九記牛腩

营业中

休息中

今天來回港島九龍兩次，突然想吃牛腩，就來了。六點半到，一樣，河粉早已沽清、坑腩要八點後才有。還是點跟以前的一樣：腩伊。如果有留意他們的餐牌，不難發現他們是「唔憂做」：清茶、清水要11蚊！（唔知有冇人真係會叫架呢？）就算係瘦腩，都有一定水準呀……不似另一間，囧。我沒見到食評裡面所說的姐姐，因為每次都是黃昏打後才去吃吧？不過，服務態度不要奢望很好就對了。鬼叫佢D 野好食咩？串得起……掛湯也好好味、牛腩好好味、伊麵也好好味 = =" 所以，我仲會係度食……一個人去，食唔到其他（次次都係咁）唉…

每隔一個星期都要食下九記....因為個湯底好濃...食左好似會上癮咁今日晚上黎到叫左個外賣牛腩米同牛腩伊...d牛腩比以住既係好味..無咁鞋...比得上食爽腩...用到腩米既價錢...食到好似爽腩咁....抵!!不過可以同大家講...唔想食咁鞋既牛腩...記得講 要半肥腩...咁d腩就好味好多架....希望九記以後可以keep住呢個水準啦~~

聽聞九記牛腩好好味, 平日見到佢都有好多人排隊, 是日見個天陰陰又有微微雨, 就去一試, 只有三兩人排隊我地叫左一碗普通腩河, 一碗咖哩腩河同埋油菜. d菜有少少黃, 牛腩夠lum, 河粉都滑, 但只是普通貨色, 在街邊的麵店都有.......而咖哩牛腩都幾辣, 要有心理準備, 不過唔係唔好食不過, d人的態度真係唔太好.....好明顯佢地覺得唔憂做喇......

知道這兒很出名，既難得能提早吃午餐，又眼見那麼多人排隊抱住一試的心態，怎知初次在這兒吃，結果吃的就只一肚氣！出名又如何?! 那大姐這樣的服務態度...食物是可以... 但算不上好吃... 鞋口的牛腩.... 但要貼錢買難受... 就算免費... 我也不會再來了...Goodbye

我爸爸數十年前在上環區上班，回想第一次吃九記應該不下20年前。還記得小時後，爸爸經常下班後都買外賣回家加料，雖然每次在家都不停埋怨九記態度差，伙記唔憂做，試過晚上7.16pm不讓他落單而把他趕出門口，但他仍然會不停到訪。好懷念小時後一家人分一碗牛腩清湯，一人弗一羹既情境。長大後自己去，發覺九記從店舖，伙記態度到食物，一點都沒變。20年來都沒變!店舖依舊小及迫但不搬遷及不開分店，伙記依舊最旺時間關店吃晚反，牛腩依舊清湯而味重。長輩廚師同我說過，以前80年代香港環境未算好，牛肉味道同質地都不及現在-無味，又瘦又韌，要煮很久去入味同煮淋。本人想，就可能此原因以前九記的湯底要做重味點來帶出牛肉味。以前一間餐廳知名度靠口卑，時過境遷，有了互聯網就有了openrice及食評。以前九記牛腩的特色口味在網上變得被現代人嫌棄了。本人不好牛腩，而牛腩亦傾向大眾化及難登大雅之堂，即使歷史老店亦然。然而，極具'個性'的九記能給大家的，不是依時代改變，變得健康低鹽低脂的平價面食，而是提供一種老香港情懷。把牛腩面放進口中，回想一下2/30年前的前輩為家庭為社會拼搏後吃著同一碗晚餐，吃罷再徐徐散步回到中環看著新落成

第一次去唔知係咪自己搵位,結果門口的姐姐仔態度好惡,要我地企係門口等!過左2點都要排隊.點0左出名0既上湯牛腩伊麵&咖喱牛腩伊麵&金牌上湯,牛腩都好lam,湯頭幾好,但好細碗.我覺得咖喱較好味.不過唔抵再來過!畢竟食飯,情緒都好重要!

同男友行經中環 見呢間野咁出名決定一試~入到去超多人~叫左2碗清湯牛腩~又細碗 湯底超油 d面又淋 d牛腩仲衰!!又鞋又痴牙!!食到一半已經食唔落!!真係唔明白點解咁多人話好!!一定唔會再去!完全冇服務可言~!!

今日和honey一起放假，於是繼去年尾的中上環之行後，再來一次。五六年前已來過九記一次，今天再來，主因一是尋找記憶，二是剛好十二點四到達，過多十分鐘就開門。夠鐘入內，三四個面黑的侍應幾乎像是喝令點食物似的，“那那林”叫了牛腩麵和河，一分鐘後就到了。只可用「難食」來形容。牛腩算是多的，有六七件，但完全沒肉味，而且嚡口又“痴”牙。麵亦是一般貨色，不爽口，（更不用說彈牙）少少硬。湯濃而鹹。沒任何一項是合格的。連炆牛腩的基本要求也未達到，不容易再想到一間比她更差的麵店，點解要排隊食呢？

避开高峰期，不用等位真是轻松。就从基本的清汤牛腩伊面开始吧。汤上飘着一层油好在不腻，汤里面出人意料地没有很浓的“牛肉汤”味道，真的是因为牛骨熬出来的？我怎么觉得还有其他肉汤味道……牛腩肥膏和筋异常香，但也有过瘦的部位塞满牙缝很不舒服，下次要不然早排队抢爽腩要不然叫肥腩好了。伊面筋道到完美，哎哟這一比較我们那个食堂简直是原始社会。

