九份•十分 (T Town ) (已結業)

好耐都無食過台灣夜啦，早幾日同朋友經過呢間係餐廳，見價錢唔多貴就決定試一試台灣鹽酥雞呢個鹽酥雞份量真係超級多！！！而且仲比左好多支唔同既調味粉食客自己落，我地就可以根據個人口味落番自己中意既味道啦芒果軟殼蟹米紙卷呢個頭盤食完真係好開胃，芒果酸酸甜甜，配埋咸咸地既軟殻蟹，味道變得好有層次好豐富，而且所有既味道都好夾，正🤤🤤紅燒三寶麵先講呢碗面嘅湯底，牛肉味算濃，而且麵質都有口感，份量亦算多，牛肚同牛根炆既時間岩岩好，好入味亦唔難咬開🥰🥰酒醉一口吉品鮑呢幾粒鮑魚仔賣相好可愛，而且酒味好香濃，鮑魚亦都炆得啱啱好，有咬口之餘亦都唔會好難咬得開，雖然價錢偏貴，但絕對值得係呢個價錢😍😍而呢兩杯飲品都超級大杯，而且水果味都好濃，飲得出啲水果好新鮮，而且落咗大量水果去製作，飲得出係真材實料🤤🤤

本身自己都幾中意食台灣嘢，今日見到呢間店鋪未試過就同朋友一齊入去食下。入到去職員帶左我地去卡位，坐得闊落舒服，抵讚。我同朋友叫左一碗紅燒三寶面，一份醉一口吉品鮑魚，一份鹽酥雞，一份芒果軟殼蟹米紙卷同埋一碗麵線。先講下個三寶面，入面係有哂牛肉，牛肚，牛筋三樣餸。三樣都好入味，個人最中意牛筋，食落好淋，係入口即化既感覺。再到鹽酥雞，佢上既時候係配埋好多唔同口味既調味粉，可以按自己既喜好溝想食既味，正。雞食落都好嫩，有唔少肉汁，好食。米紙卷都唔錯，作頭盤咁食都幾開胃，入面配有沙律醬同芒果汁，食落幾特別。麵線同台灣阿宗有啲唔同，不過各有各特色，呢到偏重味多少少，反而中意重口味既我更加中意呢個。最後就到飽魚，食落好香酒香味，彈牙，過下口癮都唔錯。

九份十分最近都幾冷清，今日見下晝無咩人，入黎食，原來下晝五點半之前都可以嗌下午茶同午市套餐唔洗加一，圍埋都幾抵。我地兩個叫左兩個肉燥飯，一個係鹽酥雞，一個係骨粒。講野食之前要先讚下呢到服務態度真係幾好，侍應好熱情好nice。鹽酥雞排炸得幾好食，唔油幾香，肉燥咸度剛好，幾送飯。反而鹽酥骨粒就有少少遜色，上面無「審」到鹽酥雞上面既調味粉，油炸味有少少出左黎。珍珠奶茶係舊時個種味道，唔知係咪最近飲慣天仁，唔慣呢隻珍珠奶茶味，偏甜。金橘檸檬唔係好甜，幾好飲。埋單每人圍埋五十零蚊幾好。

朋友話想食台灣嘢，就近近地去屋企附近呢間食呢間出名價錢適中，食物款式選擇又多。侍應哥哥態度殷勤，笑容滿面，仲比左卡位我地坐，等我地可以慢慢食，傾下偈。由於我地都比較細食，所以叫左以下食物:紅燒半根半肉面我地揀左幼面，D面好滑同好有口感。舊牛根腩好淋同juicy，D牛根好透明，直頭吞左好多骨膠原落肚五香牛係凍食嘅，都有6塊咁多，塊塊都厚切，好入味。鮮柑桔檸檬熱飲，好夠熱，酸酸甜甜，好醒胃鲜柑桔蜂蜜綠茶，我好鍾意有好濃嘅綠茶味，my favourite ！什果雪糕鬆餅有格仔餅、生果、雪糕，飯後甜品一流，賣相好靚，格仔餅超級脆，即叫即焗，生果亦非常新鮮，食多一客都得

今日山長水遠入天水圍搵朋友食午餐，佢話想食台灣野，所以就黎左呢間餐廳食。我地每人叫左個紅燒牛肉麵同鹽酥雞，同一杯珍珠奶茶。碗紅燒牛肉麵兩個字形容得曬，難食！！個湯底唔知咩味，啲麵又難食又林。真係諗唔到呢間有分店既餐廳，裡面既推介食品係咁難食既！！我食左兩三啖真係放低曬手，成碗麵放係到，真係難食到放唔落口。而個珍珠奶茶我叫微糖少冰，佢既微糖其實都好甜，唔知佢原本個味係點架呢😂😂不過，個鹽酥雞就真係唔錯既，炸得幾香幾好，但唔係好juicy。我唔推介大家食呢間餐廳，可能其他野好食既，黎食既話就真係唔好食紅燒牛肉麵，呢碗係我食過最難食既麵！

