九記牛腩

营业中

休息中

My freind once told me that Kau Kee is the authority on beef brisket, the Mecca for noodle enthusiasts, and the gold standard by which all noodle shops should be judged.It has ocurred to me that the appeal of Kau Kee is enhanced by the fact that it is located in an obscure part of old Central and that it sells nothing but beef noodles. The somewhat indifferent attitude of its servers towards customers and the fact that it does not open on public holdidays and Sundays and that it is closed for r

今日一個人特地去搵野食, 搵唔到水記，但係見到九記，就行左入去食啦~D 伙記幾nice, 估唔到~ 佢地真係會笑住同你講野，你諗野諗得耐又唔會吹你~ 實在好服務~我原本想見牛筋牛腩河，但係佢話如果你要筋就一定要有咖喱喎~~咁我咪要咖喱lor~就係咁，我就叫錯野啦~ 唔係佢D 牛腩唔好，而係食咖喱牛筋河真係好"漏"~ 食完超濟，好辛苦~! 我跟住聽到個個都會叫伊麵~! 我知道我叫錯左，所以今次我覺得碗麵唔價$25...本身對九記好大期望，以為佢會同出面的牛腩唔同，不過食完又唔覺好大分別ja wor~我諗佢特別既地方在於湯和咖喱汁，我覺得佢個咖喱汁太辣了！令我試唔到原本的牛筋牛腩味，唔適合我~我反思到自己真係不太喜歡牛筋，牛腩和河粉~唔制呀~~!! 點解唔可以好食到"開心"既~~? 我下次要清湯腩伊呀~~!!!

先提提各位, 九記的營業時間是1230-1915, 2030-2330. 星期日,公眾假期休息!!最特别是1915-2030,清潔時間,休息!!星期五7點居然有位,叫了一碗27蚊的牛腩伊麵!!一小碗,湯底清甜頗多油,賣相不好,上枱時可做些去油的功夫吧!!半肥半瘦的牛腩,肥的很肥,甘香; 瘦肉算淋入味,但有點黐牙,煮伊麵的時間剛好,不硬不淋,外軟內韌!!細了點,貴了點,好味只是一點點!!

朋友沒有試過這裏的牛腩,看不過眼,決意帶他來這裏一試.四時多仍有人龍,跟對面的勝香園一樣,很受歡迎.清湯牛腩粗 - 湯底很濃,牛腩保持到水準,不似安利般,水準不穩.咖喱根腩伊 - 這次吃的咖喱,沒上次那麼辣,很惹味,如果配河粉應該會更好.上次也是吃這兩款食物,這次還有相片.還會不會來?很難說,一來不是牛腩的fans;二來價錢不算便宜哦.

好想試, 終於有機會, 試之前重溫對上10篇食評, 發覺都幾意見都幾多樣性12:45, 1 位所以即刻有位, 被門口哥仔叫我上2樓坐最埋面, 首先發現價錢果然唔係平, d哥仔真係唔寫單但又記得你叫乜野, 同埋佢地真係望住你食 (可能係d枱太密)我叫左碗牛腩河, 等左10分鐘, 有得食啦, 真係比較細碗, 我就ok同場搭枱的男士, 全部食完一碗再追加, 有一位仲要食3 碗..湯底真係no 1! 腩就ok (因為我唔鍾意食太肥腩) 出去俾$哥仔大叫$25, 佢地唔通有上乘記憶法?

零九年一月上旬宵夜平均一星期總有三幾天會路過這裡，但對上一次來好似已經是年前的事了，有點掛住這裡味道，有加上已近十一時附近食肆大都打佯，來碗腩伊作簡單的晚餐看看湯底水準有無變掛。在這裡吃牛腩絕對得個估，牛腩時好時壞，質素「五十五十」，所以坐定就會問有爽腩，因為會比半肥更穩陣～可惜沽清，簡單的來碗半肥腩伊，老伙計依舊快手，三分鐘有得吃，吃過多次就算飯市亦從未漏單出錯，效率真的無出其右。細碗伊，剛好夠自己吃，湯底夠熱又有濃濃牛鮮卻不著雜羶味，比起大埔群姐那邊更尋厚有層次感，絕對是本地做得最好的清湯腩湯底，湯底有個性配起韌性十足有麥香的伊麵就最好了，伊麵外軟內韌，好吃得不得了，如此組合絕對是天仙配！是日牛腩炆得很韌，肥的部分結實吃不出肥美油甘，是惟一的敗筆，吃好一點的牛腩，華姐那邊幾時都是最好的～湯底就以這裡最出色了！這裡堂食從不寫單，吃完準備動身時，老伙計傳來「收廿七！」，靚姐又準備好零錢找續，就是香江風味。

