九份•十分 (河畔花園) (已結業)

約左frd frd,幾大雨都要赴約其實我無去過呢頭𠺢，原來咁多野食的個frd仲話等我下次去，試新野今次先試左呢間台灣野先啦！點解揀佢係因為openrice啲食物相好吸引。。。點知。。。去到得午餐餐牌，好吸引啲無得叫不過個menu都幾多野揀的。。。可能有30款以上丫我叫左個紅燒三寶。三寶有乜呢？有牛腩，牛筋，同牛肚。全部都好嫩滑，唔痴牙。。。實在抵贊丫可惜嗰兩嚿紅蘿蔔同白蘿蔔就硬的，點解唔煮淋佢的呢？呢兩嚿野令到碗麵失曬色丫。個湯微辣，無味精，飲左半碗先停口，唔錯唔錯

上星期難得約到個好耐冇見既朋友，揀左呢間近佢屋企既台式餐廳。之前都有黎食過牛肉麵，味道濃郁，感覺幾正宗，今次決定豪少少食多啲當慶祝下。當然台式餐廳必叫既都係牛肉麵，今次改叫三寶，牛筋牛肉同牛肚都唔錯，而且味道仍然好正宗，湯底食得出八角茴香等香料味鹽酥雞係呢間餐廳既招牌菜，上次一個人黎冇機會食，呢度係即叫即炸，個皮非常酥脆，就咁食都好正，仲可以自行加六種唔同既味粉，個人最鍾意原味同香辣，食到一半仲可以加梅子或芝士轉下口味，而且份量都好多，絕對可以四個人share食。蚵仔煎都係台式必叫，呢度改左少少整法多左蛋既比例岩香港人口味，蚵仔好大隻同喺台灣食既差唔多，醬汁既濃度都岩岩好，值得試下。為左滿足大食既朋友仲叫左唔少小食：麻辣牛展夠麻少辣，牛展都好爽口；滷水拼盤（小）同牛肉麵既湯底一樣有香料味，而且款式多，無論係雞蛋雞翼雞腎或是豬大腸都好入味，份量睇落小啲，但兩個人都夠食。唯一覺得可惜係最後黎既醉小三，雖然有酒香但唔入味，唔算特別好食。不過成餐黎講真係最近食過最好食既台灣菜，就算係我個住過喺台灣既朋友都讚不絕口，如果我住近啲既應該都會變成飯堂。有機會試下佢地既鐵板餐同珍奶。

今日老婆話唔煮飯，咁我哋就出去河畔個頭睇吓有咩好嘢食，見到一間餐廳叫九份十分，去唔到台灣就試吓依間台灣餐廳啦。平日都咁多人，證明食物質素有保證。menu好多嘢食揀紅燒牛肉麵超大碗牛肉夠淋，古早味，唔會太咸。皮蛋豆腐，豆腐夠話滑身，刀工一流切都好薄片，上面夾埋肉鬆超級絕配。鹽酥雞超大份有勁多配料選擇有咖喱，梅子，香辣，紫菜，原味，芝士。包有一種啱你食。鹽酥雞炸得好鬆脆，雞肉好滑身。忌廉芝士磨菇雞翼，炸得好脆口，蘑菇好香配埋芝士，必食。食台灣野點少得蚵仔煎，蠔仔好新鮮，蛋煎得好好食。軟殼蟹手抓餅配咖喱汁，軟殼蟹好大嚿，炸得好脆啲蟹肉好新鮮，手抓餅配上咖喱汁好惹味。芝士奶蓋芒果沙冰，芒果好鮮甜，好飲過麥記嗰啲奶蓋多多聲。芋圓珍珠雙色冰淇淋鬆餅，鬆餅整得好脆，香蕉奇異果士多啤梨都好新鮮，芋頭雪糕同雲呢拿雪糕都好好味，香蕉奇異果士多啤梨都好新鮮，芋頭雪糕同雲呢拿雪糕都好好味，芋圓唔會好un.呢個價錢食到咁大份甜品超值。

沙田入得多，但未去過河畔花園個邊搵野食，見好多食評都讚好就試試晚上7點幾，要得等位，10分鐘就有位好彩唔太耐（見佢邊好多餐廳都好多人等位）我一早彩中牛肉麵同柯仔煎，但我對面個位想食炸雞，我見隔離枱炸豬扒個樣，好乾仲黑黑地....但對面位人兄都話要食，叫.....試.....牛肉麵—-第一啖湯飲落口覺得淺口左，唔夠濃郁，但牛肉同牛筋非常冧同入味 必食呀要！醉小食拼盤—-豬腳，鴨舌，雞。酒味濃既，不過唔夠香，但都入味 唔錯既鹽酥雞—-唔好試，凍左硬左同無味，我知..比左好多味粉自己加，但都唔夾既，咩味粉都好 都係好淡口。加上炸野又凍又硬都已經唔係味道既問題喇！叫左杯鮮金桔，都係比較淡期望過高左添，二位差不多$300同尖咀間牛肉麵鋪頭性價比都差左d