母親節本想開心食台色野，就諗住選擇呢間點知無位，我們一家就攞飛係門口等啦，等左一陣睇住有一張枱走，心諗有位喇！而老公亦已在門口等候，誰不之比左後一張飛既客人，重話我地行開左，我一家四口都在門口等候，係佢無睇定要全家欄住個門口先可以有位. 重話我地過左號碼，無睇號碼牌（個號碼牌係門口入面，唔留心跟本就睇唔到，但我地係門口等都聽唔到號碼牌叫啦，因為係舖入面）職員又無用口叫號碼. 同男職員理論態度又勁差. 之後我們一家走了，以後都唔會再去，同場重其他台色野可選擇😡。

上一次嚟呢間九份十分都要數年幾前，仲記得餐廳嘅出品全部都好有台灣味，尤其是係個醉蝦，更加令我沒齒難忘，今日就嚟細味番呢一份台灣嘅味道先。墾丁星空，蝶戀花青檸冰沙，顏色非常浪漫，味道好refreshing。台式肉鬆芝士蛋捲，呢個蛋捲令我諗起我最愛嘅台式蛋餅早餐，蛋捲充滿蛋香，裏面包住滿滿嘅肉鬆，面頭仲有台灣嘢常用到嘅醬油膏同埋美乃滋，好味。古早醉雞，今次竟然無咗我最愛嘅名物醉蝦，咁就正好有個機會試下其他醉嘢，揀咗想試好耐嘅古早醉雞，酒味明顯唔夠之前嘅醉蝦強烈，不過雞肉都尚算嫩滑，挽回分數不少，有幾片雲耳嚟蘸啲酒食又唔錯喎。老皮嫩肉，老皮嫩肉即係台式滷豆腐，經過滷水浸淫嘅外皮皺掹掹是為老皮，內裏嫩滑嘅豆腐是為嫩肉，滷豆腐滷味依舊濃郁，猶記得上次呢份老皮嫩肉仲有啲酸菜喺側跟，整體感覺更加傳神。忌廉芝士蘑菇雞翼，廚師先將雞翼拆骨，再釀入忌廉芝士同埋蘑菇，食起上嚟啖啖肉，而且每一啖都充滿住忌廉芝士嘅香味，又有少少西式fushion嘅感覺。台灣鹽酥排骨粒，鹽酥排骨炸得香脆，最正嘅係佢有一系列味粉俾你自己落，梅子粉味道獨特，辣粉辣得過癮，原味就係最正宗嘅台灣味喇。紅燒三寶麵，三寶有牛肉，牛筋同埋牛肚

去完台灣旅行不久，唔知點解都係諗起想食台灣野，可能係回味一下個旅行！一入黎就有家的感覺！坐位空間舒服，私穩度十足～叫左好多野食，逐樣講下。芒果軟殻蟹米紙感覺唔似台灣野，似越南野多D，層次幾好，蟹同芒果雖然唔同味道但幾夾。蚵仔煎原pan咁熱辣辣送上，啖啖蚵仔肉，好足料！！醬汁微辣，我都食到，不錯～湯浸肉燥娃娃菜肉燥味濃，令本身清淡既娃娃菜都有啲味道。魚丸貢丸湯芫荽蔥本身麻麻，但加喺湯度都ok，魚旦味淡，反而突顯貢丸既豬肉味。忌廉芝士磨菇雞翼肉燥飯芝士釀在雞翼中，有驚喜，不過個人鍾意中翼多過全翼，可能覺得中翼食落容易handle啲。紅燒半根半肉麵叫左粗麵，口感不錯，湯底有啲微辣，牛腩同牛筋都煮得好淋，好味呀，同埋好足料，唔係每樣得一兩舊嗰啲。醉鮑魚呢個要提呀，黎到就覺得好抵，好多鮑魚，感覺好豪華，淡淡既酒香，唔錯唔錯。甜品叫左個「台妹愛遇」，本身已經好多野，有愛玉、桃膠，海燕窩，感覺上好補！！正呀～另外仲叫左個邪惡甜品，就係雜果窩夫都好多生果：香蕉、芒果、士多啤梨、藍莓、奇異果，一個人的話咩都唔食，食呢個都飽，好彩我地幾個人一齊share。大滿足！下次再掛住台灣時都可以黎食下，解下旅行癮。

