九頭鳥米線

营业中

休息中

魚肉春卷米線🍜呢間味道同價錢似係譚仔x南記crossover😆但都有新款小食，湯底同配菜都好味，湯底揀左10小辣，辣度同譚仔差唔多，魚肉春卷有5條，仲要岩岩炸起外脆内軟🌟呢間可以同一時間食南記出名既魚肉春卷同埋譚仔湯底😆配菜同米線份量都足

見到大家成日都話佢同譚仔、三哥差唔多，就搵日去試吓啦！初初見到個Menu大部份都同譚兄弟的很相似，不過款式是兩兄弟的合體。譚仔多內臟小食：生腸、雞腎、雞腳筋… 三哥多其他款式： 手撕雞、手帕青瓜等…Ｅ到兩樣都有！例如有生腸、雞翼尖、豬耳、口水雞、招牌土匪雞翼等等⋯⋯因為要做一個好好嘅對比，所以嗌嘅餸同平時嘅一樣，雞肉、腩肉 酸辣湯底，今次要薯粉。薯粉- 唔係扭紋薯粉，係一條粗嘅薯粉！ 係重慶酸辣嗰啲粗粉，好有咬口，正雞肉 - 大大件，唔會好「鞋」， 有時譚兄弟的會變咗做雞粒或者雞碎，所以雞肉大大件，兩啖一件到，讚！ 腩肉 - 正常，食到有一片碎骨頭，不過唔會太大扣分米線最重要嘅係湯底 - 重慶酸辣湯底 3 小辣同譚仔三哥三小辣味道差唔多，冇譚兄弟的三小辣咁辣，有啲似五少辣。不過E到多D湯料，感覺似自家製多，譚兄弟的冇呢度咁住家菜感覺。要咗一個巴蜀海蜇頭- 每一片都有手指尾咁長，唔會太細片，酸酸地，好爽，好有咬口！ 跟麵叫嘢飲加$9服務：店內都是香港嬸嬸幫忙，有人情味，有規矩，做事有條理。有時譚兄弟的內地姐姐會俾人感覺冇禮貌，大聲夾惡咁… 服務依度略勝一籌總結：兩碗面🍜，兩個凍飲🥤，一個

繼“墨演雲南米線”之外，又一米線新寵兒!🥢🥢😍放工後於上環做完運動，慣例在附近覓食。🔍🔍😋向中環方向走，沿途有不少茶餐廳，不過想找些特別的。🧐🧐行至中環街市，探頭向横街一望，連續有幾家食店。🍜🍢🍝🍲一家名"九頭鳥"，門口貼著米線彩圖，雖然內容與"墨演米線''相類似，不過味道相當不錯!😍😍🥰1️⃣ 🍲🥢 朋友點了雞肉、豬大腸(10小辣)薯粉雞肉嫩滑，豬大腸夠淋又入味，朋友邊吃邊讚！👍😋2️⃣ 🍲🥢 我就要豆卜、魚蛋(小麻辣)薯粉。我的至愛豆卜，軟硬適中，吸湯吃最惹味。魚蛋非常彈牙，好味！😋😋🥰配菜有牙菜、腐竹、酸菜，韭菜及芫荽，份量充足香口，我最欣賞！🌟🥳🥳薯粉煙韌，質感光滑，反而沒米線這般吸湯，配辣湯也不至於過辣，越吃越想吃！🤤🤤🤤此家的確給我們有新鮮感，餸料選擇多、有水準；米線或薯粉都同樣好吃，湯味適中，辣道恰到好處！👏👏👏人總愛比較，食物整體而言，此家稍勝一籌！🧑‍🍳🥇唯一不足之處，是座位較迫，不過位於中環黄金地段，座位充足，已算不錯！👌😘

我们3個人等了半小時，服務員還一直放那些後面來的2個人進去。就一直說還沒有位。心想如果你不放人進去等多一下應該到我們了。真的是沒系統而言服務員之間又沒有溝通，放2個一直進

今日同同事去咗中環開會，一放工就走咗去翻新咗嘅中環街市趁下熱鬧，因為人太多所以行咗個圈就走去附近搵食，見到間舖叫九頭鳥米線，個名咁搞笑就入去試吓！可能我哋早，所以冇咩人，兩個人可以舒舒服服坐卡位同事叫咗碗過橋米線，加一蚊叫咗個湖南酸辣湯底魚肉春卷加雞肉配紅薯粉，加一蚊叫咗個四川麻辣10小辣湯底阿姐送碗過橋米線上枱嗰陣，我真係忍唔住「嘩」咗一聲，好大碗米線，份量好足，同事食完都話好飽。我碗紅薯粉份量都唔少，魚肉春卷都有三條。之前食中環間譚仔，好似冇咁多餸。價錢同譚仔差唔多，哩間湯底都唔錯，不過四川麻辣10小辣真係一D都唔辣，下次都係叫返5小辣。

