九記牛腩

营业中

休息中

唔係我主動介紹，係個日本妹拿住本旅遊書叫我帶佢來的。為免排隊所以兩點半倒至來到，但都有60%客人，可見呢度仍然捧場者眾。叫了一碗淨牛筋腩，兩碗齋伊，咖哩汁及上湯各一碗。個人喜歡吃牛腩多於牛筋，貪佢有咬口亦能彰顯煮手的功力，這裡的牛腩當然有水準，日本妹亦食得好開心。食到一半飲左D湯，再撈入咖哩汁又係唔同味道，咖哩汁有牛肉同煲，好正，食到滴汗都無計。話時話D咖哩汁都幾杰，又唔覺好水。埋單八十幾當然唔係平，但日本妹就覺得幾抵，因為折番日幣都係1400Yen左右，香港仲免稅tim，在日本兩個人「立食」都係上下錢，咁又係喎。

好食既....不過d咖哩好水law...硬係形住同以前舊鋪時唔多同咁~~

冇la...<br />人地出名ma...<br />更係大牌D ga la...<br />不過個老闆真係好口花...

看牆上食物餐牌.發現貼住食物"牛筋腩".後來就叫了清湯及咖哩牛筋腩.咖哩最好配粗面...好好味...正.地方設施一般.不過咖哩似糊仔唔似湯,但佢過牛根腩又滑又軟,好味得難以形容.不仿試試!

咖喱汁點牛腩, 掂~~~~~~ 好多人~地方逼~

咖哩伊真係好好味! 我最鍾意加多個清湯(其實好濃味)咁就一流喇. 不過唔可以成日食咖哩伊, 間唔中食吓 半肥伊都唔錯架.

老實講，呢度大大話話都「唔憂做」左幾十年。對於佢地來講，有飲品同匙羹供應已經係讓步！仲記得十幾年前未搬出來現址前是在前面大排檔的空地經營的，果陣時無飲品同湯匙俾，碗湯又鬼死咁熱，遇上大熱天時都幾係架，仲分分鐘燙傷咀tim。淨係睇佢12時半至開門，晚上食飯時間唔做生意自己食飯，理得你門口排幾長條龍，就知其有幾「唔憂做」！

我不太吃牛腩...但都覺得不錯...幾好味...咖哩亦都不錯...湯底不錯..只可惜...service真的很差...我記很第一次去的時候，不會order..只問了兩句就被罵了。但之後去知點order，但亦都要受氣...我知道生意好...但可否稍改一下唔憂做的態度!!!!

好好味.是最好的形容詞.地方設施一般.一看餐牌下.發現只有一樣食物"牛筋腩".叫了一個咖哩"牛"及清湯"牛".咖哩味香濃.但佢過了牛根腩的鮮味.而清湯正加上牛腩的鮮味.好味得難以形容.配上伊面.真的是我吃的店舖中最好的一間.一定要試試.

初十一至開市，你話係唔係搵長左？金牌老舖果然犀利！ <br>

諗住今晚睇波前醫醫個肚先, 所以專登走落九記六點鍾已經坐定, 例牌問下有無爽腩, 亞哥仔就話'依家食碗先, 跟住八點半再返o黎'叫o左咖喱牛腩伊. 咖喱味道依然正正, 但係D伊麵就唔係好腍.. 牛腩得好少, 亦好碎.. 有D失望食飽之後, 過o左對面間舖睇擺設. 佢o地竟然播緊我響屋企聽完o既SUEDE! COOL

牛腩OK o既, 不過以d 咁串的服務態度我入去就已經倒減30分...有時唔係為左一碗麵而去受氣, 食野食到谷氣就點好食都係假啦. 仲有, 湯中太多油, 我見個個食客都話走油, 咁佢地有無去諗過碗麵落少d 油呢? 我覺得, 同係清湯腩, 大利無論如何都比佢好, 而鏞記的牛坑腩就更係一絕, 食平食貴我都唔會再去一間又受氣又行鬼咁遠的地方食一碗無乜咁大特別的牛腩麵(連一條菜同Chili oil 都無, 撞鬼...)

淨係睇營業時間都知咩料，12:30pm至開門，7:30pm~8:30pm清潔時間我諗全港獨有。服務出名唔好就一定啦！鬼叫佢出名咩！牛腩伊實在值得推薦，如果唔怕肥要半肥腩就最正！淨咖哩牛爽腩，淨河，再加個淨牛腩湯就真正無得頂。照我睇佢地應該無落味精，因為將舊牛腩焞咁耐照計咩味精唔使落都夠味啦！

伊麵同牛腩都OK, 但D湯就好重味精, 食兩啖就好口渴, 比想像中差D.

尋晚去試過，叫o左一碗清湯牛腩伊．牛腩係好食，亦都幾腍．個伊麵真係幾好食，比起其他粉麵檔o既伊麵好食D，個湯都幾好飲，但我就覺得都幾重味精，因為食完就好口渴．至於服務同衛生，我覺得以粉麵檔既標準o黎講，唔算差，可以話係一般啦！