好少寫食評，但今次一定要寫，因為未食已經一肚火！有個阿姐(聽聞係店經理)俾咗門口嘅位我，因為啱啱行過嚟，熱到一身汗，咁啱有人走，咁我就問佢可唔可以坐嗰個位，佢話咁你出去門口等啦！咁我未去門口等囉，跟住我見佢執走咗枱面嘅野，我就行入嚟諗住坐低，跟住佢就好惡咁話你等我抹埋枱先，仲要個menu係丟落嚟“啪”一聲。本來好肚餓，激到無晒食慾！

朋友住沙田河畔花園,我去探佢,佢話帶我去食好野😍佢帶左我去一間名叫”九份十分”既台灣餐廳.餐廳入面裝修都幾靚,睇餐牌都幾多選擇👍睇相幾吸引,樣樣都想試下.所以,叫左好多野食😜我地叫左個基隆海鮮雜錦泡飯,好彩只叫一個飯者因為佢個份量都幾大,夠晒我地兩個分甘同味,😍海鮮料好足,湯底吾會咸,清清地,幾好味👍👍萬巒豬手,豬手肉燜得好霖,好容易入口👍滷味大腸本來就吾應該叫既.好似吾係幾健康.但睇到的相,又忍吾住叫左,好彩,望落食落都幾乾淨,又真係幾好味,一次半次吾緊要啦😋我地另叫左個干貝玉米羹,諗住飲的羹滋潤返下,點知份量又係大大份.好彩味道都幾好者😋我地叫左個蜂皇咸金桔一齊飲.如果係日頭,我肯定會叫珍珠奶茶飲囉.不過,夜晚飲下咸金桔其實都幾正既.夠晒滋潤😜本來都已經食到好飽架啦, 但最後都後念念不忘,一打開餐牌見到既珍寶三色冰粉,原來三色冰粉又係好大份,仲要好多吾同既配料,有芋園圓,珍珠,雪燕,桃膠等等.😍可惜,這台灣餐廳冇係九龍區開多一間,吾係就可以多的去幫襯下佢

看到open rice 介紹此間沙田區九份。十分的台灣菜，有大比數讚好，我已想試好耐了，所以決定生日當天前去試吓。餐廳裝修有分隔為兩個區域，枱與枱之間都幾相近，滷水食物最為出色，飲品方面有好多款式選擇。醉鴿- 肉質唔夠嫩滑，但酒味不太濃，恰到好處細滷水拼盤- 滷水味好出，最好食是滷水大腸，可以再試台式鹽酥雞- 雞肉本身炸得唔夠香脆，但有多種味粉可選擇值得一讚芒果軟殼蟹米紙卷- 芒果汁配合是很清新，但米紙卷質地略嫌稍為不夠薄身，不能一啖咬開米紙卷青青草原-好處不是太甜，好大杯好抵飲

每年都會去台灣旅行，當地寫意既生活， 食店員工既人情味， 台式食物既獨特之處都令人回味。所以就算 回到香港，也會令我多番響往旅行既吃既日子， 所以間中也會尋覓台式食品小店回味一番。 今晚尋找到九份.十分 呢間台式餐廳，去回味昔日旅行情懷，為香港忙碌既日子嘗一點甜今晚係閒日，不用等位，店員很快就安排入坐了小妹1向認為台式飲品係一餐飯既重點。維多利亞的秘密: 其實係一杯雜莓沙冰 ， 有很多原粒既莓果粒， 味道口感非常透豐富，而且大大杯，岩哂成晚一邊吹水，一邊飲野。 芝士奶蓋綠茶: 奶蓋香滑，淡淡芝士味， 配合清綠茶， 很配合台式食物既濃烈口感。炸雞沙律: 炸雞即炸香脆可口， 沙律菜新鮮量多， 配合埋特別調製酸酸甜甜既醬汁， 很開胃呢！芒果軟殼蟹米紙卷果然係名不虛傳， 即炸既軟殼蟹，配合新鮮生菜， 青瓜絲， 沾上香甜既芒果汁， 口感新鮮有層次拌碟既沙律菜也不少，相當健康柯仔煎充滿著台式風味， 柯仔大大隻，用上雞蛋薯粉來煎，配合上微辣醬汁蘑菇芝士雞翼也是大熱門，不容不試, 雞肉包著蘑菇芝士，雞翼炸得岩岩好大滿足果然是半根半肉， 已經非常“諗”，入味，湯底唔係味精湯，係經過時間精煮既湯底，充滿著