米線痴既我😅，真係可以日日食都無問題😂😂，因為自己真係好鍾意食重口味既野，仲要無辣不歡， 所以好多米線鋪頭都已經食過😍。今日咁啱去開donki 買野， 見到 之前“米線關注組 ”好多人推介嘅九頭鳥米線， 即刻第一時間入去試下先😎本身想叫四川麻辣米線，但又想食D酸野， 始終夏天想食啲酸酸地嘅嘢， 開胃D😋，所以最終叫左 雲南酸辣雞肉， 螺旋藻米線， 中辣既，仲叫咗麻辣生腸。不過試左個湯底， 覺得唔夠濃味，無咁酸唔夠辣， 可能平時都係食開重口味D，不過又唔係唔好食既，只係普通左D😅。螺旋藻有啲失望， 因為好軟淋淋，無咬口，唔好食😅。反而麻辣生腸就幾好味😋😋，夠爽脆， 自己都係比較鍾意食啲爽身嘅嘢，所以呢個好啱我口味。試過之後覺得唔太突出，唔係唔好食既，只不過唔會專登嚟😅。

基本最平一餸 $36每餸 +$6-12螺旋藻 、魚肉春卷（雲南酸辣湯底）$48霸王豬頸肉 $32👍 份量超大（平時譚仔叫多餸，用隻碗都化一樣，今次朋友叫左4餸，碗野大到好似過橋米線咁，一個女仔無可能食得哂）👍 款式較多（魚肉春卷我覺得都唔錯喎，大大條，好煙韌，都有魚味。螺旋藻就會有少少污染左個湯，如果唔介意嘅話都係一個唔錯嘅健康之選）👍 試試姐姐推介呢度獨有嘅“雲南酸辣湯”，好惹味，亦都好多料，但辣度無譚仔咁勁，味道都無三哥酸辣咁嗆，個人比較鍾意呢湯底👌豬頸肉都幾厚切，唔會太 dry，呢度嘅“霸王”相當於“土匪”，但調味好明顯唔夠譚仔嘅土匪雞翼重手，我覺得唔夠香口👌 米線係比譚仔硬啲，比三哥淋啲，我覺得我下次可以叫硬麵👎 安排座位麻麻地，我都一行4人坐 bar 枱，見到有卡位，問姐姐可唔可以轉，佢話落左單就唔準轉。。都明咁樣轉黎轉去唔方便，但見到人地2個坐卡位，我地一字排開，計都唔太傾到，share 食物又轉黎轉去，好唔方便。。。雖然唔鍾意佢地明顯抄人，但無可否認佢地抄得黎都有加自己野，同埋都做得幾好。中環又多個糧尾選擇。

見網上介紹特意黎試下，餐牌、食物款式同譚仔真係好似，唯獨係d湯底同小食名有d唔同，餸既款式略多少少，而且呢到有得簡要薯粉。職員話湖南酸辣，無雲南酸辣咁辣，岩我呢d唔太食得辣既人，所以叫左一碗湖南酸辣湯底既腩肉墨魚頭薯粉。呢到既腩肉好靚，有肥肉，肥瘦分明，而且都算大舊同多，但唔知點解食落無乜味咁？墨魚頭略嫌有d少，都係無乜味道咁。湯底就無乜酸味，薯粉係滑身，無紋理個款。仲有一碗最小辣既四川麻辣湯底過橋米線，食落有麻味，都係同譚仔過橋米線既餸差不多，雞肉感覺唔會好硬，其他餸都ok，係炸醬比較稀身。另外叫左個霸王雞翼，姐係譚仔既土匪雞翼，黑芝麻多過譚仔，都大隻既，不過唔夠入味。服務都正正常常咁，無乜譚仔呀姐既口音，哈哈！見openrice寫收8:30咁早，就打去問下，職員話係收9:00，8:40分last order ，不過食肆既話，呢個時間都算比較早啦。總括黎講，味道無乜驚喜，同譚仔太似，無乜特色，唔會特意過黎食。

🇭🇰九頭鳥米線·原來禮拜六既中環lunch time咁爆 我地無book檯去左幾間餐廳都full曬lol 行行下醒起之前係youtube見過呢間同譚仔既大比拼就決定試下佢😈·過橋米線$58佢個過橋米線真係同譚仔超似 無論係湯定米線都超似 不過呢度有卡位就坐得舒服D 無咁迫夾😎我自己覺得佢呢度個湯底稍為辣DD 而且我覺得佢呢度D料整體都高質D 尤其係佢個竹笙超大舊 好厚身 D氣孔真係索曬湯 好好味 我直頭想加一份🤤🤤之後佢個豬潤都相當出色 佢係真係起沙咁 食落口感好好 魚蛋同墨丸都好彈牙 好真材實料 不過就每樣得一粒🙊其他大致上都真係同譚仔一模一樣 係個炸醬酸左少少 無咁好食 同埋佢呢度個麵底好似少過譚仔咁 我地兩個輕鬆食曬成碗🤣🤣·霸王豬頸肉$32 l 霸王雞翼$26(三隻)之後我覺得佢呢度既小食明顯好食過譚仔 尤其係佢個豬頸肉真係超級出色 佢超級juicy 而且肉質好好 好惹味 不過我男朋友就覺得孜然味重左少少😌之後佢個雞翼超級大隻 好啖啖肉 食得超滿足😋😋·#rbyeat#rby港式#rby中環·📍中環域多利皇后街4號利隆大廈地下