之前上網睇到有blog介紹，佢個鹽酥雞好似好正，今日又入天水圍就決定同個fd試下佢。個fd講過夜晚好多人排隊，所以今次我地特登黎食個下午茶，好彩都唔係好多人，即刻有位！今次去到試左好多野，脆脆椒雞軟骨、芒果軟殻蟹米紙卷、台灣腸、滷大腸，仲有鴨舌！到最後都無叫到鹽酥雞，因為見到隔離枱好大份，又想試好多野，所以無叫到！食左咁多野，最好食係個鴨舌，啲花雕酒入哂味，食完之後仲想黎多碟。之後就係個芒果軟殻蟹米紙，平時芒果加軟殻蟹個組合我好鍾意，今次呢個都無令人失望，好好食，佢side dish啲沙律都好好食，個sauce好fresh，同超大份，6x$好扺食！台灣腸係我每間台灣店都會叫嘅野食，配蒜真係一流，呢間啲腸都好juicy好正！脆脆椒雞軟骨都好大份，同啲辣椒一齊炸，雞軟骨脆卜卜幾特別！仲有佢杯水果茶！推介推介！飲完加水再飲！好正！佢地每個菜都好大份，2個女仔真係食唔到好多，但又好平好抵食，仲好多選擇，如果一大班人去就正！

九分十分優質台灣美食！上次和好友們打完麻雀後又唔想叫外賣，於是落左樓下，見到二樓有間台式食品，確是超值！店內裝橫彷台灣環境，坐得很舒適！先來了一個前菜，拍青瓜 ($28) 香香醋味，不大辣很開胃。另一客前菜，涼伴三小碟 ($78) 海蜇冰爽，雞絲麻香，豆角爽脆，價錢合理。主菜叫左一個紅燒牛肉麵($65)，湯底香濃，牛肉入味，吃得出湯底用左好耐時間才能煮成。另外再叫了脆椒雞軟骨，用料十足，雞軟骨炸得很香口！另外，雞翼都造得很有驚喜：味道很搭配！小食再叫了五香牛展。汁料香濃，送飯一流！招牌菜鹽酥雞和鹽酥魷魚漿不厚，配合自家調味粉，香脆別有一番風味！飲品方面個人強烈推介芒果沙冰，用上原粒芒果配合沙冰，用料十足，很解渴！人均消費約$150-180相當合理吧！

去天水圍探訪姨姨，晚上她帶我們來這裡吃飯，她説她經常來這裡，又平又好吃，是街坊們的飯堂。8點左右來到，餐廳9成滿座，真的很多街坊來吃呢！幸好不用等位！一坐侍應遞上menu,有接近20 pages!! 選擇超多，除了一般牛肉麵、肉燥飯，還有酸辣涼伴小食、泡飯、牛扒、鹵味、醉雞、窩夫、芋圓等等⋯⋯有選擇困難的人會不知從何入手！先來一些前菜🔸涼伴貓耳朵 ($28)木耳很爽口，酸辣汁不是太辣，偏酸，醒醒胃。🔸軟殼蟹芒果米紙卷 ($68)連越南菜也有！厲害！米紙卷的皮煙韌，中間包著有沙律醬炸軟殼蟹、芒果肉還有青沙律，也是一個很開胃的前菜！🔸醉三小 ($88)醉三小有醉鴨舌、醉豬手和醉雞，都很香酒味，其中我最喜歡鴨舌，很入味！豬手爽口，醉雞反而不是太入味。🔸忌廉芝士磨菇雞翼肉燥飯 ($68)這個雞翼有驚喜，內裡饟入芝士和蘑菇，再炸成金黃色，咬開有芝士流出，很好吃！不過肉燥飯的肉燥份量稍為小了一點。🔸紅燒半筋牛肉麵 ($65)牛肉麵是我的最愛，可選粗/幼麵，我們選了粗麵。先喝一啖湯，湯底很濃郁！麵煮得剛好，煙韌有咬口！這碗麵的牛肉份量十足，有兩大條牛肉，還有三、四條牛筋，牛肉很腍很入味，入口化開。牛

