿滿我花生碎同芥末洋蔥醬，喜歡甜口的，再加楓糖漿仲好味，特別鍾意厚身的窩夫，份量都幾豐富黑松露大啡菇牛肝菌意大利飯$138大啡菇加上牛肝菌味道非常濃郁，而且意大利飯軟硬適中，絕對唔會太硬，濃厚醬汁非常creamy，整體感覺唔錯三圈拼盤$78呢款小食拼盤已經有洋蔥圈、魷魚圈、芝士圈 ，香脆可口鍾意食炸物一定滿足到-抹茶鮮奶本來想叫抹茶朱古力，但係唔小心嗌錯咗，但係一樣好飲，濃濃的抹茶粉唔會苦，拉花仲好靚添-益力多沙冰酸酸甜甜超好飲，而且沙比口感細膩，份量仲超級大杯，分咗少少同朋友share——————————

朋友話想去試下話人氣度好高～？？我地一行五人埋單千三蚊左右，就知我地試左幾多款其實我只係覺得炸雞窩夫係唔錯👍其他按性價比這個區域真係唔平、如果好食冇乜問題意粉好普通有更多cafe可選～簿餅皮急凍只係po上簿簿材料，burger味道都係一般，炸魷魚正常發揮，蜆肉意粉蜆肉係新鮮，but太淡呀！鴨比薯蓉朋友話好食喎～甜品真係好Cafe水準，整體食物係OK但因為個$真係去一次夠啦…所以有時真係要自己食試吓先知真係咁好食定？

📍「Easy Joe二世祖」- 大角咀今次食食食之旅黎到大角咀😌上次試完Easy Joe 嘅特濃朱古力太有驚喜，所以今次又再回訪，順便試吓上次未試過嘅主菜同甜品😋📷餐廳位於大角咀（近旺角），餐廳店面都幾大，枱與枱之間嘅空位好多，富有空間感，亦坐得幾舒服，幾岩同情人/朋友chill下傾下計🤗餐廳裝修走泥水風，牆上仲有壁畫，打卡一流💯☺️🤗🍴慢煮加拿大豬鞍架酸梅蛋黃醬💰HK$198✨推薦指數：10/10呢款真係必嗌‼️‼️‼️豬鞍勁大塊而且好厚身，慢煮完肉質勁淋身，但食落絕對唔柴，反而好juicy入味，應該係因為佢慢煮完先再煎，可以鎖住肉汁🤤佢嘅酸梅蛋黃醬都好出色🫡酸酸甜甜嘅汁中和咗豬鞍嘅油脂感，真係好夾🤩底層既薯蓉口感好creamy，吸收哂酸梅蛋黃醬勁好食，平時👦🏻都好少食，但佢今次同👧🏻爭住食就知有幾好味啦😆🍴白酒蜆肉扁意粉💰HK$108✨推薦指數：8/10蜆肉好大粒同新鮮，食落仲有啲海水味，意粉份量幾多，煮得好夠淋，食落有少少辣味好惹味，不過白酒味又唔係好食得到，但係整體係好食嘅😋🍴小山園抺茶心太軟配豆腐雪糕💰HK$88✨推薦指數：8/10呢個擺碟好可愛😆係靚靚抺茶心太軟上面加咗對眼，再配以

餐廳放有很多特色擺設，感覺好cozy ，之前來就是為了飲他家的特濃朱古力奶🤎，今次再訪必試特濃宇治抹茶白朱古力奶💚💚特濃宇治抹茶白朱古力奶，同樣玻璃樽盛著，冰涼的，抹茶味濃，入口順滑🦀原隻軟殼蟹龍蝦汁蟹肉海鮮意大利飯，軟殼蟹好大隻，酥脆多汁，意大利飯配龍蝦汁，既濃稠又鮮味十足🥘白酒藍青口配法包，味道清新，醬汁creamy微帶酒香，配上洋蔥粒、香草等，青口食落份外鮮甜🫖山楂玫瑰烏龍茶除了朱古力，也有原壺上的茶，清新又解膩