去開中環，想食米線，今次就試咗呢間九頭鳥米線。叫咗🥢魚春卷+酸菜（重慶麻酸二小辣）米線＋霸王雞翼3隻😗一於試吓同譚仔土匪有咩分別先…面頭有一大堆酸菜，魚春卷有三條。湯汁裝到滿一滿～麻酸辣湯底好過癮，二小辣都有小小嗆，食得辣嘅話可能覺得小兒科🤣春卷3條，好快就食晒，但酸菜去到尾都仲有好多喺碗底。雖然廉價，但俾得多又大條，正🤣-霸王雞翼（細）新鮮熱辣，基本上味道同譚仔差唔多，不過雞翼體型就大少少🤏。-📌轉薯粉唔使加錢。想食米線定紅薯粉都任君選擇～-本身以為會排長龍，不過當日去到就直入。座位有卡位同一排獨獨位👍🏻一支公食都唔怕尷尬。-位置好方便，中環Donki對出條斜路行落去就係。

平時叫外賣就食得多某某連鎖店見人地話呢間同某某連鎖店有得比咁就試吓啦 個餐牌d餸其實差唔多都係叫左酸辣炸醬 魚肉春卷個湯幾好好夠辣 真係正過某某連鎖店黎緊會轉食呢間 唔食某某連鎖店

一直都覺得依間好似譚仔食過一次叫咗蕃茄湯底 稀到不得了就冇乜想再食多次見有人讚依間野好好啦 比多一次機會佢！今次叫酸麻湯底 十少湯底好似真嗰間譚仔係冇嘅 所以特別想試吓喺米線關注群組入邊老闆娘係最出名所以就食呢一間酸麻比拼一下 當然依間睇個色都知淡d…成個菜單根本就以為自己係譚仔入邊食物質素我覺得好過譚仔啲餸係好食過譚仔有誠意啲雞翼就同譚仔一樣都係咁好食辣到就俾譚仔辣少少 但係佢都係分好多個lv如果想食米線除咗譚仔之外都可以食呢間有多一個選擇

今日我生日，又係爸爸的護理員姐姐最後一日喺我哋度返工，橫掂路經中環，去咗呢間喺YouTube聽聞味道比譚仔還要好食的米線專門店，就打包咗三個湯薯粉及一些小食還有飲品飛的士由中環大約30分鐘車程返到屋企慶祝我的生日及歡送護理員姐姐。1. 我點的是小辣湯底，啲餸要咗竹笙螺旋藻及腩肉，竹笙和腩肉這個組合是我在譚仔雲南米線幫襯10幾年的組合，想試吓呢間得唔得，我從來未食過喺湯粉入面加入嘅螺旋藻，而且想吸取多點纖維但是不想另外叫一碟菜，米線就食得多，所以今次叫薯粉食，成碗嘢超好食！湯底很有靈魂！帶出薯粉的美味！薯粉做得爽口彈牙質感啱啱好！索咗啲美味嘅湯底就更好味！竹笙和腩肉跟譚仔一樣好味，螺旋藻的味道也不錯！現在才知道螺旋藻可以煮餸的。2. 爸爸嗰碗我幫佢叫咗雞紅豬大腸及豬肚湯薯粉及要清湯底，因為爸爸唔食得辣，而且因為腎臟功能偏低要少食蕃茄所以不能叫番茄湯，諗住將佢啲餸每人分一啲試味，因為佢食量並不好像我那麼大！雞紅除咗好食之外質感很討好，味道很新鮮！豬大腸和豬肚都好味，係首先滷水過之後切落去的。爸爸好鍾意食啲薯粉，索咗啲和味嘅湯佢話好味。3. 護理員姐姐點了墨魚春卷竹笙豬潤腩肉蕃茄湯薯粉，我哋

好回味他們的辣，有不同辣味的湯底，可以選擇麻辣和酸辣風味。我今次試試重慶麻辣湯厎配薯粉，配料選了魚肉春卷及腐皮。已經選了小辣，辣到十足，勁！今次仲試吓叫麻辣雞翼三隻和辣海硩頭。十分好味。雞翼辣又香，不錯。辣海蜇頭，十分爽脆，辣到亦十足。

聽講佢個menu同譚仔有9成似，作為專業老譚10小專嘅我，一定要去似似佢😛👅螺旋藻腩肉雲南米線2小辣今次同朋友一齊去，我叫左譚仔無嘅螺旋藻，食落唔腥，吸埋啲湯好好食😋佢同紫菜唔同有咬口得多，而且營養豐富，抵食。腩肉係比譚仔出色，佢夠厚身，又夠肥，而且數量都多，成8-9塊，感覺好滿足☺️湯底夠味，食到有花生醬味🤤如果想要更重口味，推介大家食重慶酸麻辣，佢呢個湯底比譚仔濃勁多🤣🤣我地仲叫左個霸王雞翼同蒜泥白肉😋雞翼有味但略嫌咸，可以唔洗咁咸🤣🤣但蒜泥白肉個汁好味，感覺同譚仔差唔多😋