九龍餐室

营业中

休息中

看到網上介紹，才發現根本沒有嘗過港式菠蘿油，突然心血來潮想試一試。在深水埗舊區中成長，這一區的美食也實在不少。與友人也是第一次來到九龍餐室，環境乾淨也算寬敞，先給個讚。 特大菠蘿油餐($36) 餐牌上只有特大菠蘿包餐($32)，細問之下加牛油的話+$4，也可接受。一看到這個菠蘿油的時候實在是嚇到了，因為真的是名乎其實的大！菠蘿油尺寸大概有手掌般大，哈哈。 口感鬆化，雖然真的很大，但是吃完一整個也不會很膩。但是可能因為我們來得比較晚，已經接近晚市，所以菠蘿油是冷的，希望下次可以趕上新鮮出爐的時段~ 另外還有鮮奶火腿炒蛋，實在是太喜歡吃炒蛋了！口感很滑嫩，我這裏給滿分 沙嗲牛肉麵($34) 友人所點的是沙嗲牛肉麵餐。牛肉不知道為甚麼很酸，大大扣分 不過煎蛋是流心的，友人很滿意，說煎蛋十分好吃。跟餐送一杯飲品，我倆也選了熱奶茶，不錯不錯。總結來說，食物可以一試，不過不失。值得一提的是餐室門外有售賣各種包，價錢便宜，大約$4-$7不等，不過這次我們吃得夠飽了，有機會再來。

去深水埗買工具, 順便食腸粉. 食完唔夠喉, 轉過彎, 食多個下午茶. 冰室門口放了麵包櫃, 隻隻麵包都大過”阿諾舒華生力啤”隻拳頭, 哈哈….據聞…. “菠蘿油餐”並唔係下午茶, 無所謂, 話之你係宵夜餐, 總之有得食就得啦….落單後, 侍應把餐單放檯, 一望, 寫住: ”冰鎮菠蘿鮮牛油包餐”, 心諗: 菠蘿油….. 冰嘜Q嘢鎮呀?! X # Y @ Z….哈! 笑死…原來真係”冰鎮”, 不過係片”牛油”…. 嘩! 咁都比你諗到, 服晒… 底你發, 哈哈… 請繼續努力, 為我們諗一些更攪笑既食物名號...哈哈..好大隻的菠蘿包, 賣相, 除了底部有些少變形外, 表面的菠蘿皮好美觀. 唯一不太滿意是, 麵包是凍的, 如果是暖的就好多了, 無論如何, 麵包軟熟, 表皮脆口, 甜度適中, 加埋件鮮牛油, 十分好味.咖啡, 味道香, 唔係好十分濃, 但都滿意, 因為如果要飲好濃的咖啡, 我會去Starbucks.

某一次到深水埗，隨便找間茶餐廳歇腳，誤打誤撞到九龍餐室，該店有自家製麵包，食過一次菠蘿包後，念念不忘。今日再到此店，點了一份32元的特大菠蘿包餐，包括特大菠蘿包一個，火腿兩小片，炒蛋，一片番茄，一片青瓜，和一杯咖啡或茶。菠蘿包是新鮮出爐，廚師預先已將菠蘿包切開方便放進火腿，菠蘿包外層脆脆，麵包軟熟，炒蛋滑滑，凍鴛鴦咖啡味濃香。

很懷念小時候下午茶和公公到茶餐廳吃菠蘿油+熱奶茶。人人都話這間菠蘿油在深水埗好出名。好啦!我就上來試試~叫了25元的菠蘿油+熱奶茶哇!!菠蘿包好大,有切開方便食客放上冰鎮牛油…很好!不過包不夠熱…牛油吃下去是略嫌溶不開。之後食完…先有待應叫有新鮮出爐菠蘿包…噢…還有包這麼大份,如果牛油也一樣更大就好。不過吃著吃著口感好捧…再喝杯熱奶茶,嗯…真是下午荼的享受。之後才知道沒看到32元特大菠蘿油餐有火腿、蛋、青瓜、蕃茄,好吧、下次才試。食完發覺不太足夠,去了附近吃點香腸、燒賣也很滿足。(見到其他食物價格接近翠華價格,噢…香港物價上升得很恐怖。)