👉🏻凍二世祖特濃朱古力 $48真心打卡一流！唔怪得知個個枱面都有一支！濃厚豐盛既朱古力味！奶十分滑！喜好朱古力人士大推！記得享用前先搖勻！如果想個肚有空位可以食多少少野，不妨同身邊既人 share，兩個人飲一支都可以（起碼斟到圖中隻杯4-5杯）👉🏻二世祖特濃卡邦尼扁意粉$108好濃郁杰身嘅Carbonara, 芝士味好出，食落似係用咗幾種唔同嘅芝士互相配合，煙肉碎依然好脆，添加風味同味道層次！而且汁既分量好夠，撈完之後可以沾滿每一條意粉，充滿誠意！👉🏻芥末洋蒽醬炸雞窩夫 $148首先，賣相真係話滿分！特別係切開隻燶邊太陽蛋之後蛋汁流晒落窩夫同炸雞上面之後，令人垂涎欲滴！窩夫唔係走爆脆路線，內膽綿密挺身，吸汁度一絕，淋上蜜糖一齊食，用微甜襯托蛋香同芝士醬既咸味，更令蛋味同芝士味更出！炸雞好大件，炸得香脆滑嫩，肉汁鎖緊係雞肉入面，唔會乾爭爭，點埋蜜糖食，鹹鹹甜甜！正！👉🏻慢煮加拿大豬鞍架配酸梅蛋黃醬 $198塊豬鞍扒超厚，目測厚度超過3cm，入口勁滿足！而且唔會煎到話左火令塊豬鞍扒柴晒。最好味既係，豬鞍扒有少少肥邊，唔會太油膩又超嫩口！另外，要讚一讚個醬汁，酸梅汁好開胃口，酸味中和厚肉既膩

女朋友帶我到大角咀說要給我驚喜，於是我滿心期待跟她走進一間餐廳，環境帶點輕工業風格，枱凳擺位闊落，感覺舒適。入座後，我們點了小食三圈拼盤，有炸洋蔥圈、炸魷魚圈、炸芝士圈，炸得夠脆香口，不會濕答答，平均每款有三至四件，分量足夠，炸芝士圈有驚喜。之後點了櫻花蝦青瓜絲明太子意粉和慢煮豬眼鞍，意粉口感有咬口不會過淋，醬汁濃稠，明太子味突出不會太鹹，櫻花蝦和青瓜絲令意粉多了不同口感，青瓜絲嘅清爽令意粉不會太膩。豬鞍夠淋多肉汁，墊底薯蓉香滑味濃，加上酸酸甜甜醬汁，令人更有食慾。而最印象深刻亦是感到驚喜的地方是有我喜歡的朱古力，我點了凍的，朱古力連同小杯送上，可以細啖品嚐朱古力的香濃可口，一定要試！最後要讚的是廁所，非常乾淨，地下冇水漬，令整體用餐感覺良好。不過價錢略貴，但慶祝來食是價得。

#highlyrecommendday呢間bookmark咗好耐，終於去到食！夜晚6點開但都已經陸續有人入座，所以黎嘅話最好訂枱黎喇～呢間最出名一定係佢哋嘅特濃朱古力奶，除咗係每日自家製作，仲要不設外賣～咁把炮緊係要試！朱古力真係好香濃好滑又唔膩！真係必飲！但宇治抹茶白朱古力奶就唔太suggest🥺雖然抹茶粉溶得好好完全冇粉感，但白朱古力蓋過咗抹茶嘅味，好似飲緊白朱古力咁～唔係唔好飲，但抺茶控應該不會滿足ಥ_ಥ原隻軟殼蟹龍蝦汁蟹肉海鮮意大利飯軟殼蟹都唔細隻，炸到好香脆，龍蝦汁味道都好出，意大利飯佢哋係偏硬有咬口的～好食！原條鰻魚蛋包飯飯底見到唔係炒飯有點失望的，但入面都有啲麻油香～重點係炒蛋好嫩滑份量好多！鰻魚都好肥美厚肉！加埋少少照燒汁同木魚花輕鬆ko個飯！真心好耐冇試過咁高質嘅小店！highly recommended!!