依間其實已經食過好多次，每次黎都要排隊但今次好好彩吾洗排。一坐低環境佈置都排常舒服有好多台北風味但也不失新一代既新意。講到餐牌，份類為 飲品，前菜，主食，小食，沙津，甜品 十分豐富。今晚我同朋友7:30 pm 入到去已經非常肚餓，一口吃叫左五個菜，兩杯drinks........陣間會每樣介紹比大家。1. 主食： 紅燒半根牛肉麵每次黎必食，我個人好鐘意食佢地個牛肉面，最精之處佢比你揀半根牛肉，依個部位比軟少餐廳會用。軟滑牛筋配埋香濃牛肉成件牛既口咬好好。 炆得火喉夠成個湯好濃而且牛肉一啲都吾硬。仲有紅白蘿蔔係湯低， yummy 2. 鹽酥三兄弟分別係酥炸魷魚鬚，杏鮑菇同雞軟骨。 調味非常惹味，炸得甘香酥脆配酒一流由於相比之下魷魚真係無得比，我地清曬！ 哈哈3. 綜合水果茶雖然價錢$52但係算係合理。因為佢哋真係比足料，有好多唔同生果， 眼見有：蘋果，青檸，百香果，話梅，菠蘿橙。 查底仲用咗Lipton 紅茶， 我自己叫左少甜少冰所以剛剛好！ 4. 萬巒豬腳比個名吸引左，好有詩意。 豬手炆得好入味，食落好有當年去台北的古早味，用秘製醬料，薑片，糖去炆煮。 值得推介！ 骨膠原補給！

我成日覺得香港食嗰啲台灣嘢其實都好一般，但係今次嚟到沙田食呢一間終於有少少改觀呀。因為佢嘅味道真係好似喺台灣街邊嗰啲風味小廚一樣， 味道真的與台灣當地很相似，而且佢仲份量十足大大份啱曬我哋呢啲大胃王。間餐廳門口係ok嘅，入都去啲侍應都好好態度，好親切，招呼周到環境企理光猛。難得嘅係喺香港呢啲地方仲可以有闊落嘅位置， 最起碼唔會枱夾枱咁退後少少都會撞到人 個種。仲有足夠嘅員工去招呼每一圍枱嘅客人。 所以如果去開沙田嘅朋友又想食台灣嘢又想性價比高有飽肚，呢度係不錯 ga選擇。

今晚和朋友相約在河畔花園，我們都很掛念台灣的美食，便去了這間餐廳食晚飯。餐廳環境都很待別，牆壁掛了台灣的地圖，令我們很有衝動想再去一次台灣旅行😊我們點了“櫻花蝦高麗菜煎蛋餅”：煎蛋餅得很香口，口中混和著高麗菜和櫻花蝦的煎蛋餅，配埋醬汁，味道很夾😍😍台式肉鬆芝士蛋卷：這款小食也值得一讚，芝士味濃郁，肉鬆也很足料，再配埋木魚絲，很好吃😋😋紅燒牛肉麵：牛肉咬下去很淋很嫩滑，配上微辣的湯麵，令人很開胃😍😍芒果軟殼蟹米紙卷：吃下去有種很清新的感覺，新鮮的芒果，配上香脆可口的軟殼蟹，再用紙米卷包著，好正😍😍 伴碟還有很多沙津生菜😋我朋友點了“維多利亞的秘密”飲料，是乳酪野莓沙冰，只看賣相已經覺得很吸引，她說飲落去感覺有很多紅莓草莓味，配上乳酪，令野苺汁更加滑我就點了杯熱柑桔檸檬，味道都不錯👍

今日好友約我到沙田飯聚，她說想吃台灣嘢，然後她就帶我到一間台灣餐廳吃晚飯。這間餐廳地方不少，台式的裝修，桌子及椅子是用木造的，帶點文青的感覺，連牆上都有一架火車頭作裝飾， 真的花了心思。餐牌裏面種類有很多，朋友是很懶的，隨便點了一個套餐及兩杯飲品。其中一款小食是老媽煎餃子，雖然是煎的，但一點也不覺得熱氣。食落有肉汁及香蔥的味道，再沾一些醋一起吃，更是美味，我鍾意。另一款小食是涼拌海蜇，海蜇食落爽口，加上有芝麻及少少辣的味道，好食。下面是一些已切絲的青瓜，都是爽口的，這個小食不錯。主菜是紅燒牛肉麵，上面有一些雪菜，一塊紅蘿蔔及白蘿蔔，然後加了一點芫茜作點綴，樣子討好。這個麵很煙韌，紅燒牛肉處理得很好，咬落很淋，份量都算多。湯底牛的味道很濃，但一點也不咸，幾好。另一款主菜是芭樂鳳梨鹽水雞涼麵，台灣叫番石榴做芭樂的。這款涼麵的配料有很多，沙律菜及生果都新鮮爽口。醬汁是麻醬，食落味道很濃很香，另外有青芥辣的味道，吃落有點刺激。鹽水雞咸咸地，不太粗，細細粒。夏天沒有胃口，吃這個主菜是相當不錯的選擇。這杯是青青草原，其實是頂級宇治抹茶牛奶沙冰。看賣相很不錯，大大杯。友人說抹茶味道濃，沙冰很凍。本來

