九龍餐室

营业中

休息中

點咗兩個下午茶餐，一個係吉烈魚柳併著條，另一個瑞士汁干炒牛河.優點：1, 炸魚柳外表夠脆.2, 環境整齊清潔.缺點一大籮：1, 凍飲份量少.2, 吉烈魚柳係薄切，偷工減料，有相有真相.3, 薯條凍冰冰，所以口感極硬.4, 干炒牛河嘅河粉全部都斷開哂碎濕濕.5, 干炒牛河寫明迷你，但價錢一D都唔迷你，50蚊係其他餐廳，已經可以叫一碟.6, 干炒牛河嘅牛肉又係薄切，感覺似薄切肥牛. 7, 蛋撻又係凍冰冰.寫文睇留意先知負評不少，果然名不虛傳，偷工減料質素欠佳價錢昂貴，永不幫襯！

之前經過此店，被店門外的宣傳海報吸引， $25便吃到超值早餐，這天便來一試。點了鮑片火腿通粉餐，加$3轉為我最喜愛的蕃茄薯仔湯底，$28已包括熱飲一杯，點了熱檸檬水。先試湯頭，有香濃蕃茄味，湯中番茄和薯仔不少，好喝。通粉的份量也不少，另外通粉上面有很多火腿絲和鮑片絲，以這價錢來說，真的超值。另外點了冰鎮菠蘿鮮牛油包餐，飲品點了熱咖啡。菠蘿包很大，皮脆包軟，鮮牛油下原來放了點冰粒，防止牛油溶化，可見誠意。咖啡也算香濃，不錯。差不多吃飽的時候，侍應拿著一盤一盤熱騰騰的新鮮出爐的麵包，在我們的座位旁邊走過，其中一盤是雞批。很久沒吃雞批了，立即點了一個。侍應很細心，放下雞批的時候提醒我們是剛出爐的，很燙，進食時要小心。把雞批分成兩半，看到批中的餡料頗多，不過大部份是火腿片，雞反而不太多。這雞批味道不錯，不過因為之前已經吃得飽飽的，把它吃完，就變得過飽了。這店的環境有點擠迫，不過服務到還算是不錯的。

呢次唔公開呢間食店都唔得，我宣布，我中伏了😭😭😭我間唔中都有去呢間嘢食中式炒飯或中菜之類嘅嘢，味道都幾好嘅，但今次叫咗個西冷牛扒即刻出事！1.洋蔥汁無味嘅2.安格斯牛扒係炸嘅3.安格斯牛扒咩事好似大家樂牛扒一樣薄切嘅？(連大家樂都好食過佢)4.塊牛扒乾嘅，只有油味5.塊牛扒好銀，好似豬扒咁超硬6.成碟白飯無食過，牛扒食咗小小我再問服務員，佢好肯定話我知呢塊係安格斯牛扒，之後我決定埋單走人，無下次！日期:2019-9-21店名:九龍餐室地址:汝州街282號地下後話:雖然西餐佢地真係好失敗，但係中餐及新鮮出爐麵包係好食的！

九龍餐廳晚市比較出名係蒸魚餐，原條蒸魚跟飯跟湯，仲要唔駛自己煮，都係$88蚊。今晚點了古法蒸多寶魚，仲有紅棗，粉絲，豆腐放魚底蒸，吸晒啲豉油好好味下次經過會再試下

Read online that this restaurant had jumbo pineapple buns.It was indeed jumbo, at least 50% larger than regular. Sadly, the butter was not upsized and so the bun to butter ratio felt out of whack and took away from the experience.Additionally, as I was eating, I was interrupted and berated by some female staff member for not folding up and replacing the menu on the menu stand, mentioning that the menu was getting dirtied by the falling pineapple bun bits. Just clean and sanitize the menus FFS. W

深水埗嘅九龍餐室以前係呢頭返工都有買過下佢啲早餐食呢間嘢我覺得最大賣點係份量取勝 佢啲嘢好大份 好飽一個午餐嘅餐牌$46一個係深水埗黎講 叫做正常價錢啦呢間嘢都唔算特別多人嘅又焗芝士吞拿魚煙鴨胸飯 $46先叫個午餐先都幾大碟 幾滯下佢都幾多芝士下食到好飽呀女朋友叫咗個常餐食有個沙爹湯意粉同埋奄列多士同一般茶記差唔多唔係話特別出色但都唔差嘅價錢又合理兩個人食個午餐Total 都只係$91除返開兩個人每人$45.5都唔錯嘅

學校功課，要我哋一group人去深水埗找布料，我地就不停喺深水埗行嚟行去，之後就有個男同學，就提議去呢間茶餐廳嗰度話食菠蘿油，佢話佢老豆同佢嚟食過覺得好正。特大新鮮菠蘿油餐，個菠蘿包真係比正常嘅菠蘿包大好多，差唔多有一個baby個面咁大，而且溫度係好熱，牛油係分開的，唔係夾在中間，講真個菠蘿包嘅味道我覺得唔係咁好，而且食起上嚟好似輕飄飄咁樣，冇乜重量咁，菠蘿包個皮都係味道普普通通。 除咗話個包係比較大之外，冇乜特別。 檸檬茶，檸檬比較苦澀，味道一般般。