好幾次經過大角咀的Easy Joe都係過門而不入，但見咁多人排隊當然想試下。終於搵日的起心肝，去試試佢。店子細細，但人氣真係好強，我們諗住6:00黎食晚飯都應該無乜人，但真係最好訂枱，因為walk in 隨時冇位。蝶豆花蜜糖青檸梳打要兩溝的一杯飲品，青檸汁和蝶豆花梳打分開上，將紫色的蝶豆花梳打倒入青檸汁，漸變紫色。入口酸甜，開胃醒神！特濃宇治抹茶白朱古力奶樽身都印了Easy Joe Logo，抹茶味好濃，濃得化不開，好香抹茶味，朱古力係杰身質地，所以好夠濃郁，加上甜度剛好，好好飲，難怪係招牌飲品。二世祖特濃卡邦尼扁意粉真係無講錯，係超級濃！睇得到的creamy。白色的忌廉汁沾滿每條意粉，再灑上滿滿的芝士和煙肉。入口滿口奶香，加上煙肉的點點咸香，正係我鍾意的卡邦尼口感。慢煮加拿大豬鞍配酸梅蛋黃醬賣相好靚，面頭灑了玫瑰花瓣。豬鞍好厚，但厚切切開仍然好juicy，一啲都唔乾！酸梅蛋黃醬正好有去膩之用。一旁的薯蓉亦打得細滑，比好多西餐廳仲好！小山園抹茶心太軟配軟雪糕新鮮即焗，切開入面流心抹茶十分澎湃，茶味超濃！玄米茶雪糕亦好香茶味，冰火二重口感，好好食！呢間Cafe真係高質，位置唔算方便，但食

一間有誠意嘅餐廳😋炸魷魚鬚鬚鬚鬚鬚 $78✔️皮薄香脆，魷魚爽口彈牙✔️冇雪藏味，幾新鮮👍🏼特濃宇治抹茶白朱古力奶 $48 👍🏼👍🏼👍🏼✔️必試呢間舖頭嘅signature✔️抹茶味極濃，有少少回甘，白朱古力中和翻就唔會過甜✔️飲落比較杰，好順滑，mix得幾好，冇一粒粒嘅粉or凝固體白酒蜆肉扁意粉 $108 （必點推介）👍🏼👍🏼👍🏼✔️蜆肉大大粒鮮甜✔️意粉軟硬適中彈牙，好掛汁，帶少少酒香✔️少少辣吊味👍🏼原隻軟殼蟹龍蝦汁蟹肉海鮮意大利飯 $198✔️都係比較推介👍🏼👍🏼✔️落單時店員有問 意大利飯希望嘅軟硬程度，佢哋表示正宗係偏硬，所以今次叫咗正宗✔️一路食，都係非常熱，每一啖都充滿鮮味，個龍蝦汁好出，同埋好Creamy✔️淡淡蟹肉，軟殼蟹外脆內軟🫶🏼🫶🏼#私心推介😋😋 太好食！會再去食🫶🏼打卡度：9/10Taste 好味度：9/10 Worth revisiting返兜度：9/10

都留意咗呢間大角咀嘅Cafe好一段時間睇人哋啲相見到食物好打卡，終於去咗試可能期望太高，食物未算好有驚喜，打卡成份高啲 😆.📍自家製芥末洋蔥醬炸雞窩夫（$148)賣相又澎湃又靚😍窩夫同炸雞各有2件表面有隻太陽蛋🍳另外配上大量花生碎同埋炸蒜粒聞落好香，旁邊仲附有楓糖漿🍯窩夫鬆軟🧇炸雞肉厚而且好滑食落鹹鹹甜甜，味道正常，又唔算好大驚喜部份炸蒜唔夠脆🧄，扣左啲分📍墨汁芝士軟殼蟹煙三文魚薄餅（$158）軟殼蟹香脆唔油膩🦀蟹身有蟹肉仲有蟹膏，食落有鮮味Pizza餅底超薄脆🍕加上墨汁視覺效果幾靚🖤三文魚油潤🐟，加上芝士🧀鹹香味突出其實幾好食，不過食多2塊覺得有啲過鹹.📍提拉米祖($108）價錢一啲都唔平，不過相對上份量都好多一大兜兩個女仔食都會飽😳Mascarpone Cheese香滑creamy 🍰可惜蛋糕層唔夠濕潤，整體上咖啡味未夠突出☕️📍二世祖特濃朱古力（$48）朱古力奶順滑唔會膩，味道濃郁唔會過甜，唔錯🍫