今日同老公中午去咗嘉豪酒家飲茶,食飽飽之後就去咗西九龍中心行下,然後再去黃金電腦商場附近行,之後老公話有D眼訓要飲咖啡提提神,望望錶已經3點3,下午茶時間,不如就搵間茶餐廳坐低嘆茶同休息下.其實成日聽朋友講,深水埗有好多正嘢食,但我同老公真係唔熟,於是就上openrice搵食,起初搜尋到附近有間好運閣好似唔錯,但我又想搵多間比較下,之後就搵到行番遠少少的九龍餐室,呢間嘅like多D,我又鍾意佢個名,就試下呢間la!行到九龍餐室,當時門口有4個人等緊位,但因為我同老公2個人,所以就唔使等,坐咗一邊卡位. 個位真係好窄,坐低嗰陣仲膝頭頂到對面食緊嘢嘅小姐,真係唔好意思! 其實我都未肚餓,所以叫咗蛋撻+紅豆冰($26),而老公就叫咗特大菠蘿包餐($32),飲佢最愛飲的熱咖啡.剛落order,轉頭蛋撻就上枱,個面裂咗,仲要好似個笑口咁! 過多陣,其它食物同飲品都到了,可以齊齊開餐了! 呢度嘅蛋撻單賣$6個,比都幾出名的新華$5還貴,但真係貴得有道理,咬咗一啖,D蛋漿快要流下來,正!!! 至於紅豆冰,紅豆的份量都有半杯,D紅豆暖暖地,所以飲起嚟唔太凍,正啱我心意!而老公叫的菠蘿包,又真係幾特大,

今日約咗朋友 食飯， 但已經夜晚十點幾。 於是就去咗九龍茶餐廳食晚飯。 叫咗兩個餸。 分別係西蘭花炒鮮魷， 同京都骨。 西蘭花炒鮮魷個汁比較味精， 麻麻哋 個京都骨就整得唔錯 幾入味 不過的白飯就少咗D 叫多一碗白飯要$10 最後老細仲送咗兩個糖水兩個人埋單百7但係個卡位實在太窄，我哋兩個好廋都覺得好迫。下次未必再來

整完身份證諗住搵間茶記食下，上openrice搵到呢一間好似幾好咁就試下啦，點知令我失望。叫左個下午茶餐既迷你星洲炒米，等左大約15分鐘，不過餐飲就落單後2分鐘已經黎左。個星洲炒米黎左之後，發現都幾大碟，諗住幾抵食啦，但唔知點解一條紅青椒都無，米粉好似炒得太乾硬硬地，少少辣味都無，好淡味。再加上d蛋好大舊，而且食落口好粉，感覺怪怪地，應該係食過咁多間茶記既星洲炒米呢間係最難食既一間，食左一半根本無胃口再食😕但佢d新鮮出爐既包都幾大幾香，下次可以試下

嚟到深水埗搵食，當然要食番D地道野。見到依間茶記出名菠蘿包，都幾吸引，一於試一試！呢間茶記都算幾乾淨同光猛。特大菠蘿包餐(＄32)。個菠蘿包嘅賣相有啲令人失望，成個包扁咗，不過味道係唔錯嘅，如果熱辣辣嘅話相信會仲好食。個奶茶奶味夠晒重，算係幾出色嘅奶茶。另外叫咗個營養餐($45)，有火腿通，炒蛋加多士。塊多士都整得幾香口，炒蛋算滑。個火腿通嘅份量比我想像中大！Overall都好食，不過係深水埗黎講價錢貴咗啲。

其實我一直很想來這裏吃下午茶，試試這裏的奶茶、蛋撻和巨形菠無奈一直沒有機會，好幾次經過，都已是吃飽了的時間，要不就是人很多。今天心血來潮，又恰好經過這裏，在門前猶豫了一陣子，在麵包架前的侍應姐姐便問我要甚麼，我只道熱奶茶，心想買一杯帶走喝。看到沒蛋撻，便打算不再買的了。侍應姐姐卻再問，不試試其他嗎？很多包都好吃的。　　我猶豫蠻久，看到有提子蛋糕，覺得蠻大件，才７元，即使是獨立包裝的蛋糕，還是薄薄的，也是這個價錢，或者更高，覺得可以一試，便買了。　　我很欣賞這家餐室的麵包櫃是可以封住的，客人要買時，侍應姐姐才打開櫃門去取，比較衛生。　　熱奶茶很濃滑，而且夠香和夠熱，很甘，茶奶的比例也恰到好處，可是$16的，至於提子蛋糕，提子比較少，但蛋糕很軟滑，質感非常綿密，牛油味很濃，我猜在製作過程中放了很多的牛油。所以比較飽膩，證明店家是真材實料。　　我看到麵包櫃裏的麵包都很巨型，希望有機會再試。