夜晚緊係要搵野醫肚，沙田有好多好野食，於是就係果到落腳，同同事食左野先番屋企。台灣野食好耐都未食過，係時候去懷念一下，成日食連鎖餐廳黎黎去去都係咁，今次就去啲小店食下，睇下有無不一樣的感覺先講講我地兩個都好鍾意食台灣下，小食就更加係我地嘅最愛呢到有好多大大杯嘅特飲，有啲味道仲幾特別，當然要叫黎試下啦~我地叫左碗紅燒三寶麵，入面有牛肉、牛筋同牛肚，仲可以自己揀要幼麵定粗麵，我地揀左幼麵，口感都幾彈牙唔會煮到變左漿糊咁，湯底有好香嘅胡椒同藥材味，三寶(牛肉、牛筋同牛肚)都煮得好入味同嫩腍，仲有紅白蘿蔔都炆得幾腍，個麵比想像中足料豐富我同同事分別點左杯青青草原(抹茶牛奶沙冰)同暗黑系甜心(oreo曲奇沙冰)，大大杯啲沙冰高過隻杯，入口幾幼細，抹茶牛奶沙冰有好香濃嘅抹茶味oreo沙冰仲有好濃嘅曲奇同牛奶味，就算放左好耐啲冰溶左都好，唔會變左水，個味唔會淡左，仲有oreo餅食，飲品+甜品而家天氣熱熱地都想食下啲涼盤鬆番下，醉雞都可以一試喎，雞肉好嫩滑，入口仲有好濃嘅紹興酒味，我醉了~(才不會)滷味鴨舌份量都唔少，兩個人食都足夠有餘，鴨舌滷得好入味，有好香八角味，鴨舌底下仲墊左啲酸菜，我當然食埋佢

今日又去食一間台灣料理餐廳，入到門口，發現它們的裝飾和報置，去過台灣的人，一定知道代表什麼。😉大大的火車頭在頭頂，懷舊的電話座，牆上的璧畫！今晚訂了8:15，一去到，嘩，已座無虛席呀⋯⋯但等待時間尚算正常☺️員工好快就安排位置，見到他們的餐牌，🤦🏿‍♀️選擇困難症又發作啦⋯⋯教我如何選擇呢？🤣食台灣野，要知是否正宗，咁就一定要試牛肉面啦⋯⋯份量唔少，牛展亦有四五片，厚厚的。湯底有濃濃的牛肉味，加二件白，紅蘿白，清甜，適中。還有馳名鹽酥三兄弟，雞軟骨，尤魚鬆，雞肶菇。鬆化可口✌️✌️谅伴三小碟，麻辣海蜇，越食越多過癮，酸酸麻辣👍👍，雞絲粉皮，那個醬汁，令人停不到囗。鮮柑桔檸檬，酸酸甜甜，令人食慾大增😋⋯⋯

今日老公去河畔找一位朋友，之後他就約我到附近食飯。朋友推介他樓下的一間台式餐廳，說是不錯，於是我們就去看看。餐廳內吹文青風，燈光柔和，進去的時候已有很多客人，感覺不錯。餐牌裡有很多選擇，在門口時已看到一個套餐叫做車站新登場，有一款前菜，一款小食，兩款主菜及兩杯飲品，非常豐富。飲品我們轉了特飲，我點的是宇治抹茶紅豆鮮奶。入口有濃濃鮮奶味道，紅豆已浸淋，容易咬開，抹茶味道亦可以，這杯甜度是我喜歡的甜度，我很喜歡。老公點的是青青草原(頂級宇治抹茶牛奶沙冰)，看到都很想飲，很大杯。抹茶味道可以，沙冰是比較甜，但當沙冰溶了後就變得甜度度中，入口冰冰的，非常適合現在的夏天，真是心都涼，老公說好飲。前菜是涼伴海蜇，海蜇上有一點辣椒及芝麻，入口清涼帶少少辣，味道很香。底的是青瓜絲，感覺清新，整體味道是爽口，是夏日最好的涼伴。小食是老媽餃子，這個餃子是蒸的，入口有點肉汁及蔥的味道，配旁邊的醋，覺得一點也不膩，口感很好，一點也不熱氣，好食。先來的主菜是芭樂鳳梨鹽水雞涼麵，芭樂(番石榴)，鳳梨(菠蘿)及沙律菜都很新鮮，涼麵上面有青瓜絲，將整個拌勻，每口都有麻醬的味道，這個醬汁很香濃，還帶點淡淡青芥辣的味道，