今日約左個好耐無見嘅朋友見面，就一齊決定揀間好啲嘅餐廳食個飯傾下計～ 九份•十分 絕對係一個選擇！個陣係午餐時間，餐廳都算多人，不過好快就有位～餐牌裡面有好多選擇，小食、面、飯、甜品、飲品⋯花多眼亂！首先嚟左兩杯飲品，分別係oreo珍珠奶茶+奶蓋綠茶加珍珠本身唔鐘意太甜，所以叫左微糖，甜度剛好，亦有oreo味呢杯個奶蓋好濃好滑好香！之後嚟左椒鹽三兄弟（雞脾菇、魷魚、雞軟骨）個人比較喜歡魷魚，好大條！另外兩款小食嘅數量都好多，最後食唔哂添！仲有好多味粉午我地揀！個人最喜歡紫菜粉&原味～主菜嚟啦，就係牛肉粗面～牛肉數量多，又入味又淋，好好味！仲叫左個擔仔面，細細碗，份量剛好蛋餅就唔夠熱，但都足料嘅！咁多野，每人埋單先$120，真係好抵食！下次一定會再嚟！

有朋友試過「九份 十分」十分推薦今晚就帶埋男朋友一齊試下餐廳環境寬敞店內有一幅特色壁畫牆 好似令你置身台灣一樣餐牌選擇非常多元化飲品有超過20、30款！總有一款啱你心水食物都有不同小食、主菜、甚至甜品都有每樣都有圖片參考非常細心👍🏼紅燒牛肉麵 $65可以選擇粗麵/幼麵今次我揀左粗麵，鍾意有口感d店員提醒個湯底係微辣，好貼心☺️牛肉有三大塊 份量足夠同朋友share都無問題，一定食得飽湯頭好鮮甜，原來係用大量牛骨熬製的確有點小辣，但綜合埋酸菜便顯得更有層次芭樂鳳梨鹽水雞 $62雞肉很嫩滑、去了骨很易入口配上酸酸甜甜既菠蘿 以及番石榴清新開胃！三者配合得天衣無縫！酒醉一口吉品鮑 $128鮑魚好入味，酒香撲鼻6隻既份量剛剛足夠兩個人食咬落去爽口、一口份量很滿足👍🏼鹽酥三兄弟 $78分別有雞軟骨、魷魚鬚、杏鮑菇一次過可以試到三種食物啱曬d眼闊肚窄既為食貓😋😋餐廳備有6款調味粉你可以自己隨意添加，餐廳會預先曬上原味芒果軟殼蟹米紙捲 $68有6大件捲物軟殼蟹係新鮮即炸、入口依然熱辣辣，脆卜卜芒果、青瓜絲、生菜、沙律醬、軟殼蟹、軟糯既米紙卷完美既組合😍😍😍感覺非常健康，口感層次又豐富！蜂蜜菊花薑蜜 $

今晚同朋友去開天水圍比我地搵到呢間「九份•十分」台灣菜我超鐘意又令我想起之前去台灣旅行的日子。我還記得第一次去九份落超大雨，哈哈！店裏牆上貼滿台灣既postcard，好特別呀！記得之前我去台灣旅行必定會買postcard寄比朋友。今晚我同朋友叫左：鹽酥三兄弟 $78三款口味有雞肶菇（左）、魷魚酥（中）、雞軟骨（右）最特別係雞肶菇，估唔到咁好味，炸得岩岩好，唔會太乾，咬落去好juicy櫻花蝦高麗菜煎蛋餅（海山醬） $58裏面有芽菜、紅蘿蔔絲、椰菜。裏面有好多菜，唔會太漏，蛋味濃郁，超正！芒果軟殻蟹米紙卷 $68個皮煙煙靭靭咁，配合芒果好清新，軟殻蟹超脆，仲有生菜，沙律醬，層次好豐富，感覺好特別，好fresh。旁邊仲有好多沙律菜，好健康，so green!蚵仔肉碎泡飯 $58有蠔有蜆，有肉碎，蔥，芫茜好香，好好味呀！唔會太咸，食完唔會好口渴。份量仲超多添，好抵食！甜品：芋圓珍珠雙色冰淇淋鬆餅 $58好特別！好少有芋圓、珍珠、窩夫三樣合一的甜品超正！好好味呀！雪糕係香芋同雲尼拿味👍🏻又有我至愛的芋圓及窩夫👍🏻👍🏻飲品：熱珍珠奶茶 $22維多利亞的秘密 $52野莓沙冰，好濃郁莓既味道，超大杯，

行完山肚餓，事事旦旦找一間都好食啦～見咁多人讚應該無死錯啦～點知今次真係中伏紅燒牛肉麵-唔好食湯底可以話係無，牛肉3舊有兩舊又鹹又靭真珠奶茶-唔好飲真珠硬，奶茶過甜又無茶味完