餐廳位於大角咀 旺角站行大約7分鐘到達 店內空間不大 但坐得幾舒適 用餐時間限時90分鐘 上菜都快ʕ •ᴥ•ʔ-✨小山園抹茶心太軟配雪糕 ($88)即叫即製 上碟時熱辣辣 一切開流出滿滿的小山園抹茶醬 醬汁帶點苦澀回甘 心太軟外皮焗至脆身 而雪糕簡左玄米茶味 茶味香濃不甜🍃✨原條鰻魚蛋包飯 ($158)鰻魚好大條 厚肉無骨 邊位食落脆身 帶點焦香感 照燒汁香濃 而蛋炒得滑嫩份量足 飯中間添加左飯素 食落更香口✨白酒蜆肉扁意粉 ($108)蜆肉大約有4-5舊 意粉有幾片蒜片炒香 整體食落較淡 如果濃味一點便好✨炸魷魚鬚鬚鬚鬚鬚鬚 ($78)魷魚鬚不厚粉 灑上七味粉很夾😳✨特濃宇治抹茶白朱古力奶 ($48)見呢樽抹茶奶於網上大推 試後抹茶味確實出 惟加入左白朱古力 令甜度上升 抹茶味就未能有回甘感✨抹茶奶昔 ($46)呢杯飲落似Match Latte 賣相吸引 甜度適中 帶回甘感🥰

二訪Easy Joe人氣仍然高企🔥想嚟嘅話記住要預約呀🤣餐廳裝潢以工業風為主調，牆上有唔少創意壁畫🎨亦擺放左figure🔸芥末洋蔥醬炸雞窩夫 ($148)邪惡的鹹味窩夫擺盤已經相當吸引🍗炸雞外酥內軟，而且好入味🧇鬆軟的窩夫，乾濕度做得恰到好處。上面灑滿好多花生碎🥜及芥末洋蔥醬，但略厭花生碎份量有點多🙊面層鋪上太陽蛋🍳一切開流心的蛋黃汁流哂出黎🤤再灑上食用玫瑰花🌹更可按按喜好加入楓糖漿🍯食落味道及層次感豐富。🔸抹茶心太軟配雪糕 ($88) 🌟推介🌟心太軟上放上對眼仔👀賣相好cute😆心太軟外層焗至微脆，内裏鬆軟，一切開大量抹茶流心醬湧出來🍵又香又澎湃。雪糕可選豆腐味或玄米茶味🍨我地揀左豆腐味，口感軟滑，淡淡的豆腐香配上濃郁的抹茶心太軟😋味道十分夾。🔸原隻軟殼蟹龍蝦汁蟹肉海鮮意大利飯 ($198)店員貼心地會先詢問想要正常偏硬身的意大利飯或飯粒口感較的🍚我地揀左前者。意大利飯吸滿龍蝦汁精華🦞外表軟滑但中心仍保留些微硬度，甚有咬口，肥美的軟殼蟹炸至金黃酥脆，伴上大量蟹肉絲🦀鮮甜味美。🔸二世祖特濃朱古力 ($48) 推介必試signature特濃朱古力🍫質感濃稠幼滑，朱古力及奶味平衡得宜🥛味道

開咗幾年都依然排隊😆可以預先訂位最出名係特濃抹茶白朱古力牛奶💚順滑濃厚的抹茶味🍕墨汁芝士軟殼蟹煙三文魚薄餅都好特別，在薄脆批上加左薯蓉、黑汁芝士同煙三文魚令口感更豐富炸軟殼蟹都多膏🦀👍🏼🍝白酒蜆肉扁意粉都重蒜香味好彈牙，蜆肉係岩岩好煮熟的程度所以係好juicy🍟 三級風暴薯條一次可以滿足三個願望😆因為黑松露、明太子同青瓜醬🤎Tiramisu 好大碗要兩三個人share😆口感棉滑香濃👍🏼手指餅夠濕潤(如果慶祝生日可以提早向餐廳預留生日牌🎂）

From the moment we walked into Easy Joe, we were impressed by the cozy and inviting atmosphere. A new fusion restaurant in Mong Kok, with a simple industrial-style decoration, comfortable and spacious.🍔Homemade mustard onion sauce, sunny side-up egg, fried chicken, waffle $148🍝Easyjoe Special Carbonaro, Linguine $108🧁Homemade Choco lava cake with ice-cream $88🍫Hot Easy Joe chocolate $48🍏Green apple frappe $48We ordered the Mustard Onion Burger which was a true standout - the waffle was perfectly