裝修左两個多星期，在10月2日已開番啦！好多時早餐會在這裏食，好鍾意這裏各種新鮮出爐巨型麵包(叉燒包、菠蘿包、提子麥包、吞拿包......)我最掛念的巨型吞拿魚包同熱央。裝修後，店内两邊變左卡位，舒適不少；冷氣勁左，店内光猛左 ......不過早餐全部加晒價。

聞到好香既新鮮出爐包, 令我忍吾住走入去呢間九龍餐室食個下午茶墨西哥包剛出爐, 好香好大個, 出面薄薄既一層甜脆配以鬆軟包皮, 再加上裏面戴有熱騰騰既奶皇, 真係好好味超大菠蘿包餐, 真係成隻手掌甘大.!!,不用說剛出爐既菠蘿包皮脆包軟, 配以8成熟既滑蛋, 同煙UN 既火腿, 冇得輸.~

趁星期六有空檔, 相約了好姐妹一起去購買小組組員的生日禮物. 以前買精品禮物, 一般會去尖沙咀旺角這些地方, 但原來西九龍那裡的也有很多選擇, 而且人潮沒旺區那麼擠, 最適合我們這兩個帶著寶寶去 shopping 的媽媽. 血拼一番後, 兩位媽媽決定到附近的九龍餐室補補血. 這次是我第二次光顧. 還記得第一次吃過這裡的菠蘿油覺得很讚, 所以再來 encore!到了餐廳時間差不多5點, 還來得及點個下午茶餐. 看了看餐牌, 最後決定點個特大菠蘿包餐, 而好姐妹則點了個炒粉麵下午茶餐.特大菠蘿包來囉, 哇! 好大一個包, 比我上次吃到的菠蘿油的 size 還要大! 同場加映炒滑蛋, 火腿, 蕃茄青瓜等. 綠葉的炒滑蛋炒得不錯, 夠滑, 只可惜味道略為淡口. 雖然菠蘿包的皮夠脆, 麵包夠鬆軟, 但缺少了中間的牛油頓然變得很普通. 下次我還是點菠蘿油好了!

媽媽去旅行, 臨出發前一齊食個brunch先... 又黎到舊屋個條街, 其實都已經開左好多間餐廳, 幾乎大半條街都係餐廳... 呀姨揀左食九龍!  呢間茶餐廳係個條街都算係老人, 開左好幾年, 之前都食過幾次, 對佢既印象就係比較貴 今次既體驗尤其差!!!   首先叫野食個時, 個待應態度好唔禮貌, 飛個餐牌黎問我個餐跟咩麵, 多士定餐包... 令人好不滿!  淨係叫我地講食咩啦... 張單又pat落枱度...一d禮貌都無 .V.叫左個蕃茄營養餐, 個湯無咩, 明顯係假蕃茄味... 份炒又多油, 都唔知健康係邊... 人造蕃茄味都唔見得邊度有營養...表弟叫既乾炒牛河最唔掂... 一黎到已經有陣煙味...無錯!係煙味! 佢番一番個河粉都未食呀媽已經聞到有d煙味, 佢食埋直情係想吐...   如果係炒燶左都仲可以頂得順, 但有煙味真係好核突 同返待應講又係度問咩煙味, 邊度有煙味 又叫我地唔好咁大聲講...  跟住我地唔要改左個公仔麵...   見到後面2枱都有叫乾炒牛河, 都唔知有無拎返頭先個碟比人地....今次呢個經驗令到呀媽話以後唔食九龍, 個度大把餐廳, 食隔離起

鮮茄營養餐，普通湯底只加2舊蕃茄，再加少少茄醬就扮蕃茄湯底。咖啡、奶茶亦不及以前水準，黑椒豬扒瀨，豬扒又咸得滯。怪唔今日黎唔使等位，同以前排長龍既日子完全唔同，可以唔使再幫襯了。

一天中午，與同事來到這間餐室食午餐，見午餐中有一款「花菇魚肚豬肚蒸滑雞」，看來幾特別和吸引，還奉送「碗仔翅」和餐飲，才不過 $42，又不用加一，價錢都算經濟，便叫來一吃。「碗仔翅」顏色深得可以，簡直是深不見底，幸好味道還算正常，雖是想像得到的街邊碗仔翅味道，以贈品來說，還可以。「花菇魚肚豬肚蒸滑雞」不過不失，花菇、魚肚、豬肚、滑雞，雖然都是細細件的，全部一應俱全，無一或缺，味道不過不失，要是要求不高，但求填飽肚子的話，仍是及格的。快快吃過這簡單午餐，又是時候繼續開工。