今日係假期，所以忙裏偷閒去咗樓下食早餐， 行下行下不知不覺去了九龍餐室， 九龍餐室最出名的是菠蘿包， 但因為早上緣故 ，我沒有吃到， 我叫了一個早晨a餐， 就是它的招牌菜， 蕃茄薯仔牛肉湯通粉配奄列餐包！這個蕃茄薯仔牛肉通粉非常之好味， 蕃茄、 薯仔一粒一粒非常之細緻， 牛肉切成肉餅， 每一啖每一口都滿有蕃茄薯仔牛肉的味道， 而且番茄不會太酸，亦都不會太甜， 通粉非常之爽口，不會太林， 值得一讚的是它的分量亦不會太多 太少！ 奄列，則我覺得非常之好味， 蛋漿包住煎香料的火腿內有草菇、 洋蔥; 他都不是求其的一個奄列; 咪講到餐包就值得一讚，他的餐包不是求求其其的送一個餐包給你 ，熱辣辣香脆的一個靚餐包！

去到以為係午餐時間，點知原來仲有早餐食，所以就叫左個早餐✌️🐟片頭🐔絲腸仔配水晶粉➕熱🍋茶水晶粉好滑流又好味雞絲，腸仔，🐠片頭都夠味好食平日食完一碗粉就好飽，今次食完好似吳係幾夠飽，所以要再叫嘢食😂😂叫左昵道出名既菠蘿油——黎到見到wow個菠蘿包好巨形，又熱辣辣，又好食，面頭個皮又脆又香又好味👍🍋茶——-夠熱夠濃郁👌早餐款式多，不過我食呢個早餐好似小左D，吳夠飽，所以要食多個菠蘿油，不過食完個甘巨形既菠蘿油之後，就好飽😂😂服務就麻麻地😅

九龍餐室好多人呢 入完一枱 又一枱侍應都十分忙碌呢😚我食特大波蘿油套餐 配熱抹茶白朱古力又真係比平時嘅波蘿包大喎！温暖 未去到熱辣辣 未係好脆身 亦唔夠麵包香不過個牛油就幾得意防止牛油溶化放咗塊冰喺下面 餐廳比較凍所以加咗杯熱飲 生炒牛肉飯 冇太大嘅牛肉味 亦都欠缺鹹味 瑞士汁炒牛河 就唔錯啦 雖然佢啲牛肉都係冇味 但係個河粉 爽身唔太油 有炒過嘅香 亦有些少瑞士汁嘅甜 出面仲有好多特大嘅包我想試佢嘅莎翁！！餐廳都好值得一試 有好多唔同款式配搭

深水埗有很多餐廳，我選上了這間看似食物種類非常豐富的茶餐廳，心想：有如此多款式的大型茶餐廳，一定不會令人失望。結果我點了手撕雞公仔麵餐，飲品是熱奶茶。嘗了一口馬上覺得入錯餐廳，手撕雞淡而無味，公仔麵欠缺彈性，就連最應該沖好的奶茶也令人失望。在深水埗區要用上$40的下午茶餐，卻提供如此的質素，怎不教人失望呢。😩

今日中午沒有食lunch,祇食左個杯麵就怱怱趕去深水埗西九龍中心，因約左師父一點按摩。最近因做運動傷左腰，所以每隔一星期做一次按摩推拿。做完按摩已到三点幾，非常肚餓。於是拿拿聲落去九龍冰室食個菠蘿油餐。菠蘿油下午茶餐 - 菠蘿包配鲜牛油，包一杯奶茶。祇收二十七元正，以今時今日的物價，可謂是抵食的下午茶餐，再加上這餐的質素更抵。菠蘿包好脆皮，熱辣辣，新鲜出爐，所以件鮮牛油分開放，再放上冰粒避免牛油溶化。

星期日既中午 突然好想食香港風味嘅午餐就去咗深水埗嘅九龍餐室！嗰度嘅珍寶菠蘿油好出名，一定要試試佢！一放上台，嘩！真係好大個！！😮😮😮😮一個人應該食唔晒！片牛油有仲有冰鎮住佢，好高級呀！將片牛油夾落個菠蘿包，牛油立即溶化，望落都好好味！🥴🥴🥴🥴菠蘿包好鬆軟 雖然空氣感好重，但真係好鬆化！好味！另外叫咗個常餐，牛扒米粉配火腿奄列，飲熱奶茶☕️火腿奄列好一般，正正常常茶記質素🤡熱奶茶都係一般既質素，唔係特別香滑，奶味亦唔係特別重，茶味都較淡。反而令你有驚喜嘅係個米粉！！米粉係細條的，質感非常好👍🏻軟硬度調校得非常，可以吸到個湯，又唔會太軟身！有好感之餘，仲可以掛到湯！正呀！叫常餐一定要跟米粉！米粉絕對比到驚喜你！

星期六偶然想起之前在北角分行用餐時留下很好的印象，就決定再到較近的九龍餐室吃晚餐。這裡有超大的巨無霸菠蘿包和美味的蛋撻，還有椰撻，還有等了半小時超美味漂亮的鐵板牛肉眼扒，醬汁即場淋到四處濺飛😱⋯⋯特別要說服務品質特佳，服務員好有耐心又友善，絕不會像典型罵人趕人催人速吃速離開的茶餐廳，大大衝擊我和友人對香港餐廳的刻板印象。如果有親朋好友到香港旅遊時必定推薦這類型的茶餐廳！吃完還有糖水喔！讚一個👍🏻！

每次早上經過早餐都係必點腸仔包 新鮮熱辣 大大隻腸仔包都係$9 蚊 /包因為新鮮出爐既關係 所以好多人都會專程黎到買面包口感鬆口 又好味 食完好有滿足感 一個包頂到我食lunch 時間