多年前聽說九記腩湯伊麵好, 就去試試, 這就試上了癮來. 每週一兩次自紅堪專程來喫. 就算工作崗位有調動, 仍是如此行動不變. 心中想是否九記家有祕方, 令人喫上癮呢.每年自澳洲回港探親, 當然也要來九記喫爽腩湯伊麵.慣常叫湯腩伊麵, 淨爽湯腩, 咖喱汁另上. 湯腩伊麵浸浸, 伊麵滲透了腩湯後把伊麵和 咖喱同喫; 爽腩及腩湯分喫喝, 有時把爽腩醮點咖喱來喫, 這樣可以喫出許多味道來.爽腩, 爽腩真的很腍, 因帶筋故有咬口. 喫腩最怕生難喫, 過腍如喫柴皮. 我不會把九記的腩湯叫清腩湯, 因為九記的腩湯香甜濃郁, 喝湯時感覺肉碎溶於湯水之 中, 誇張地說是喝"牛腩湯汁", 故時有"鹹"的感覺, 其實是"濃味"呀! 九記腩湯真的有家傳祕方嗎?

年廿九4人行為掃中上環而遠道而來本身諗住去對面的勝x園但估不到年廿九就收爐了就去了這間作為第一站12:15去到, 已經有人龍寫住12:30開門, 但佢成12:40先開等到我地4人餓到傻坐低一陣即叫, 淨喱腩+淨爽腩+菜+淨河4碗見到同table的其他食客的淨腩嚇親....如此的細碗呀...咩事呀...咁就$4x / $6x?不過黎到, 先食清湯爽腩唔...得喇....唔怪得咁多人黎排隊都要食啦, 仲可以收到咁貴都仲有咁多人黎排真係..又要畀個叻佢喱腩好濃呀...又有牛筋, 所以我只食了一口就唔理佢其餘的都比我朋友掃清見到好多人都係叫淨腩+淨麵+菜咁樣食都幾貴喎, 但唔咁樣食, 一個人既話又好唔夠飽所以呢間好識做生意呀, 好味得黎細細碗, 等你地食多幾碗除左食物, 係無賣點的想坐得耐就唔好黎, 想坐得舒服都唔好黎, 要好好好乾淨的都唔好黎

千山萬水去到, 等咗一陣, 有位. 想落單, 不過佢有佢timing, 唔落單住, 呢d事, 真係出名唔憂做嘅店先有.要了清湯腩米,朋友要了咖哩腩伊清湯腩d湯好清,但有一d牛油浮面, 飲落, 好濃好鮮香, 有d膠口, 感覺係好似煲咗好耐d膠質溶咗落d湯度咁. 牛腩炆嘅火喉好準. 淋而有質感. 朋友個腩伊咖哩汁好香口, 朋友勁讚.貴係貴d, 廿幾元一小碗, 不過又真係好味, 又位於中環, 都預咗. 會再去.

本來係諗住去九記.....對面的勝香園食茄牛麵,但因為係星期六既關係,去到已經大排長龍,見九記條隊少d人,就去左排喇!條人龍去得幾快,等左十分鐘就有位。叫左個牛腩河同咖哩牛腩伊,硬係覺得咖哩牛腩係配飯先好食,配茖湯麵度好似怪怪的;個牛腩河個湯都幾清,牛腩都好爽,但未好食到要成$25一碗囉!又唔係特別大碗,出面有好多乜乜清湯腩同呢間野都有得fight la~最搞笑係同枱有pair日本情侶都特登黎呢度食,有埋日文menu添架!真巴閉!