在中上環工作了多個寒暑, 卻一直因為人龍關係, 從來未有一試呢間遠近馳名的牛腩. 今次, 既然有人幫手排定隊. 免輪侯之苦, 當然一仆直入.食牛腩, 好多出名既都試過, 食下食下, 都有少少麻木, 夠淋, 夠入味已經好了. 不過, 始終喜歡大利的, 全因為個好重蘿蔔味既湯底.一到埗, 身旁朋友已叫下淨腩一碗. 眼見一碗肥腩, 因為肥美, 所以一定夠淋. 牛腩夠淋是重要的, 看見一舊舊的肥糕浮面. 不禁讓一些女士們, 大叫一個肥字.我, 未食中午, 牛腩麵一客. 麵了粗麵, 但麵條尚算普通, 牛腩則是半肥瘦. 終於叫做吃了九記牛腩. 湯同味道, 未算是真正的最好. 聞名不如一食, 食了不如其名. 排咁長龍.........為什麼?

Haven't been here for a few years already, despite it being so close to work.Had the following:牛腩伊麵牛腩粗麵The soup had a beefy broth taste, it was generally 'special' in that no one does it like them (kind of like the tonkotsu broth equivalent in ramen) but it was really fatty and aesthetically non-pleasing, they should have filtered the soup a bit more first.Noodles were so-so.Now, to the worst part. The 牛腩 briskets were so chewy, I wouldn't feed it to my dog if I had one... I'm not exaggerating

今朝屋企人見到報紙有一版講九記牛腩, 於是就去O個度食LUNCH~去到當然要排隊, 仲要唔短呀, 落雨都仲有廿幾三十個人排.. 有諗過放棄, 但係唔試過又唔甘心排左大概四個字度有得入去, 要坐上樓上~ D侍應大牌到不得了, 問兩句俾佢寸返五句~ 問下可唔可以走筋JEH, 都要寸我~ 佢地唔休做都唔駛咁呀嘛~~因為唔鍾意食筋, 但係又想試咖喱汁, 於是我叫左個牛腩伊麵 ($27) 另加一個咖喱汁($5)~ 我媽就叫左個牛腩粗麵~ 個咖喱汁唔駛一分鐘就黎左~ 但係都冇麵, 你俾個汁我有咩用... =0=跟住等左三個字, 都仲未黎~ 問佢係咪漏單, 又寸我地~ 跟住仲表演左一次俾我地睇佢點樣背哂邊個叫左D咩~ 有D人遲我地三個字黎, 個麵都到先過我地最後等左四個字, 我個麵終於黎, 但係個咖喱汁個面已經'KING'左~ 不過照食~ D牛腩一D都唔腍, 其實我覺得好'UN' ~ 但係D伊麵加埋咖哩汁幾好食~ 我媽個粗麵都幾特別既, D麵好薄身~ 但係我覺得D牛腩真係冇咩特別~ 係有牛味既.. 但係真係UN左D~ 冇咩特別服務態度唔好~ 等又等得耐~ 所以都唔會再黎~ 寧願近近地去南記食個麵好過

專程去歌賦街睇野, 見倒依間聞名全港0既食店, 就算唔0係度食, 點都要買外賣丫一碗細細0既牛腩連2蚊白泡膠盒盛惠47蚊......講真, 真係幾貴返到屋企食, 一開..唔掂喎, 成個湯面都浮住層油食落去, 無錯好似比一般牛腩舖賣0既多左份牛味其餘一切無乜特別, 仲有係幾咸下另外, 唔知係唔係我淨係幫襯買一樣野0既原故好多舊牛腩都"冷" 住0的肥膏, 變相唔洗食, 份量就更加少之又少總結 : 唔係好明點解咁多人幫襯仲要0係成條歌賦街0的食肆間間都小貓3, 4 隻甚至一個人都無不過我唔會再去幫襯囉

真的是慕名而來，因為朋友讚很好吃。不喜歡湯麵加上咖喱汁，也不喜歡伊麵，所以只選吃了清湯腩河。果然相當細碗，隔鄰的伯伯也要吃兩碗。但令人驚喜的是，湯底雖有點油，卻很清，味道竟也相當濃郁。得到的牛腩不是太肥，吃上去像濃味的豬「展」，很嫩滑，沒有渣。算是我吃過賣相和味道也好的清湯腩。但看餐牌，只有咖喱有牛筋腩叫，不知清湯有沒有呢？伙計們十分專注於工作，安排坐位井然有序，一坐下便問你吃甚麼，我覺得可取，總比叫極不來只顧HEA的伙計好。只是地段較遠了些，想再光顧也要抽時間。

清湯牛腩粗 - 湯底好濃好肥, 牛腩係招牌, 粗麵稍為"淋"咗d.咖喱根腩伊 - 咖喱味濃, 有少少辣, 很惹味, 可以試下配米粉, 但如果有飯配就好啦.而伊麵確係比其他店舖出色$25+$27=$52比較細碗, 冇杯茶跟先. 有d肥膩.個人黎講, 清湯牛腩都係比較喜歡元朗彪記.