九頭鳥米線

营业中

休息中

是日黎到呢間米線舖食米線，未黎前已聽過佢勁似譚仔，所以先突登黎睇下有幾似。因為係平日下晝5點幾黎，完全錯開食飯時間，所以只有零食客人，一到即入唔洗等位。講真每個人都會有自己慣常既譚仔menu，基本上一坐低就落到單知自己想食咩，但今次我都突登睇過下餐牌，發現餐牌真係同譚仔一模一樣甘滯！甘我就叫左雞肉春卷麻辣小辣少米線再加果細土匪雞翼。先講雞翼先，嘩果味同譚仔一模一樣！重點啲雞翼大隻過譚仔添，外脆入面好juicy，食落好滿足，推介一下必點呢個先。再黎到主角米線，呢碗雞肉春卷麻辣小辣少米線，其實整體冇令我失望既，啲春卷幾足料比較似南記既招牌春卷，雞肉幾大件同滑，其他配菜芽菜、韮菜、腐皮等等齊哂，真心同譚仔8成似！唯獨美中不足果湯淡左啲，似譚仔果湯溝稀左甘，當然夠味既，但就係差左少少。整體黎講，呢間野食物水準都真心做到譚仔替代既，因為太似啦。服務方面都正常，就係普通譚仔遮遮甘，如果係譚仔fans都可以黎一試！

真的好味的雲南米線店，中環新開，午餐超多人買外賣。味道好過出名米缐店好多。同事叫了清淡的米線，外賣湯碗是兩層的，湯比較小，但可接受。我不想食粉麵，只叫了三個小吃，食落有驚喜。麻辣海硩頭好爽，麻香味及辣辣地，好欣賞。$30抵食。跟住叫了麻辣生腸，爽爽哋，新鮮，正！辣度都合我意，不是辣到飛起的那種。唯一最普通是口水手撕雞。

日日lunch都唔知食乜好，今日自己食就去買外賣番公司算用美食熊貓睇下有乜好選擇，見到有間都係食米線wor就決定試下唔洗下下譚仔丫嘛叫左個過橋米線，定左12點過去拎，點知去到未有。。但眼見d單又唔多，堂食又未爆人最後等左6~7分鐘先有。。。e part真係差d d,因為一向咁外賣自取都未試過會遲包裝如圖，有分開米線不過個碗比譚仔細d,因為個過橋擺咗落去之後，差唔多爆曬出嚟咁滯包裝上譚仔好啲，因為擺咗個米線落去都唔會有依個情況米線個口感就應該譚仔好食啲，不過院童腩肉都幾好食，各樣野都幾好，我叫酸辣小辣都唔會太辣有時間可以再食

麻辣湯好香, 好食過真譚仔😂大腸有5-6舊, 又大又厚👍🏻墨魚頭夠爽脆 份量又足仲要唔係間間舖頭都有得食😍米線份量好多, 怕食唔哂可以叫小米分湯既話都係上層米線, 下層湯料

中環近排新開咗間米線舖望餐牌好有譚仔feel🤣一入去都充斥住譚仔酸酸辣辣嘅香氣💨可能因為新開張 一人送一隻青椒皮蛋（即係半碟）正正常常 辣油似譚仔嗰種炒香嘅辣————————————————————————🐕各款湯底🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯同朋友各自叫咗唔同湯底試- 重慶麻酸辣嗰味似足譚仔嘅重慶酸辣湯底🤣似炒香嘅辣 比較重口味- 湖南酸辣嗰味就似譚仔三哥嘅普通酸湯底🤣- 雲南酸辣呢個就唔似譚仔啦 唔係麻辣 都唔酸 屬於平淡嘅辣 飲落較清 之後慢慢滲出辣味 係口腔度辣辣地咁 個人都係鐘意啲濃味啲🤣- 清湯正正常常 有啲肉味 唔會太寡————————————————————————🐕麵底同配料🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯麵有得揀米線同紅薯粉🍠比較驚喜係紅薯粉唔係螺旋形嗰種呢種食落比較滑身煙韌 正！配料有幾款都係譚仔冇 不過份量比譚仔少啲啲魚肉春卷比較厚皮 都係南記好食啲😂🐟冬菇夠淋 但唔知點解嗰味怪怪地🍄豬腸清得乾淨 夠淋之餘 大條又少肥肉 好過譚仔🐷雞肉幾嫩但散 份量算小🐔————————————————————————🐕覇王雞翼🐕⋯⋯⋯⋯⋯⋯⋯⋯⋯⋯⋯