一月九日(星期五)今日我們同同事一行五人前往九記,由於時間尚早,所以不用排隊,我們被安排坐樓上,這次都是我第一次在上面吃的,棲上比樓下坐得舒服,可能是因為沒有碗碟在人中穿插!上到去時,原來已經(包括我們)剛好滿座,心想幸好早一步!坐下去,一名男侍應立即上前問我們點什麼,我們點了清湯腩河以及伊麵,和兩碟油菜等了太概十分鐘左右,一碗碗隨即送到!雖則分量少,但是能夠吃到如此美味的清湯腩也許是值得的!不過,不幸的事就在這時發生了,就是那位男侍應目露凶光地"監視"著我們吃!想起來也可怕呢,就如老公說的,如在監中吃飯一樣!!!!!!!!!........希望下次不要再發生這樣"難忘"的事吧,大大影響我們品嚐美味的牛腩的雅興!!!清湯腩有牛肉味!而且炆得很林,加上那些好飲的清湯,二合為一的感覺.....叫人回味無窮油菜都不錯,不過如果怕肥的朋友要走油,因為都很"油"的!三十元(包括share的油菜)不算平,以分量來看,也不算貴,但是本人十分推介!!!算是我吃過香港的最佳清湯腩!

聽左九記好耐，終於o係琴日下午路經上環,決定去一試.到左威靈頓街蓮香酒樓時,竟然有對情侶拎住張地圖黎問我歌賦街點去,都估到佢地係去九記...到左九記門口竟然唔洗排隊,一入就有位坐.早就聽食友講過如果唔係熟客o既話,去到九記叫"牛腩伊面"都冇咁易食到好野,要叫就叫"半肥腩伊",咁我就叫碗黎食啦.碗野一黎,我一睇,嘩!!!真係好肥播,每件肉都有一大舊肥膏,肉反而唔多,湯亦都有豬油,伊面都唔覺同牛腩匹配,不如河粉好,牛腩係比一般面店好食,但有d名過於實囉,有幾間仲好食過佢啦.結論:如果咁o岩經過果頭而又想食牛腩o既話,去食一碗都冇所謂,但專程去食果d就真係冇必要o刺,冇想像中咁好,我極度懷疑果d去食過話好o既人好大可能係未去過其他店食過好o既牛腩囉,而且價錢又比其他店貴,地方又僻.

九记牛腩的名声响彻云霄，因此也招来了不少“名不副实”的劣评。其实如果以平常心去就餐，当它是一间普通面馆，它的牛腩面虽没有传说中那么美味，也还算相当不错的。建议选清汤面，比较体现原味的精神，面条可选粗面，劲到一些。这碗面好在香气扑鼻，牛腩比较酥口，汤偏咸但很鲜美。不少熟客匆匆进来，吃一碗牛腩面再继续赶路，仅需二十几文，很实惠。

24-10-2008中環美食第四擊：第一次與男朋友來到了九記牛腩，點了清湯牛腩米（因為河粉賣完）($25) 和咖喱牛筋腩伊麵($27)，還在伙記的"慫恿"下叫了碟油菜。首先來了清湯牛腩米，也許因為不爽腩也不是坑腩，咬下去覺得有點韌，沒有之前食家們所寫的那麼"淋"，實在是有點失望。至於咖喱牛筋腩伊麵，咖喱味道很香，不算太辣，只是比較油了一點。咖喱配上伊麵，伊麵吸收了咖喱香濃的味道，絕對是最佳的配搭。至於那碟油菜，真的是很"油"，而且絕對吃得出菜是在牛腩湯中灼的，因為吃菜的時候還帶有牛腩味^^"總括而言，比我期望的差了一點......

那日到中上環取護照,順路來試試這家明星牛腩店是否真的這麼有料子.午飯時間,1點30,還怕要排隊等位,誰料人不多,安排住樓上.清湯牛腩河 - 湯底清,味亦濃,牛腩很"淋",入口溶化,比安利更出色,難怪成為眾星之選. 見很多人吃咖喱牛腩,便要了一個咖喱腩河. 咖喱湯底紅紅的,外表很辣,試了一口,實在太辣了,除了辣感覺不到任何味道,只試了一件牛根,感覺一樣,"辣".凍奶茶,茶味濃且滑,比蘭芳園出色.老牌店沒有期望任何服務,何況午飯時間,人人衝鋒陷陣,只求食飽.食物不俗,但價錢不平,出了名便是肥豬,但仍值得一試.