九龍餐室

营业中

休息中

成日去食早餐，好鍾意佢嘅蕃茄湯底，好多蕃茄酸味味，今次叫左手撕雞，比較清淡。到我好啱夏天食同事唔知係咪新來，比錯隔離嗰碗我，好彩佢回收之後都係倒咗佢。整體都唔錯

天要下雨、人要食嘢。從西九龍中心行出嚟，本來要再去福榮街買嘢，但天空下著微絲細雨，肚子又饑腸轆轆，此時咁啱就望到呢間冰室，決定入去飲啖茶，食個包。打開餐牌就被呢幾個字吸引“特大菠蘿油餐”，睇埋價錢-- $33包埋飲品，OK! 落order個菠蘿包真係好巨大，比成人手掌還要大，食落OK，面層都算鬆脆，包身亦夠軟綿綿。美中不足係個包唔夠熱，做唔到菠蘿油嘅賣點--冰火，而牛油亦唔夠香。整體評價係抵食，但未致於好食，不過唔係差。

環境窄，衛生麻麻，食物差，態度更差。叫咗個炸雞脾薯條沙律下午茶餐，52蚊，比其他茶餐廳貴不特止，雞脾炸到又燶又乾，又少咗忽肉咁。而薯條個口感好似隔夜再翻炸咁，沙律就普通，因為好難整得再難食。之後同話得事嘅伙記反映食物質素，佢一句「喺咁㗎喎」就算，完全唔會想主動跟進，態度消極同負面，即刻無晒胃口。既然喺咁，就梗喺唔會再幫襯喇。

唔知以為去咗大排檔, 好似80年代咁, 服務態度極差！啲職員嘈冤巴閉, 有手機落單都要大大聲講嘢, 若果要度噪音分貝, 起碼70度以上, 食食下又要人調位, 就出面啲客入嚟坐, 服務態度差到冇人有！唔怪得啲香港人返曬內地飲飲食食, 對呢間餐廳非常失望！

九龍餐室，位於深水埗汝州街282號地舖。店內環境嘈吵，點了兩個下午茶，瑞士汁牛肉炒河$56、芥末醬熱狗$42、凍檸茶$3、熱齋啡。📍瑞士汁牛肉炒河$56 ~ 牛肉份量好少，完全食唔到有瑞士汁嘅味道。📍芥末醬熱狗$42 ~ 熱狗包好燶，連最簡單的熱狗都唔好食。📍凍檸茶$3 ~ 味道正常。📍熱齋啡 ~ 反而齋啡算可以，起碼夠熱。性價比低，唔會再嚟。🏷️溫馨提示 ~ 整個用餐體驗均屬個人分享意見，只作參考。九龍餐室地址: 深水埗汝州街282號地舖

原本嗌咗一個雞扒榨菜肉絲米線+雞扒公仔麵。最後嚟到變咗雞扒肉絲公仔麵同豬扒公仔麵。啲嘢錯晒都算，一咬落去個雞扒係酸嘅。就算係炸佢都冚唔住個酸味，明顯係放咗好耐，而且啲肉係壞嘅。

主食：蕃茄湯營養餐係用羅宋湯湯底個鷄絲似係煲完湯嘅湯渣碗米線細碗到食完好似冇食接受唔到呢個價錢提供呢啲食物另外叫咗個豬扒公仔麵個豬扒勉強可以接受，但公仔面都煮得好難食飲品：用個傳熱嘅鐵杯出熱飲，熱到用手掂唔到叫凍檸茶少冰，係出左勁多冰服務：落單冇禮貌，如果咁唔想同客講嘢，建議餐廳可以用QR code 比客人落單。態度非常之差，落完單飛。張單落枱整體來說：食物差，服務差不會再光顧

完全不能接受的服務態度不會在光顧的茶餐廳餐廳衛生好有問題進食中好多烏蠅飛嚟飛去侍應服務態度極差要熟蛋裏面 蛋黃全是生的餐室內有好多空位但是不給客人坐 不斷要客人搭枱

我愛吃麵包,尤其是剛出爐的。沿途經過九龍餐室,見一盤盤的麵包,就去選舖滿整盤剛出爐的菠蘿紅豆包。吃得菠蘿油多,推介試下這個外皮香脆內裡充滿紅豆蓉的,外脆內軟,紅豆蓉香比菠蘿油少了邪惡感......

身為麵包控的我,放工經過九龍廠室,又見麵包出爐, 就只有交下過路費。一於就揀最熱騰騰的迷人的奶黃墨西哥包。話你知,識食的就一定要揀奶黃墨西哥包,因包面有牛油的咸香味,一口咬下又嚐到包內的奶黃甜滑,口感豐富,此包體積大份量足,我鐘意呀！

放工經過九龍餐室,見一盤盤的麵包香噴就買一個雞尾包回家嘆下,返到屋企包仍是暖的,就速洗手,然後用手機後拍下準備一陣吃完就分享。雞尾包芝麻舖在脆面上,一啖咬下嚐到內裏的甜椰香....真滿足

經過深水埗，見到呢間舖頭外面好多麵包賣，賣相好吸引，所以就買咗個返屋企食。今次買咗個菠蘿紅豆包，返到屋企用焗爐焗返熱佢黎食，好脆好好味！d 紅豆唔會太甜，甜度剛剛好！而且個麵包超級巨型！

九龍餐室都係一般嘅茶記，買點應該係包大大隻自家出，當然人人喜愛唔同，而佢呢個賣點並不是我喜歡的，只是純粹個人行到邊就腳就中入其中一間茶記，我原本呢個係下午茶餐係40蚊咸牛肉炒蛋拼牛角酥加一杯餐飲，人人喜好唔同因為我唔係食餐包嘅，所以我要牛角酥，職員食物放低轉身就走，咁我叫住佢，點解唔係牛角酥嘅，職員答我我個都無曬，所以畀呢隻唔知咩包係咪雞畀我唔知，咁我問佢有咩揀，佢話菠蘿包，其實所有餐包我都唔啱嘅，反而你畀塊白方包我都仲ok，因為入茶記都係志在同朋友坐低飲杯奶茶我都冇乜要求，冇咪食第二樣囉好閒啫，咁佢答我菠蘿包嘅時候，我話菠蘿包我都唔啱，佢答我咁食第二樣，因為我只想飲杯奶茶，我正想叫住佢咁算啦取消佢，要杯奶茶淨飲，咁我朋友就話是但啦要咗佢佢打包攞返屋企，咁我冇所謂叫佢攞個紙袋，佢有外賣包賣應該有紙袋專係裝包嘅，都淨係放低咗一個膠袋就走，其實冇嗰樣嘢真係好閑事，但你係應該出餐前同我講聲等我揀過第二樣囉，食得茶記都冇乜要求探你就腳但呢個係最基本冇嘅要話畀人聽。繼續講返食物炒蛋係微暖的，畀凍冰冰好，個蛋全熟的唔滑嘅，牛肉超級少，奶茶正常味

叫左個黑椒牛柳粒飯，味道唔錯，牛柳粒大大粒，多汁，多飯，送野飲都係5x蚊。服務態度一般，䌓忙時間需要搭枱，如果想有私人空間，自己一個的話，就要係非䌓忙時間過去食。

個個員工都係要求一入到去就要落Oder 唔係就直接鬧你 我心諗大佬你打開門做生意 咁做生意都有嘅 D嘢又唔係話好好食 就算你D嘢食好出眾 都唔係咁樣做生意吖 不過好唔好食咁係見人見智 but就唔會再嚟lo